TXHIAJ TEEB MEEM ( txhiaj txhais )
01. thaum nkees ces pw da cuj ca, thaum nquag ces noj tas peb roob peb ha, koj twv nws yog dab tsi?.
== kuv twv mas nws yog = Rab taus.
02. ib tug maum npuav qhuav tuag puag nram kwv ha, yim tshum yim ua pa, koj twv nws yog dab tsi?.
== kuv twv nws yog = lub foob xab.
03. kuv hais lus ntawm qhov ncauj, hnov txog puag tim hav tauj, koj twv nws yog dab tsi?.
== kuv twv mas nws yog = lub phij kawv txais suab (vib thab nyub ).
04. thaum nkees ces nyob qi muag nti, thaum nquag ces sawv tsees tham luag ntxhi, piav txog sab ntug niaj puag tim I , koj twv nws yog dab tsi?.
== kuv twv mas nws yog = lub xov tooj cua xa suab (Radio station ).
05. tham thoob nriab teb, cuag tuaj zaum ua ib tsheb, tham thoob vaj tse, cuag tuaj zaum ua ib ke, koj twv nws yog dab tsi?.
== kuv twv mas nws yog = nyob hauv Internet
06. ib tsob hmab, hauv paus cog puag nram pas zaj, ntsis cab mus txog rau qab ntuj, tsis muaj nplooj nws ho tawg paj, koj twv nws yog dab tsi?.
== kuv twv mas nws yog = lub teeb taws roj.
07. tsuam nees nra, suav nees hneev, nees pheej ras dhuj dheev, koj twv nes yog dab tsi?.
== kuv twv mas nws yog = luj rab kis lus.
08. tuaj kaus tsis tuaj kub, ris hnab ris seev lawm ntuj dub, tuaj kub tsis tuaj kaus ris hnab ris seev lawm ntuj tsaus, = koj twv nws yog dab tsi?
== kwv mas nws yog = tus roob ris thiaj tus qwj yeeg.
09. wb tham taug wb txoj kab txoj kev, wb sawv piav yeev hauv luag vaj luag tsev, = koj twv nws yog dab tsi?
== kuv twv mas nws yog = nws yog saiv TV.
10. ntsej luaj ntxuam hos muag luaj nkhob, hmo ntuj ces zaum tib pob, koj twv nws yog dab tsi?.
== kuv twv mas nws yog = tus noog plas.
11. noj tsau ces quaj nrov awg, ya plaws dua ntais qab ntuj kawg, tshaib plab ces pw ua pawg yawg, koj twv nws yog dab tsi?.
== kuv twv mas nws yog = lub dav hlau.
12. thaum nkees ces pw da cuj ca, nas noog ua zes tas, thaum nquag ces khiav lig pes nqas, koj twv nws yog dab tsi?.
== kuv twv nws yog = lub tsheb.
13. thaum pw ces pheej ua ua qaj, thaum sawv ces luag tsheej zaj, koj twv nws yog dab tsi?.
== kuv twv mas nws yog = lub tsheb muas taus.
14. ib txhais tes, ib txhais taw, nws kuj mus txog chaw, koj twv nws yog dab tsi?.
== kuv twv mas nws yog = lub tsheb kauj vaj.
15. ib niag zaj laug, tuaj kub tuaj kaug, ib lim piam twg nws tuaj sau se lawm ib zaug, koj twv nws yog dab tsi?.
== kuv twv mas nws yog = lub tsheb thauj khoom seem txeej.
16. nyob tsheej hnub zaum tsheej hli, muaj caij nws pheej txawj hais lus ntxhi, koj twv nws yog dab tsi?.
== kuv twv mas nws yog = lub xov tooj ( telephone ).
17. thaum nkees ces zaum tib pob dub nciab, thaum nquag ces ncig yeev mus nrog luag noj txhu, noj tsiab, mus txog luag khw, luag kiab cuag li nyob rau ib lub ntuj tshiab, koj twv nws yog dab tsi?.
== kuv twv mas nws yog = yog saib yeeb yaj duab, los yog moves.
18. ib tug txiv nraug suav, tsis txib ces nws pw li zuav, txib ces nws khiav khawv khuav, koj twv nws yog dab tsi?.
== kuv twv mas nws yog = tus cwj mem.
19. nce toj zog loj, nqes hav zog nchav, ntes ntho poob nthuj nthav, koj twv nws yog dab tsi?.
== kuv twv mas nws yog = tus ntses.
20. nqes hav zog nchav, nce toj zog loj, xuas tes kov nplua li roj, koj twv nws yog dab tsi?.
== kuv twv mas nws yog = tus ntses.
21. ib kuag tooj, ib kuag ntoo, seev yees tuaj lub lub zoo, koj twv nws yog dab tsi?.
