XYAUM COJ ZOO

Nyob hauv ntiaj teb no yus lub neej tseem ceeb tshaj. Yus yuav tau ua lub siab ncaj ncees ua siab ntev. Txhob lam tau lam ua dog ua dig yus lub neej thiaj tsis puas tsis hais thaum yus tseem ua hluas los thaum muaj poj muaj seb li. Ua ntej yus yuav tau hlub yus tus kheej tswj yus tus kheej kom tau ib tug neeg zoo tso. Yus thiaj mus hlub tau yus tus txiv/pojniam thiab menyuam. Tag ntawv yus mam hlub yus niam thiab txiv thiab cov tij/kwv thiab muam hauv yus ib tsev neeg. Tag ntawv yus mam mus hlub thiab pab cov sab nrauv.

Yog yus coj tau zoo thiab ncaj ncees rau yus tsev neeg lawm ces neeg sab nrauv yeej hwm thiab saib yus mus rau lub sam xeeb siab xwb. Thaum luag saib yus muaj nuj qis thiab hwm yus lawm yus yuav tau coj lub siab ntev siab ncaj es sib yoog thiaj muaj kev sib hlub.

Kuv tsis tham txog txoj kev kawm txawj kawm ntse ov vim txoj kev kawm txawj kawm ntse ntawv ma nyob ntawm tus kawm tau xwb. Yog tus twg tseem kawm tau txawj ntse thiab coj li kuv hais sauv ces haj yam zoo lawm thiab. Li no thiaj tsim nyog yug los ua ib zaug neeg rau hauv ntiaj teb

yuav kho tus kheej, ces yog yuav tsum txawj zam luag, hais lus kom luag yuav taus, txhob saib yus tus kheej muaj dua lo sis ntse dua yuav tsum coj kom haus sawv daws, ua kom sawv daws poog tau yus, txawm yus hais tsis yog yuam kev me me los yuav tau thov zaj txim, txawm luag hos hais saib tsis tau yus thuam yus los kuj ua zoo xav saib tim li cas luag thiaj cem thiab hais, ces yuav tau luj tej lus sib zam ces yeej zoo phim yus lub meej mom lawm ma.