Koojziagkabzaug tus neeg zoo

Hmong ntuj tshiab wrote:wow maiv paj koj lub tsev mas zoo nkauj kawg kiag li

ua cas koj tau ib daim duab qub zej zog nas xus coj los tso rau hauv nov thiab os maiv paj aw!!!!!! zoo heev nawb

kuv paub daim duab no yog kuv lub qub zog nas maiv paj

koojziagkabzaug wrote:

Nyob zoo Hmoob Ntujqubqab thiab Maypaj,

Wow...! Maypaj aw...! Cas nws yuav ua tau nws lub tsev zoo nkauj ua luaj li os...! Zoo kawg, nws kuj muaj ntau yam toob xib zoo nkauj puv ntia nws lub tsev tshiab. Kuv thov qhuas nws lub peev xwm nawb mog.

Hmoob Ntujqubqab,

Maypaj wb txawj sib hlub,
Yog vim Maypaj yog ib tug ntxhais muaj lub siab ncaj ncees tshaj ntiaj teb neeg.
Maypaj wb los ua viv ncaus zoo,
Yog vim Maypaj yog ib tug ntxhais siab zoo tshaj plaws ib zej tsoom.
Wb ua viv ncaus sib hlub sib pab,
Los wb tseem muaj txoj hmoo los ntsib kev me Hmoob Ntuj qubqab
Tus ncaij npliag siab nkiag,
Ua lub neej tsim txiaj sawm txhiaj nyob rau Ntuj qub qab rau peb vam khom tso siab...

Es ua tsaug rau nws thiab mog.

koojziagkabzaug wrote:

Nyob zoo Maypaj,

Wow...! Cas hnub no nws yuav tuaj kho tau Hmoob Tshav Ntuj zoo nkauj ua luaj li?

Zoo kawg nkaus, nws tseem tso cov Zaj tseem ceeb rau sab lauj thiab mas zoo kawg li.

Ua nws tsaug nawb, yog tssi muaj nws ces peb lub zos yuav tsis tshiab li...

Nyob zoo Koojziagkabzaug

Maiv yog leej ntxhais zoo li no:

Maiv tus txawj hais lus zoo dua ntais
nws niam nws txiv noj dab tsi yug cas nws yuav txawj ntau yam lus
nws tham lawm yeej maj rawm
mloog nws tej lus tham tsam ho tas
nws sau ntawv ua kev zawv
twm tsis nco qab nkees vim nws txawj sau tawg paj zees
leej muam tus tij laug qhuas
nws mas tshaj lij ua yam twg los txhij
lub peev xwm tsis thawj luag los vim nws keej thiab nquag
...hehehehe maiv aw

Hmoob ntuj qub qab wrote:

koojziagkabzaug wrote:

Nyob zoo Hmoob Ntujqubqab thiab Maypaj,

Wow...! Maypaj aw...! Cas nws yuav ua tau nws lub tsev zoo nkauj ua luaj li os...! Zoo kawg, nws kuj muaj ntau yam toob xib zoo nkauj puv ntia nws lub tsev tshiab. Kuv thov qhuas nws lub peev xwm nawb mog.

Hmoob Ntujqubqab,

Maypaj wb txawj sib hlub,
Yog vim Maypaj yog ib tug ntxhais muaj lub siab ncaj ncees tshaj ntiaj teb neeg.
Maypaj wb los ua viv ncaus zoo,
Yog vim Maypaj yog ib tug ntxhais siab zoo tshaj plaws ib zej tsoom.
Wb ua viv ncaus sib hlub sib pab,
Los wb tseem muaj txoj hmoo los ntsib kev me Hmoob Ntuj qubqab
Tus ncaij npliag siab nkiag,
Ua lub neej tsim txiaj sawm txhiaj nyob rau Ntuj qub qab rau peb vam khom tso siab...

Es ua tsaug rau nws thiab mog.

Nyob zoo Koojziagkabzaug thiab Maiv

Neb yog Viv ncaus txawj xuas lub hauv paus
los chiv ua neej thiaj nyob muaj meej
los peem tsheej viv ncaus txawj sib zeem ntawm kev neej
ua niam laus niam hluas txawj sib xyuas
ua niam hluas niam laus txawj sib taug
txawj sib yoog leej twg los xav tuaj poog
Neb txawj sib hlub leej twg los xav caum qhub
zoo li neb tseem zoo zog viv ncaus niam txiv yug neb tham thiab ua txhua yam thiaj zoo ua ntu zus.

Neb zoo li ob viv ncaus no neb mas txawj tham lus sov lis so lub siab nim tsis nco kho...hehehehe

Nyob zoo Hmoob Ntujqubqab,

Ntuj tsim tau Maypaj wb los sib ntsib
Teb txoos tau nws los nrog peb sib fim

Ntuj coj muaj nws los nrog wb ua ke
Teb txawm tau tus neeg zoo los coj peb...

Hmoob Leej Tub,

Lub neej yuav sib hlub ces tsis txog siv zog
Yuav sib coj ces tsis txog yuav hais tshaj
Yuav sib pab ces tsis txog yuav ntsub
Yuav sib hlub ces tsis txog yuav xam
Yuav sib zam ces tsis txog yuav pauj
Yuav sib haum ces tsis txog yuav yuam

...Es ntiaj teb tsis muaj neeg nyiam kuv los xij peem twb tshuav Maypaj thiab Hmoob leej tub ces kuv twb zoo siab ua neeg lawm...