Nyob zoo kwv shungshung wrote:Nyob zoo tus tij laug hmoobntujqubqab,
Hais txog kev neeb kev yaig mas tam sim no mas sib tshab sib chaws li lawm tsis paub tus twg yog tus twg tsis yog li lawm. Peb nyob tim meskas no los yeej tsis tau luag mus ua neeb sab nraum li yus tsuas ua txij yus tsev neeg mus rau yus cuab kwv tij xwb. Ho hais txog ntawm tus koj tham no yuav tsis yog neeb tiag. Cov nyob tim peb no los yeej muaj li koj hais ko thiab. Kuv hnov lus paj lus cua xwb, tsis paub tseeb. Yog lawv siv zaj khawv koob hauj sam coj los ua dag ntxias nyiaj. Tsis tag li ntawv lawv tseem txawj zaj khawv koob ki peb txiv neeb thiab. Tseem muaj cov tuaj mus kawm neeb nyob fab kis teb cov los dag neeg nyiaj noj teb chaw no thiab. Thaum pib ua mas txawj sai kawg li ntag tab sis tsa thaj loj kiag rau ces tsis pom qab ua neeb lawm. Tej tug ces ua7 vwm tag ces npaum taws muab lub niag thaj neeb kwv pov tseg ces tus neeg nws ho nyob tus lawm. Lawv siv hauj sam txoj khaws koob coj los ua xwb mas 1-2 hli xwb mas tsa thwj tim puv toj puv pe lawm. Ntseeg tsis tau li. Hauv peb nyob no los muaj ib lub tsev kawm neeb thiab. Zoo li muaj ib tug poj niam hmoob tuaj plog teb tuaj qhia neeb.
Kuv kuj ntsib ib tug niam tais hmoob xeem yaj nws kuj hais tias nws muaj qhua neeb thiab tab sis ua tsis tsheej nws ces neeb li. Ob niam txiv sib nrauj lawm, nws tau tham me ntsis pub rau kuv tias txiv neej yeej nrog nws pw tsis tau li mas kho nws siab kawg li thiab es tshes yuav nyob li no los yuav mus ua hauj sam. Seb kuv yuav hais li cas. Kuv teb nws tias kuv tsis paub nawb. Yog koj ua koj cov neeb tseej seb puas muaj teeb meem li koj qhia kuv thiab xwb. Yog tsis muaj lawm ces yog koj cov neeb ciav koj xwb. Yog tsis yog ces yog lwm yam lawm....
Hauv peb nyob no muaj ib tug hmoob txawj saib ntawv koob moos xaj mas hmoob kuj tuaj mus saib coob kawg li thiab. Nkawv ob niam txiv kuj mus tsa thwj tim rau txhia qhov chaw. Muaj ib zaug mus ntsib kuv tus muam tus thwj tim ces pheej mus hais ub hais no ua rau pog npau taws ces pog zais ntsuj kiag tag. Pog tuaj muab yawg hmoob no thaum tias koj mus kawm qhov no rau qhov no es kawm tus no ces ho mus kawm tus to xwb. Koj tuaj tsa thwj tim thoob plaws qhov ub qhov no tab sis koj tsa tsis sawv ib tug qhov twg kiag. Yawg khawb tau hau xwb.
Muaj ntau yam neeb heev li lawm ces tsis paub yuav hais li cas, Qhov tseeb tiag ces kom sawv daws saib kom meej7 xyuas kom tseeb7 yog leeg twg yuav ua neeb tiag los thov kom mus thov neeg tsawv neeb ua ntej mas mus hu tuaj ua neeb thiaj tsis muaj teeb meem. Yog lam tau lam mus hu, lam tau lam mus thov xwb ces yuav ntsib teeb meem thiab.
zoo siab koj ua kwv piav txog kev Neeb yaig nyob ntawm nej nroog no.
yog li koj ua kwv hais lawm vim muaj ntau yam neeb heev li lawm ces tsis paub hais li cas, muaj ib tug Niam Neeb Nyob lav 52 nws ib txwm txawj ua neeb txwv zeej los thaum nws tiav hluas nkauj nws los yuav txiv tau 30 tawm xyoo no tab sis nws ua neeb kuj tsis pom qab zoo , txij tsaib no los muaj cov nkawm neeb saub los ntxiv nws , nws ua zoo li pom qab diam nws tsa muaj 10 tawm tus thwj tim lawm , tsa thwj tim ua neeb tsheej tsa tau thaj me yog nqi 2 000 000k , tsa thaj loj yog
2 000 000k thiab , thaum ua neeb lawv hais lus ib cov zoo li lus suav, nyab laj, pub thawj , hais kwv txhiaj ntau yam suab ... nws saib tus ub tus no los tias yuav ua neeb , nws ho tuaj tsa qee leej ho tsis tshee thiab lam ua thaj teev cia los nws kuj yuav nyiaj lawm.