Dab neeg Siv Yis

**koojziagkabzaug** 29th September 2010, 1:19 pm

koojziagkabzaug

koojziagkabzaug: Moderator; Messages : 3529
Date d'inscription : 2010-02-28

Post n°1

Dab neeg Siv Yis

koojziagkabzaug 29th September 2010, 1:19 pm

Hmong Zaj Dab Neeg Siv Yis told by Ntxooj Nyiaj Yaj

Last edited by koojziagkabzaug on 3rd November 2011, 12:24 am; edited 2 times in total

**koojziagkabzaug** 13th September 2013, 1:13 am

koojziagkabzaug

koojziagkabzaug: Moderator; Messages : 3529
Date d'inscription : 2010-02-28

Post n°2

Re: Dab neeg Siv Yis

koojziagkabzaug 13th September 2013, 1:13 am

Dab Neeg Qhia Lub Hauv Paus Pib Ua Neeb Thiab Kev Siv Tsiaj Thiab Cuab Yeej Ua Neeb

Tus sau: Maiv Zuag Ham

Dab Neeg Keeb Kwm Siv Yis thiab Ntxwg Nyoog
Txiv hlob N. Lis Vaj tau qhia kuv txog ntawm zaj dab neeg uas qhia txog saib Hmoob kev ua neeb tshwm sim li cas los. Zaj dab neeg mus raws li no.

Ntuj thaum ub, tseem tsis tau muaj dab tsi li, ces txeem txwm tau ob nus muag hu ua Luj Tub thiab Tshi Chiv. Thaum av luag quas tawg pleb nkawv ob leeg thiaj li tau tawm hauv los. Luj Tub tawm sab xis los, qhia tau hais tias nws yog ib tug txiv neej vim sab xis no nws muaj zog dua sab laug, ho Tshi Chiv tawm sab laug los, qhia tau hais tias nws yog ib tus poj niam. Tom qab uas nkawd tawm los nyob rau saum daim av, tus nus txawm hais rau tus muam kom nkawd yuav tsum tau mus nrhiav txij nkawm nyob rau hauv lub ntiaj teb no, vim rau qhov nws loj thiab dav heev. Tshi Chiv thiaj li tau teb Luj Tub hais tias,
"Kuv yuav mus nrhiav txiv yuav nyob lawm sawm qaum ntuj."

Tom qab nws hais li ntawd tag rau tus nus, nws thiaj li tau mus.

Hos Luj Tub tau nrhiav nws tus tav nyob rau hauv ntiaj teb no tau cuaj lub xyoos nkaus. Nws nrhiav tsis pom muaj ib tug neeg kiag. Muaj ib hnub, Luj Tub mus mus, nws thiaj li mus ze ib lub pob tsuas, ces nws txawm hnov ib lub suab nrov, "poog!"
Tom qab ntawd, nws txawm pom ib co pa ncho ncho tim lub pob tsuas tuaj. Luj Tub thiaj li dhia dhia mus xyuas saib seb yog tus twm zeej dab tsi. Thaum nws mus txog rau ntawd lub pob tsuas nws thiaj li pom ob niam txiv liab dawb dawb puag ib tug menyuam liab dawb dawb. Qhov uas nws paub hais tias nkawd yog liab no mas vim yog nws mus txog rau ntawm nkawd, ces nws twb tau nug nkawd lawm.
"Neb tawm qhov twg los, vim rau qhov kuv twb tau ncig lub ntiaj teb no los mus tau cuaj lub xyoos lawm, kuv twb tsis ntsib ib tug dab tsi li? Tsis tas li ntawd xwb, ua cas neb thiaj li muaj tau menyuam?"
Ob niam txiv liab thiaj li qhia rau Luj Tub hais tias nkawd yog nus muag xwb. Qhov uas nkawd muaj taus menyuam ntawd twb vim yog tus muam nce tus nus ces tus nus nce tus muam xwb.

Tom qab hnov ob nus muag liab hais li tag, Luj Tub txawm thim rov qab los mus nrhiav nws tus muam, Tshi Chiv, rau ntawd qhov qub chaw uas nkawd tau tawm los.

Nws mus mus yuav txog rau ntawm qhov chaw thaum uas nws thiab Tshi Chiv tawm los, ces nws txawm pom tau ib tug poj niam zem zuag puag tim nws hauv ntej. Nws xav twb ywm rau hauv siab hais tias zaum no nws yuav tau poj niam yuav. Thaum Luj Tub mus ze zuj zus nws pom tau lawm hais tias yog nws tus muam xwb. Li no, nkawd thiaj kawg tau los mus sib sau ua ib yig neej.

Txij hnub uas Tshi Chiv pib muaj nws thawj tus menyuam los nyob rau hauv lub ntiaj teb no, ces txawm pib muaj neeg ntiaj teb zom zaws thiab pib muaj tsiaj ub tsiaj no coob coob los mus nyob rau hauv lub ntiaj teb. Tag nrho huv si Luj Tub thiab Tshi Chiv muaj kawm cuaj tug menyuam. Kaum tus yog ntxhais ho cuaj tug yog tub. Tus tub hlob hu ua Ntxwg Nyoog, tus thib ob hu ua Saub, tus thib yim hu ua Npag Nag Phav, hos tus thib cuaj hu ua Siv Yis. Dua lwm cov tub thiab ntxhais ces lawv tsis muaj hwj huaj dab tsi yog li ntawd lawv cov npe thiaj li raug hnov qab tag.

Ntxwg Nyoog mus yuav poj yuav sev nyob rau saum qaum ntuj. Saub kuj tau mus nrog Ntxwg Nyoog nyob saum qaum ntuj lawm thiab. Npag Nag Phav ces nws yuav mus nyob hauv qab av, yog li ntawd nws niam thiab nws txiv thiaj li tau muaj nws coj mus tso rau hauv qab av. Tau ntau niaj ntau xyoo Npag Nag Phav thiaj li tau rais mus ua ib tug nab qa. Tom qab ntawd, nws rais dua mus ua zaj lawm. Nws thiaj li tau mus nyob hauv dej thiab mus yuav ib tug nkauj zag los ua nws poj niam. Siv Yis ces rau siab ntso niaj hnub mus kawm hwj huaj ntawd nws tus tij laug hlob Npag Nag Phav.

Muaj ib hnub, Ntxwg Nyoog tus poj niam txawm mob mob plab yuav yug menyuam. Thaum nws yug tau los ua cas yog ib lub qe loj loj heev xwb. Ntxwg Nyoog thiab nws poj niam thiaj li tau nyob tos tau cuaj lub xyoos kom lub qe daug los yeej tsis daug li. Tus poj niam puag puag lub qe tau cuaj xyoos txwm nkaus ua rau nws tsis xav puag li lawm.

Thaum zoo li ntawd lawm, Ntxw Nyoog thiaj li tau mus hu nws txiv, Luj Tub, nyob rau hauv ntiaj teb tuaj mus xyuas seb yog vim tus dab tsi, ua cas lub qe pheej tsis txawj daug. Luj Tub mus txog nws thiaj li tau mus mloog zoo zoo seb puas hnov tej yam suab dab tsi nyob rau hauv lub qe. Nws hnov zoo li muaj ob tug menyuam hais hais lus hauv lub qe. Yog li nws thiaj li tau nug lub qe hais tias yog lub qe daug los no, nws yuav yog ib tug menyuam neeg zoo los sis phem. Ob tug menyuam uas nyob rau hauv lub qe thiaj li tau teb Luj Tub hais tias yog nkawd daug los mas nkawd yuav los mus tswj hwm neeg ntiaj teb huv si. Thaum Luj Tub hnov li no tag, nws thiaj li kom Ntxwg Nyoog muab lub qe coj mus rhuav tshem vim yog hais tias cia ob tug menyuam ntawd daug los mas, yuav ua npog rau neeg ntiaj teb txhua tus.

Ntxwg Nyoog thiab nws poj niam txawm tsis kheev, vim nkawd twb tau zov thiab tos ntev seb lub qe puas daug. Leej txiv ua tsis tau li cas, nws thiaj li tau rov qab los rau ntiaj teb. Tsis ntev tom qab, Luj Tub rov los rau ntiaj teb lub qe txawm daug. Thaum daug tau los ua cas muaj tseeb li leej txiv tau hais; tias sis twb lig dhau.

Ob tug menyuam ntxwg nyoog ntawd thiaj li tau los muab nkawd niam noj tag, tias sis noj tsis tau leej txiv vim nws yog hlau. Tom qab ntawd, nkawd thiaj li tau ya los mus noj neeg ntiaj teb. Ntxwg Nyoog tsis paub ua zaj twg ces nws thiaj li rov qab mus nrhiav kev pab ntawm nws txiv thiab nws tus kwv, Siv Yis.

