LEEJ NUS NYIAG MUAB LEEJ MUAM MUAG VIM YOG TXOJ KEV PLUAG

Kwvtij Hmoob,

Lub neej tiam21/Century 21 no tsis tau luag thiab qaug zog rau txoj kev ua neej lawm. Tsab xovxwm nram no tawm hauv Cobtsib teb uas yog tshaj tawm los ntawm SHRDO.COM hais tias muaj 2 nus muag Hmoob nyob rau sab Qaumteb hauv lub nroog Los Cai tebchaws ntawd tus Nus tau dag tus Muam tias nws yuav coj nws tus muam mus saib kev lomzem nyob rau ib qhov chaw uas yog cov Neeg Ncig TEbchaws tiamsis qhov tseeb tiag nws tus nus coj nws tus muam mus muag rau Suavliab coj mus ua pojniam xwb. Tus muam tsis paub nws thiaj li tau mus nrog tus Nus li hais ces thaum no tus muam raug muab muag rau Suav thiab nrog Suav nyob tau li 1 lub hlis nws thiaj li mam nyiag kev khiav tawm mus qhia rau tub ceevxwm lawv thiaj li muab nws xa tau rov qab los tsev lawm no.

Nyob rau lub tebchaws Suav, muaj teebmeem txog txoj kev uas tsis muaj pojniam rau cov txivneej yuav lawm vim tias lawv lub tebchaws ntawd tsuas pub yug ib tug menyuam nyob rau ib khub niamtxiv twg xwb, yog leejtwg yuam cai yug tshaj li ib tug menyuam rov saud lawm yuav raug nplua thiab raug kaw vim lawv lub tebchaws neeg coob dhau hwv lawm. Yog li no nyob rau Suavteb lawv ntseeg tias tus Tub yog ib tug uas yuav los tuav lawv lub koob lub meej rau yav tom ntej thiaj li yug tub ntau xwb ces nimno thiaj li tsis muaj cov ntxhais rau cov tub yuav. Thaum zoo li no thiaj li muaj cov neeg nyiag tej ntxhais nyob rau hauv cov tebchaws xws li Nyablajteb, Nplogteb, khabmeemteb thiab lwm lub tebchaws uas nyob ze rau Suav ntawd ua ntuv zus los mus li peb hnov no. Peb tsevneeg Hmoob nyob hauv Nyablajteb thiab Nplogteb twb raug tej teebmeem zoo li no ntau dhau los lawm tiamsis ho tsis yog tus NUS NYIAG COJ TUS MUAM MUS MUAG li zaum no xwb.

Nyob rau tiam21 no Neeg raug kev txomnyem loj tshaj yav dhau los thiab Neeg muab nyiaj kub saib muaj nujnqis loj tshaj li tus hlub los yog nws tsevneeg lawm yog li peb thiaj li muaj teebmeem txhua yam los cov nyom peb lub cuab yim neej tsis hais nyob lub tebchaws twg. kwvtij Hmoob, yog thaum peb pom tias peb haivneeg raug txoj kev txomnyem npaum li no lawm uas NTUJ KAWG XUB TEB, TEB KAWG XUB NTOO, peb yuav tau tig los sib hlub koom ua ib lub siab peb thiaj li yuav dim txoj kev txomnyem mog. Yog peb tseem coj li qub yav dhau los xwb ces peb lub neej kawg yuav hajyam puas tsuaj tshaj qub no nyob rau lub neej yav pemsuab/tom ntej no uas tsis muaj yam dabtsi yuav los pab tau.

