Home
WISCONSIN DIVISION OF PUBLIC HEALTH
Department of Health Services
Tus mob Brucellosis
(Undulant fever, Bang’s disease)
Disease Fact Sheet Series
Tus mob brucellosis zoo li cas?
Tus mob Brucellosis yog ib tug mob uas ua mob rau
ntau qhov chaw hauv lub nruab nrog cev, thiab
yuav ua ntau cov tsos mob tshwm sim.
Leej twg thiaj raug tus mob brucellosis no?
Leej twg los yeej yuav raug tau tus mob no yog hais
tias kis tau tus kab mob hu ua Brucella. Cov
neeg ntxim yuav raug tau tus mob no mas yog cov neeg ua hauj lwm tu tsiaj thiab tua tsiaj, los yog,
cov neeg uas noj tej khoom noj muab cov mis nyuj ua, uas tsis tau muab cov kab mob tua lawm tso.
Qee zaum cov neeg uas ua hauj lwm hauv tej chaw
kuaj kab mob kuj kis tau tus kab mob no thiab.
Tus mob brucellosis ri li cas?
Tus kab mob muaj nyob hauv cov mis nyuj thiab mis
tshis uas cov nyuj thiab cov tshis muaj mob. Yog
noj tau cov khoom noj uas muab cov mis ua es tsis tau muab cov kab mob tua mas yuav raug tus kab
mob no. Yuav kuaj tau tus kab mob ntawm cov tsiaj muaj mob cov kua nruab nrog cev yam li, ntshav,
zis, phev, thiab tej me nyuam tsiaj nchuav los.
Cov tsiaj uas ntxim yuav raug cov kab mob no mas
yog nyuj, npua, yaj, tshis. Kuj tsis pom raug dev/aub ntau. Tej cov tsiaj qus yam li, mos lwj, mos lwj kub ncau,
thiab nyuj qus kuj muaj cov kab mob no thiab. Kuj tsis pom hais tias tus kab mob no yuav
kis tau ntawm ib leeg mus rau lwm leej.
Cov tsos mob brucellosis zoo li cas?
Thaum ua mob brucellosis mas yuav kub cev ua tej ntwb
ntu thiab kub ntev tsis sib xws, yuav mob
taub hau, qaug zog, cov qog ntshav o, tawm hws heev, ua daus no, poob ceeb thawj, thiab mob ib ce
thoob plaws. Tus mob no kuj yuav ua mob rau
cov pob txha, noob qes, thiab daim npluag plawv.
Yuav sai npaum li cas mam pom cov tsos mob tshwm?
Thaum twg yuav chiv mob mas kuj tsis paub meej,
tab sis, feem ntau yuav yog 5 rau 30 hnub tom qab
kis tas mas cov tsos mob yuav tshwm.
Yog raug tus mob no ib zaug lawm puas yuav tiv thaiv tsis raug lwm zaus ntxiv?
Tej zaum yuav rov kis tsis tau tus mob no ntxiv lawm.
Yuav kho tus mob brucellosis li cas?
Cov kws kho mob yuav muab ob peb yam tshuaj tua kab mob los kho tus mob no. Yog kuaj pom
thaum ntxov es kho kiag thaum chiv mob mas yuav cheem kom tsis txhob huam ua mob ntev.
Yuav ua cas thiaj tiv thaiv kom tus mob brucellosis no txhob ri tau?
Yuav tiv thaiv kom txhob kis tau tus kab mob no mas yuav tsum tsis txhob noj tej khoom noj uas siv
cov mis tsis tau muab cov kab mob tua thiab tsis
txhob mus ze cov nyuj, npua, yaj, tshis los yog tej
dev uas muaj mob. Yog kws kho tsiaj kuaj cov tsiaj
mas yuav paub hais tias cov tsiaj muaj tus kab
mob los tsis muaj. Cov tswv tsiaj thiab kws kho tsiaj
uas txhaj tshuaj tiv thaiv kab mob rau tsiaj yuav
tsum ceev faj thaum siv koob txhaj tshuaj kom
rab koob uas muab hno tsiaj tas ntawd txhob rov los
hno raug lawv, los yog ua koob tshuaj plam los
mus paug qhov muag qhov ntswg thiab qhov ncauj.
Cov neeg ua hauj lwm hauv tej chaw kuaj kab mob kuj y
uav tau ceev faj thiab ua raws txoj cai tswj tej
kev ua hauj lwm thaum kuaj thiab ncu tej kab mob.
DEVELOPED BY THE DIVISION OF PUBLIC HEALTH, BUREAU OF COMMUNICABLE DISEASE
COMMUNICABLE DISEASE EPIDEMIOLOGY SECTION