Siv Yis pheej mus kawm hwj huaj ntawm nws tij laug, Npag Nag Phav, nws thiaj li mus pom nws niam tij muaj ib yam nroj tshuaj uas muaj hwj huaj heev. Tsob nroj tshuaj ntawd yeej tsa tau txhua yam uas tuag lawm rov qab los. Siv Yis thiaj li tau muab nyiag nqa los mus tsa neeg ntiaj teb kom rov qab ciaj los thiab muab coj los tiv thaiv nws kom nws tua tau ob tug menyuam ntxwg nyoog.

Tom qab Siv Yis tua nkawd tuag tag thiab tsa neeg ntiaj teb ciaj rov qab los tag nws thiaj li tau nce mus nyob saum qauj ntuj lawm thiab. Ua ntej uas nws yuav mus nws tau muab nws cov twj neeb pov tseg nyob rau ntiaj teb. Siv Yis tseem tau hais tias yog leej twg tsuj tau nws cov qub hneev taw ces tus ntawd yuav tsum tau los mus ua ib tug neeg uas txawm ua neeb los mus pab cawm thiab kho neeg ntiaj teb tej kev mob nkeeg. Txij hnub ntawd los yog leej twg mus tsuj raug rau nws cov hneev taw ces lawm yuav tsum tau los ua ib tug txiv neeb. Yog nws hnov pas xyab tsw, hnov lub nruas los sis tswb neeb nrov, nws yuav pib tshee thiab dhia paj paws heev heev.

Tej Yam Neeb Yaig
Thaum kuv mus xam phaj txiv ntxawm Nyiaj Vaj Muas tas, nws qhia hais tias Vaj Saub Siv Yig yog tus los qhia Hmoob kom Hmoob txawj ua neeb los kho ntsuj plig thiaj yuav kho tau tus mob. Nws hais tias Vaj Saub Siv Yig qhia muaj raws nrais li no:
ua neeb kho ntsuj plig,
ua neeb quas dab,
ua neeb ntxiv ntawv noj,
ntawv haus kom nyob ntev ntxiv,
ua neeb xa dab phem tawm rooj mus,
thiab ua neeb yuam mob yuam ntsaj tawm mus.

Kev Siv Tsiaj Kho
Thaum ib tug txiv neeb ua ib thaj neeb, nws yuav siv cov tsiaj txhuv xws li no:
qaib,
npua,
os,
tshi
los sis mes es,
aub,
miv,
roob ris,
qav,
thiab pob zeb.

Tus txiv neeb siv cov tsiaj no coj los mus kho ntsuj kho hlau thiab coj mus txhaws tus neeg mob lub qhov tuag kom tsis txhob muaj kev ploj kev tuag.

Tus qaib, tus npua, thiab lub pob zeb raug siv thaum ua neeb kho tus ntsuj plig. Xws li, menyuam mob taub hau los sis tug neeg ntawd tau poob plig.

Tus roob ris yog siv thaum tus neeg mob ntawd raug dab zaj thiab dab nab qa.

Tus qav yog siv thaum nws raug dab hav liaj hav av.

Tus aub thiab tus miv yog siv los mus tiv thaiv dab kom txhob los mus tau ze ntawd tus neeg mob lawm.

Thaum lawv muab tus tsiaj coj los kho, tus tsiaj yuav tsum raug khi caj dab thiab ko taw. Tib txoj hlua uas khi tus tsiaj caj dab ntawd yuav tsum tau muaj ib ya coj mus vas tus neeg mob. Tus neeg mob yuav tsum tau zaum saum tug txiv neeb lub rooj neeb. Ua ntej tus txiv neeb yuav muab ib ya hlua ntawd coj los mus vas tug neeg mob, nws yuav tsum muab ob daig xov txheej tso hauv av thiab muab ob daig tso rau saum lub rooj neeb, ua ntej tus neeg mob ntawd yuav zaum. Thaum tus neeg mob zaum saum lub rooj neeb, nws yuav tsum tau zaum saum ob daig xov txheej uas nyob rau ntawd lub rooj neeb, thiab tus neeg mob yuav tsum tau tsuj ob daig xov txheej uas nyob hauv av. Tsis tas li ntawd, tus txiv neeb yuav tsum tau muab ib ntshuas ntawv rhais rau ntawm tus neeg mob caj dab tsho ua ntej txheev nws cov dab neeb thiab muab txoj hlua coj los mus vas tus neeg mob. Ntshuas ntawv yog muab coj mus ntxiv tus neeg mob daim ntawv noj ntawv haus. Cov xov txheej ntawd yog ris tsho thiab khau rau tus neeg mob ntawd tus ntsuj tus plig.
Kev Siv Cov Cuab Yeej Ua Neeb
Tus txiv neeb muaj cuab yeej ua neeb xws li
tus qws nruas,
lub nruas neeb,
txwm kuam,
rab ntaj neeb,
txoj phuam tiv hauv,
plaub lub tswb neeb,
lub txiab neeb,
lub rooj neeb,
thiab lub thaj neeb.

Tus txiv neeb siv nws cov xiam xws ua neeb no los mus kho neeg thaum muaj mob.

Tus qws nruas thiab lub nruas yuav tsum tau muab ntaus thaum tus txiv neeb tab tom pib ua neeb. Lub nruas qhia tau rau dab hais tias tus txiv neeb tuaj lawm.

Plaub lub tswb neeb siv los ua rau kom dab meem txom thiab toog pob ntseg. Thaum zoo li no lawm, yuav ua rau dab mob pob ntseg thiab khiav mus.

Txwm kuam muab los siv thaum tus txiv neeb tsis tau pib ua neeb los yog siv tom qab nws ua neeb tag. Nws muab coj los khav tus ntsuj plig saib seb tus neeg mob ntawd tus plig puas tau rov qab los, los yog tsis tau. Yog hais tias txwm kuam ob sab puav leej qhib no ces txhais tau hais tias tus neeg mob tus plig los lawm. Yog hais tias ib sab qhib ib sab khwb no ces qhia tau hais tias tus plig tsis kam los. Hos yog ob sab khwb no ces nws txhais tau hais tias tus plig tsis tau los.

Rab ntaj neeb siv los mus cais dab qus thiab tiv thaiv tus neeg mob. Tej cov txiv neeb kom tus neeg mob muab tso hauv qab tog hauv ncoo, hos tej cov kom muab tso ntawm ib sab txaj uas nws pw. Tus txiv neeb hais tias muab rab ntaj neeb coj mus tso pem chaw pw li ntawd thiaj li yuav tiv thaiv tau tus dab phem kom tsis txhob los ze tau.

Nyob rau ntawm txoj phuam neeb ces muaj xws li txoj liab thiab txoj dub. Txoj phuam liab muaj zog dua txoj phuam dub vim yog hais tias txoj phuam liab zoo li tooj liab. Dab ntshai tooj liab heev vim yog hais tias thaum koj muab coj mus hlawv, ces nws liab li hluav taws. Yog li ntawd, thaum tus txiv neeb ua neeb lawv kom dab tawm hauv tsev mus, nws thiaj li pheej siv hluav taws thiab roj coj los ua kom tus dab ntshai thiab khiav tawm. Li no, lawv hu ua "hlauv moov pias".

Lub rooj neeb siv los mus ua tus txiv neeb tus nees los sis tus nees huab nees cua nyob rau lub sij hawm uas nws ua neeb mus muab tus neeg mob ntawd tus ntsuj plig rov qab los.

Lub thaj neeb yog qhov chaw tus txiv neeb teev nws cov dab neeb kom lawv thiaj li muaj chaw nyob chaw roo, lawv thiaj li muaj kev zoo siab thiab thiaj li tsis ua mob ua ntsaj rau tus txiv neeb.

Txij li hnub Siv Yis los mus qhia Hmoob kho neeg mob, neeg thiaj li txawj zoo rov qab los. Hmoob txawm cia li coj los siv kho neeg mob txog niaj hnub niam no.

Lus Xaus
Hmoob cov dab qhuas yog qhov tseem ceeb rau Hmoob heev. Hmoob txoj cai ua neeb no yog ib qho muaj nuj nqis heev rau lawv los tau ntau tiam neeg lawm. Hmoob txawm ua neeb li no xwb los lawv yeej muaj peev xwm kho kom ib tug neeg mob twg zoo li ntawd 70 feem pua. Hmoob thiaj li ua neeb ua yaig los kho neeg hauv lawv lub neej los txog rau niaj hnub no. Txoj kev cai dab qhuas no tsis yog lam nthuav lam hais. Raws li tus txiv ntawv hais, cov txiv neeb yeej txawj thiab paub hauv plab los lawm. Yog hais tias muab coj los rau hauv lub hnab ntawv ces cov neeb cov khawv koob yuav tsis leej lawm. Thaum ib tug neeg yuav txawj ua neeb, nws yuav tsum tau muaj ib tug xib fwb los mus qhia nws ua neeb, thiab qhia nws seev suab hu neeb. Kev qhia no, tus xib fwb txawm yuav qhia ib tug neeg kom txawj ua neeb los nws yuav muab tsis tau cov lus ntawd coj los sau cia rau tus tub kawm ntawd tau nyeem thiab kawm. Tus tub kawm yuav tsum tau mloog zoo zoo thiab muab khaws cia hauv siab tseg xwb.

