Saib Duab Teb Chaws Toj Siab Sab Xeev Khuam.

Me qigtaub wrote:nyob zoo kwv liabtojsiab kuv tsis tshuam tuaj ua si hauv no vim kuv hom kheev tuaj ua si rau tom tebchaws Povtoj (paltalk) xwb kuv tuaj qee zaum hauv no kuj pom nej qhia ntau yam txaus siab kawg li. Nraugliabtojsiab lub zos THajphuv kuv yog thawj co hmoob los rhawv tsim lub zos ntawd, thaum peb los nyob rau ntawd ces yog hav moog thiab hav maj chooqus xwb. qhov kuv xav pom es cia siab tias ib hnub twg kuv xav tias koj yog tus yuav coj kuv wb mus saib kiag xwb puas yuav tau? kuv twb ncaim lub tebchaws ntawd tuaj lawm 34 lub xyoo kuv ntseeg tias txhua yam yuav hloov mus tag tsis nyob li qub lawm, yog koj tsis xav li cas muab koj tus email rau kuv or koj sau ntawv rau kuv tus email: tubzoolus@juno.com lub sijhawm no kuv nyob rau Mekas tebchaws lawm, ntau zaum kuv tau ncig los txog hauv Laos tsuas teb kuv tab sis kuv tsis muaj caij ncig mus rau lwm thaj chaw. kuv qhia koj tias kuv yog cov Hmoob nyob tau ob tiam neeg los lawm rau hauv lub zog Najtuas tej qub zej zog ntawd ces yog kuv yawg lawv tej qub zej zog, xa tias yuav muaj caij sib paub zoo dua.

Me qigtaub wrote:Tub liabtojsiab, kuv xav pom yog daim duab lub zos Thajphuv yog koj muaj caij no koj ncig mus txog ze koj lam kiv koj lub koobthaij mus kom ncaj es nyem ib teg post rau kuv saib seb zoo li cas lawm tej duab koj post zoo li koj tsis qhia kuv twb tsis paub li lawm vim txhua yam hloov tag lawm tom qab 30 tawm lub xyoo ib ncuas ntev loo zoo li yus phaum neeg twb dhau lawm ib feem thiab. ua koj tsaug uas koj tseem coj tuaj post rau peb saib tej tus tsis nyob sab tebchaws no ces tej zaum tsis paub txog. kuv twb tsis faj txog tab sis koj qhia me me li ces ua rau kuv ceeb loj heev txog koj tej duab sab tebchaws no.

koojziagkabzaug wrote:
Nyob zoo Nraug Liab Toj siab thiab tij laug Xyooj Tsab,

Nraug Liab Toj siab,

Ua tsaug rau nws cov duab zoo nkauj heev. Pom cov ntes tau ntses ntxim qab kawg li. Ua li yog xuas vas ntau los xuas taws xob hlawv cas ho tau ib cov ntses sib luag zos?

Auj! Txiv toov laj muaj nqes npaum li koj hais ntag lov? Yog li cog toov laj muag kuj tau thiab? Es yog tej thaj chaw thiaj tau muag xwb los tsuav cog tau ces yeej tau muag tas li? Yuav tsawg xyoo mam li txhawv, thiab toov laj nyob toj siab xwb los chaw qes kuj cog tau thiab?

Nyob zoo phauj Koojziagkabzaug, tsis ua cas os. Cov ntses no yeej qab heev nawb, tsis tsw ntxhiab, ci los qab hau xwb los yeej qab kawg, vim nws rog heev. Cov ntses no yog xuas vas khwb thiab xuas moo cuab os.
Hais txog Toov Laj mas yeej muaj nqis kawg, tab sis ua nyuaj kawg li, qhov nyuaj mas yog nyob toj ntxhab, thiab tom neeg heev, yus 8 ntxuav dej mas 8 tom, 8 khawb kuj 8 tom, khaus cuag ua xua, tab sis yog rawv taws txhiab qhov khaus khaus ntawv no ces ho zoo sai cuag rho saus lawm thiab.  Toov Laj mas chaw qis kiag los tsis muaj lawm, muaj nyob roob toj ntxhab pob zeb xyaw av, zoov nuj txeeg xwb, hos yus coj los cog los yeej ciaj kawg, tab sis nws xaiv av, xaiv huab cua heev, yog tsis haum nws ces yeej tsis loj, txawm loj los yeej tsis zoo, txi tsis taus. Toov Laj ces yeej txi tas niaj tas xyoo, tej tsob txi 3-4 res ua ke, 1 res no nyhav thaj tsam 60-100kg, hos res me kuj tsuas thaj tsam 30-40kg xwb thiab, 100kg txiv nrog tawv yus coj los ua ces tau thaj tsam li 30-35 kg noob. Tsuav yog yus ua tau xwb ces luag yeej tuaj yuav, tab sis feem ntau yog ua lub caij ntuj qhua(Oct-Mar), vim caij ntuj nag nkos nkos ua nyuaj nyuaj, luag yeej tuaj nrhiav yuav txhua txhia qhov chaw, tsis yog qee suam xwb.