Xob tua nkawm Niam Txiv tuag

- Hais txog, Xob tua nkawm niam txiv ntawd; Kuv kuj pab tu siab kawg....Los pab tsi tau os nawb, Kev ua neej nyob lub ntiaj teb no; Nyiag thov tiam....Nyiag ntawv los ua neej, Kuv tseem nco xyoo 1970; Muaj ob tug tub rog:....Commando....Mus tham tug ntxhais ntawd, Nyob lub zog "Hav pos" Sab teb chaws tsua dawb loj:....Pha khao....Nkawd npav siab phem, Yuav muab tug ntxhais ntawd ua tas; Ces muab tua pov tseg....Tab sis xob twb xub muab nkawd hlawv ua ntej lawm, Tsi tau ua; Tug ntxhais ntawd....Ib tug tuag lawm, Ib tug muab dav hlau thauj mus kho; Tsev kho mob na xu:....Ban xon....Mam tuag peb hnub tom qab, Xyoo 1978; Muaj ib tug niam....Tham tau ib tug tub hluas nyob sab zog, Pham laib sib pus khiav tug txiv; Yuav los mus saib thaib teb....Nkawd khiav los txog, Nai koo txoov tuam yaj lub zog; Txoj kev pem toj....Lawv zov kev tua tuag, Muab faus kiag qaum kev; Tau peb hlis nkaug....Xob muab nkawd ob lub ntxa tua koob nyiab tas, Peb muaj ib tug ntxhais; Txhob txwm khiav tug txiv....Tsi yuav tug txiv xwb, Tuaj txog teb chaws mes kas; Tsav tsheb poob qab ke tuag xyoo 2006....Yog hais tias, Leej twg? Khaws tau pov laum "Kib tshooj" Pov nab, Ces xob tua tib yam; Vim cov pov no....Twv xob, Ces xob tua; Kuv tseem nco tau lub sij hawm ntawd yog xyoo 1962....Kuv noob nyoog nce xyoo yim, Yeeb num tuam yaj; Tuaj tham peb cov muam tom zog "Poom xub" Yeeb tuaj txog ntog kev, Txeeb tau laum kib tshooj lub pov; Tso nab tshos....Tuaj dhau ib ntus zoov, Xob muab yeeb num tuam hlawv; Tsi nco qab lawm....Tog yeeb xeev, Twb ib nrab hmo dua lawm; Ntawd nkawd lub tsev ntawd....Tej zaum muaj nab laum kib tshoob nyob hauv nkawd lub tsev, Los sis nce tse; Xob tua yam ntawd....Ces raug nkawd, Thaum peb nyob nroog looj ceeb xyoo 1968; Xob tua yij nkaj xyum vaj lawv lub tsev ib zaug....Vim lawv ua tsev xuas txiag zeb tiag ncej tse, Muaj qhov khoob; Laum kib tshooj nyob hauv qab txiag zeb....Txawb teem ncej tse, Tug laum kib tshooj ntawd loj luaj ob nti; Yuav ua phem tom lawv tsev neeg....Xob tua tug laum kib tshooj ntawd tuag lawm, Lawv tsev neeg; Kub tsi raug mob li cas os.

Ua tsaug koj tuaj muab cov xov xwm xob tua ob niam txiv no tuaj qhia peb os Tijlaug hmoob ntuj qub qab...hlub nkawv kawg li, ua li cas lam raug xob hlawv muaj ceem ua luaj...