Tom qab kuv ua daim ntawv tshawb fawb no tag, kuv tau kawm tau ntau yam txog ntawm Hmoob txoj kev ua neeb ua yaig. Qhov ua rau kuv yog hais tias txog kev muab cov lus ua neeb ntawd coj los sau hauv ib phau ntawv tseg ces yuav ua rau nws tsis leej lawm. Puas yog tiag? Tsis tas li ntawd xwb, kuv yeej tsis tau xav hais tias Hmoob txoj kev ua neeb yaig no muaj nuj nqis npaum li no rau Hmoob lub neej. Kuv vam hais tias yog koj nyeem kuv daim ntawv no tag lawm koj yuav kawm tsis tau ntau los ntshe tau ib los sis ob yam txog txoj kev ua neeb.

Copyrights © 2007 May Zoua Hang
All rights reserved

xiongchang 15th September 2013, 6:24 pm

xiongchang

xiongchang: Moderator; Messages : 5005
Date d'inscription : 2012-04-16

Post n°3

Re: Dab neeg Siv Yis

xiongchang 15th September 2013, 6:24 pm

......Me muam kooj ziag kab zaug as?....Kuv xav muab pauv ua....(Keeb kwm - Siv yig)....Yog dab neeg no....Tsi muaj tseeb....Lo lug keeb kwm....Tseeb dua....Koj ua muam....Puas xav li ntawd....Txhua tug txiv neeb....Caj mab ceg ncau....(Neeb yaig)....Tshwm sim....Los ntawm....(Siv yig)....Bhu dha....Tshwm sim....Los ntawm....Tub huab tais....{Xais xim thab thaj}....Txiav txim siab....KHiav tawm vaj loog....Huab tais....Txiav plaub hau ua....{Hauj sam}....Tom qab tas....Nws txoj sia lawm....Thiaj tis npe ua....(Bhu dha)

**koojziagkabzaug** 16th September 2013, 12:31 am

koojziagkabzaug

koojziagkabzaug: Moderator; Messages : 3529
Date d'inscription : 2010-02-28

Post n°4

Re: Dab neeg Siv Yis

koojziagkabzaug 16th September 2013, 12:31 am

Tij laug Xyooj Tsab,

Ua li, kuv mam kho "kkeb kwm neeb Siv Yis " li nws hais thiaj li raug. Yog kawg, Suav txov Hmoob heev ces Hmoob cia li tsis siv Hmoov cov ntawv; dab tsi los nco rau cim xeeb xwb es thiaj li muab hais ua dab neeg lawm xwb. Txhais tias cov neeg uas tau paub tau pom lub caij ntawd twb tuag ua dab tag lawm no.

Ua tsaug ntau.

xiongchang 16th September 2013, 7:23 am

xiongchang

xiongchang: Moderator; Messages : 5005
Date d'inscription : 2012-04-16

Post n°5

Re: Dab neeg Siv Yis

xiongchang 16th September 2013, 7:23 am

......Yawm saub....Tug tub hlob....Yog vaj xeem xais....Kav qaum ntuj nqe ntiaj teb....Yawm saub tug tub nrab zug: 2....Yog ntxwj nyoog....Nyob saum huab cua....Yawm saub tug tub zug: 3....Yog siv yig....Me muam kooj ziag kab zaug as?....Hmoob keeb kwm....Chiv keeb....Tshwm sim....Yog luj tub thiaj nkauj ntxhi chim nkawd....Ob nus muag....Sib yav....Sib qaws....Ua niam txiv txwj nkawm....Hmoob niam....Hmoob txiv....Mam txuas....Ntawm tub xai toog....Hmoob ntxhais nkauj ntxawm....Hmoob lo lug....(Peb hmoob)....Tub xai toog....Hmoob sib ntxhais nkauj ntxawm....Yug tau peb kwv tij....(Vaj - Tsab - Lis xeem)....Lub npe vaj....Yog vaj hwj huaj....Lub npe tsab....Yog tsab kav cai....Lub npe lis....Lis tuam thawj....Thawj hau rog.

......Hmoob yuav tau puab....Siv yig....Tug duab zoo li....Hauj sam puab...."Bhu dha"....Ua chaw teev hawm....Ua thaj txais...."Ntaj neeb - Cwj yaig - Hwj huaj"....Los ntawm....(Siv yig)....Yogleej twg?....Yuav ua neeb saib leej twg?....Thov koob hmoov hwj huaj ntawm....(Siv yig)....Ua ncaj nceeg....Tsi yuav nyiaj....Tsi yuav nqis....{Kho dawb paug}....Li ntuj thaum ub....(Siv yig)....Lub tsev teev hawm....Txais hwj huaj huam....Ntawm siv yig....Ua ib yam li....Hauj sam teev hawm...."Bhu dha"....Tsi yog.... Nyiag ua nyiag tsev li....Hmoob ua os?....(Siv yig)....Yog vaj neeb kho neeg yaj ceeb....Ib yam li....Nej cov teev hawm...."Vaj yes xus - Vaj yawm saub"....Muaj chaws txawb...Muaj chaw rau....Muaj chaw teev hawm....Muaj paug....Muaj ntsig....Tsi yog ua li hmoob ua....Nplog hais tias....Npluas las....Npluas xes....Tsi paug....Tsi ntsis.

......Lub npe siv yig....Yog yawm saub....Tug tub ntxawg zug: 3....Hauv kuab muaj tsuas....Cawm seej....Kho neeg ntiaj teb....Nce qaum ntuj....Rov ntiaj nrag....Ntxwj nyoog....Siv yig nkawd....Ua rog kho noob neej neeg....Ntiaj teb....Nce qaum ntuj....Thaum kawg....Ntxwj nyoog....Muab sivyig tub tua noj lawm....Siv yig....Tu siab nrho....Siv yig....Thiab muab ntaj neeb....Liam ntiaj teb....Muab kuab tshuaj....Tsuag rau ntiaj nrag....Yog leej twg?....Khaws tau....Siv yig ntaj neeb....Ntxooj neeb tseeb....Yog leej twg?....Khaws tau....Siv yig....Cwj yaig....Ntxooj neeb leej....Hmoob niam....Hmoob txiv ntuj thaum ub....Ncau los ntawm....Txiv luj tub....Thiab niam nkauj ntxhi chim....Tub xeeb leej....Ntxhais xeeb ntxwv....Tub xai toog....Hmoob sib ntxhais nkauj ntxawm....Yug tau peb kwv tij xws li....(Vaj - Tsab - Lis)....Lub npe vaj....Vaj hwj huaj....Lub npe tsab....Tsab kav cai....Lub npe lis....Lis tuam thawj....Thawj hau rog....Tsuj teb ntaus chaws....Rau hmoob nyob ntiaj nrag....Tom qab no....Mam faib ncau ntau xeem ntxiv xwb os?....Niaj hnub no....Hmoob muaj noj....Muaj haus....Thiaj hu tias....Qhua vaj tsab lis xeem....Tuav pov fwm.

