kuv cov duab.

azerty wrote:

AZErty
Koj tuaj saib kuv los me kwv ntxawg.daim duab no ces yog ntawm kuv qaum tsev koj niam tij muab khawb ua teb me me li no.
tseem tsis tau cog dab tsi vim tam sim no tseem no heev.

KoobpovTxuj,

Kav liam os mog, yus txoj hmoo zoo li cas lam yuav li ntawd xwb mog. Xav los tsis raws li xav ces ua ib siab os nawb. Yog yam de tau ces muab tej niag txiab xeeb de kiag cuam nram khuav ha rau hnub coog hli kawg. Tab sis nim yog nyob nrog yus lub cev tshem tsis tau ces txhob xav ntau ntau es kav liam mog.
Ua tsaug uas nws lub nws tej vaj tsev, liaj teb thiab nws tsev neeg rau peb saib.

Koobpovtxuj nyob peb teb chaws no ces peb ua neej tsis tshau xws li nej ais peb tsis muaj av thiab tej, vaj tse dav li nej.

Koojziagkabzaug
Yog yuav hais mas nej cov nyob fab kis muaj nyiaj dua peb cov nyob USA tab sis yog nej tsis xav yuav tsev li peb xwb.
Peb los tsis yog yuav tsev tiag hos yog luab los ua nuj nqe them xwb.thaum yus them tsis taus ces tso tes plau li kuv hais kuv lub farm xwb mas.
Yus muaj muaj mob lawm yus ua tsis tau dab tsi li lawm tej vaj tse puas qhov twg los yog ntiav neeg tuaj kho rau yus lawm xwb.nag hmo kuv nyuam qhuav ntiav lawv tuaj vov tsev kim kawg thiab tiag.

Azerty.
Ntawm no yog nkias swm lub tsev nyuam qhuav mus yuav tau xwb tseem tsis tau mus nyob.
Lub tsev no lawv ua xyoo 2009 nyuam qhuav ua tau 4 xyoos no xwb.lub tsev no saib sab nrauv mas zoo li lub tsev me me xwb.
Tab sis nkag mus saib sab hauv no cas cov chav pw thiab chav nyob los zoo li kuj dav tsawv thiab ces nkawd kuj lam yuav.
Lub tsev no tsis muaj Av ntau txaus li siab xav thiab nyob rau qhov chaw ntxhab ntxhab ces tus nqe ho pheej yig zog .

Koobpovtxuj aw...! Cas yuav xwv nej ua luaj li os...! Zoo kawg nkaus, luag tsuas cav tias nyob tsev cuaj ceg no ces yog nej ntag lauj...! Tej lub tsev nyob khab seeb lug li no mas zoo heev, tsis muaj av ntau los thiaj tsis ua hauj lwm ntau rau yus. Zoo kawg li.

koojziagkabzaug wrote:

Koobpovtxuj aw...! Cas yuav xwv nej ua luaj li os...! Zoo kawg nkaus, luag tsuas cav tias nyob tsev cuaj ceg no ces yog nej ntag lauj...! Tej lub tsev nyob khab seeb lug li no mas zoo heev, tsis muaj av ntau los thiaj tsis ua hauj lwm ntau rau yus. Zoo kawg li.

Koojziagkabzaug'
Nim yuav xwv kuv qhov twg naj kuv ces poob cev qhev lawm thiaj li los nyob lub niag tsev khaub hlab li no xwb los mas.yuav 1 lub tsev xwb los tsis txaus nyob xav yuav 2 lub los them tsis taus xav xauj 1 lub tsev nyob ntxiv los nqe tsev xauj kim dhau lawm them tsis taus li.thiaj li lam ua 1 siab yuav lub niag tsev tas tas lauv ceg siab ceg qes li no los nyob es kav tsawg hnub los nyob tsawg hnub puam chawj xwb.

Azerty'
Tsis pom koj tuaj sau ntawv teb kuv li es koj puas tuaj pom kuv cov duab vov tsev nov os me kwv ntxawg.
Nov yog phauj mab tuaj tim nplog teb tuaj.tam sim no ua tau npe nyob USA no lawm.

koobpovtxuj wrote:kuv thaij tau ntau daim duab tab sis tsis tau muab los tso ntawm no cia kuv sim tso seb puas txawj tso.

