Fiv Yeem, Pauj yeem, Thim Yeem

LUS NTUAS KEV TXWJ NKAWM Sau lub 9hlis2010 tu sau XH. Yaj Zoov Ntxheb

DAB NEEG TXOOV YAWG.

Zaj dab neeg no yog yawg Yaj Zam Nob hais. Nws tsis tau qhia tias Txoov Yawg yog lub xeem Hmoob dab tsi. Raws li kuv xav mas nws yuav yog tas nrho peb tsoom Hmoob tus yawg koob. Vim tias nyob hauv peb tsoom Hmoob li keeb kwm thaum hmoob ua dab ua qhua sawv daws tuav txog nws cov tub lawv cov npe.

Txoov Yawg nws yug tau plaub leej tub. Tus hlob hu ua,Los Tuam, Los Lwm, Los Xab, thiab Los Xwm lawv. Nws yug tau ib leej ntxhais. Tus ntxhais hu ua Xyo Lij Leem.
Plaub leej kwv tij no thaum lawv loj hlob tiav neeg tas , mas lawv yog neeg thoob tsib, muaj zog thiab nrawm heev. Thiab lawv kuj yog neeg muaj hwj chim kawg.
Lawv leej txiv Txoov Yawg xav noj tus tsiaj, los hom tsiaj twg mas lawv twb muaj peev xwm mus ntes tau rau lawv txiv noj.

Txoov Yawg thaum nws laus lawm, muaj ib hnub nws hais rau nws cov tub tias: Los Tuam, koj thiab koj cov kwv nej mus ntes Xob los tua rau kuv noj saib. Nws quaj nrov heev tej zaum nws yuav muaj nqaij ntau!
Los Tuam thiab nws peb leej kwv nrog Xyo Lij Leem, lawv tuav ib dab ncuav nplaum coj mus txawb rau nram tiaj. Ces lawv kom tus muam Xyo Lij Leem ua tau ib tshob kua ntxhai coj mus tsuag rau nram dab ncuav. Xob xav tias; Xyo Lij Leem tsuag kiag ib pas rau ces Xob quaj nrov ntwg, ntwg laim liab vog saum dab ncuav. Xyo Lij Leem tsuag kiag ib pas tom qab, ces Xob ua nrov rheb tuaj ces Los Tuam lawv plaub kwv tij nyob plaub sab ib txij tib tsaug dauj rau hauv dab ncuav. Ces Xob nti nti hauv, lawv thiaj muab Xob pav tes pav taw tau. Ces lawv coj Xob los txog tsev. Lub caij ntawd yog poob rau lub sij hawm txom nyem, lawv tsis muaj ntsev noj . Lawv muab Xob los dai rau saum lub tsuav ntxaij kom Xob tsis muaj zog. Los tuam , nws peb leej kw , thiab Xyo Lij Leem lawv mus yuav ntsev dua tom Mab zos lawm. Ces Los Tuam hais rau Nkauj Muam thiab nraug nus nkawd tias: Neb nyob neb tsis txhob ua dej ntub rau Xob nyob ntawm qhov cub od! Ces lawv sawv kev mus lawm. Tshuav nkauj Muam (Mim) thiab nraug Nus nkawd zov tsev. Nkauj Mim thiab nraug Nus nkawd xav tau tias: Los Tuam hais tias txhob ua dej ntub Xob no, yog li cas tiag ned. Nkauj Mim hais rau nraug Nus tias wb sim tsuag me me dej rau saib zoo li cas yom. Ces nkauj Mim mus ce tau ib ntim dej los tsuag kiag rau Xob ces Xob quaj ntwg ntwg qeeg nkaws. Nkauj Mim hais tias nrov zoo mloog kawg os!

Ces Xob hais rau nkauj Mim tias yog neb xav mloog mas neb hliv kiag kom tas nrho ib thoob dej rau kuv ces kuv ua rau neb mloog. Nkauj Mim nraug Nus ob tug xav hnov Xob nroo ces nkawd mus nqa kiag ib thoob dej los hliv rau Xob, ces Xob nws xob vog luaj kiag tus txiv nyuj, ua rau cov hlua khi Xob tu tas nro, ces Xob quaj rheb ntwg ya nto plaws ntuj lawm.
Ces Xob mus qhib rooj ntug, Xob daws dej sis so los rau ntiaj teb ua rau dej nag sis laub sis lug los. Ces ib tee dej nag luaj lub taub dag poob los teg rau Los Tuam hauv pliaj. Ces Los Tuam hais rau nws peb leej kwv thiab Xyo Lij Leem tias: Tsis tsum lawm lauj tom tsev muaj xwm lawm. Peb rov mus tsev tam sim no lauj!