xiongchang 17th September 2013, 7:39 am

xiongchang

xiongchang: Moderator; Messages : 5005
Date d'inscription : 2012-04-16

Post n°6

Re: Dab neeg Siv Yis

xiongchang 17th September 2013, 7:39 am

......Me muam kooj ziag kab zaug....Ntawm no....Ntxiv tom ntej....Yog neeg qaum ntuj lug....Yuav piav txog....Nqe neeg nkaum yim xaus....Txiv tub xai toog....Qhia li no....Kaum xyoo twg?....Peb neeg qaum ntuj....Tso neeg nqewg yaj ceeb....Tsuag hauv kuab muaj tsuas....Tsawb noob neej neeg yaj ceeb....(Sawv saub)....Coj me nyuam hmoob ntsuag....Tawm tsam kev....(Ncaj nceeg)....Cuaj nplooj sib nte....Kaum nplooj sib luag....Vaj huam sib luag....Sawv sib txig....Tsim tsa....Tsev kheej....Tuam tsev....( Txooj cag - Tswj me nyuam hmoob ntsuag - Ciaj haiv -Muaj liaj av - Muaj teb chaws)....Nrog txhua haiv neeg.....Nyob koom ntiaj teb....Tsim tsa tsev kheej....Tuam txooj cag....Muaj liaj txheej....Teev hawm....Kab lig....Kev cai....(Hwj huam - Hauv kuab muaj tsuas)...."Tab sis"....Cov saub yaj ceeb....Ua tsi tau....Ib yam dab tsi?....Rau me nyuam hmoob ntsuag.... Cov saub yaj ceeb....Coj lub tsev kheej....Tuam tsev txooj cag....Tswj me nyuam hmoob ntsuag....(Ciaj haiv)....Cov saub yaj ceeb....Tsim ts tsev kheej....Ntawd tsi tiav li....Cov saub tsim tsa....Lub tsev kheej ntawd....Ntau pua txhiab xyoo....Tsi tiav raws li....Peb neeg qaum ntuj....Lub hom phiaj npaj tseg....Vim saub tais caus....Ntshai tuag....Coj lub tsev kheej ntawd....Mus ua puag pem....Toj roob hauv peg....NTxias noj....Dag haus....Lub tuam tsev txooj cag....Tswj me nyuam hmoob ntsuag....Teev hawm....Kab lig....Kev cai....NTawm vaj saub....(Siv yig)....Muaj tas nrho....Kaum ob tshooj xws li nram qab no:

Nqe:........1./.......Tshooj kaum ob....Puag saum ncov kawg....Puab vaj saub....(Siv yig)....Sawv ntsug....Coj plaub lub tswb neeb ntawm tes....Ntoo thwv hauv liab....Peb theem thaj....Ib theem thaj twg?....Txawb plaub lub tswb neeb....Ib rab ntaj yaig....Ib rab txiab neeb....Plaub txwm kuam....Tso txhua theem....Ib theem twg?....Txawb tais hlawv xyab....Pa yeeb pa tshuaj....Ob lub tais xyab....Ib lub yog....Teev hwj huaj....Ib lub teev....Yeeb tshuaj....Ib ntim qe....Teev ntsuj plig....Ib ntim dej zag....Hauv kuab muaj tsuas....Plaub khob tshuaj....Rau qhua neeb....Qhua yaig....Neeb txiv....Yog tug txiv neeb....Neeb niam....Yog niam neeb....Lo ntawv nyiaj....Lo ntawv kub.

Nqe:.........2./......Tshooj kaum ib....Puab niam nkauj huab cua....Txiv tub xai toog zaum tsawg....Txhais tau tias?....Hmoob niam....Hmoob txiv....Zaum saum rooj taub ib....Plaub theem taw ntaiv....Tig nraub qaum hauv ntuj....Tig xub ntiag qab ntug....Yav qab teb....Txua rooj txawb hlawv xyab....Taws tswm ciab....Ib lub tais....(Paj ntoos)....Ua chaw teev hawm niam....Hwm txiv.

Nqe:.........3./.......Tshooj kaum....Puab peb kwv tij....Tig nraub qaum sib npuab....Tig xub ntiag....Xab teeb kaum....Tij laug hlob tig xub ntiag....Phab hnub tuaj qaum teb....Tug kwv nrab tig xub ntiag....Phab hnub poob qaum teb....Tug kwv ntxawg tig xub ntiag....Qab teb....Ib leeg muaj....Ib rab ntaj tuav ntawm tes....Faj seeb yeeb ncuab....Txhais tau tias?....Peb kwv tij....Tug tij laug hlob....Npe vaj....Tug kwv nrab....Npe tsab....Tug kwv ntxawg....Npe lis.....(Vaj - Tsab - Lis)....Luag hais tias....Peb hmoob....Peb kwv tij....Peb xeem thawj neeg.

Nqe:.........4./.......Tshooj cuaj....Chav sab laj ntaus tswv yim....Tuav pov fwm....Txhim teb kho chaw....Tuam plawv tsev....Tuam thawj....Lwm thawj....Xab thawj....Xwm thawj....Xov thawj....Zaum tig nraub qaum ntuj....Tig xub ntiag qab teb.

Nqe:.........5./.......Tshooj yim....Chav koom rooj ncauj lug loj siab kawg....Txiav txim kev....(Ncaj nceeg)....Tswj haiv neeg....Coj teb chaws....Txhua cuab xeem neeg....Tsim txua rooj tog zaum....Tib yam nkaug li....Cov tshooj saum toj tas nrho.

Nqe:.........6./.......Tshooj xya....Chav koom rooj ncauj lug....Qib qis zog....Cov muaj feem xyuam tuav laj kam tas nrho....Zaum tib yam li....Cov zaum tshooj yim tas nrho.
Nqe:.........7./.......Tshooj rau....Cais txhua chav....Cov nres xeem....Txhua xeem hmoob....Ua hauj lwm.
Nqe:.........8./.......Tshooj tsib....Tub txib....Tub txuas....Dhia dej num tas nrho.
Nqe:.........9./.......Tshooj plaub....Tshooj tog txais qhua....Hmoob txhua lub teb chaws....Tuaj ncig saib xyuas....Hmoob tuam tsev txooj cag....Tswj haiv hmoob....Yav tom ntej....Nce pem suab.

Mqe:.......10./.......Tshooj peb....Ncig saib xyuas....Duab txhua yam....Yav tas lawm....Hmoob raug lwm haiv neeg....Txhub muj tsim txom....Ntaus ncaws....Cuab khi teem txim....Tua pov tseg....Seb hmoob puas tu siab....Hmoob kua muag puas ntwg....Hmoob puas mob siab....Hmoob puas chim....Rau hmoob tej yeeb ncuab....Yav tas lawm.

Nqe:.......11./.......Tshooj ob....Yog kawm txog....Hmoob kev sib hlub....Sib raug zoo....Sib haum xeeb....Txhim kho txhua yam.
Nqe:.......12./.......Tshooj ib....Yog tshooj xaus....Tub ceev xwm....Soj ntsuam saib xyuas....Kev ruaj ntseg....24:00 teev puag ncig.

xiongchang 17th September 2013, 8:38 am

xiongchang

xiongchang: Moderator; Messages : 5005
Date d'inscription : 2012-04-16

Post n°7

Re: Dab neeg Siv Yis

xiongchang 17th September 2013, 8:38 am

......Hab....hab.... Laughing

....Me muam kooj ziag kab zaug aws....Thov zam txim nawb....Zaj lug....Kuv ntaus tas....Saum toj no....Tsi yog....Neeg yaj ceeb lug nawb....Yog neeg qaum ntuj....Piav qhia tseg....January 10, 1977....Monday....Hnub zwj hli....Xiab rau....Ob hlis ntuj hmoob....5:45 AM....Kaj ntug txoog....Pom kev zem zuag....Kuv poj niam....Ev tub looj....Txiv paj zeb....Niam yau nruas....Lawv sawv ntxov....Mus tshav quav nplej tom teb roob nqeeb lawm....Ob tug neeg ntawd....Tog kuv mus qaum ntuj....Luag piav qhia tseg....Lub tsev ntawd....Luag coj kuv mus saib....Nyob tiaj nrag...."Rhawv zeb - Stone Jars Of Plans"....Lub sij hawm ntawd....Poob ua cob fab lawm....Hav nplog liab....Nyab laj xwb....Pom tib neeg coob kawg...."Tab sis"....Tsi muaj leej twg?....Pom paub....Kuv li os?....Yog hais....Ces cuag dag....Koj ua muam....Ntseeg xwb os?....Kuv yog neeg vwm lawm nawb...."Tab sis"....Kuj tsi vwm thiab tias?....Lub tsev ntawd....Tsi yog...."Me"....Lub tsev ntawd....Loj npaum nkaug li...."White House Capital Hill....U.S.A....Kuv yeej mus ncig....Thaj tsam tiaj nrag....{Rhawv zeb}....Ntev loo li....Ib xuaj moos....Mam rov qab mus txog....Zog dej tshuam...."Nam Fan"....Yuav luas tav su....Txog ntua ib pliag....Kuv poj niam....Me tub looj....Txiv paj zeb....Niam yau nruas....Mam los tom teb....Tshav quav nplej....Los txog tsev...."Tab sis"....Luag xov lug tib si....Tsi pub tham qhia leej twg?....Hnov paub li os?....Kuv ib txwm....Tsi yog neeg dag....Koj piav txog....(Siv yig)...."Kuv"....Thiaj piav me ntsis....Rau koj nyeem ua si xwb os?....Me muam kooj ziag kab zaug aws?