- Kwv tij hmoob aws, Nrog nej zoo siab; Ua neej xws luag kawg....Lub tsev ua nej npe, Yog daim plaub xwb; Lub tsev tias....Yog mes kas li, Yog hnub twg? Yug tsi muaj them, Yuav tau npaj tawm; Txhob cia luag tuaj sau nra cuam nraum zoov....Tej zaum lub tsev, Nej them taug; Qhov loj tshaj plawg yog nqis:...Property Tax....Txawm nej yuav tau av dav, Los yuav txiav nyom nkim nyiaj dawb; Yog tsi txawj ua zaub cog qej dog dib taub tauj dub kua txob....Ces tsi tsim nyog, Kuv tsi ntshaw tsev yuav; Kuv twb yuav dua tsev los lawm....Kuv lub tsev nyob xeev:...Michigan....Tsev loj tsim nyog, Yim chav pw; Peb chav da dej....Txog thaum kawg:...Company Closed....Poob hauj lwm, Them tsi taug; Tso tsev pov tseg rau:...Bank....Txawm nej yuav tau tsev zoo npaum twg? Kuv tsi xwv, Kuv tsi ntshaw; Qhov zoo tshaj plawg....Yug pab niam tub txiv nyuas, Noj qab nyob zoo; Nyob tsev xauj xwb....Zoo tshaj plawg, Tsi khi yug ko taw; Yuav khiav qhov twg? Yooj yim dua os, Tsoom phooj ywg aws.

Xiongchang.
Tsev yuav tsev xauj los thaum tsis muaj nyiaj them lawm ces kawg tso tes plau li koj hais xwb los mas.
Nyob ntawm seb xauj them kim los yuav them kim dua xwb.nyob nroog minneapolis thaj tsam dub coob coob mas tsev xauj kuj nyob nyog tab sis dub coob hwv xwb.
hos yog nrug deb zog thaj tsam dub tsawg zog ces tsev xauj kim lawm yog ho yuav tsev no ces zoo li tseem them pheej yig zog tsev xauj lawm ces kuv lam yuav thaum twg them tsis taus lawm los ua lias rau bank yus mus yus xwb puam chawj.

- He...he....Thov zam txim pub nawb, Cas lub niag teb chaws no; Nyob kho siab kawg nkaug li os....Vim ua neej tsi xws luag, Txawv tshaj li; Thaum nyob nroog looj ceeb....Tsi tshuav leej twg? Nuj nqis li, Yug ua tsev tiav; Peb plaub puas txhiab kis....Ces tas li ntawd, Khwv nyiaj ntsaws nab tshos xwb; Lub teb chaws no; Tsuas zoo rau phaum hluas....Thiab cov ib txwm, Tsi tau muaj zoo vaj tsev nyob li; thaum nroog looj ceeb xwb os....Ua li kuv hais rau kuv ib yawg tub tias, Tsuas zoo rau nej cov thaum ub nyob pham phais; Nyob tsev vov vuag xyoob....Tsev xov nruab xyoob, Tuaj txog teb chaws no; Yuav tau tsev quav laum.....Ces zoo cuag tsev zeb tsev tsua, Pej xeem tsi hwm nom tswv; Tub ntxhais tsi fwm niam txiv....Kuv yawg tub ntawd, Suab ntsiag to; Tsi teb kuv cov lug lawm

Nyob zoo ob tug tij laug,

Peb nyob Fab Kis teb, yog cov neeg txawj xam phaj mas thaum peb nyuam qhuav tuaj txog tsis ntev, sawv daws tseem hluas, tseem muaj me nyuam me coob , yog tus yuav tsev mas cia li tau tsev dawb xwb tiag...Lam lub npe tias yuav no xwb, yus yeej tsis tau them li, yog nom, tseem hwv them rau yus xwb, yus tsuas mus kos mem tes xwb tiag...Tab sis feem coob xav tsis thoob, tswv yim me tsis yuav tsev ces zaum no khais nyob tseem kim tshaj yav thaum ub yuav lawm, zaum no ces sawv daws tej me nyuam loj tag, tso tag ces xav yuav los ho tsis muaj nyiaj, them tsis taus lawm.

