Kab mob ua kaub puab paug tawv nqaij

Dab tsi yog impetigo?
Impetigo yog ib yam mob ua paug los yog ua
kaub puab ntawm tej tawv nqaij. Nws kis yooj
yim heev los ntawm qhov uas kov cov kiav txhab

Kho qhov mob impetigo li cas?
Ntxuav nrog xab npum thiab dej ib hnub ob
peb zaug yog thawj qhov kev kho. Tej zaum
kuj yuav tau xaj tshuaj tua kab mob phaug (noj
los pleev) los tua cov kab mob phaug no.

Kuv yuav tiv thaiv qhov kis cov mob impetigo li cas?
Ntxuav thaj tsam mob ib hnub 4 zaug nrog dij
sov kua xab npum, kom tshem tau cov kaub
puab thiab kua yig ntawm cov hlwv.

Khaws koj tus me nyuam cov phuam txuav
muag thiab phuam da dej rau nws ib qho txhob
xyaw rau tas nrog lwm tus cov phuam.
Koj sim siv tau cov xab npum los tshuaj pleej
kab mob phaug uas yauv tau tom tej khw kom
txog thaum koj tham nrog tus nia mom hauv
chaw kho mob.
Txiav thiab ntxuav koj tus me nyuam cov rau
tes. Tej zaum koj kuj yuav tau looj thom
khwm los yog hnab looj tes rau koj tus me
nyuam ob txhais tes kom tiv thaiv tau qhov khawb.
Siv cov tshuaj antibiotics raws li qhia.

Thaum twg kuv tus me nyuam thiaj
rov qab mus tau hauv tsev kawm
ntawv los sis chaw zov me nyuam?

Cov mob impetigo kis yooj yim heev. Koj tus
me nyuam yuav tsum nyob tsev kom txog 24
teev tom qab siv tshuaj antibiotic. Yog tsis siv
ib yam tsuaj tua kab mob phaug li no ces, koj
tus me nyuam yuav tau nyob hauv tsev kom
txog thaum cov kiav txhab qhuav tas thiab tsis
ua kaub puab lawm tso.

Thaum twg thiaj tsim nyog kuv hu chaw kho mob?

· tsis zoo kiag li
· ua npaws los sis mob qa
· liab ntxiv los sis ncus nruj ntxiv
· ua kab pleb ze ntawm qhov mob
· lwm tus neeg hauv tsev mob ib yam thiab
· qhov mob ntau thiab loj ntxiv tom qab 2 hnub

Lus nug?
Daim ntawv no tsis yog hais rau koj tus me
nyuam xwb, tab sis qhia rau tag nro sawv
daws. Yog koj muaj lus nug, thov hu rau chaw kho mob.
Rau tej ntaub ntawv nyeem ntxiv txog qhov no
thiab lwm yam mob/kev noj qab haus huv,
thov hu los yog mus saib ntawm Lub Chaw
Loj Pab Tsev Neeg lub Chaw Cia Ntawv los
yog mus saib peb qhov Web site:
www.childrensmn.org.