shung 17th September 2013, 7:48 pm

shung

shung: Sponsor; Messages : 578
Date d'inscription : 2012-05-08

Post n°8

Re: Dab neeg Siv Yis

shung 17th September 2013, 7:48 pm

Nyob zoo tij laug xiongchang,

Hnub no kuv tuaj nyeem koj cov ntawv zoo kawg li. Kuv tsis xav tias koj vwm li, yus pom li cas hais li ntawd xwb yeej tsis ua li cas li. Yog yam luag tsis pub hais ces, thaum yuav hais qhia s/d ces pawv tag lawm es zoo li yus lub paj hlwb yeej tsis muaj ib qhov paj hlwb li. Zoo siab nau2 koj muaj lub siab zoo qhia pub peb s/d paub. kwv shung

xiongchang 17th September 2013, 8:05 pm

xiongchang

xiongchang: Moderator; Messages : 5005
Date d'inscription : 2012-04-16

Post n°9

Re: Dab neeg Siv Yis

xiongchang 17th September 2013, 8:05 pm

......Nyob zoo os?....Kwv ntxawg...."Shung"....Tau ntev kawg....Mam sis ntsib hnub no os?....Zaj lug ntawd....Tas nrho....Neeg nkaum yim nqe lug....Kuv ntaus nqe....Neeg nkaum yim....Me ntsis xwb....Tsav suav daws tias?....Kuv yog neeg dag li....Suav daws hais....Saub dag....Ntxias noj....Ntxias qhe....Ntxias haus....Kuv thiaj tsi hais tawm....Rau leej twg?...."Hnov"....Ib yam li....(Maiv mim - Nkauj zag)....Zaj thiab....Ib ntus no....Ua dab tsi lawm nas....Kwv ntxawg...."Shung"....Ploj ntev loo lawm....Vamcia siab tias?....Niam ntxawm neb....Nrog tub ntxhais....Yuav ntsib kev noj qab nyob zoo....Ntawm kuv ua tij....Thiab niam tij wb....Nrog tub nyab xeeb ntxwv....Noj qab nyob zoo os?....Kwv ntxawg...."Shung"....Mam sis ntsib dua mog.

shung 18th September 2013, 8:12 am

shung

shung: Sponsor; Messages : 578
Date d'inscription : 2012-05-08

Post n°10

Re: Dab neeg Siv Yis

shung 18th September 2013, 8:12 am

Nyob zoo tij laug xiong chang,

Zoo siab ntsib koj thiab yeej tau ntev lawm tsis tau tuaj ntsib s/d hauv no li lawm. Kuv pheej tsis koom li thiab. Wb ob niam txiv puav leej noj qab nyob zoo thiab.
Tij laug zoo siab kawg koj tseem muaj lub siab zoo es qhia peb s/d txog keeb kwm siv yis thiab. Yog muaj caij no koj ua tij ntau kom tag tuaj poob peb kawg thiab. Los yog ntau xav tuaj rau kuv tus email shungvang@yahoo.com. Kuv tsis tau pom tej yam li koj mus pom los no thiab. kwv shung

xiongchang 18th September 2013, 8:30 am

xiongchang

xiongchang: Moderator; Messages : 5005
Date d'inscription : 2012-04-16

Post n°11

Re: Dab neeg Siv Yis

xiongchang 18th September 2013, 8:30 am

.......Yog leej twg?....Yuav ua Hmoob....Tug huab tais....Tsi yooj yim li....Hmoob niaj hnub xav....Ua npau suav toog....Kub siab lug....Yug tsa yug....Tug kheej ua huab tais....Yug qw yug....Tshaj tawm....Zej zog....Teb chaws....Ua huab tais....Xav quab yuam....Caij tsuj tib neeg li cas?....Txeeb lwm tug....Hluas nkauj yuav....Ua poj niam....Ua yug li....Txhav lwm tug....Poj niam puag....Tsi txhaum leej twg?....Ua tsi tau....Tug coj....Ua tsi tau....Thawj neeg....Ua tsi tau huab tais.

......Yog leej twg?....Yuav ua tug coj....Yuav ua nom....Yuav ua thawj neeg....Ua huab tais....Coj haiv hmoob....Txhob ntshaw nom....Txhob ntshaw nyiaj nplua nuj....Muaj yam ntxwv li....Teev tseg nram qab no:

Nqe:.......1./......Yam ntxwv zoo....Ua daim iav....{Suav daws tsom ntsia}....Ua qauv zoo....{Hmoob xyaum}....Ua piv txwv....{Hmoob kawm ua neej neeg}
Nqe:.......2./......Cw pwm coj haum niam txiv pej xeem....Cuaj caum xya feem pua....Tsi muab hlob....Tsi dub muag....Tsi khav txiv....Tsi khav theeb....Tsi tuam mom neeg.
Nqe:.......3./......Xeeb ceem hais lug zoo....Haum pej xeem siab.
Nqe:.......4./......Moj yam luag qhuas....Noj li....Pej xeem noj....Haus li....Pej xeem haus....Hnav li....Pej xeem hnav....Siv li....Pej xeem siv.
Nqe:.......5./......Paub siab....Tsi quab yuam caij tsuj niam txiv pej xeem.
Nqe:.......6./......Paub qis.....Txhaum....Leeg txhaum....Tsi yuam cai....Tsi ua liab nias vaj....Tsi ua twm nias tsav....Tsi ntov ntoo....Tsuam mos txhov.
Nqe:.......7./......Paub cai....Tsi hla ciam....Tsi nam nrim....Tsi yuam cai....Txeeb luag teej....Txhav luag tug....Ua yug li.
Nqe:.......8./......Siab loj npaum qab ntuj khwb.
Nqe:.......9./......Siab ntev npaum dej txhawv pem ncov roob ntwg tshuam hiav txwv.
Nqe:.....10./......Siab dav npaum ntiaj teb.
Nqe:.....11./......Siab zoo....Pab pes hlo....Tsi khuv xim dag zog.
Nqe:.....12./......Siab dawb paug....Tsi hais nuj nqis.
Nqe:.....13./......Ncaj nceeg....Tsi dag tug kheej....Tsi dag lwm tug....Tsi ntxeev tawv muag....Tsi tuam ntuj....Tsi thau haiv.
Nqe:.....14./......Thoob tsib to nrog....Puag ncig....Pom thoob thaj lug....Ua nkauj hnub nraug hli....Phua plhawv nruab nrab ntug.
Nqe:.....15./......Coj zoo....Coj tug....Mloog tog....Saib meej....Xyuas tseeb....Xyuam xim....Tsi fav siab....Tsi ntxeev siab....Ua neeg nruab nrab....Tsi tuaj tog twg?
Nqe:.....16./......Muaj tswv yim....(Tshaj lij)
Nqe:.....17./......Muaj zeem muag....Xam pom deb kawg ncua.
Nqe:.....18./......Muaj hom phiaj zoo....Ruaj nreeg....Khov kho....Coj haiv hmoob....Vam meej nce qib...Ua ntu zug.

xiongchang 18th September 2013, 9:54 am

xiongchang

xiongchang: Moderator; Messages : 5005
Date d'inscription : 2012-04-16

Post n°12

Re: Dab neeg Siv Yis

xiongchang 18th September 2013, 9:54 am

.....Peb haiv hmoob....Yog muab hais mas?....Txau txaj muag kawg....Nkaug li os?....Yug tsi muaj liaj av....Teb chaws nyob li....Qiv luag toj yug yaj....Qiv luag tais rau kua ntxhai....Ua tsi tau....Ib yam dab tsi?....Siv luag teej....Siv luag tug....Pheej khav tias....Yog huab tais....Nom yog plog tsa....Ua tug coj....Ua dev raws nqaij nplog noj....Ua aub caum kauv....Rau nplog siv xwb....Pheej niaj hnub....Khav tias....Yog huab tais....Pua ntaub liab....Hla dhau ciam....Nam nrim....Hmoob tsi paub kiag li....Yuav ua cas?...."Hmoob"....Mam paub txog....Hmoob lub hlwb noj nkhawb nas yuam....Thov cheem thiab....Txhob hais ntxiv lawm....Txaj muag dhau lawm os?....Hmoob aws?

Hmoob ntuj qub qab 18th September 2013, 8:53 pm

Hmoob ntuj qub qab

Hmoob ntuj qub qab: Sponsor; Messages : 687
Date d'inscription : 2010-03-30

Post n°13

Re: Dab neeg Siv Yis

Hmoob ntuj qub qab 18th September 2013, 8:53 pm

Leej muam Koojziagkabzaug

Ua tsaug leej muam muab Maivzuagham, zaj keeb kwm Siv yig los cia zoo chaw hauv no rau peb tau twm yog ib zaj keeb kwm zoo kawg li yuav tau piav rau cov me nyuam sawv daws paub kom lawv thiaj nco txog tias Neeb yaig los ntawm Siv yig los.

xiongchang 19th September 2013, 5:31 am

xiongchang

xiongchang: Moderator; Messages : 5005
Date d'inscription : 2012-04-16

Post n°14

Re: Dab neeg Siv Yis

xiongchang 19th September 2013, 5:31 am

......Nyob zoo os?....Phooj ywg!....Hmoob ntuj qubqab aws?....Tau ib hlis ntau no....Tsi pom koj tuaj tham ua si lawm?....Puas tseem noj qab nyob zoo nas yuam....Phooj ywg!....Hmoob ntuj qub qab aws.