Los Tuam lawv los txog ces lawv zoj kiag ib lub nruas daj, lawv mus nyob hauv. Xob mas rau siab ntso daus dej tas zog kom dej los nyab ntiaj teb.Lawv lub nruas ntab yuj yeev mus nto plaws rau lub hauv ntuj, Xob tseem rau siab ntso daws dej Xob tsis pom. Los tuam tsawv nkaus tau Xob ces yuav muab Xob tua. Xob thiaj thov tias Zaum no kuv swb nej lawm! Cia ua li no, thov nej txhob tua kuv cia kuv nyob nruab nrab . nej plaub leeg kwv tij nej ua nom nyob plaub ceg kaum ntuj. Kuv ua nej tus tub txib nej kom kuv ua dab tsi mas kuv ua rau nej lauj!

Ces zaum no yog plaub leeg kwv tij no nyob rau plaub ceg kaum ntuj no, Neej sab dab sab los yog lawv kav tas nro.
Thaum peb tsoom Hmoob yuav fiv yeem ntuj fiv yeem dab los Hmoob tuav txog, Los Tuam Xab Kub Tsab Xwm Kub Thawj thiab Xyo lij Leem lawv cov npe. Kom tuaj nrog pab nrog pov, kom muaj yeej mam li pauj raws li lo lus tuaj yeem fiv ntawd.

LO LUS XAUS ZAJ.

Txij li ntuj pem suab los txog lub zwj ceeb no thiab yav tom ntej mus ntxiv. Peb cov Hmoob yeej ntseeg tias: Yog Los Tuam,.Los Lwm ,Los Xab, Los Xwm, thiab Xyo Lij Leem lawv, yog plaub tug txoov vaj kav plaub ceg kaum ntuj.
Hmoob hu txog thaum Hmoob muaj teeb meem plaub ntug yuav fiv yeem los pab. Hmoob kuj hais txog, yog thaum Hmoob hais zaj foom kom kawg tias: Plaub ceg kaum ntuj muaj plaub tug huab tais tuav. Plaub ceg kaum teb muaj plaub tug vaj nres: ib tug ces yog nej tsev txoos npoj xyom cuab, ib tug ces yog teej lag tub hais xaiv wb tub sawv los mus ua.
Plaub ceg kaum ntuj ces muaj plaub tug huab tais nres. Plaub ceg kaum teb ces muaj plaub tug vaj tuav, ib tug ces yog nej, ib tug ces yog tau teej lag tub hais xaiv wb tub sawv los mus nres no.

Zaj foom kom siab tshaj plaws mas Hmoob foom txog ntawm plaub kwv tij no los xwb.
Lawv yog cov neeg muaj koob meej tsis zoo lam hu txog lub caij tsis muaj nuj nqi. Hmoob tsuas hu lawv thaum Hmoob muaj teeb meem: xws li muaj plaub ntug, los yog muaj txiab nkeeg hnyav, thiab thaum foom kom hais rau caj ces neeg nyob muaj meej lawv tej tub ki xwb.

Yaj Xib Hwb Zoov Ntxheb..
Lub 9hlis 2010

Qhov no yog kuv muab kho tag lawm, yog li tus xib fwb ua qhia zaj fiv yeem no yog nws pom no thov pab saib thiab seb puas yog. Yog yog lawm kuv yuav khaws coj mus siv lawm, kuv thov ua nws tsaug ntau ntau. Tias sis xav tau nws lub npe thiab lub xeem es nyob mus txog qhov twg ho muaj leej twg nug kuv los kuv thiaj li puab qhia tias kuv kawm ntawm tus hu li no. Ua tsaug shung vang

a. Fiv yeem:

Ua ntej yuav fij txiav ib tug xyoob log txhos pem qaum tsev los yog tom tog tsev muab ib txoj hlua dawb los yog liab los khi rau tus xyoob, tseg ib txoj thaum fij tas nqa los khi rau tus mob ntawv.

