Lojleeb lub Tsev qhia txuj

Kuv tsi paub hai tias yog lawv muab lub tswv yim no qhov twg lo, thiab ua li pua yuav muaj tseeb tiag Vue Pov Xyooj no nyob MN teb chaws American yog li nej pua yuav ntseeg thiab lo yog yeej ntseeg? Kuv tus kheej ces tsi paub yuav txiav txim li o. Kuv lub siab xav ces yog American thiab Fablis mus rau Australia nrog rau English lawv cov no lo hai kom muab ib qhov chaw rau hmoob ma hmoob thiajli yuav tau ho yog yuav siv lus saub xwb ces kawg tsi tau noj li laus.

Nyob zoo Lojleeb,

Zaum no muaj neeg sawv saub coob li coob, txawm pom kiag video li nov los yus hais tssi tau tias tseeb los cuav li. Cov duab, tus tswv hais tias yog Phra Phouthachao muab li ntawd rau nws, tab sis yus kuj ntseeg tsis tau tias puas yog tiag, los yog cov neeg kos duab keej kos rau nws? Cov lus mas yeej muaj kuab muaj paus ntsis kawg, tab sis neeg ntse npaum saub lawm, yus tsis paub qhov twg rau qhov twg? Yog qhov tseeb? Qhov kuv xav tssi tag mas nws tso chaw nyob thiab Bank kom cov xav pab nyiaj xa tau rau nws. Tsis yog kuv yuav thuam nws, tab sis yog muaj tseeb tiag los qhov tseeb yuav ua tsis tau cuav, qhov cuav yuav ua tsis tau tseeb, kuv thov nws zam txim rau kuv thiab. Yog tseeb tiag ces yeej yuav tseeb mus xwb. Yoog yim heev uas muaj ib lub tswv yim hais tau ib cov lus zoo lus txhawb Haiv Hmoob lub siab xwb, txawm siv sau nyiaj ua ntej kiag mas txawv hee. Ib yam li Neeg Siv Yis, zoo tib yam nkaus, ua tsis muaj paus ntssi, kuj sau tau neeg nyiaj ntau kawg coj mus ua tej yam tsis muaj qab haus li. Kuv pom tau tias NEEG ntshaw hwj chim, meej mom, nplua nuj, txawm yuav muab Tswv Ntuj lub npe muag noj los yeej tssi ntshai txhaum li.

Lojleeb thiab LiajNtsu, Yog neb ho paub dab tsi txog qhov nov, thov neb piav meej me ntssi rau kuv paub puas tau?

Ua tsaug.

KZKZ, hi txog qhov nov ma kuv tsi paub li nawb vim kuv mus pom hauv youtube xwb kuv saib tag zoo li nws ua rau kuv txau siab heev kuv thiaj li muab rau koj kom koj ho pom thiab xwb. Tsi tag li Vue Paov Xiong kuv tsi paub hai tia yog Vue los yog Xiong, tsi paub lub xeem yog xeem twg tiag. Kuv yeej ntseeg heev thiab ma vim nws piav tau zoo thiab cov lus thaib sau tau zoo kawg ho lus American los sau tau meej heev txawm tus Dr. kiag lo twb sau tsi tau cov lus li ntawd yog li no kuv tseem mloog saib pua yuav hnov txog rau qhov txhia chaws.

Lojleeb,

Yog kawg kuv los yeej pom cov lus nov thoob tsib heev, tab sis yuav tos seb yog dab tsi tiag.

Hahahah...! Koj twb txawj saib nev...Koj kuj nug seb yog tsav tsim nuj dab tsi? es ho qhia peb paub thiab os.

Oyoooo.....Hmoob mas yom, cas yuav txawj ntxias nyiaj ua luaj li lauj, ntxias ntxias ntxias tib neeg nyiaj tsis tau txaus ces zaum no ho yuav siv kiag neeg txom nyeem lub koob npe los ntxias nyiaj hauv internet dua thiab lauj, peb txhua tus twb raug Hmoob thaib ntxias nyiaj nyob internet lawm, yuav tsum zeem thiab nawb. Yog tias leej twg ho muaj muaj nyiaj es khav ua neeg siab zoo zoo no ces cia li xa nyiaj twj ywm mus pub rau lawv xwb txhob qhub qhub xas nas ntxias nyiaj , tsam lawm hnub dej kub dej npau hlawv ces tej nyuag nyiaj txiaj sau tau hauv ntiaj teb no pab tua tsis tau hluav taws os.