== kwv twv mas nws yog = lub thaj cheej ( guitar ).
23. koj txhiaj ces kuv txhais, koj tuav ces kuv hlais, nws yog dab tsi?.
== kuv twv mas nws yog = hlais zaub nyuj.
24. peb tug kwv tij koom ntoo ib txoj phuam, nws yog dab tsi?.
== kuv twv mas nws yog = lub kos
25. ntswg liag puag qe os, nws ntog mus ntog los, nws yog dab tsi?.
== kuv twv mas nws yog = lub ntsiab qhov muag.
26. rauv taws puag nram tiaj, pa ho tshwm puag pem looj hiaj, nws yog dab tsi?.
== kuv twv mas nws yog = tus yeeb nkab.
27. tsis hliav los nws yeej txawj ntse, nws yog dab tsi?.
== kuv twv mas nws yog = tus pos.
28. tsis zas los nws yeej txawj liab, nws yog dab tsi?.
== kuv twv mas nws yog = kua txob.
29. txiv nthe nqho ces tub lawm hlo, nws yog dab tsi?.
== kuv twv mas nws yog = rab hneev.
30. tuaj deb ntsia ces nws yog ib rev paj, mus txog ntua mas qw li qw thiab ntsaj li ntsaj, nws yog dab tsi?.
== kuv twv mas nws yog = lub taub nkawj.
31. Tuaj deb ntsia yog tus txiv heev nyuj liab, mus txog luj tsis muaj peb fiab. Nws yog dab tsi ? .
== kuv twv mas nws yog = Tus Ntsaum liab
32. muag tsis pom, ntes tsis tau coj los kwv, thaum nws tuaj yus kuj ho hnov chwv, yog dab tsi?.
== kuv twv mas nws yog = nws yog cua xwb.
33. thaum nkauj see nquag ces seev lub me suab laus ntxuag lub me suab soob, thaum nws nkees ces nws tsis xav qhoob, nkauj see rov nkag mus pw hauv raj xyoob, koj twv nws yog dab tsi?.
== kuv twv mas nws yog = Rab ncas.
34. hais puag pes ncauj, nrov puag nram qab, tawg paj cuag li paj hmab, txi txiv cuag li txiv qhaib xyab, yim hais yim khu siab, koj twv nws yog dab tsi?.
== kuv twv mas nws yog = tshuab qeej.
35.qhov rooj qhib lawm tsheej phab, qhov muag cig lawm tsheej kab koj nyob rau nruab nrab , nws yog dab tsi?.
== kuv twv mas nws yog = lub dav hlau ( air plane ).
36. muaj peb tug kwv tij koom tsav ib lub dav hlau tsis muaj leej twg raws tau, nws yog dab tsi?
== kuv twv mas nws yog = lub moos.
37. cab hmab nruab deg ho tawg paj tim ntug, nws yog dab tsi?.
== kuv twv mas nws yog = taws teeb roj.
38. dej tob yog nws chaw nyob dej ntia yog nws chaw dhia, nws yog dab tsi?.
== kuv twv mas nws yog = tus ntses.
22. ib ruam muaj li ib zeg liaj, nws ho nce nto plaws ib lub zeeg tiaj, nws yog dab tsi?.
== kuv twv mas nws yog = nce ntaiv.
39. ib txhais tes ib txhais taw nws kuj txawj mus txog chaw , nws yog dab tsi?.
== kuv twv mas nws yog = lub tsheb kauj vab
40. nws pw tsheej hnub nyob tsheej hli nws kuj txawj hais lub ntxhi , koj twv nws yog dab tsi?.
= kuv twv mas nws yog = nws yog looj keeb kav ( Telephone ).
41. nws tsis tshuav leej twg nqi, neeg pheej muab nws pob tw khi, nws yog dab tsi?.
== kuv twv mas nws yog = rab koob.
42. nws tsis tshuav leej twg li nuj, ua cas neeg pheej muab nws pob tw npuj, nws yog dab tsi?.
== kuv twv mas nws yog = rab txaug.
43. ib tug txiv nees dub, nws ris ib cev hnub qub, nws yog dab tsi?.== kuv twv mas nws = rab teev.
44. muaj ib lub qhov tsua mas nws muaj ib tug choj, ib tog ruaj cag hos ib tog ho txawj yoj, nws yog dab tsi?.
== kuv twv mas nws yog = tus nplaig.
45. rauv taws puag nram roob, dej hos npau puag nram kwv ha, pa ncho tawm puag pem roob tuag no, txhia leej txhia tus nco, tau noj lawm yeej tsis xav tso, koj nws yog dab tsi?.
== kuv twv mas nws yog = lub yeeb thooj.
46. nruab hnub ces nyias fee nyias das tag lawm ho hmo ntuj ces nkawd ho rov los pw ua ib txag, nws yog dab tsi?.