* 4 tug dab ( Tim Pov) loj yog:
- Xob txwg xob laug. Tuam lij koob, Lwm lij koob.
- Nkauj yaj yig nraug yaj yuam. Xyo li koob tuam tshem li koob tuam lim.
- Zaj txaig zaj nraum.
- Tuam yeem nruab ntug, plaub ceg kaum ntuj plaub ceg kaum teb. Tuam yeem
nruab ntug Xwm fab puaj meem. ( 4 tug puav txoov 4 tus puav ciam, txoov kav txoov
txoov kiam).
Sij laus. Yaj ceeb zeej vws xwm mas gus yas los xwb puj lam com auj, yaj ceeb zeej yaws xwm mas gus yaj los xwb tshaj xyab tsho sij huam laim theeb tom.
Yaj ceeb zeej vws xwm mas gus yas los xwb puj lam txheeb, yaj ceeb zeej yaws xwm mas gus yaj los xwb tshaj xyab tsho sij huam laim txheeb.
Sij lauj. Txheeb tom li txheev txhaij laim tim pov xwm fab puaj meem auj, txheeb tom li tuam li koob lwm li koob. Xyo li koob li koob tuam ham tshem li koob tuam lim auj.
Sij lauj. Yaj ceeb zeej vuaj vuab luj txws tshij fam puj luj xeeb tshij sem puj luj twm.
gus yaj los xwb tshaj xyab tsho sij huam txheeb tom li txheev txhaij laim tim pov xwm fab puaj meem, pov tom xeem yaj ncuab ( seb puas yog?) vuaj vuab luj txws, teem tom nis yim theeb yim vam mas theeb tshij fam nyab xeeb, tshij sem nyab luj. Teem tom nis yim yem mas koob yaj mas yaw yij kum,txhiaj txheej mas yaw xwm fwm, cawv tshuaj mas xwm pib, txhiaj xeeb mas yaw 12 (swv awj) khais, xav txheej mas yaw yij fwm, fiv tom nis tuam cuab mob tuam cuab tuam cuab tsa fij seeb auj.
** Hais lus suav tas li no, ho hais lus hmoob li no:
Auj, ntuj niam teb txi txheev txhaij tim pov xwm fab puaj meem tuam yeem nruab ntug,xob txwg xob laug, zaj txaig zaj nraum, nkauj yaj yig nraug yaj yuam, nkauj hnub qub txiv nraug qaim hli.
Hnub no yaj ceeb tsis muaj xwm mas kuv tsis hu txog ntuj niam teb txi, yaj ceeb muaj xwm mas kuv thiaj hu txog ntuj niam teb txi auj, tuam yeem nruab ntug txheev txhaij tim pov xwm fab puaj meem tus……noj hno tsis paug plab haus dej tsis paug cev tag hnub tsis thim laj tag hmo tsis thim sob. kuv tshaj xyab tsho sij haum hu txog txheev txhaij tim pov xwm fab puaj meem, ntuj niam teb txi ntuj nrag teb cais sawv daws tuaj nrog saib nrog xyuas, tuaj lees txheej lees yim lees xyab lees tsi, tuaj lees txheej lees yim tas mas tuaj pov ntsuj duab ntsuj hlauv tuaj tom qab, pov kuam yog lees lawm mas kom kuam 3 sab qhib 1 sab khwb los tau.
Auj, ntuj niam teb txi ntuj nrag teb cais,txheev txhaij tim pov xwm fab puaj meem sawv daws tuaj lees txheej lees yim lees xyab lees tsi tas mas sawv daws nqa 9 lub kaus tooj 8 lub kaus hlau, 9 lub khav tooj 8 lub khav hlau, 9 txoj pov nyiaj 8 txoj pov kub,9 ntswg nyiaj 8 ntwg tooj tuaj khi ntsuj duab rau hauv vaj, tuaj khi ntsuj hlauv rau hauv tsev kom nws noj hno paug plab haus dej paug cev. Peb hnub saum no kom nws noj hno paug plab haus dej paug cev kom thim laj thim sob thim mob thim ntsaj. teem 1 lub hli.
Saum no kuv tuaj yeem 1 tug laug tshis 4 com ntawv 12 lub yeej khaum ceeb khaum, tuaj pauj txog ntuj niam teb txi ntuj nrag teb cais auj, tuaj pov zoo zoo, tuaj ntis mob ntis ntsaj, tuaj thaiv dab txeeg dab qus dab noj nyoog haus txias rau ntiaj tog qaum pes, tuaj rho mob rho ntsaj rho toj rho taug, tuaj pov ntsuj duab rau hauv vaj, tuaj pov ntsuj hlauv rau hauv tsev kom nws noj hno paug plab haus dej paug cev. Kuv nco fiv nco pauj txog ntuj niam teb txi ntuj nrag teb cais. Pov kuam kom 3 sab khwb 1 sab qhib los Tau.
** yog pov kuam tsis lees rov qab hais qhov qub thiab:
Thov ntuj niam teb txi ntuj nrag teb cais tuaj pov ntsuj duab rau hauv vaj, tuaj pov ntsuj hlauv rau hauv tsev tsis pub kev ploj to, tsis pub kev tuag nrug. Cawm ntsuj cawm hlauv, thaiv dab txeeg dab qus, tuaj nqus mob nqus ntsaj thim kaj thim huv, tuaj pov ntsuj duab ntsuj hlauv rau vaj rau tsev. Ces pov kuam seb puas lees yog lees lawm ces cia li. Yog tsis lees rov hais li qub thiab ntxhiv dua rau:
1 tug laug tshis, 10 com ntawv 24 lub yeej khaum ceeb khaum 1 hwm xav txheej……ces yeej yuav tsum lees xwb li.
*** thaum fiv hlawv 12 tswm xyab tuav fiv yeem,yog muaj nruas neeb ntaus nruas los haj yam zoo.