Tusiab ntau thiab hlub peb tsevneeg uas tau raug txoj kev txomnyem zoo li no.

http://shrdo.com/index.php/suabhmong-news/2343-brides-for-sale-vietnamese-women-trafficked-to-china

.......Kwv liaj ntsuab as?....Peb haiv hmoob....Cov niam txiv xya yug kiag....Puas tau muaj ntxhais....Tham nyiag muag mas....Yav ntuj thaum....Peb nyob teb chaws nplog....Niam txiv yug ntxhais ua luam....Muaj nyiaj xwb....Tam sim no....Kwv tij hmoob nplog....Fawb ntxhais ua luam xwb....Puas yog li ntawd....Cov muaj poj niam lawm....Cov yawg laug....Noob nyoog....Peb caug tsib xyoos....Plaub caug tsib xyoo....Tsib caug tsib xyoo....Rau xya caum xyoo....Kub siab lug.... Ntxhais nkauj mog ab....Lub nceb liab....Qhuav siab qhawv....Ua npau suav toog....Tuav maum theeb tas nrho....Khwv ciaj peem tuag....Tsi txaus qau....Noj ib pluag....Hab....hab....   .

Tijlaug Xyooj Tsab,

Yam koj hais ntawd mas txawv me ntsis lawm vim tias 2 leeg txausiab ua mam li ces phem thiab zoo los tsis pom qab chim rau leejtwg os nawb. Muaj ib feem yog Niamtxiv quabyuam thiab tiamsis txheej nimno NTUJ FAV TEB LAM LAWM CES ME NTXHAIS MOS AB LOS YEEJ ZOO SIAB HLO KAM NROG YAWM TXIV LAUS VOV PAM lawm os    . Yam xovwm hais los saud mas yog NYIAG MUAG NEEG ne ces thiaj li txawv.

Tijlaug Xyoojtsab thiab npawg liajntsuab zoo siab qhov muab tej yam li no los tham pem, qhov tijlaug Xyoojtsab hais mas nws yog lawm ib txoj kev yog yuav muab piv kuj txawv, peb saib mus rau li lwm haiv neeg kuj muaj coob thiab, neb saib seb Mekas los yeej yuav ib yam nkaus vim tias ntuj favteb lawm lawm kuj hais tsis tau thiab liam txim tsis tau rau leej twg, tej ntawd yog kev sib yeem sib nyiam, ib leeg txaus siab rub pam rau ib leeg vov, ib leeg txaus siab muab nyiaj rau ib leeg, ib leeg txaus siab muab lub cev rau nws sib yeem raws li peb Hmoob poj ua cia yawm ua tseg ua tshoob ua kos ua neej ua tsav li peb Hmoob txoj kev pom zoo. Qhov koj hais txog tus nus muab tus muam muag no yeej tsis yog raws li kev qua tub qua ntxhais lawm, nyiag muab tub ntxhais muag li yog neeg yuam caij los yog nyiag muag txais cov nyiaj nraum pob tw yam tsis pub leej twg paub los yog mekas hais tias (black marke) qhov no thiaj li yog kev nyiag neeg muag, tijlaug Xyooj Tsab hais mas yog lwm txoj kev lawm tsis sib thooj li ib txoj lw.
Kuv yeej pom tias peb yuav tsum tau sib hlub, tab sis nyob rau Lostsuas tseem muaj cov Hmoob Suav tuaj suav teb tuaj tseem tuaj ntxias neeg coj muag rau Suav thiab, qhov no lub sijhawm kuv mus txog tseem muaj cov lus no muaj tseeb li hais tiag yog kuv tsev neeg yeej hais rau kuv muaj tseeb vim lub sijhawm ntawd muaj cov Hmoob suav tuaj muag khoom ces los nrhiav tsev so rau ntawd cov kwv tij Hmoob lub zos ntawd tsis muaj leej twg kam tsev rau lawv so, kuv thiaj li nug rau kuv tsev neeg lawv thiaj li piav rau kuv li qhov no yeej muaj tiag. Niaj hnub no leej twg tsis ntseeg los hauv Lostsuas teb tseem muaj cov teebmeem li no txhua lub sijhawm, tsis tag li no tam sim no tseem muaj ib cov suav phais tsib tuaj txum rau hauv Lostsuas lawm tseem hnov tas neeg nplog koom nrog lawm thiab tsis tag li muaj ib tug kwv tij Hmoob nyob rau hauv Moosloob tseem raug ntes nyob rau Uv doo xais vim raus tes nrog cov suav phais tsib no thiab.