Koj yuav ntseeg koj tus Huab Tais ib leeg xwb, koj yuav tsis muaj lwm tus huab tais. Tswv Ntuj tsuas tso nws leej tub los ib zaug ua tus cawm seej xwb, yuav tsis muaj lwm tus cawm seej los ntxiv. Tswv Ntuj yuav tsis tso nws leej tub los ris neeg lub txhoj txhua zaus. Yog tus tsis ntseeg ces kav tsij lawm dab phem teb, yog tus ntseeg ces txhob qaug rau luag tej saub cuav, saub ntshaw nyiaj thiab saub mob hlwb.

Kuv yeej tsis ntseeg Hmoob tej niag saub cuav nyob hauv cov video kiag li. Mab Sua twb muaj saub cuav coob tshaj, lawv tseem keej dag tshaj Hmoob es lawv twb ntxias tsis tau nyiaj ntau mus ua tus tsav num tseem ceeb dab tsi. Yog Hmoob tseem txom nyeem tsis tau txaus no ces kav tsij mus twv luag tej nom tej tswv seb luag puas yuav muab Hmoob tsa ua Huab Tais kav ntiaj teb.

Hais txog peb tus Txiv Vaj Qhia Pope Benoit16 mas nws yeej tsis lam quag yooj yim rau tej niag video no , Medjugorge uas twb yog ib lub teb chaws tam sim no nto koob nto npe tim txoj kev dag saub cuav los tau 30 tawm xyoo no lamw los Pope Benoit16 twb tsis kam lees kiag tias yog tuaj ntawm Huab Tais Ntuj tuaj. Hmoob tej nyuag dog dig no xwb mas haj yam yuav ntxias tsis tau Benoit16, txhob lam siv luag tej npe rau tej video tsis muaj qab hau no cas yuav pab Hmoob txaj muag ua luaj.

Yog Hmoob xav mus thab nom tswv Huab Tais Thaib thiab nom Tswv Nplog ,kom lawv rov muab Hmoob tua kom coob me ntsis ntxiv no ces rau siab dag ntxiv nawb yog tsis tau txaus.

Sau Npe tsis txhob qaug luag ntxias.

Tus neeg tuaj tso cov video saum toj no rau hauv Youtube twb tsis muaj cuab kav tso kom luag hais tau ib lo lus rau nws kiag li, yog li ntawv nws yeej paub tseeb tias nws dag, nws ntshai tsam luag hais tuaj ces nws yuav swb, nws thiaj muab nws tej video désactivé txhua nrho cov lus Meskas , lus Hmoob, lus Thaib huv si...zoo li no xwb, nej tseem ntseeg tias muaj qab hau diam? txhob mus raws lawv qab mloog tsam yus cia li mag nrog lawv dawb dawb lawm thiab. Yog muaj neeg mus taug xaiv rau nom tswv thaib tias Hmoob nim ua tus muaj muaj saub yuav sawv los kom nom tswv thaib thiab nplog peb hawm ces Hmoob kawm yuav yuav mag hlawv dua, cas yuav mus khaws tawv ua luaj lau Hmoob na, tau zoo nyob tsis nyob twj ywm txhob mus txob txob tsam mag qhov taub ces ho yuav mus kwv dua tsheej daim paib los tsis muaj neeg quav ntseg tig mloog Hmoob dua os.

Muaj tus puav tuaj pom lawv nkag tau mus rau ib daim video, lawv mus sau me me li cov hauv qab no rau xwb los tus neeg tso cov video sauv twb nsthai nsthai poob plig tag twb muab lawv tej ntawv delecte tag li lawm sub sav.


Exemple:


koobpheejlis :

This is a home make God brother Vue Pao Xiong. You are wrong brother.

One day you will be punished by our real God brother.

----------------------------------------------------


leeamessage:

the center of the earth is where enoch built the great pyramid and that pyramid is not in thailand. the savior in india is not the same savior as Jesus in isreal, and the next one will not be in thailand. i do not know wat message the savior in india preached, but this "message" contradicts the message Jesus brought. this is just deceit and more confusion for ppl.

Nyob Zoo Kzkz thiab Tsis,

KZkz, koj hai tias ua li kuv twb paub ned ua li kuv ho xav li ca? kuv teb koj hai tias, kuv ho tsi paub li lawv, kuv li yog kuv siv lub mind lo think lo yog xav saib lub mind yuav tig li ca xwb thaum lub mind tsi pom dab tsi thiab xav tsi twm dab tsi lawm ces tseeg tau hai tias tsi muaj dab tsi li xwb. Yog thaum us nyob twj ywm focus rau yus txoj kev xav lawm ces nws muaj tsi zoo li qhov u xav xwb ces thaum no kom u xav li ca lawm ces nws muaj tej qhov raug li u xav lawm tab si yuav tsi yog 100% yuav tsi yog tag tag. Kuv li ma yog li ntawd xwb kuv ho tsi paub li lawv thiab pom li lawv. Lawv li ma yog hai txog lub ntuj lo yog ntiaj teb tib neeg lawm ces kuv tsi paub.