b.Thaum pauj yeem:
Ua ntej yuav fij txua 4 tug ncej xyoob los txog pem qaum tsev los yog tom tog tsev ua txaj rau yus npaj raws li:
Thaum fiv yuav tsiaj dab tsi,yuav ntawv pes tsawg com,yuav pes tsawg lub yeej khaum ceeb khaum, yuav tsawg hwm xav txheej,xyab tsawg tswm thiab dej caw yus nco ntsoov txiav raws li thaum fiv ntawv.
Auj, yaj ceeb zeej noj hno paug plab haus dej puag cev, fiv nram ntej pauj tom qab ntuj niam teb txi ntuj nrag teb cais, txheev txhaij tim pov xwm fab puaj meem, tuam yeem nruab ntug, nkauj hnub qub txiv nraug qaim hli,xob txwg xob laug, zaj txaig zaj nraum kav teb kav chaw 4 ceg kaum ntuj 4 ceg kaum teb.
Sawv daws tuaj lees txheej lees yim, lees xyab lees tsig, tuaj lees tsiaj lees txhuv, lees xyab lees ntawv. Kuv nco fiv nco pauj, fiv ntuj niam teb txi fiv nram ntej pauj tom qab, fiv ntuj niam teb txi pauj txog ntuj niam teb txi, fiv tuam yeem pauj tuam yeem, fiv fam yeem pauj fam yeem, fiv yeem tsheej pauj yeem tsheej, fiv yeem pov pauj yeem pov. Sawv daws tuaj lees txheej lees yim lees xyab lees tsig, lees tsiaj lees txhuv, lees niag tsiaj koob yaj.
** Ntaus kuam kom lees tas ces cia li tua tshis. Ntaus kuam kom sab qhib sab qos los yog 2 sab qhib.

*** thaum tseev tshis tas.***
Thaum tseev tshis tag, muab txhua txhua cov hauv nqaij los hau, hau siav muab rau 4 lub phiab coj mus tso rau saum txaj, tso raws 4 tug ncej, muab com ntawv, yeej khaum ceeb khaum, ib hwm xav txheej faib rau 4 tug ncej ib yam. Yus hlawv 12 tswm xyab los tuav fij los pauj li no:
Auj, kuv ua nqaij ua hno siav pauj txog ntuj niam teb txi ntuj nrag teb cais, sawv daws nqes nroos tuaj, fiv txog tuam yeem pauj tuam yeem, fiv txog fam yeem mam pauj fam yeem, fiv txog yeem tsheej pauj yeem tsheej, fiv yeem pov pauj yeem pov, sawv daws nqes nroos tuaj lees tsiaj lees txhuv, lees nqaij lees hno. Ua nqaij ua hno siav sawv daws tuaj lees nqaij lees hno tas, sawv daws tuaj lees nyiaj lees txiaj, lees xyab lees ntawv auj. Tuam yeem nruab ntug nco fiv nco pauj, sawv daws luag ntxhiav luag ntxhi tuaj lees nqaij lees hno lees xyab lees tsig, lees nyiaj lees txiaj tas ntawv ces hlawv xyab hlawv ntawv rau.
** kev fiv yeem yus fiv tsawg hli li pauj, yus yuav tsum pauj raws li yus fiv ntawv thiaj tsis muaj teeb meem rau yus tom qab.

