Home
Nyob zoo ib tsoom Hmoob nyob U.S.A.
Thov nug txog peb tsoom Hmoob txhua tus Hmoob, tshwjxeeb tshaj plaws yog peb Hmoob cov Lawyers/kws Lij Choj, cov Thawj Coj uas Hmoob tau tsa nej los tuav tej pab tej pawg thiab muab lub npe ua tus coj los Tis rau nej thiab qhov loj tshaj plaws yog cov Hmoob uas nws pheej tawm xovxwm los yog nws hais rau nws tus kheej tias NWS YOG HMOOB LI THAWJ COJ.
Nyob li tus tub hluas Dylan Yang no raws li hnov xwb txij li thaum nws kawm ntawv nyob rau lub tsev kawm ntawv ntawd tus menyuam Dawb no yeej tau ua phem rau tus hluas Hmoob no, nws twb tau nug nws niam thiab Txiv kom coj nws mus kawm ntawv dua lub tsev tshiab tiamsis vim yog nyob rau ib lub sijhawm ntawd lawv ho yuav tsiv tsev tshiab yog li no nws niam thiab txiv thiaj kom nws ua siab ntev tos me ntsis ces lub sijhawm mus ceev tus menyuam Dawb no thiaj li tau tuaj rau ntawm nws tsev thiab tuaj thab plaub thaum no nws thiaj li tau muab riam los nkaug tus menyuam Dawb no tag simneej txoj sia.
Tej teebmeem no yog muab saib los tsis yog tim yus tus menyuam Hmoob no 100 percent. Vim yog tim muaj lub hauv paus thiaj li muaj tshwm sim rau lub ntsis, txhais tau tias vim tus menyuam Dawb no yeej tau ua phem ntau zaus rau tus menyuam Hmoob no, yog li zaum no thiaj li ua rau nws zam tsis dhau txoj kev ntshai los sis los ua tivthaiv nws tuskheej los ntawm txoj kev nws ntseeg tias yuav pab tau nws txoj sia zaum no. Yog muab tej dabneeg no coj los luj thaum pib los txog rau thaum xaus es tsis txhob saib qhov uas hnub ntawd rho riam los nkaug tus menyuam ntawd xwb ces txhais tau tias nyob li 2 leeg mus tua tsiaj tom havzoov ces tus uas TUA TSUAS TAU LUB TAUBHAU TSHAJ XWB HOS YEEJ MUAB TUS TSIAJ FAIB LEEG SAB. Rooj plaub yuav kom ncaj ncees tiag yuav tsum mus li ntawd.
Tej teebmeem zoo li no tsis yog Dylan Yang rooj no xwb, peb twb pom nyob li Fong Lee, uas raug tub ceevxwm lam muab tua nyob Minnesota, Vam Yaj tsav tsheb luam ib tug Dawb tus Aub nyob Arkansas raug ntaus tshuav txoj sia, tus Hmoob Vaj nyob Menomonie, WI mus tua nas yuam kev rau ib tug Dawb thaj av raug muab ntau tuag lawm ntev loo thiab xuas phom nkaug raug nplooj siab to. Cov plaub ntug hais los no puav leej muab hais thiab luag yuam cai Hmoob swb tag nrho vim tias cov Dawb no tus raug kaw los tsuas yog kaw txog hnub thiab hli xwb twb tsis txog xyoo. Hos nplua me me xwb.
Ib tsoom Hmoob cov Thawj Coj. Nej ho xav li cas lawm???? Nej puas txajmuag thiab tshwj xeeb tshaj cov uas kuv hais los saud tias nej/koj muab ne/koj tuskheej hu tias koj yog Hmoob li Thawj Coj. Los yog nej/koj yuav ua li thaum i Dawb tso neeg tuaj tshawb ib lub tsev yuam kev rau ib yim Hmoob nyob Minneapolis es lawv raug tus kwvtij Hmoob ntawd tua ntau phom tom qab ntawd mam li paub tias yog police thiaj li tseg tsis tua lawv. Tiamsis koj/nej cov ko tseem cia tus THAWJ POLICE MUAB KHOOM PLIG pub rau cov polices qias neeg ntawd tias LAWV UA TAU HAUJLWM ZOO KAWG thiab. Tus thawj Police tau hais tias yog cov Nom Hmoob pom zoo kom muab rau lawv no. Tej no mas tubqaug Hmoob kawg kiag. Yog tias qhov teebmeem no tus Thawj polices twb yauv tsum raug ncaws tawm nws txoj haujlwm vim nws ua haujlwm txia dej heev tiamsis nej tseem qhuas thiab. Kuv xav tias txij no lawm tod koj/nej tsis txhob muab koj tuskheej hu ua Hmong Leader ib zaug ntxiv li yav dhau los lawm, tsis li koj yuav raug Hmoob tsuj ib hnub thiaj li yuav tas. Peb dhuav cov neeg coj li koj/nej heev tsis xav hnov lub koob lub npe nrog Hmoob nyob mus ntxiv lawm.