Nyob Fab Kis teb, nqe se av them tsis kim heev, se tsev los kuj tsis kim thiab, yeej nyob taus. Tsuav thaum hauv paus yus them tau lub tsev los nyob xwb. Thiab peb tej tsev poob tsis tshua tau, vim thaum mus txais nyiaj hauv Bank, yog yus cov nqe txais tsis hais rau kev yuav cuab tam los vaj tsev li, tsis pub kom tshaj 33% ntawm yus cov nyiaj NKAG, ces peb neeg Fab Kis thiaj tsis tshua ciaj cev qhev vim tej nuj nqes. Tab sis yog lawv muaj ciaj ciam ces peb ua tsis tau tej yam loj loj, yog tus kheej tssi muaj nyiaj txhawm. Nws zoo ib qho, tab sis tsis zoo ib qhoa thiab. Lawv muab yus yuam kom nyob nyog xwb, yus tsis nplua nuj. Tab sis muaj cov Hmoob muaj hmoo, khwv tau nyiaj ntau mas lawv kuj muaj ob peb lub tsev loj heev, them tag nrho nyob ywj siab thiab. Ib txhia ces twb yuav tsev ntau ntau txaus siab tag ces rov muab tsev pauv niam yau lawm, twb rov ua neej theem thib peb lawm.

- Nyob zoo os, Me muam kooj ziag; Zoo siab ua koj tsaug nawb....Cov tsev tso duab hauv no, Yog koj tso; Los leej twg tso os....Yog li mas, Tim teb chaws fab kis ko yooj yim dua tim mes kas no os; Yav tas lawm....Peb tseem nyob xeev:....Michigan...Cov phooj ywg! Tau hauj lwm zoo, Mus yuav tsev deb tas lawm; Tab sis poob kiag los rau xyoo 2008....Suav daws poob hauj lwm tas, Them tsi taug; Muab tsev laim pov tseg rau:....Bank....Khiav rov los xauj tej nyuas tsev qub qub nyob xwb, Los kim kawg li os; Thov zam txim....Nug ib los ntxiv, Koj lub xeem; Yog xeem dab tsi os....Muaj ib tug niam hluas hmoob xyooj nyob teb chaws fab kis ko, Hu Maiv lis; Pheej sau ntawv tuaj nrog peb tham ua si hauv:....Suab hmoob:...adio....Tab sis ntu no, Lawv muab kho dua tshiab; Suav daws tej ntawv ploj tas lawm.....Ces nws tsi tshua tuaj lawm, Vim nkag nyuaj nyuaj li 0s; Nyob zoo....Mam sis ntsib dua nawb.

Nyob zoo tij laug Xiongchang'
Qhia rau koj tias cov duab hauv no 1 leej tuaj tso 1 2 daim tab sis cov ntau yog kuv tuaj tso xwb.
Lub niag tsev uas muab lauj tag ho vov tshiab ces yog kuv lub hos lub niag tsev tas lauv ces yog kuv me nyuam lub los mas.
Nov yog thaum ub kuv mus yug qaib puag nram Arkansas los mas.lub caij no yog lawv tuaj ntes qaib mus muag.

Ntawm no yog lub tsev cub tshuaj.tam sim no kuv niaj hnub mus cub tshuaj hauv lub tsev nov.

Laus lawm mob hniav lov hniav zuj zus lawm tsis ntev ces yuav coj hniav cuav lawm lauj nov yog kuv mus rho hniav