*** Thim yeem ***
-Fiv yeem tag. Tab sis tsis raws li siab xav, yam li tus neeg xav thov kev pov hwm rau raug xiam lawm.
-Yuav xav thim yeem no yuav hais li cas?
-Thiab thaum zoo li cas thiaj thim yeem?
Piv li tus fiv yeem pov ntawv nws tsis zoo, raug xiam lawm. Yus hlawv 12 tswm xyab coj mus sawv ntawm qhov chaw uas yus tau fiv ua ntej ntawv. Yus ntsia saum ntuj cesyus hais tias: Auj ! Ntuj niam teb txiv ntuj nrag teb cais txheev txhaij tim pov xwm fab puaj meem, xob txwg xob laug, zaj txaig zaj nraum, nkauj hnub qub txiv nraug qaim hli, nkauj yaj yig nraug yaj yuam nyob plaub ceg kaum ntuj plaub ceg kaum teb; hnub no tus no.......tau xiam tso ntiaj teb tseg lawm nram ntej kuv tau fiv nej sawv daws ib lub yeem (Piv li ) tshis tuaj pov tuaj puag tus........no. Tab sis nej tsis tuaj nrog pov tsis tuaj nrog puag kom zoo, hnub no nws tau xiam tso ntiaj teb tseg lawm mas nej sawv daws tuaj thim nej lub yeem mus kom tas nawb. Kuv fiv yeem pov mas nej tuaj thim yeem pov, kuv fiv yeem tsheej mas nej tuaj thim yeem tsheej, kuv fiv fam yeem mas nej tuaj thim fam yeem, kuv fiv tuam yeem mas nej tuaj thim tuam yeem mus huv si nawb. Kuv tsis fij tsis pauj neb lawm ov!. Ntuj naim teb txiv ntuj nrag teb cais ........ Tas ces muab cov xyab txhos rau saum qhov txhos xyab qub i thiab xwb.

Hais tus mob seb yog tus twg thiab yog xeem twg.
1. Los phuaj. Tus txiv. Xeem yaj , vaj, lis,thoj ncuab li los phuaj.etc.
2. Los phuaj nyaj nyab. Tus niam. Xeem yaj, vaj, lis thoj ncuab li los phuaj hwm nyaj
nyab. etc.
3. Los tuam, los lwm, los xab. los xwm, los vws. # 1. Tub hlob, # 2. Tub nrab,
# 3. Tub yaus, # 4. Tub yaus, # 5. Tub ntxawg. Xeem yaj, vaj, lis thoj li los tuam, los
lwm, los xab, los xwm, los vws. etc.
4. So mim. (nkauj laj hlob, nkauj laj yau). Ntxhais hlob, Ntxhais yaus. Xeem yaj,
vaj, lis, thoj li so mim. etc.
5. Los zeej. Mes nyuam tub. Xeem yaj, vaj, lis, thoj li los zeej. etc.
6. Luj txws vuaj vuab. Xeeb leej xeeb ntxwv. Xeem yaj, vaj, lis, thoj li luj txws vuaj
vuab. etc.
7. Luj txws laim vuaj vuab. Xeeb leej xeeb ntxwv. Xeem yaj, vaj, lis, thoj li luj so
laim vuaj vuab luj txws. etc.

Nyob zoo tus tij laug xiongchang.

Tij laug xiongchang hais txog ntawm kev fiv yeem kuv tsis tau txawj li, kuv thov koj thiab es koj puas yuav kam qhia ntxiv pub rau kuv thiab. Ua tsaug Kwv Shung Vang

Nyob zoo kwv Shung,

Kuv tshem tag lawm.