Kwvtij Hmoob nej txhob xav hais tias tej teebmeem no yog lawv, yog Hmoob Yaj li, yog lwm Xeem li xwb nawb mog. Tej teebmeem no ib hnub twg yuav los raug koj ib yam nkaus, thaum no koj mam li xav txog lig. Peb yog ib tsob Hmoob, luag tus sab nraud saib yog IB TUG NEEG xwb. Yog li tig los peb sib pab, koom ua ib ke. Nco ntsoov li Amelika hais PEB KOOM UAKE CES SAWV TAUS NTSEG, YOG PEB SIB CAIS THIAB SIB TAWG CES PEB QAUG.
Ib tsoom kwvtij Hmoob hmov tshua. Thov zam lub txim pub rau kuv tus sau no tau hais lus nhyav raug rau qee tus uas tau muaj tseeb li kuv hais los saud lawm tiag. Peb Hmoob raug lwm haivneeg tsimtxom los ntev lawm, peb los tsis sib koom siab li thiab. Lub moo nrov tshaj ntawm peb Hmoob yog tuaj sib ceg nrov thoob ntuj rau luag saib xwb tsis muaj kev koom tes li. Yog li no hnub no ua rau kuv nyuag yaus ntshav siab thiaj li tau hais tej lus ntsawv siab rau hauv no.
Nyob zoo
http://shrdo.com/index.php/suabhmong-news/3027-dylan-yang-found-guilty-in-teen-s-fatal-stabbing
Thov nug txog peb tsoom Hmoob txhua tus Hmoob, tshwjxeeb tshaj plaws yog peb Hmoob cov Lawyers/kws Lij Choj, cov Thawj Coj uas Hmoob tau tsa nej los tuav tej pab tej pawg thiab muab lub npe ua tus coj los Tis rau nej thiab qhov loj tshaj plaws yog cov Hmoob uas nws pheej tawm xovxwm los yog nws hais rau nws tus kheej tias NWS YOG HMOOB LI THAWJ COJ.
Nyob li tus tub hluas Dylan Yang no raws li hnov xwb txij li thaum nws kawm ntawv nyob rau lub tsev kawm ntawv ntawd tus menyuam Dawb no yeej tau ua phem rau tus hluas Hmoob no, nws twb tau nug nws niam thiab Txiv kom coj nws mus kawm ntawv dua lub tsev tshiab tiamsis vim yog nyob rau ib lub sijhawm ntawd lawv ho yuav tsiv tsev tshiab yog li no nws niam thiab txiv thiaj kom nws ua siab ntev tos me ntsis ces lub sijhawm mus ceev tus menyuam Dawb no thiaj li tau tuaj rau ntawm nws tsev thiab tuaj thab plaub thaum no nws thiaj li tau muab riam los nkaug tus menyuam Dawb no tag simneej txoj sia.
Tej teebmeem no yog muab saib los tsis yog tim yus tus menyuam Hmoob no 100 percent. Vim yog tim muaj lub hauv paus thiaj li muaj tshwm sim rau lub ntsis, txhais tau tias vim tus menyuam Dawb no yeej tau ua phem ntau zaus rau tus menyuam Hmoob no, yog li zaum no thiaj li ua rau nws zam tsis dhau txoj kev ntshai los sis los ua tivthaiv nws tuskheej los ntawm txoj kev nws ntseeg tias yuav pab tau nws txoj sia zaum no. Yog muab tej dabneeg no coj los luj thaum pib los txog rau thaum xaus es tsis txhob saib qhov uas hnub ntawd rho riam los nkaug tus menyuam ntawd xwb ces txhais tau tias nyob li 2 leeg mus tua tsiaj tom havzoov ces tus uas TUA TSUAS TAU LUB TAUBHAU TSHAJ XWB HOS YEEJ MUAB TUS TSIAJ FAIB LEEG SAB. Rooj plaub yuav kom ncaj ncees tiag yuav tsum mus li ntawd.