Kuv niam yug kuv muaj ib tug nus, yog kuv niam tus nus hlob, xyoo 1975 thaum nyob teb chaws nplog kuv niam tseem yau, kuv niam tus nus hlob thiab tus nyab mus teb, tab tom los txog tom kev ces huab cua nplawm ntws ib tog tuaj, cia li caum nkawv ob niam txiv, xob nroo ntws ib tog quaj lawv nkawv qab, kuv niam tus nus thiab tus nyab sib tw khiav kom los txog tsev, nkawv los txog ntua ntawm kuv niam lawv taw nrooj ces xob muab nkawv ob niam txiv tua tuag kiag rau ntawm rooj tag, lub cev phua kiag ua ob sab, thiab kub nyhiab dub ncia, kuv yamw txiv, kuv niam thiab niam tais laus lawv tawm plaws hauv tsev tuaj, tus nus thiab tus nyab tuag lawm, tiam sis ob lub cev tseem laim hluav taws xob liab pes vog, kov tsis tau, kuv yawm txiv thiaj li nqa kiag ib teg xyab tawm plaws nraum zoo, thov lub ntuj lub teb kom tsum txhob rau txim rau lawv ntxiv, ces ib hnub yuav luag tsaus ntuj hluav taws xob tuag tas mam li mus muab tau ob lub cev los pam, coj los pam ib hnub ib hmo xwb muab zwm av.

Mam li mus saib cov neeg txawj saib , lawv hais tias yog thaum ub ob niam txiv no tshuav luag nuj luag nqi, nkawv twb ua neej tas ib tiam dhau los lawm, xob tua nkawv tuag ib zaug, tseem yuav yug dua ob tiam ntxiv rau xob tua mas mam them tas nkawv cov nqi... tej no yog tej laus piav xwb, ntawm kuv ces kuv tsis nsteeg tias neeg txawj thawj thiab ntau ntau zaus ces kuv xav tias lam hais kom neeg siab nqig xwb, tej zaum yeej yog nkawv khiav ceev ua rau nkawv tej plaub hau thiab tes taw sov txais hluav taws xob xwb, tsis yog xob tua them nuj nqis.

Kuv niam kuj hais tias kuv niam tus nus ntawv mas,thaum tus nus mus yuav tus nyab, tus nus coj los txog tom kev, muaj kauv qus tshe tshe, ces niam txiv twb tsis pom zoo tus nus yuav tus nyab, kom xa rov qab, tiam sis tus nus tsis yeem ces nkawv los ua neej tau 2 3 hli xwb xob thiaj muab nkawv tua tuag lawm.

- Hais txog, Xob tua nkawm niam txiov ntawd; Suav daws yeej pab nkawd....Tu siab kawg, Tab sis nkawd; Yeej ua txhaum ib qho lawm li, Kuv twb xub piav saum toj no; Yog txhaum lawm....Txawm raug tua tuag lwj tsug ib pawg av, Los tseem raug xob tua nkawd; Ob lub toj ntxas kub nyiab tas....Wb muaj ib tug niam hluas, Hmoob xyooj khiav tsi yuav tug txiv nram ntej ub; Yog hmoob yaj, Yuav tug txiv tam sim no; Yog hmoob vaj....Txawm tuaj txog teb chaws mes kas, Ua tsheb npleem qab ke, Lov npab dam ceg tas; Zaum tib pob pw xyab leeg....Saum laub xwb, Hnav ntaiv pawm tau plaub xyoos no; Paum lwj dhi....Qhov ua paug miag, Tsi tuag li; Yuav ua cas? Wb muaj ib tug phauj hmoob xyooj....Nrauj tug txiv hmoob vaj nyob yeej vib nai, Yuav tug txiv hmoob lauj tom qab no; Tuaj nyob xeev:...Wisconsin....Tham hluas nraug, Tsi yuav tug txiv hmoob lauj lawm; Tug txiv hmoob lauj tuaj saib xyoo 1995....Tug phauj ntawd hu tub ceev xwm:....Police....Ntes tug txiv hmoob lauj ib zaug, Xyoo 2006; Tsav tsheb mus ua zog de dib taub ntais pob kws de taum....Los txog nrab ke, Tsheb pleem qab ke; Lov sab ceg laug....Lub pob qej txha, Pawj paum tawg kiag; Plam plawg ntawm pawj paum, Sab npab xis dam kiag; Lov peb tug tav....Tam sim no, Zaum saum laub thawb xwb; Puas txaus ntshai mas....May paj aws.