Nws tau nug rau kuv, kuv tsis teb nws vim kuv khaws keeb kwm kab lis kev cai xwb, kuv tsis yog ib leej tub tuav ncej dab ces kuv thiaj li tsis paub qhia nws. Yog tij laug Hmoob Ntuj Qubqab tuaj mas nws thiaj yog kws txwj kws laus, thiaj li yuav txawj teb nws cov lus. Tab sis tsis pom tij laug tuaj lawm. Tab sis yam li coob leej niaj hnub tuaj nyeem hauv nov, kuv xav mas yuav muaj tus puav paub xwb. Yog leej twg ho paub txog kev fiv yeem los thov txhob ua siab deb es pab qhia kom meej rau peb tau coj mus siv, tau khaws tseg thiab nawb kwv tij Hmoob.

Yam nej qhia, nej lub txiaj ntsim yuav nyob tsim txiaj.
Yam nej pub, nej lub txiaj ntsha yuav nyob tsim nuj.

Kwv Shung, zaj no raws li kuv nco twb yog tij laug Hmoob Ntuj Qub qab sau ntag sub, tej zaud tsuas tshuav lo puav uas peb tsis to taub xwb. Nws yeej sau ntxaws lawm.

Kwv Shung, kuv kho daim video lawm, nws mloog tag tej zaud nws yuav txawj lawm.

......Kwv ntxawg...Shung...Thov txim ov?...Kuv tsi yog...Txiv muam fiv yeem os...Thiab kuv tsi txawj neeb...Qhov kuv fiv yeem...Tej thaum muaj mob plab dia hau...Los sis ntsib kev nyuaj siab...Ntxhov plawv...Hu niam...Thov txiv xwb os...Lub sij hawm...Peb tseem ua..."Cob fab ntawd"...Hais raws lug..."Saub"...Qhia npau suav...Plaub tug tim tswv loj...Saum ntuj muaj npe xws li..."Ib tuam vaj kha...Ob lwm vaj kha...Peb xab vaj kha...Plaub xwm vaj kha...Dab zaj kav teb chaws nplog...Ib tuam vaj looj...Ob lwm vaj looj...Peb xab vaj looj...Plaub xwm vaj looj...Cov dab ncov roob siab...Teb chaws nplog...Ib txiv tuam hooj koos...Los thiv thoo dam...Yog tug tim tswv...Roob phu npiab...Yog tug loj siab kawg...Ob thiv thoo dee...Yog tug nyob lub roob...Phou lee...Yog lwm thawj...Peb yog thiv npu pha...Nyob lub roob...Phou sam song...Yog lwmthawj thib ob...Plaub thiav npua Chanh...Yog tug nyob lub roob:...Phou Sao...Yog tug:...Secretary...Tuav npe npas xis...dab tebchaws nplog tas nrho...Yog muaj teeb meem dab tsi?...Ntxhov siab txog...Nplog liab...Nyab laj caum raws tua...Hu plaub tug nov...Thiaj pab ntis...Yeeb ncuab qhov muag...Tsi pom yug...Kuv paub li nov xwb ov...Lub sij hawm ntawd...Kuv yeej hu raws nraim li...Luag qhia nruab npau siav...Yeej pab tau kawg mas...Kwv ntxawg...Shung.

Fiv yeem pov ib xyoos 12 hlis hli nqig yuav luag tas ua ntej yuav noj peb caug ces pauj , pauj yeem thaum yuav tua tsiaj .

Ua nqaij ua hno siav ces pauj .

......Kev fiv yeem....Kuv ntseeg tau tias....Muaj tseeb tias tiag....Kuv tsi dag....Suav daws nawb....Kuv tug kheej....Tseem coj li....Poj ua tseg....Yawm rhauv cia....Txog niaj hnub no os?....(Yug niam - Yug txiv....Ncej vag - Ncej tsev - Qhov cub - Qhov txos - Thaj xwm kab - Tuam los yej)....{Hu niam nkauj kab yeeb xyab - Tub tsheej xeeb}....Nkawm niam txiv....Xa ntuj tub - Xa ntuj ntxhais....Muaj tseeb tias tiag....Fiv feem tom tej hav zoov nuj txeeg....Kuv ib txwm fiv nawb....Tsoom phooj ywg!....Hmoob hlub hmov tshua suav daws.