Kuv xav hai tias u twb yog ntuj tsim yus lo lawm es u ho ua tsi tau ntuj lo nag ua tsi tau kom xob tuas ua tsi tau kom av pob los yog hluav taws kub ces tej nov yuav tsi tseeb lawm. Yog hai tias yog tib neeg yus xwb ces yeej tsi muaj hwj chim baum li ca.

Yog kuv txawj hai baum li nov ma kuv xav siv nyiaj ma kuv tsi kom neeg support kiag kuv cev tes xwb nyiaj tom lawv tej bank cia li yas cuag blooj ntoos lo rau kuv siv xwb tsi tag yuav thov neeg donation kiag qhov kuv kev xav yog li no xwb.

Ua neb ob tug phooj ywg tsaug ntau o.

Lojleeb,

Kuv tsis yog hais tias koj yuav hais cov lus Saub li lawv cov nov, yog kuv hais tias koj twb txawj saib thiaj es yog li koj "Saib lawv qhov nov seb yog dab tsi tiag no xwb". Ib yam li kuv pheej kom koj saib rau kuv cov txheeb ze naj...

Lojleeb, lawv cov lus mas kuv yeej tsis thuam kiag li nawb, yeej hais tau zoo heev lawm ntag. Tab sis qhov uas kuv pom tias txawv tshaj plaws mas Nyuam qhuav pib tshaj tias Yawm Saub yuav nqes los Pheej Toj=pheej xeeb=muab kev thaj yeeb nyab xeeb rau ntiaj teb neeg, yuav faib ciam av liaj ia ua Hmoob tug, vim Hmoob tau txom nyem thiab tsis muaj ntswg liaj ciam av nrog luag no xwb es txawm siv sau nyiaj ua ntej lawm. Thiab tseem hais tias yog muab ua ntej thiaj tau txiaj ntsim thiab. Kuj txawv heev, yog ib tug CAWM SEEJ TWB POM TIAS NTIAJ TEB NEEG ZOO TSIS TXAUS YUAV LOS KHO THIAB HLOOV KOM ZOO TSHIAB TUAJ, UA CAS TWB TSSI TAU LOS TXAWM SIV NTAIM NYIAJ UA NTEJ LAWM? Tsis tag loi xwb, Yawm Saub, Phraphouthachao, raws li lus Thaib hais, nws nim yuav txawj siv neeg ntiaj teb cov nyiaj os? Yog tias yog ib tug Pheej Xeeb tiag, nws yuav tsis ntshaw txog nyiaj txiag ntiaj teb, qhov nws ntshaw thiab tos tshaj yog NEEG TXOJ KEV HLUB xwb.

Ahaaaaaaaaa, koj lo kuj xav li kuv thiab Tsis wb xav li thiab tiag. Yog u ua ib tug saub es tseem yov sau nyiaj thiajli ua tau saub ma nws tsi work vim txoj kev sau nyiaj ces yog kev liam kev dag xwb peb hmoob yeej pab lo yog txawb tej tswv yim no lo tau ntau tiam lawm tsi ua hauj lwm yog li no ma kuv lo xav ib yam li koj lawm ma KZKZ, koj lub tswv yim lo kuj tsawv tsi deb ntawm peb txiv neej lub thiab. Kuv tus kheej xav tej zaum yuav tsi muaj qab ntxhiab dab tsi tswm sim tau o.. tej nov ces yog kev ntsaws kev xav xwb yuav tsi muaj dab tsi nyob rau hauv ntiaj teb no es tus saub yuav ua tau txhua yam. Tsua yog tus pog tus yawg ua tsim lub ntiaj teb rau peb tib neeg nyob ma thiaj li yuav ua tau xwb dua li ces lam tham lawm xwb yeej yuav ua tsi tau.

Yog yuav ua tau ma yawm saub yeej muaj fwj chim es ua kom xob nroo los yog xob tua kom tau ib daim av rau hmoob nyob ma thiaj li yuav tseeg tau hai tias tseeb tiag yog tsi muaj li ntawd ces txhai tau hai tias tsi muaj qab hau dab tsi.

Ua tsaug rau koj thiab Tsis neb ob leeg nawb sib ntsib dua rau lub caij nyoog tshiab.

koojziagkabzaug thiab loj leeb.
neb puas tau pom daim duab thiab cov lus ntawm no ne yom.ntawm no yog vwj pov xyooj tshaj xo nrhiav niam nrhiav txiv.