Nyob zoo tij laug Hmoob Ntujqubqab, tij laug Xyooj Tsab thiab Maypaj,

Wow....! Zoo siab ua luaj pom kuv ob tug tij laug thiab Maypaj tuaj tham kwv huam rau peb mloog.
Neb ob tug ua tij nim ploj lawm ntsiag moo to, ua rau peb txhua leej nco
Neb ob tug ua hlob nim ploj lawm ntsiag moo ntais, ua rau peb txhia leej tos tos saib ntsoov qhov rais.

Ua cas yuav muaj tej xwm txheej txawv ua luaj li tshwm sim rau lub zwj ceeb no?
Twb txom txom nyem es nim muab lub zog mus lwv los cas tseem yuav nyob tau rau chaw muaj tswv thiab lauj!
Hlub txog nkawd ob tug niam txiv uas raug kev piam sij no.

- Thov zam txim nawb, Ib tsoom phooj ywg! Nkauj muam hmoob, Hlub hmov tshua suav daws; Luag tej laug hais tias....Yog tsi tau kov tug kab, Xob tsi tua; Yog kov tug kab lawm....Yuav raug xob tua, Xob ncaj nceeg kawg nkaug; Xob tsi lam tua dog dig....Txog txij xob tua, Yeej txhaum lawm; Kuv tseem nco tau zoo:....March 13, 1981....10:45 PM, Yog hmo ntuj qhib tshiab; Lub sij hawm ntawd....Peb nyob yeej vib nai, Sab thaib teb; Kaj ntug plawg....Noj tshais tas nrho, Hnub qub tsib vaj neeb; Caij tsheb nrog pej xeem mus tom teb....Pag dej liab, Xob tua tug ntoo ntawm kev ncaim; Tug ntoo ntawd....Thaib ntsia daim paib tias, Kev ncaim mus nram teb pag dej liab; Xob ki puag saum ntsis txog ntua ntawm daim paib....Hla dhau plawg hauv qab, Mam rov ki dua ti nkaug hauv av lawm; Hnub ntawd yuav luas tsaus ntuj....Hnub qub tsib vaj neeb los txog tsev, Yawg hais tias; Kwv tsab pov....Hnub no kuv nrog pej xem caij tsheb mus txom tom kev Ncaim mus nram teb, Pag dej liab; Nag hmo xob tua tug ntoo ntawd....Ki puag saum ntsis txog ntua daim paib hla dhau plawg, Hauv qab ob nti; Mam rov ki dua ti nkaug hauv paug....Yawm xob ncaj kaug nkaug, Yog tib neeg mas; Ntshe lwg zog daim paib tib xyuam lawm os....Lub sij hawm ntawd, Yawg yog:...President Camp Refugee Ban Vinai....Kuv yog lwm thawj:...Vice President Camp And President Security Camp Refugee Ban Vinai....Tug tib neeg ncaj nceeg, Xob tsi tua ib zaug; Tug xob tua....Yeej muaj ib lub siab txia ntshav, Yuav ua phem lwm tug; Xob thiaj tua lawm....Txhob tu siab mog, Kev ua neej kawg ncaj nceeg; Thiaj muaj pov haum....Tug tib neeg nkhaus, Tseev muaj pov haum; Txaus me nyuam me plaub tsib xyoos ris....Los pab tsi tau dab tsi os.