**koojziagkabzaug** 19th September 2013, 5:59 am

koojziagkabzaug

koojziagkabzaug: Moderator; Messages : 3529
Date d'inscription : 2010-02-28

Post n°15

Re: Dab neeg Siv Yis

koojziagkabzaug 19th September 2013, 5:59 am

Hmoob ntuj qub qab wrote:Leej muam Koojziagkabzaug

Ua tsaug leej muam muab Maivzuagham, zaj keeb kwm Siv yig los cia zoo chaw hauv no rau peb tau twm yog ib zaj keeb kwm zoo kawg li yuav tau piav rau cov me nyuam sawv daws paub kom lawv thiaj nco txog tias Neeb yaig los ntawm Siv yig los.

Tij laug Hmoob Ntuj Qub Qab thiab tij laug Xyooj Tsab,

Xav kom txhua yam tseem ceeb, sawv daws muab tuaj khaws cia rau hauv lub tsev txuj no kom nyob tsis muaj caij kawg thiab kom tus neeg ploj lawm los nws lub laj lim tswv yim yuav nyob mus li.

Ua tsaug rau nej sawv daw stej lus txhawb siab txhawb zog.

xiongchang 19th September 2013, 6:02 am

xiongchang

xiongchang: Moderator; Messages : 5005
Date d'inscription : 2012-04-16

Post n°16

Re: Dab neeg Siv Yis

xiongchang 19th September 2013, 6:02 am

......Nyob zoo....Ib tsoom phooj ywg!....Nkauj muam hmoob....Hlub hmovtshua suav daws....Hmoob muaj txuj ci....Zoo kawg nkaug....Puag thaum ntuj tsim teb raug....Los txog niaj hnub tam sim no....Tsi muaj ib haiv neeg twg?....Coj li hmoob...."Tab sis"....Hmoob tsi kawm khaws ceev tseg....(Ua puav pheej)....Hmoob ho teev hawm mab sua li....Hmoob ua neej rov qab lawm....(Niam txiv)....Qaum ntuj qhia tseg tias?....Tug tib neeg...."Ntuj tshw"....Kawm hwj huaj - Toj taug mob nkeeg....Ntawm dab ntxwg nyoog....Tsim txom noob neej neeg....Ntiaj teb....Kom ploj tuag....Tug tib neeg....(Siab zoo)....(Txoj qab taug lw....Kawm hwj huaj - Huav kuab muaj tsuas - Ntawm vaj saub siv yig - Kho cawm noob neej neeg ntiaj nrag)....Sawv peem tsheej neeg....Ciaj sia kais.

shung 19th September 2013, 10:23 am

shung

shung: Sponsor; Messages : 578
Date d'inscription : 2012-05-08

Post n°17

Re: Dab neeg Siv Yis

shung 19th September 2013, 10:23 am

Nyob zoo tij laug xiongchang,

Koj ua tij yeej hais yog kawg. laug neeg qaum ntuj yeej qhia yog kawg tias sis tshe yuav yog li koj hais lub ntuj tshw es yus tsev neeg hmoob thiaj tsis khaws yus tej txuj tej ci kom zoo2 tseg. Muab piv txwv li hais txog qhov txi xwm kab xwb, Kuv nug kuv dab laug no nws hais tias peb hmoob tej laus thaum ub yeej txawj kawg li. Vim tias tam sim no ho tsis txawj lawm mas twb yog tias hmoob muaj lub siab phem lim hiam heev. Rau qhov tias yog qhia leej twg txawj lawm ces yog nws teev haum nws lawm ces nws tsis muaj nyiaj heev los yeej muaj tub kis coob heev ces thaum nws zoo lawm nws yuav tsis hlub leej twg li lawm yog li tej laus thiaj tsis kam qhia lawm. Hmoob tej txuj ci thiaj li nrog tej laus lawm tag. Yog li ib pab kwv tij hmoob twg mas thiaj li muaj ib-ob leeg thiaj li txawj teev tus xwm kab no lawm xwb.

Tij laug xiongchang yog muaj sij hawm no thov sau ntawv tuaj qhia pub peb thiab vim kuv tseem xav paub cov lus koj hais txog siv yis thiab. Vim kuv tsis tau pom tej koj pom thiab. Ua tsaug kwv shung

xiongchang 19th September 2013, 11:02 am

xiongchang

xiongchang: Moderator; Messages : 5005
Date d'inscription : 2012-04-16

Post n°18

Re: Dab neeg Siv Yis

xiongchang 19th September 2013, 11:02 am

......Hab...hab.... Laughing

....Kwv ntxawg...."Shung"....Niam txiv qaum ntuj....Hais li no....Tog hmoob zoo...Tsi taug....Vim hmoob muab lub zim txwv....Tig rov qab....Hmoob tsi hais mus tom ntej....Piv txwv li...Hmoob hu plig....Hmoob hais tias....Los noj cuaj txhab qoob....Hnav yim phav npuag....Suav txij li....January 10, 1977....Niam txiv qaum ntuj piav qhia tas....Kuv hu plig li no....Los noj cuaj txab qoob....Siv kaum txhab nyiaj kub....Los hnav cuaj phav tsuj....Npua kaum phav npuag....Los nyob cuaj pua yim caum phav xyoo....Ntuj tsi kawg....Ntiaj teb tsi ntsoog....Hmoob nyob vam meej nce qib ncoo ko....Koj ua kwv sim mloog hmoob piav seb....Hmoob hais li cas?....Cuaj zaug....Kaum zaug....Hmoob hais li qub xwb....Tsi pauv hloov lug li os?....Kwv ntxawg...."Shung"....Tam sim no....Kj nyob qhov twg?....Puas ze....Kuv thiab mas....Kwv ntxawg...."Shung"....Tam sim no....Kuv nyob tsev....Number 764....Hoyt Avenu, Saint Paul, Mn 55106....Kuv khiav sab....Minneapolis....Nyob sab....Saint Paul....Lawm os....Kwv ntxawg...."Shung"

shung 19th September 2013, 3:33 pm

shung

shung: Sponsor; Messages : 578
Date d'inscription : 2012-05-08

Post n°19

Re: Dab neeg Siv Yis

shung 19th September 2013, 3:33 pm

Nyob zoo tij laug xiongchang,

Kuv nyob tsis ze ntawd koj, kuv tuaj ntawm koj kom ces siv li 20 minutes xwb os tiam sis kuv txiv kuv niam lawm nyob ze2 ntawm koj kom. kuv tuaj ntawm kuv txiv lawm tag li thiab. Thaum ub kuv yeej nyob ze ntawm koj ko thiab thaum twg txog lub ncaij nuj ntses ces kuv yeej tuaj nug ntawm phalen lake ko xwb. Tam sim no kuv los nyob pem Mounds View lawm.

Tij laug xiongchang, tsis yog hmoob hais lus rov qab nas. Yog muab txhais li cas los kuj yog tiam sis qhov tseeb tiag yog hmoob hais tias 9 ntxiv 8 xwb tsis yog hais lus rov qab. Piv txwv li: 9 txhiab 8 vaj neeb 8 txhiab 8 puas qhua. Hais tau tias 9 txhiab neeb ntxiv 8 txhiab qhua nrog rau 8 txhiab neeb ntxiv 8 pua qhua thiab. Cov lus no yog lus yog lus neeb ntau xwb, hmoob thiaj li pheej muab coj los hais thiab siv rau thuaj pais lawm.... Hmoob hais tias nyob ib txhiab 120 xyoo no ces yog koj nyob ib txhiab xyoo thiab ntxiv 120 xyoo. Koj sim xav thiab seb puas yog li kuv hais thiab. kwv shung

xiongchang 19th September 2013, 4:40 pm

xiongchang

xiongchang: Moderator; Messages : 5005
Date d'inscription : 2012-04-16

Post n°20

Re: Dab neeg Siv Yis

xiongchang 19th September 2013, 4:40 pm

......Kwv ntxawg...."Shung"....Koj txiv lawv....Puas nyob ze ntawm....Nom yeeb lawv tsev nas yuam....hab....hab....