Nyob zoo kuv cov kwv tij phooj ywg sawv daws.
Kuv tu siab tshaj plaws yus muaj mob li no lawm yus tus poj niam kiag los tsis nyiam yus li lawm kuv nyuam qhuav mus pw tsev kho mob tau 3 hmos nyuam qhuav rov los tsev hnub no xwb.kuv mus pw tsev kho mob tau 3 hmos luag tej nyob ntawm yus sab laug sab xis mas kwv tij neej tsa tuaj puv tsev hos yus li ces yus tib leeg mus pw tsev kho mob xwb tsis muaj 1 tug txheeb ze tuaj saib yus li.kuv poj niam kiag los nws 1 hnub nws tuaj xauj kuv 1 nyuag pliag xwb.nws nim tias nws maj mus ub mus no ces kuv tias koj muaj hauj lwm ces koj mog.thaum yus tus poj niam hais rau yus tias koj nyob koj nawb kuv yuav rov mus tsev kuv vim muaj hauj lwm ntau yuav mus ua no mas yus kua muag poob dawb vog yus nim xav tias ua cas twb tsim nyog nws txhawj txog yus nws yuav nrog yus nyob tim tsev kho mob thaum twg tawm los muaj hauj lwm dab tsi mam li mus ua.
Hnub no kuv tawm tim tsev kho mob los txog tsev kuv tseem sab sab tab sis kuv poj niam tseem cem kuv tias ua cas yuav haus dej loj ua luaj 1 hnub nim haus tas 1 los 2 taub dej 5 gallon nws tsis muaj sij hawm tsis muaj zog mus yuav dej los rau sawv daws haus lawm.kuv xav mus xav los kuv thiaj ua 1 siab tsav luv mus yuav 14 taub dej los tsev thaum nyob tom chaw cug dej ces muaj tus tswv pab kuv nqa dej rau hauv luv thaum los txog tsev kuv cov me nyuam mus kawm ntawv tsis tau los kuv maj mam tsawv cov taub dej hauv luv los rau ntawm qhov rooj xwb kuv sab txaus nkaus cas yus tsis muaj zog hlo li lawm.

- Phooj ywg! Koob ov txuj as, Koj muaj mob li cas? Rau li cas? Ho mus cub tshuaj nas lov? Tsi yog tug hlub musj hsuj lwm qab rooj xwb pos lov? Kuv yeej pab koj tu siab os, Phooj ywg es; Tam sim no....Koj muaj noob nyoog....Pes tsawg xyoo lawm nas lov? Kuv ntsia koj cov duab hauv no, Kuv twb pab koj tu siab lawm os; Phooj ywg aws....Rau siab noj mov, Kom muaj zog nawb mog.

xiongchang wrote:- Phooj ywg! Koob ov txuj as, Koj muaj mob li cas? Rau li cas? Ho mus cub tshuaj nas lov? Tsi yog tug hlub musj hsuj lwm qab rooj xwb pos lov? Kuv yeej pab koj tu siab os, Phooj ywg es; Tam sim no....Koj muaj noob nyoog....Pes tsawg xyoo lawm nas lov? Kuv ntsia koj cov duab hauv no, Kuv twb pab koj tu siab lawm os; Phooj ywg aws....Rau siab noj mov, Kom muaj zog nawb mog.

Xiongchang'
Kuv tus mob no yog mob cancer rau hauv caj pas tom qa thiab ntawm qia ntsej sab laug.
Twb pib mob qog ntawm qia ntsej thiab hnoos tau ntshav thaum lub 1 hlis 2006 los lawm tab sis tsis tau paub tias yog mob dab tsi tiag.
Thaum lawv paub tseeb tias yog cancer kiag lawm no ces yog lub 5/19/2006 lawm.kuv pib mus kho thiab phais tus mob no yog lub 6/29/2006.
Thaum phais tag los so tos lub qhov txhab zoo zog mam li mus pib hlawv thiab txhaj tshuaj tua tus kab mob yog lub 7/15/2006 txog 9/11/2006 mam tas.
Txij li hlawv thiab dai dej txhaj tshuaj tua kab mob tag kuv kuj zoo zog los txog lub 5/20/2008 txawm muaj 1 tug yoov tom kuv caj dab ua 1 lub pob ces cia li zoo nkaus li tus mob rov huam tuaj ua rau kuv noj tsis taus mov li thiab txhaws qa hais lus tsis meej los txog niaj hnub nim no lawm.tab sis Dr kuj hais tias tus kab mob cancer yeej tuag tag tsis muaj li lawm kom txhob poob siab no thiab.
Lub 3 hlis xyoo 2010 kuv kuj mob 5 ntxiv lub 3/24/2010 kuj tau mus laws 5 tawm.lub 3/29/2010 kuj mob nyhuv qhuav tso tsis tau quav li kuj tau mus txhuav quav tawm lawv mam paub tias yog nyhuv qhuav.lub 10 hli 2010 kuj mob zais zis o tso tsis tau zis ntxiv thiab kuj tau mus txhuav zis dai lub hnab cug zis 30 hnub mam mus rho tawm.rov los txog lub 5 hlis 2011 rov mob zais zis o tso tsis tau zis rov mus txhuav zis dua zaum 2 ntxiv.lub 8/18/2011 ces mob ntshav qis tsaus muag ntog 3 zaug thiaj mus cuag kws tshuaj dua zaum no yog ntshav tsawg thiaj tsaus muag thiab ntog.ua ke ntawd kws kho mob ho pom tias mob ntsws muaj dej tuaj ntxiv ces pw tsev kho mob hnub 8/18/2011 los txog 8/29/2011 thiaj tawm los tsev.lub 4 hlis kuv mus rho 1 tug hniav ces lub qhov hniav tsis txawj loos li kws tshuaj thiaj xav tias kuv roj ntsha tsis zoo lub qhov rho hniav thiaj tsis txawj zoo ces lub 4/11/2012 thiaj xa kuv mus cub tshuaj los txog rau lub 5/21/2012 ces kws tshuaj ho pom kuv lub ntsws nrov li kuv hawb pob lawv xa kuv mus kuaj ntsws tsam yog kuv rov mob ntsws.thaum mus txog kws kho mob ntsws lawv tias yog mob ntsws ua dej lawm tiag ces thiaj tau pw tsev kho mob ntsws 3 hmos mam los tsev nag hmo xwb.yog tham kom tag mas tseem tshuav ntau yam mob ntxiv kuv ces tias tos tuag lawm xwb los kuj tsis txawj tuag li thiab yog li tsis tuag ho kho kom zoo los kuj tsis zoo li thiab.kuv ces mob mob ciaj khaub tag ua rau poj niam dhuav tag luag tsis xav hais lus zoo rau yus hlo li lawm.
Mus cub tshuaj ces mus zaum li no hauv lawv lub tsev xwb leej twg thev tsis taus lawm ces tsa tes lawv los coj leej twg tawm mus sab nrauv.