- Rov tham txog, Xob tua tib neeg; Zaum ntawd....Yog kuv poj niam wb kiag:....June 26, 1976; Thaum tseem nyob teb chaws nplog ua caub fab lawm....Kuv poj niam wb luaj daim teb ntawd, Hlawv tas; Cog pob kws cauj....Pob kws taj, Thaum pob kws siab ib dos; Wb pw nthua pob kws txog ntua....Ib nrab hmo, Ntuj hnub qub dawb vog; Ploj tas nrho....Qab ntug dub nciab, Xob nroo dig dawg; Laim liab vog....Puag ncig tsev teb, Taug lub kwj ha ntawd; Cua nplawm ntwg? Lub me nyuam tsev teb tshuav ya xwb, Tib pliag ntshig; Los tuam tsam nag....Wb hnov av qeeg nkawg, Cuag yuav nphau tam sim ntawd; Kuv khawm nkaug puag loo....Kuv poj niam, Wb tug me tub looj rau xub ntiag ziag kiag ntawm ncej tsev nruab nrab; Kuv muab kiag....Kuv lub tsho hnav, Hlais kiag peb peb niam niam txiv tub ib leeg; Ib qho plaub hau hlawv thov pe....Plaub ceg kaum ntuj tas nrho, Tam sim ntawd, Hluav khaub hlab; Plaub hau kub nyiab ncho tsw thoob plawg....Xob laim liab vog puag ncig tsev teb, Thoob plawg daim teb pob kws ntawd pem toj nram hav hnub tuaj hnub poob ntev li; Neeg nkaum tsib feeb ntsiag zog....Cua tug kiag, Nag tu nrho; Tam sim ntawd....Tib pliag ntshig, Ntuj kaj fuab nrig li qub; Kuv poj niam wb tsi paub dab tsi? Rov pw tsaus zog loog, Muaj ib tug yawg laug; Plaub hau dawb paug....Los tsa wb sawv zaum....Hais wb tias, Me tub thiab me nyab; Neb yog neeg zoo....Ncakj nceeg heev, Tug zaj lub kwj ha no, Yuav nphau neb thaj teb pob kws no; Kuv los cheem tau lawm....Txhob ntshai mog, Kuv muab tua tuag txiav tu peb ya; Thau cuam pov tseg nram qab teb ntog tsawb liab....Yog xav pom, Tas kig kaj ntug; Koj mus saib nram tiaj tsawb liab nawb me tub....Me nyab aws, Xyoo ntawd; Kuv poj niam wb ib tug me nyuam xwb....Wb pw kaj ntug, Pom kev thoob teb; Tshav ntuj tuaj ziab thoob teb plawg....Poj niam ua tshais noj tas, Kuv nqa phom ntawm tes ncig saib, Seb zoo li cas? Wb thaj teb pob kws, Txij kiag qab teb nram txoom tas nrho, Plaub tsib kab pleb nrug dav li; Ib tug kwj hoob qhov taub khaib....Dhia yuav luas tsi dhau, Xob tua puag ncig thaj teb pob kws thoob plawg; Av qawj qeeg....Txij hauv caug, Noj tshais tas; Kuv mam nqa phom ntawm tes....Ncig txog nram qab teb thaj tsawb liab, Pom ib tug nab loj luaj li; Yav cav txoob liab tu peb ntus....Tsi pom taub hau lawm, Zaum ntawd; Yog yawm xob cawm....Kuv poj niam wb nrog, Me tub looj; Kev ncaj nceeg xwb....Ntuj pab cawm yug txoj sia, Yog neeg nkhaus; Ntuj tsi pab nawb.

- Nyob zoo os, Phooj ywg! Hmoob ntuj qub qab aws, Txhob ntshai os; Yug siab zoo....Coj ncaj nceeg, Xob tsi tua yug; Ib zaug li os....Yog xov tooj mas, Hais tsi tau nawb; Tab sis thaum ub....Peb nyob lub teb chaws kos, Peb yog tub rog; Peb nqa rawv xov tooj hu....Qhib xov tooj cua mloog, Yeej tsi ntshai dab tsi li os; Tug tib neeg raug xob tua....Nws yeej npaj siab phem, Xob thiaj tua os.