....Kwv ntxawg ...."Shung"....Koj sim ntsia....Txhua lub pag dej teev....Nphob xuav....Tsi ntshiab li....Tib co pag dej tuag....Tuaj ntxhuab tawg....Qia neeg ntsuav....Tsi muaj zaj nyob lawm....Tsi muaj hwj huaj....Tsi txaus ntshai....Yav ntuj thaum ub....Peb nyob nplog teb....Txawm pag dej me....Loj luaj li....Lub hawv twm da....Tsa muag ntsia....Muaj xim xoo....Pag dej ntshiab si....Tsi muaj kauv nplooj....Pom ntses yuj....Tsheej npog....Ua tib zoo ntsia....Pom xim liab ntsuab daj xiav....Npau tej lub npuag dej....Nrov ploom ntab nplog....Yeem ti nkaug ntug....Tej laug....Thiaj hu ua pag zaj....Lub sij hawm....Peb nyob nroog looj ceeb....Raws ntug dej tsua dawb loj...."Nam Pha"....Muaj ib lub qhov dej....(Tshwm)....Nyob ib koog zoov....Muaj fwv xyeej kawg....Ntsia lub qhov dej....Tsi tau luag li os?....Tug hauv dej...."Nam mou"....Tug kwj teev kiag....Ti nkaug pem qhov tsua....Tshwm plawg....Ob sab ntug dej....Ntsuab xiab nta yeeg....Txij nkaug qab nthab....Tsi pom qab thu li os?....Lub hauv dej...."Nam Pha noi"....Tib yam nkaug....Ob sab ntug dej....Tsi muaj kauv nplooj li....Xyoo 1973....Peb nyob lub yeej....Roob qhov muag dav....Puag saum ncov roob....Cov hmoob ib txwm nyob lub zog...."Ban na"....Hu tias...."Pag zaj"....Txaus nkaug.... Ib tug phaws twm da....Txhua hnub....9:00 AM To 3:00 PM....Tshav ntuj nrig....Pom ntses tawm yuj....Tsheej npog....Ntug pag dej....NTshiab si....Tsi muaj nplooj li os?....Kwv ntxawg...."Shung"

shung 19th September 2013, 8:28 pm

shung

shung: Sponsor; Messages : 578
Date d'inscription : 2012-05-08

Post n°21

Re: Dab neeg Siv Yis

shung 19th September 2013, 8:28 pm

Tij laug xiongchang,

Hais txog nyob ntuj qub qab mas yeej yog li koj hais, yog tias lub pas dej twg muaj zaj nyob ces yeej tsis lam muaj ib daim nplooj ntoo pub rau li. Tiam sis nyob teb chaw no tsis hais lub pas dej twg li yeej muaj zaj nyob tag nrho tib si. Nws muaj zaj dub, zaj liab, thiab zaj dawb nyob tag nrho. Nyob teb chaw no tej zaum melika muaj txuj muaj ci heev li ces luag tsis xav ua kom neeg paub li. Tej hnub yog koj khiav tsheb tuaj ntawm 694 thiab rice st es lub pas dej nyob between rice st thiab victoria st north, koj ua zoo saib mas cov nroj saum lub pas dej ntawv yeej txawj txav mus txav los li. ib hnub mas zoo lawm ib yam li. Tag nrho cov pas dej kuv pom ces lub no thiaj li txawv tshaj plaws xwb. Hais txog lub pas dej phalen lake nyob ze ntawm koj kom mas thaum ub kuv mus thauj neeg mob no kuv ntsib ib tug poj niam hmoob nws hais qhia kuv tias nws muaj ib tus tub nyab nkawd mus ua sis tom phalen lake ces nkawv kuj pom los tib tug loj li loj thiaj ntev2 ho cov nplai ntsuab xiab los mus rau hauv lub pas dej phalen lake lawm no.

Kuv dab laug nyuam xyooj nws kuj raug zaj plawm nws sab nraub qaum ib zaug thiab. Nws hais tias mob cuag kub nyiab no. Thaum ub nyob nplog teb nws mus tua ntse ntawm tus dej Naj Gwj ces nws nqi mus muaj ntses no ces zaj nplawm nws ib zaug.

Hais txog kuv txiv lawv ces nyob ntawm ntug pas dej phalen lake ko xwb. Lawv nyob tim sab hnub tuaj lawm ua ze Hmoob vaj lub tsev txias lawm.

Yog koj mus pom lub pas dej devil lake nyob Norht Dakota ces thiaj zoo li tej pas dej ua koj tham qhia peb s/d. Dej ntshiab3 heev li thiab ntsuab xiab xwb. shung

xiongchang 19th September 2013, 8:58 pm

xiongchang

xiongchang: Moderator; Messages : 5005
Date d'inscription : 2012-04-16

Post n°22

Re: Dab neeg Siv Yis

xiongchang 19th September 2013, 8:58 pm

......Kwv ntxawg...."Shung"....Hab....hab....

....Koj puas paub txog....Qhov zaj ntshai....Txhua tug ntswg dej tauv....Luag muab xov fai fab....Cab ncig sab pem qaum pag dej....Ncua deb li....Tsib caug mev....Txoj ib....Txoj ob ncua deb li....Xya caum tsib mev....Txoj peb ib puas mev....Ntawm qaum nplaim dej hauv....Tob li neeg nkaum tsib...."Feet"....Zaj txav ze....Fai faib tsauv....Zaj txav tsi tau ze li os?....Kwv ntxawg...."Shung"....Dab ntshai fai fab ci....Yog fai fab cig lam lug....Dab ntshai lawm....Kuv hais tsi dag....Koj ua kwv nawb....Kuv ibtug qub hluas nkauj tuag....July 6, 1999 3:45 AM....Tuaj saib....July 4, 1999....Rov mus tsev...."Greenbay"....Nkawd khub niam txiv....Sib ceg hauv tsheb....Tug niam nplua tawg ceev....Tug niam chua kauj tsheb....Tsheb npleem qab ke....Tuag tas nrho....Nkawd ob leeg...Nrog tij laug niam tij tib si....Tij laug niam tij nyob pem...."Canada"....Tuaj hais nkawd....Cov teeb meem ua....Ntxoov neeb muab nkawd....Cov nyiaj....Store....Zais tas....$40,000,oo Dollars....Npaj yuav niam yau....Tug hluas nkauj ntawd....Pheej los xuas....Kuv tas li....Xuas koj niam tij thiab....Txhua hmo pw tsaus zog....Kuv taws lub me nyiuam teb fai fab cig....Txawb ntawm ib sab tas li os?....Yog tsi taws teeb cig....Pom kev lam lug.... affraid

....Tog nco twb xuas lawm os?....Kwv ntxawg...."Shung"

xiongchang 20th September 2013, 9:57 am

xiongchang

xiongchang: Moderator; Messages : 5005
Date d'inscription : 2012-04-16

Post n°23

Re: Dab neeg Siv Yis

xiongchang 20th September 2013, 9:57 am

......Hab....hab.... Laughing

....Kwv ntxawg...."Shung"....(Maiv mim _ Nkauj zag)....Piav qhia....Kuv zaum ntawd....January 6, 1970....(Maiv mim - Nkauj zag)....Hais qhia tias?.... lawv yog zaj neeg....Lawv nyob tsheej zog coob li....Neeg yaj ceeb....Muaj tug coj....Muaj nom....Muaj tswv kav saib nyuas ntshig...Tsi pub leej twg?....Pom dog dig.

Nqe:......1./......Coj zoo.
Nqe:......2./......Coj tug.
Nqe:......3./......Mloog tog.
Nqe:......4./......Saib meej.
Nqe:......5./......Xyuas tseeb.
Nqe:......6./..... Coj ncaj nceeg.
Nqe:......7./......Tsi txhoj puab.
Nqe:......8./......Paub txaj muag.
Nqe:......9./......Ntshai ntuj tua
Nqe:....10./......Tsi tawm dog dig...Neeg yaj ceeb pom....Xyeem qhov muag.

......Zaj ntsuab....Tsi coob npaum zaj neeg....Muaj tug coj....Ib yam li....Zaj neeg....Muaj ciam dej....Nrim av...Tsi txhoj puab....Tsi khaus tes....Muab ub....Muab np.
......Zaj roob ris....Zaj loj leeb....Nyob qhov dej....Nyob hav iav....Tsi muaj zog....Zaj twj cuab....Tsiv nyaum....Tsiv tsaim....Neeg yaj ceeb nphav....Ua mob nkeeg.
......Zaj nqhuab....Nyob qhov zeb....Nkaum qhov tsua....Pag dej me....Txhoj puab nkhaus heev....Lam tau lam muab neeg....Raug tua tas li.

shung 20th September 2013, 11:45 am

shung

shung: Sponsor; Messages : 578
Date d'inscription : 2012-05-08

Post n°24

Re: Dab neeg Siv Yis

shung 20th September 2013, 11:45 am

Tij laug xiongchang,

Tsis hais zaj los neej yaj ceeb, Sawv daws yeej coj li Maiv mim qhia koj ko, yog leej twg coj phem tsis hais neeg yaj ceeb los zaj yeej tau plaub tau ntug tib yam nkaus. leej tib neeg thiab dab ces yeej muaj ib tug nom nyob pem ntuj saib rawj, yog leej twg coj phem li hiam ces luag yeej tso cais rau txoov yawm xob nyob pem ntuj tua. Yog li yus yog ib tus neeg yuav tau coj li koj cov lus koj sau saum toj ko thiaj li tsis ntsib teeb meem.