- Nyob zoo os, Phooj ywg! Koob pov txuj as, Kuv pab koj tu siab txog; Koj tug kab mob:....Cancer...os nawb, Tab sis yog koj mob qos qia ntsej no; Kuv qhia koj mus yuav....Yam txiv no, Lub npe hu ua; Txiv txuab, Txiv kiav roj; Txiv khob tuav quav yeeb...Muab tsoo lub noob tawm, Muab hov pleev zoo kawg li os; Yog hais tias....Koj nyob xeev:....Minnesota....Koj tuaj yuav tom khw tshav puam muaj ntau, Koj nug cov muag tshuaj hmoob; Ces lawv paub mas....Koj hov pleev ob zaug, Peb zaug xwb zoo lawm; Cov txiv txuab no....Yog tshuaj 24 lag nyiaj, 36 lag nyiaj os nawb; Tu siab ntshe koj nyob dua lwm lub xeev lawm, Los yog nyob txawv teb chaws xwb os; Kev ua neej nyob....Yog tau ib tug phem mob li koj lawm, Poj niam yeej tsi xav tu; Tsi xav saib xyuas pes tsawg....Poj niam yeej nplawm pob tw ntshig, Xauj qhov tsev tsawv; Taug kev los xam tej qhov nraim tsawv; Yeej tu siab las mas nawb, Phooj ywg aws.

Tij laug Xyooj Tsab thiab tub KoobPovTxuj,

Me KoovPovTxuj,

Saib nws tej duab cas yuav khuv leej nws ua luaj li, yog yam tshem tau yuav muab tshem mus kom nws nyob cus plaws nyob lub ntiaj teb neeg sib tw ua noj ua haus, hom khaj lawm sis sawv. Cas nim yog lub mob los lub kheeg es yuav lo kiag rau nws, lim nws ua lub me ntsej muag daj tsuj tseem twb tsis xws li zeej tsoom tib neeg.

Txhob tu siab mog me tub, txawm tau lub neej txom nyem los twb tseem muaj txoj yawg nrog luag ua neej, tseem pom lub hnub lub hli, lub caij nplooj ntoo hlav nplooj ntooo zeeg. Es lam dai yus txog sia nyob, kom tsim nyog yug los ib zaug hauv lub ntiaj teb no mog.