- Yog muaj pag zaj, Los paub tias; Lub pag dej ntawd....Lub qhov dej ntawd, Lub hav iav ntawd muaj zaj nyob; Xuas kub tshis pov hauv.....Xuas tooj liab pov hauv, Ib ntus dej nqhuab lawm; Hav iav qhuav lawm....Zaj khiav lawm, Zaj tsi nyob lawm os; Txhob ua tsev ncej txawb....Txhob muab txiag zeb tiag taw ncej tse, Tsamqias qhov; Muaj laum kib tshooj nkag nyoob hauv twv xob....Xob lam tua tsev xwb os, Vim kuv twb pom dua lawm; Koj lub tsev....Txhob xuas ntoo ntsaub dub ua ncej tse tas nrho, Ua tsi tau ov; Vim yug nyob tsi vau....Nyob tsi lov, Xob tua ib zaug; Kaum cuaj tug ncej....Muaj ib tug txawv lwm yam ntoo, Xob thiaj tsi tua os; Lub teb chaws twg? Muaj dab liab ncaug, Los dab ntxaug; Cog tshab xyoob muaj tsuag ncig tsev....Nrhia ntoo rheeb ua ncej tse, Dab ntxaug ntshai ob yam no; Dab ntxaug tsi looj koov li os....Kev ua neej nyob lub ntiaj teb no, Nco ntsoov txhob ntshaw luag teej; Txhob txhav luag tug....Los ua yug li, Ces tsi npam; Tsi khaum ib zaug li os....Yam yug nyiam, Yuav tsum khwv ntawm yug ob txhais tes; Dej fws si nrog ntsuav.....Yam yug ntshaw, Yuav tsum peem ntawm tug kheej; Lub peev xwm....Thiaj yog yug li, Thiaj yog yug tug; Txhob npav noj dawb haus dawb hnav dawv....Siv dawb ntuj tsi pab yug ov, Nco ntsoov nplog lo lug tias "Luj maj mav laj haim" Thaum tsawg, Tsi yuav; Xav yuav ntau.....Ib zaug muaj nplua nuj, Tab sis ntuj tsi pub ov? Kuv cov lug no, Yog lug qhuab qhia kev ua neej; Kuv tsi dag nej leej twg? Tug tib neeg, Ntshai luag tua yug; Vim yug tsi ncaj nceeg....Kuv tuaj nyob teb chaws mes kas, Peb caug plawb xyoos txwm; Kuv tsi yuav ib rab phom zov tsev....Tsi muaj teeb meem dab tsi? Luag tej yuav phom zov tsev, Thaum twg?....Police.....Pom mag ntes kaw nkuaj, Hav zoov kuv tsi yos; Tsiaj txhu nruab zoo nruab tsuag....Kuv tsi tua, Kuv tsi nuv ntses; Tsi raug teeb meem dab tsi? Nco ntsoov riam phom mos txwv, Tsi yog phab ej; Tsi yog pov haum....Yog kev txhaum cai, Yuav raug ntes kaw ib hnub; Thiaj tas os.