......Nyob zoo....Kwv ntxawg...."Shung"....Qhia koj ua kwv paub nawb....Kuv tsi nyob lub tsev....Number House 764 Hoyt Evenue lawm os?....Kuv khiav tsev....Rov qab mus nyob sab nroog....{Minneapolis}....January 31, 2015 Or February 1, 2015....Nyob ze tsev kho mob nkeeg....{North Point....North Penn lawm nawb....Kwv ntxawg...."Shung"....Qhia koj paub mog.

xiongchang wrote:......Nyob zoo....Kwv ntxawg...."Shung"....Qhia koj ua kwv paub nawb....Kuv tsi nyob lub tsev....Number House 764  Hoyt Evenue lawm os?....Kuv khiav tsev....Rov qab mus nyob sab nroog....{Minneapolis}....January 31, 2015 Or February 1, 2015....Nyob ze tsev kho mob nkeeg....{North Point....North Penn lawm nawb....Kwv ntxawg...."Shung"....Qhia koj paub mog.

Tij laug txawj tsab,

Zoo siab ntau koj qhia kuv os...yog hnub twg mus nyob muaj chaw lawm no kuv mam li nrhiav sij hawm tuaj tsham koj thiab. Yog koj mus nyob ze lub tsev kho mob northpoint no ces kuv paub tias nyob qhov twg lawm. Ua ntej yuav mus nyob no ho muab ib com nyiaj cov mus tsheb vaj tsheb tsev ua ntej es mam mus nyob nawb. kwv shung

......Awb zoo siab ntau os?....Kwv ntxawg...."Shung"....Kuv npaj pob kws liab dub....Noob taum pauv....Npaj ib rev nplooj ciab cheb vaj tsev....Npaj lawj faj lawv....Npaj kua txob qhuav....Lawv ntshawb tib si os?....Xeem lo ntawv yaj khaum tshiab tas nrho....Cim qhov rooj....Lo qhov rais....Plaub lub qhov rooj tas nrho os?....Vam nruas - Nyab vam nruas lawv tawm tsev....January 18, 2015....Nyob sab....[Saint Paul]....Tsi nrog....Wb ob tug laug....Tub txooj kuam....Nyab txooj kuam....Peb tug me nyuam....{Girl}....Thiab ntxhais....{Mai Choua Chang}....Peb lawm os?....Kwv ntxawg...."Shung"....Tug nyab npaj tawm tsev ntxov xyoo 2010....Leb los txog....{Minnesota}...."Tab sis"....Kuv pheej cheem xwb os?....Kwv ntxawg...."Shung"

Nyob zoo tij laug txawjtsab,

Koj ua tij txhob tu siab os, yus ua laus mas yus xav yus lawm ib yam. Cov hluas lawv xav lawv lawm ib yam. Lub siab lub ntsws xav tsis sib thooj vim lub teb lub chaw no tsis zoo li yav ntuj qub qab ua tej niam tej txiv ib txwm coj los. Cia nyias mus nyob nyias kom muaj nuj muaj nqi them es thiaj li paub. Lub teb chaw no ameslikas nyiam nyias nyob nyias es tej me nyuam tsis to taub ces xav tias tau ob peb ki nyiaj lawm ces tsuav txaus them nqi xwb ces yus mus nyob yus ntag.

Yog leej twg coj li no ces yog nyob lub teb chaw no ces kawg txom nyem ua lub neej poob qab deb yuav caum tsis tau lwm leej lwm tus. Kuv pom kuv ib cov txiv ntxawm hmoob xeem xyooj lawv tseem tuaj puag tom qab yus. Thaum lawv tuaj txog lawv sawv daws nyob ib lub tsev xwb. tub nyab ces tsis hais tus twg li. Txog leej twg xuab moo mus hauj lwm ces nyias noj nyias ces nyias mus nyias lawm li. Lawv sib zog khwv noj khwv haus kawg. Tib pliag xwb yus mam ras ua tib zoo saib lawv no cas tej tub tej nyab ib tug muaj txog 5-6 lub tsev xauv rau neeg nyob ho laug muaj zoo vaj zoo tsev nyob tag.

Yus ces tseem nyob tsev luam xwb. Tu siab kawg tij laug vim tib qhov tsis muaj niam muaj txiv pab ntag. Ncav qhov twg los plam rub qhov twg los tsis cuag. Yog muaj niam muaj txiv pab mas tej zaum yuav tsis txom nyem heev thiab.