Tej teebmeem zoo li no tsis yog Dylan Yang rooj no xwb, peb twb pom nyob li Fong Lee, uas raug tub ceevxwm lam muab tua nyob Minnesota, Vam Yaj tsav tsheb luam ib tug Dawb tus Aub nyob Arkansas raug ntaus tshuav txoj sia, tus Hmoob Vaj nyob Menomonie, WI mus tua nas yuam kev rau ib tug Dawb thaj av raug muab ntau tuag lawm ntev loo thiab xuas phom nkaug raug nplooj siab to. Cov plaub ntug hais los no puav leej muab hais thiab luag yuam cai Hmoob swb tag nrho vim tias cov Dawb no tus raug kaw los tsuas yog kaw txog hnub thiab hli xwb twb tsis txog xyoo. Hos nplua me me xwb.
Ib tsoom Hmoob cov Thawj Coj. Nej ho xav li cas lawm???? Nej puas txajmuag thiab tshwj xeeb tshaj cov uas kuv hais los saud tias nej/koj muab ne/koj tuskheej hu tias koj yog Hmoob li Thawj Coj. Los yog nej/koj yuav ua li thaum i Dawb tso neeg tuaj tshawb ib lub tsev yuam kev rau ib yim Hmoob nyob Minneapolis es lawv raug tus kwvtij Hmoob ntawd tua ntau phom tom qab ntawd mam li paub tias yog police thiaj li tseg tsis tua lawv. Tiamsis koj/nej cov ko tseem cia tus THAWJ POLICE MUAB KHOOM PLIG pub rau cov polices qias neeg ntawd tias LAWV UA TAU HAUJLWM ZOO KAWG thiab. Tus thawj Police tau hais tias yog cov Nom Hmoob pom zoo kom muab rau lawv no. Tej no mas tubqaug Hmoob kawg kiag. Yog tias qhov teebmeem no tus Thawj polices twb yauv tsum raug ncaws tawm nws txoj haujlwm vim nws ua haujlwm txia dej heev tiamsis nej tseem qhuas thiab. Kuv xav tias txij no lawm tod koj/nej tsis txhob muab koj tuskheej hu ua Hmong Leader ib zaug ntxiv li yav dhau los lawm, tsis li koj yuav raug Hmoob tsuj ib hnub thiaj li yuav tas. Peb dhuav cov neeg coj li koj/nej heev tsis xav hnov lub koob lub npe nrog Hmoob nyob mus ntxiv lawm.
Kwvtij Hmoob nej txhob xav hais tias tej teebmeem no yog lawv, yog Hmoob Yaj li, yog lwm Xeem li xwb nawb mog. Tej teebmeem no ib hnub twg yuav los raug koj ib yam nkaus, thaum no koj mam li xav txog lig. Peb yog ib tsob Hmoob, luag tus sab nraud saib yog IB TUG NEEG xwb. Yog li tig los peb sib pab, koom ua ib ke. Nco ntsoov li Amelika hais PEB KOOM UAKE CES SAWV TAUS NTSEG, YOG PEB SIB CAIS THIAB SIB TAWG CES PEB QAUG.
Ib tsoom kwvtij Hmoob hmov tshua. Thov zam lub txim pub rau kuv tus sau no tau hais lus nhyav raug rau qee tus uas tau muaj tseeb li kuv hais los saud lawm tiag. Peb Hmoob raug lwm haivneeg tsimtxom los ntev lawm, peb los tsis sib koom siab li thiab. Lub moo nrov tshaj ntawm peb Hmoob yog tuaj sib ceg nrov thoob ntuj rau luag saib xwb tsis muaj kev koom tes li. Yog li no hnub no ua rau kuv nyuag yaus ntshav siab thiaj li tau hais tej lus ntsawv siab rau hauv no.
Nyob zoo
http://shrdo.com/index.php/suabhmong-news/3027-dylan-yang-found-guilty-in-teen-s-fatal-stabbing