- Kuv piav txog, Xob tua tib neeg; Lub rau hli ntuj hmoob....Pob kws tab tom txij hauv caug, Nyob qab zog noom khab; Hla dej liab sab tim ncua kev deb:....5 kilometer....Hnub ntawd tshav ntuj nrig, Nyab nchaiv vaj; Teem tau hluas nraug zoo....sab ntug dej tim thaj teb pob kws lawm, Nchaiv vaj tuag xyoo 1971; Nram na xu....Tub rog nplog nqe: 5....Tsav tsheb luam tuag lawm, Muab niam tij txis kwv lub npe hu "Xab" Lub npe laug tam sim no, Hu ua ntxhoo xab; Nyob nroog:...Eau Claire, Wisconsin....Nyab nchaiv vaj, Tsi nyiam xab; Nyiag deev hluas nraug....Nkawd lub siab npaj ua neeg seej, Sib yaum khiav hla dej tuaj sab thaib; Hmo ntawd nkawd....Mus zaum qab ntoos, Deev ua si; Tam sim ntawd....Ntuj dub nciab, Cua nplawm ntwg; Xob nthe dig dawg....Laim liab vog, Xob tib rhe puag saum ntsis ntoo; Phua rhe tug ntoo nruab nrab raug kiag nkawd....Faib hlo ob sab, Muab muab pim qau ki laws khuam nkaus nram tsob ntoo nrog siab ntsws ua ke; Ncua deb li:....27 meter....Tsaus ntuj zuag, Tsi pom nyab xab los tsev li; Niam txiv hauv tsev....Thiaj hais tsoom kwv tij, Taws tsau mus nrhiav tim thaj teb pob kws; Thiaj pom nkawd tuag ntxeev tiaj kug cia....Nyab ncaiv vaj, Ntsej muag dub tas, Tug hluas nraug taub hau taws ntsoog tas; Tsi paub npe....Hu li cas? Tsi muaj leej twg? Tuaj leeg li, Tas kig kaj ntug; Mam hais zej zog....Nqa hlau mus khawb qhov faus tim thaj teb ntug dej liab ntawd, Ib xyoos tom qab; Mam tso plig....Tug nyab ntawd, Muaj ib tug ntxhais yuav txiv tuaj nyob teb chaws fab kis lawm; Lub neej siab phem....Lim hiam, Ntais ntuj; Txia ntshav....Raug xob tua tuag, Ntiaj teb no "Yawm xob ncaj tshaj plawg" Yawm xob tsi lam tua dog dig, Tog txog txij; Yawm xob tua....Yeej txhaum loj lawm, Tsiaj txhu txhua tsav yam ntiaj teb no; Tug twg? "Phem" Yawm xob tua, Tsob ntoo twg? "Xob tua" Muaj ntsaum nce twv, Muaj nab laum kib tshooj twv; Muaj zaj twv "Xob tua" Txawm pob zeb, Pob tsuas; Muaj tsiaj nyaum nkaum hauv "Xob tua tas nrho" Ntiaj teb no, Yog tsi muaj; Yawm xob heev npaum, Ntshe tib neeg; Tsiaj txhu txhua yam "Pheem heev li" Luag tej laug hais tias, Yog tsi tau kov tug kab "Xob tsi tua" Tau kov tug kab lawm, Txawm yuav nkaum qab ca; Pw qab zeb....Nkaum qab tsuas tob npaum cas? "Raug xob tua tas nrho" Nco ntsoov tej lug no "Ua neej" Thiaj tsi phom sij txog "Lub neej txoj sia"

- Ntuj thaum ub, Tej laug; Yeej piav zaj dab neeg ntawd....Ib txheej dhau ib tiam txog, Peb tiam no; Kom txhob ua neeg....Siab me, Siab yau; Siab nqaim, Cog zia; Qia dub....Cuaj khaum "Ua siab loj - Siab ntev - Siab dav - Siab zoo - Siab dawb - Ncaj nceeg" Muaj ib khub niam tub, Hnub ntawd leej niam; Ntim mov su tsawg, Thaum txog caij noj sus; Los muab mov thau saib....Cas leej niam, Ntim mov tsawg ua luaj; Tug tub ntshai tsam....Tsi txaus tug tub noj, Tug tub muab niam tua tas; Cas tug tub noj npaum cas? Thooj mov npaum tsi nqeg li, Tug tub mam xav txog "Tu siab quaj ncia dhawv" Tam sim ntawd, Fuab ya tsuv zwg; Ntuj dub nciab....Cua nplawm ntwg, Xob nthe dig dawg; Xob tua tug tub tuag....Xob muab tug tub nqa hlo tso plhuav, Saum niam xub ntiag; Muab tug tub lub ncauj npuav kiag "Niam lub mis" Qhia neeg ntiaj teb tias, Noj niam roj; Ntxais niam ntshav....Niam tu loj hlob, Cas siab phem ua luaj li; Mov txua ntim tsawg....Tsi txaus noj, Mov nplaum ntim tsawg; Noj tsi tas....Ib leeg noj luaj lub qe, Haus dej lawv; Tsau plab kawg....Txhob ua neeg siab hlob, Xav noj ntau; Yuav tsi tau noj nawb....Hmoob aws.