== kuv twv mas nws yog = daim txiag qhov rooj.
47. Tawg paj saum yaj, txi txiv nrruab yeeb. Yog dab tsi ?
== kuv twv mas nws yog = Txiv Laum-huab-xeeb
48. Tus maum npua qhuav tuag nram kwj-ha, uab lag ncaws nqa ncaws nqa. Yog dab tsi ?
== kuv twv mas nws yog = Tuav ncuav ,
49. Muaj tis tsis muaj txha, ya taug kwj-ha, muaj txha tsis muaj tis nws ya luj lis, koj twv nws yog dab tsi ?
== kuv twv mas nws yog = Tus Qaus-liv
50. Tuav nees txoob, taug nees hneev. Nees pheej ras dhuj dheev, koj twv nws yog dab tsi ?
== .kuv twv mas nws yog = Luj teev .
51. yuav noj yeej tsis nroo, yuav haus ces taug lw loo, tsis noj ces pw qhov ntoo . koj twv nws yog dab tsi ?
== . kuv twv mas nws yog = Rab Teev .
52. Txiv yawg txiv qas tsi, plaub teg plaub taws khi. Yog dab tsi?
== kuv twv mas nws yog = Lub Tsuav ntxaij qha nqaij
.
53. thaum tshaib plab ces pw ua pawg pes yaws noj tsau ces quaj nrov awg dua qab mus ntuj kawg. Koj twv nws yog dab tsi ?
== kuv twv mas nws yog = lub dav hlau.
54. Nyuj nqov tim dawm, mus txog tsis pom lawm. Zoo li muaj xyw, kuj ho hnov nws tsw, koj twv nws yog dab tsi ?
== kuv twv mas nws yog = Tso Paus .
55. ib tug txiv nyuj, tsis caij tsis noj zaub, yim caij yim noj zaub, koj twv nws yog dab tsi?.
== kuv twv mas nws yog = rab vuv nruam nplej.
56. ib tug txiv yawg laus, noj tsau ces nws zaum taus hos tshaib plab ces nws pw ntog xwb, yog dab tsi?.
== kuv twv mas nws yog = lub seev.
57. tuaj tsim pom qab rov tsis pom lw, nws ncig yeev mus nrog luag kav kiab kav khw, nws yog dab tsi?.
== kuv twv mas nws yog = lub TV.
58. npua ntsaj ntsaj ces npua chaws qhov vaj, nws yog dab tsi?.
== kuv twv mas nws yog = lub nqos ntos ntaub ntos xov.
59. tsis yog tooj tsis yog hlau, ho rho ntaj riam txiav tsis tau, nws yog dab tsi?.
== kuv twv mas nws yog = dej xwb.
60. puab ncuav ziab hnub hli, tsis muaj leej twg noj li, nws yog dab tsi/.
== kuv twv mas nws yog = paj noob hlis.
61. muaj nplooj tsis muaj ceg, txi txiv ua plhe leg, nws yog dab tsi?.
== kuv twv mas nws yog = txiv tsawb xwb.
62. kuv niam ho siab, koj niam ho qis, kuv niam muaj koj niam rov quav nris, nws yog dab tsi?.
== kuv twv mas nws yog = nphau mov fob xwb.
63. tuaj deb hnov suab laus ntxuag lub suab soob, seev yees cuag li nuj sis loob, mus txog nws yog ib tsuag niag xyoob. Koj twv nws yog dab tsi ?
== kuv twv mas nws yog = Rab Qeej .
64. Tus poj-qaib dawb tuag nraum kwj-tse, txhia leej txhia tus pe. Yog dab tsi ?
== kuv twv mas nws yog = Lub zeb-ho, hov riam .
65. Dub li hlau, nplua li ntseg, muab tsis tau luag hes hes. Yog dab tsi ?
== kuv twv mas nws yog = tus dev mub.
66. Muaj ob lub txiv liab liab nyob saum hauv tsua, xav noj ntshai tsam xob tua. Yog dab tsi ?
== kuv twv mas nws yog = Poj niam ob lub mis.
67. nruab hnub muab yej yaws tas, hmo ntuj ces yej mag tau ib pab niam txiv tub nas. Koj twv nws yog dab tsi ?
== . kuv twv mas nws yog = Daim Pam vov.
68. Nkauj see seev seev nkauj see poob qhov nrheev. Yog dab tsis ?
== kuv twv mas nws yog = Rab Ncas.
69. Poj-suav nyob qhov taub, poj suav qhov quav tuaj plaub. Yog dab tsi ?
== kuv twv mas nws yog = Lub Hauv-paus Dos.
70. Tsuj dev tw, dev quaj qw quaj qw. Yog dab tsi ?
== kuv twv mas nws yog = Tuav Cos.
.