Tij laug Xyooj Tsab,

Hnub twg kho tau nws me hlwb hlau no rov tuaj xyuas peb kom ntau,
Nws nim ploj ntais lawm tseg peb zos Hmoob Tshav Ntuj nyob ntsiag to tsis muaj zaj hlo,
Nws nim mus ploj ntais, nruab hnub hmo ntuj rov tuaj txog tsis pom nws tuaj tham txuj rau peb saib,
Nws nco txog peb txhua leej uas tos rawv nws nawb mog.

Nyob zoo os Koobpovtxuj,

tau ntev lawm kuv tsis tau los saib koj, kuv pom koj piav koj lub neej thiab tus mob, txaus tu siab hev li os, luag tej luag txawj mob los txawj zoo, cas es koj yuav mob yam tag mob yam tuaj, kav liam mas mog, ua ib siab tias yog yus txoj hmoo lawm no nawb, thaum mob ntev poj niam me nyuam yeej tsis tshuam xav saib yus pes tsawg,thiab tsis xav pab yus los txhob tu siab, ua ib siab nyob thiab tso siab rau kws tshuaj seb yus txoj sia ntev li cas ntxiv xwb os mog, txawm tuag hnub twg los ntshe yuav tshav yus ntuj mus tsis tig ntsia tej niag kab mob kev nkees rov tom qab lawm os, thiab yus tej niam tub los tsis khes yus los ntshe yus mus yus yeej tsis khes li lawm thiab.

Koj ho muab sawv daws tej lus zoo lus txhawb zog los ua koj txoj kev tshav ntuj mog, txawm koj mob mob los koj yog ib tug neeg hais lus zoo thiab pab sawv daws tswv yim ntau hauv cab sab los lawm, yog hnub twg koj tsis zoo lawm tiag ntshe peb yuav khaws koj tej hneev tes hneev taw los nyeem los nco koj thiab quaj tshua koj heev. Yog li tswj koj txoj sia nyob rau tej phoojywg nawb mog. Peb kiag los peb tsuas paub hnub peb nyob xwb tsis paub hnub peb tuag, tag kis peb twb yuav sib ncaim los twb tsis paub, yog li no peb txhua tus yeej tsis muaj qhov yuav zoo tshaj nyob qhov twg, txawm tus twg ua neej zoo zoo los thaum txoj kev tuag los caum tau txhua yam yeej ploj tag tib yam nkaus, li no peb yeej tsis qhuas peb tias peb ua neej zoo zoo tsis muaj mob tsis muaj nkees, peb los yeej txhawj rwg tsam kev tuag los txog yus tseem tsis tau npaj txhij yuav mus lwm sab no nawb.

Koj sim saib seb kuv nyuam qhuav muaj ib tug viv ncaus tau tag sim neej lub week tag los no xwb, nws yog neeg cus plaws tiam sis ua tsheb sib nraus ces tuag kiag ntawm chaw, tseem tseg tus txiv ua neeg xiam tes xiam taw rov tom qab thiab ib tug baby muaj ze ntawm 2 3 xyoo cia tom qab, li no muab tej yam no los xav mas tu siab kawg, ua neeg nyob leej twg los yeej tsis xav tuag, tiam sis dhia tsis dhau thaum txog yus thib lawm ces kawg pais xwb. Luag ua ntej los yus txhob zoo siab vim yus yeej yuav ua qab, luag ua qab los yus txhob zoo siab vim yus yog tus ua ntej ntag.

Li no xwb es maj mam sawv seb tuaj cuag puas tau phoojywg cab sab nrog koj laug hnub kom txhob ntev od mog. Peb nco koj txhua hnub os Koobpovtxuj.

- Me muam kooj ziag kab zaug as, Kuv yeej xav tuaj txhua hnub mas; Lub hlwb hlaug:....Computer....Puag tas lawm, Kuv siv tug ntxhais:....Mai Choua....Lub nqa ntawm tes xwb, Thiaj tuaj ib pliag li, Muab hluav tawg xwb os; Es txob tu siab nawb mog....Tsuav tseem sis ntsib, Ces zoo siab kawg li os mog.

Tijlaug Xyooj,

Paub tias nws tuaj xyuas tsev, tab sis tsis pom nws los haus dej thiaj li nroo tsis tseg.
Yeej paub tias nws tuaj xyuas peb, tab sis tsis pom nws taws teeb pom kev ces thiaj tsiam kom siab nqeg xwb...