- Noob neej neeg, Suav daws uas paub txog....Kev tsim noob neej neeg, Leej txiv yog Yawm saub" Leej niam yog "Ntiaj teb" Leej txiv yog "King" Leej niam yog "Queen" Lub vaj tsev, Lub cuab yig; Leej txiv yog "Tug muab txoj sia" Leej niam yog "Tug muab roj ntsha" (Yes Or no) Leej txiv yog "Tug xya" Leej niam yog "Tug yug" Yuav tau hawm txiv, Yuav tau hwm niam; Luag tej laug....Thiaj piv ntuj nrag lug tias "Txiv tam lub ntuj - Niam tam lub ntiaj teb - Tij laug muam hlob tam niam txiv" Cas hmoob ho coj txawv ua luaj, Hmoob poj koob yawm txiv "Hais yog" Coj yuam kev, Tej laug muab niam tij txis kwv; Tsi yog lawm....Tej kwv los, Tog tsi taug tij laug tuag; Nce txaj nrog niam tij pw....Niam tij tam niam, Ua li cas? Tej kwv saib tsi taug niam tij mas; Thaum kuv tseem yau....Lub qab xyoo 1966, Kuv noob nyoog 13 xyoos; Lub nrab xyoo 1970....Kuv noob nyoog nce xyoo 16, Lub qab xyoo 1971; Kuv noob nyoog nce xyoo 17....Cov tij laug kwv tij, Thiab kuv txiv lawv ntas; Sau tas nrho....Pab me txiv tub tuaj puv tsev nkaug, Hais yuam kom, Kuv mus pe niam tij; Yuav niam tij....Khaws tij laug, Niam tij lub neej ua; Kuv teb lawv tias....Nej muaj lug nyiaj, Yij meem qhuab, Muaj lug kub ntuag; Yij meem hais kom tas....Kuv zaum ntawm no, Cuab pob ntseg "Mloog" Nej suav daws hais yog "Raug cai" Kuv yuav ntas, Nej hais yuam kev; Kuv cam dhau....Kuv tsi yuav, Nej txhob chim; Txhob cem tias "Kuv phem nawb" Kuv muab hauv paug lug li, Kuv piav sauj toj no "Hais tas nrho" Lawv suab quab yuam ntsiag tas nrho, Tsi teb ib tug li; Lawv lo lug ywg! "Zaum kawg" Aw koj ntse kawg, Tsi yuav; Los tsi ua cas? Hnub twg? Yuav poj niam, Peb tsi ua mej koob; Tsi nrhiav phij laj....Tsi pub ntxhais ua niam ua luag, Kuv teb tias "Aw ua li os" Tsuas nej suav daws, Thiaj muaj cai yuam "Txwv txiav kuv txhua yam" Kuv tsi txiav nej suav daws, Txog hnub ntawd hu txog; Tuaj nov mov xwb mas....Kom nej suav daws, Nco ntsoov tias; Kuv thawj tug niam tsev....Yog hluas nkauj, Tom qab ntawd; Txawm yuav li cas? Yog kuv hauj lwm ntiag tug, Tsi hais txog nej suav daws os; Lawv teb tias "aws ua li mas"....December 3, 1973; Kuv tsim txiaj ncus; Tau npe nom tub rog....Qeb hnub qub; 2, Yog lwm thawj pawg pua muam tub rog; Tau npe nom pej xeem....Qeb toj xeem, Teb chaws mes kas:....City Council....Tsi tas hais, Lawv txawj thov mej koob; Coj tub tuaj.... Ua phij laj....Coj ntxhais tuaj ua, Niam ua luag "Tab sis" Yuav tsum yog, Yug ua taug txiv; Muaj nyiaj txiag....Them nqis tshoob kos, Tsi qiv txais; Ua nuj nqis ov? Hmoob mas phem kawg nkaug os.