Cov zaj ua tib neeg pheem raug2 teeb meem mas feem ntau yeej yog cov koj hais ko tag, Maiv min hais ib lub npe txawv lawm tiam sis neeg yaj ceeb hu ua zaj dub no. Cov no mas peb ua neeg nyob yog mus ua siv hav zoo hav tsaug yuav tau paub cais thiaj li tsis ntsib teeb meem. Kuv hnov kuv niam tham tias nws mus ua laum es muaj ib tus poj niam nas nws tseem mus yuav tau ib qhov chaw nyob ntawm cov hav nyom tiam sis muaj ib lub qhov zoo li lub qhov nas xwb. Yeej ua rau lawv pom ub pom no tag. Kuv muaj qhua neeb ces cov neeb twb qhia kuv niam lawm ho cov tsis muaj ces tsis paub li. Nco ntsoov yog mus ua sis los tsis txhob lam tso zis tso quav tom tej vim nyob qhov twg los yeej muaj neeg zoo nyob tag tib si thiab.

Tij laug xiongchang, kuv xav kom koj muaj caij no ntau siv yis keeb kwm tuaj pub rau peb s/d nyeem thiab. Kuv kuj xav paub heev li thiab. Kwv shung

xiongchang 20th September 2013, 1:40 pm

xiongchang

xiongchang: Moderator; Messages : 5005
Date d'inscription : 2012-04-16

Post n°25

Re: Dab neeg Siv Yis

xiongchang 20th September 2013, 1:40 pm

......Awb kwv ntxawg...."Shung"....Lub qhov nas uas....Koj niam hais ntawd....Yuav tsi yog...."Zaj"....Yog qhov dab ntxaug....Thiaj zoo li....Qhov nas tsuag....Kuv twb pom lawm xyoo 1975....Xaus ntawd....Peb khiav sab looj ceeb Mus nyob sab zog...."Nam Fan"...."Tab sis"....Ho tsi nyob zog...."Nam Fan"....Nyob ntawm dej tshuam....Dej liab...."Nam Xiang _ Nam soua"....Lub zog ntawd....Muaj qhov ntau kawg....Muaj peb lub pob zeb....Phaws twm....Muaj tsib lub....Pob luaj....Muaj qhov tas nrho....Qhov nkag du lug....Cuag qhov nas tsuag....Peb lub zog ntawd....Nyob tsi tau....Lub sij hawm ntawd....Niam tij npliaj tuam yau tuag....Thiaj thov kom....Tij laug....Nplia neeb xeem seb....Puas nyob tau lub zog ntawd....Vim lub zog ntawd....Twb tuag plaub tug me nyuam yau ua ntej lawm....Niam tij npliaj tuam yau....Tuag tom qab xyoo 1976....Xam tas nrho....Tuag tsib leeg lawm....Tij laug nplia neeb....Kom kuv xuab....Ob tug tswm ciab ntab....Ntev li....Ib tshim ntau....Tij laug nplia neeb....Taws xawb nkaug saum rooj....Lub taig phiab....Kuv sawv ntsug ntsia....Tsi pom dab tsi?....Kuj muaj lawv tsib leeg....Zaum ib cag ntsia thiab....Tsi pom dab tsi?...."Tab sis"....Tij laug npliaj neeb txheev tas nrho....Hu txog....Tug tim tswv roob...."Phou bia - Phou xang song - Phou lis - Phou xao"....Tib pliag ntshig....Pom me nyuam nas liab qab....Tug npuav tug ko tw....Nkag zom zawg....Sab nraum zoov....Hla qhov rooj....Los hauv tsev ntas....Zaum ib pawg....Tsi ua zog li....Tij laug npliaj neeb....Tham cuag....Tu plaub ntug....Tuaj yeem hlawv xyab ntawv....Cov dab ntxaug ntawd....Plaub tug tim tswv roob....Luag hais tias....Peb nyob txhaum dab ntxaug zog....Suav daws tsi saib....Me nyuam yaus....Cia me nyuam....Khawb luag vaj....Phov luag tsev....Nce tso quav....Saum ruv tsev tas li....Dab tsi nyiam....Tsi txaus siab....Thiaj ua mob nkeeg....Ploj tuag....Yuav zeej thawj ntau leej lawm....Npav xya hnub txwm....Kom peb lauj tsev....Khiav hla dej...."Nam Soua?....Sab tim saum roob....Tsi pub tso nyuj twm nees nog zaub hauv tiaj ntxiv lawm....Tsi pub me nyuam yau.... khawb luag vaj....Phov luag tsev ntxiv lawm....Yog tseem phov ntxiv....Yuav tuag coob tshaj qub....Tom qab tij laug npliaj neeb....Thov tuaj yeem.... Hlawv ntawv tas....Pab me nyuam nas liab qab ntawd....Npuav ko tw....Tawm rooj nraum zoov....Nkag nram qab tsib taug....Nce pob zeb....Nkag qhov pob luaj tas....Hnub tom qab....Peb nyiag lauj....Nyiag tsev....Kwv nce saum roob tshav nyuj....Ua tsev pheeb suab nyob....Mam ua tsev tom qab os?....Kwv ntxawg...."Shung"

......Hab....hab.... Laughing

....Kwv ntxawg...."Shung"....Kev tshwm sim yug....Los ua neeg....Ntiaj teb no....Nyiag muaj....Nyiag niam....Nyiag muaj....Nyiag txiv....Nyob qaum ntuj....Suav daws tshwm sim yug....Los ua neeg....Ntiaj teb no....Los ua teb xwb....Yog leej twg?....Npaj txhuv noj ntau....Ua teb tas....Mam rov qab....Yog leej twg?....Npaj txhuv noj tsawg....Ua teb tsi tas....Yuav tau rov qab sai....Yog leej twg?....Nyiag kev khiav nqeg yaj ceeb....Yuav raug teem txim....Hu rov qab zai npaum li....Sai tau...Tsi pub nyob ntxiv....Piv txwv zoo li....Cov ncig teb xyuas chaw....Txhaum cai....Mag ntes....Xauv tes.... Kaw nkuaj....Nplua nyiaj....Teem txim nyav....Yog yuav piav mas....Ntau heev os?....Kwv ntxawg...."Shung"...."Tab sis"....Kuv noob nyoog....Tsi tau nto....Rau caum tsib xyoos....Luag xov lug tib si....Yog hnub twg?.... Kuv noob nyoog....Tsi txog....Rau caum tsib xyoos....Kuv piav tawm....Neeg ntiaj peb paub....Siav tsi ntev no?....Kuv thiaj kaw ncauj zoo....Tsi tham qhia leej twg?....Thov zam txim ntau....Txhob tu siab nawb....Kwv ntxawg...."Shung"

Sponsored content

HMOOB TSAV NTUJ

Search

Hmoob Catholique Forum

Latest topics

Top posters

Tsev seev PajHuam

Hmong beauty nature

Compteur visitor

Dab neeg Siv Yis

Dab neeg Siv Yis

Re: Dab neeg Siv Yis

Re: Dab neeg Siv Yis

Re: Dab neeg Siv Yis

Re: Dab neeg Siv Yis

Re: Dab neeg Siv Yis

Re: Dab neeg Siv Yis

Re: Dab neeg Siv Yis

Re: Dab neeg Siv Yis

Re: Dab neeg Siv Yis

Re: Dab neeg Siv Yis

Re: Dab neeg Siv Yis

Re: Dab neeg Siv Yis

Re: Dab neeg Siv Yis

Re: Dab neeg Siv Yis

Re: Dab neeg Siv Yis

Re: Dab neeg Siv Yis

Re: Dab neeg Siv Yis

Re: Dab neeg Siv Yis

Re: Dab neeg Siv Yis

Re: Dab neeg Siv Yis

Re: Dab neeg Siv Yis

Re: Dab neeg Siv Yis

Re: Dab neeg Siv Yis

Re: Dab neeg Siv Yis

Re: Dab neeg Siv Yis

Similar topics

Similar topics

Search Query

Display results as : Posts Topics
Advanced Search