Yij Bruce thoj hais qhia kuv tias lawv nyob Oregon mas tom cov kwv tij hmoob sawv daws ho tau vaj tau tsev nyob tag tib si mas yog lawv coj li no. Sawv daws sib koom yuav ib lub tsev rau ib tug nyob ces sib pab them. Thaum them ntej tuaj lawm ces nws them tau lawm laud. Sawv daws ho mus yuav rau lwm tus ces sawv daws ua li no ib ntug xwb ces s/d muaj vaj muaj tsev txhua lawm. Yog leej twg xav kom tau txoj kev zoo ces yuav tua coj li no. Tom qab no kuv mam li muab ua tib zoo saib no yog kawg yog tias s/d txawj sib hlub sib pab mas tib pliag xwb yam yus xav tau yeej yuav tau.

Kuv kuj hais7 kuv cov kwv sawv daws thiab lawv los yeej tsis nyiam li kuv hais thiab. Lawv puav leej mus xauj tsev nyob tag tib si. Tab sis mas niag hnub niag hmo tuaj noj tuaj haus hauv niam thiav txiv xwb. Lawv tsuas yog mus muab lub chaw pw xwb. Niaj hnub no kuv yeej hais rau tias yog nej 3 leeg tub nyab es ib leeg them tsev xauj txog 900-1000 nyiaj li nej ces kuj sib koom mus yuav ib lub tsev rau niam thiab txiv nej sawv daws nyob es mam7 sib pab li mus xwb ces ib ntus xwb nej 3 tug kwv tij nyias muaj nyias tsev nyob tag lawm. Lawv yeej tsis cuab pob ntseg mloog yus ua tij hais li. Qhov lawv ua li ces twb yog nyias xav nyob nyias es kom txhob muaj leej twg pom lawv xwb. Kev thab niam hais li lawm.

Tij laug yog mus nyob tsheej lawm no kuv mam li tuaj tsham koj thiab os...tau ib ntu no tsis khoom li. sib ntsib dua kwv shung

Hais txog kev fiv yeem thiab pauv yeem yeej muab tseeb. Kuv tsis tau fiv dua tab sis kuv tau mus ntsib ib tug txiv neeb txwv neeb laug. Nws tham me ntsis qhiab kuv thiab. Nws tau hais qhia kuv tias ntawm peb nyob hauv Saint Paul no muaj ib yawm kwv tij hmoob ( tus no nws paub zoo) tau tuaj tham qhia nws tias muaj hmoob tuaj thov nws kom nws mus fiv ib lub yeem pov hmoob no. Nws mus fiv tag los ces cov dab xeeb teb xeeb chaw laug tuaj hais nws tias: ua cas koj twb tsis yog ib tug nom es koj yuav hu peb tuaj ntawm no ua dab tsi. Koj yuav tsum yog nom mas koj thiaj li hu tau peb tuaj txiaj plaub txiav ntug tau es koj twb tsis yog nom. Tus nom mas nws muaj ib lub rooj nom rooj tswv es nws thiaj hu tau cov neeg nyob pem ntuj tuaj ho koj twb tsis muaj rooj nom rooj tswv li ned.. Yawm ntsim dab ntub sawv los ces yawm xav7 ces thiaj li khiav7 tuaj tham qhia tus txiv neeb no.

Tej zaum yuav yog lawm thiab vim dab xav kom yuav tsum yog txiv neeb fiv xwb. Hais txog fiv yeem mas kuv xav tias txawm leej twg fiv los tau tag tib si yuav tsis txhaum no tab si yawg hmoob nws kuv tuaj hais li pub s/d paub thiab. shung

......Kwv ntxawg...."Shung"....Kwv tij npaum cas....Txhob xam khib....Txhob xam txee....Thiaj nyob tau ua ke os?....Yog xam khib li....Kuv peb tug tub....Peb tug nyab....Txhua tsav yam....Xav kom yug ob tug laug....Them nuj nqis....Lawv khaws nyob dawb xwb....Yug ob tug laug....Ua qhev tu vaj tsev xwb....Lawv ua huab tais....Zaum puag tes....Plw taw xwb....Tsi txawj xav kiag li os?....Kwv ntxawg...."Shung"....Lawv nyob lawv....Lawv thiaj paub os nawb.