71. Noj ntawm tav, tshwm ntawm ncauj. Yog dab tsi ?
== kuv twv mas nws yog = yog haus Yeeb-thooj
72. Tsis zas txawj liab, tsis hliav txawj ntse. Yog dab tsi ?
== kuv twv mas nws yog = Lub Kua txob
73. Tuaj deb ntsia zoo li lub kaus, mus txog yog ib pawg noob qaus. Yog dab tsi ?
==. kuv twv mas nws yog = ib tsob txiv-taub-ntoos
74. Tug niag khem khuas luas, tshuav lub plawv dhia rhuj rhuas. Yog dab tsi ?
== kuv twv mas nws yog = Tus Noog nyob hauv tawb.
75. Peb tug kwv-tij koom ib txoj phuam ntoo. Yog dab tsi ?
==. kuv twv mas nws yog = Lub Kos
76. Kaj ntug puav da dej, tsaus ntuj puav dai ncej. Yog dab tsi ?
== kuv twv mas nws yog = Txoj Phuam ntxuav muag
77. Muaj nplooj tsis muaj ko, txi txiv plhe hlo. Yog dab tsi ?
== kuv twv mas nws yog = Lub Txiv-puv-luj
.
78. Tid los khi, tod los khi, nruab nrab, ces peb cov txiv tub hiab vab tshaus ua si. Yog dab tsi ?
== kuv twv mas nws yog = Kab laug sab lub tsev.
79. Tid tsua tid tsua, dhia plhaw txij dua. Yog dab tsi ?
== kuv twv mas nws yog = Lub Ris
80. Noj ntawm ncauj tswm ntawm tav, nws nto aub ncaug poob nthuj nthav, koj twv nws yog dab tsi ?
==. kuv twv mas nws yog = Lub Zeb.
81. Rauv taws nram tiaj, ncho tsawv pem looj hiaj, tau noj lawm yeej tsis nco ntshaw kub ntshaw nyiaj, koj twv nws yog dab tsi ?
== kuv twv mas nws yog = Tus Yeeb-nkab.
82. Ib lub yias thawj-tsheb nyob tom hav zoov dai ncuv, los nag peb hhub peb hmos tsis puv. Yog dab tsi ?
== kuv twv mas nws yog = Lub Zes Noog.
83. Ib tug phaw twm tuag nram kwj-ha, yim tshum yim ua pa.Yog dab tsi ?
== kuv twv mas nws yog = Lub Foob Xab.
84. Ib tug qav kaws, noj tas peb roob.peb ha taws. Yog dab tsi ?
== kuv twv mas nws yog = Lub Qhov txos.
85. Me me li lub qhov muag ntses, noj.tas toj roob hauv-pes. Yog dab tsi ?
== kuv twv mas nws yog = Tus qws ntais ntawv
86. Ob tog yog tw nab, qhov muag nyob hauv qab plab. Yog dab tsi ?
== kuv twv mas nws yog = Phob Tsig cuab Noog.
87. hau muaj cuaj fiab, taw ntev muaj cuaj dag, nrom nroos mus rau zaj pag. Nws yog dab tsi ?
== kuv twv mas nws yog = Lub Vas ntau Ntses.
88. Leej txiv nthe nqho, leej tub llawm hlo. Yog dab tsi ?
== kuv twv mas nws yog = Rab Phom, rab hneev.
89. Tawg paj ua me yaj txi txiv ua me ncw, noj los qab, hnia los tsw ` Yog dab tsi ?
== kuv twv mas nws yog = Lub Noob hnav.
90. Thaum mus luaj tus zuam, thaum los luaj tais vuam. Yog dab tsi ?
== kuv twv mas nws yog = Lub Paj Hnub-hlis.
91, tsib tug kwv tij koom tshuab ib rab qeej, tawg ob ncig mus, ib ncig los ncauj qeeg qhib plho, txhua tsav txhua yam nyob tag nrho, ua pawg pes yos, koj twv nws yog dab tsi?,
= kuv twv mas nws yog = lub nruas phoo tig zauv xwb,
92, tshav ntuj ces qaib nte, tsaus ntuj ces neeg hle, tshav ntuj ces qaib ntsauv, tsaus ntuj ces neeg pauv, koj twv nws yog dab tsi?,
= kuv twv mas nws yog = lub teeb taws kom zov rau qaib,
93, ob sab nqog npo, ncauj noog ncaws lis nco, txhua tsav txhua yam khov li kho, koj twv nws yog dab tsi?,
= kuv twv mas nws yog = muab nruas phoo xauv qhov rooj,
94, tav su, tsaus ntuj, sawv ntxov, txhua leej txhua tus zov, dua caij dua nyoog tsis muaj neeg kov, koj twv nws yog dab tsi?,
= kuv twv mas nws yog = lub qhov cub ua mov noj,
|
Home
