Home
Nyob TSIS ZOO ib tsoom Hmoob hmov tshua,
Zaum no pab Hmoob uas lawv tis lawv lub npe hu ua Trustees yav dhau los tuav lub koomhaum Lao Family Center yuav los tuav lub koomhaum nyob Minnesota TAG MUS IB SIM NEEJ, lawv mus hais plaub nram court/chaw hais plaub txiavtxim cia lawv yeej pab Hmoob Hmong Family Foundation los yog Pab Tub leg dej num uas Pejxeem POM ZOO thiab Xaiv tsa los tuav lub koomhaum tau 1 lub xyoo ntau no. Yog li no pab Hmoob Trustees lawv rov qab los tuav lub koomhaum dua thiab lub Tsiab30 Hmoob MN nrog rau lub July 4th mus lawm yav tom ntej. Tsis tag li xwb raws li kuv hnov me ntsis pab HFF no lawv cov nyiaj uas lawv sib sib zog khwv tau 2 xyoo no cov nyiaj los txhawb lub koomhaum thiab tau muab tshaj tawm rau Pejxeem pom dhau los tshuav li ntawm $200,000 tawm raug pab Trustees no muab seize/ywv tag lawm huv tibsi lawm thiab.
Tsoom Hmoob thaum peb pom li no lawm nej ho xav seb ua li cov Trustees ua no puas yog. Puas tsimnyog peb mus txhawb lub Tsiab30 thiab lub Jul 4th lawm vim lawv los txeeb ua LAG LUAM RAU LAWV NOJ TUSKHEEJ lawm xwb uas zoo nkaus li yav dhau los TSIS TAU $1 QHOV LOS PAB/TXHAWB LUB KOOMHAUM LI. Lawv tseem muab lub koomhaum no coj mus YUAM TXAIS NYIAJ tshuav nqi ze txog $100,000 tawm thiab lub koomhaum puas tsoj puas tsus tsis muaj tus kho thiaj ua rau lub koomhaum twb raug City muab kaw lawv pab tshiab no mam li caw tau rov los.
Lawv rooj plaub yuav tsis tau xaus rau zaum no, thawj kaujruamm no tsuas yog ntawm lub koomhaum thiab cov tub leg dejnum xwb. Kaujruamm los yog rooj plaub tom ntej no yuav yog Pejxeem los txuam xyaw vim tias lub koomhaum no yog Pejxeem li tsis yog lawv ntiagtug. Yog tias s/d pom xav tias ua li lawv ua no tsis yog lawm, kom xyoo no peb txhob mus txhawb lub tsiab30 hlo li thiab thov qhia rau tej menyuam paub zoo. Qhov no yog kuv kev xav xwb tsis yuam leejtwg tiamsis ntawm kuv txiav tu nrho tsis hais lub tsiab30 thiab July 4th tsis mus txhawb ntxiv lawm. Tej no ces ua nkaus li Nyablajliab ua MUAB PEJXEEM UA LIAJ SAUM NRAB QAUM los lus Amelika hais tias CORRUPTION.
Rooj plaub hais dhau los no qee zaus nram chaw HAIS PLAUB luag tsis QUAV NTSEJ txog Hmoob tej teebmeem vim lawv dhuav Hmoob dhau los sis lawv tsis paub txog Hmoob tej haujlwm QAB ROOJ, lawv tsuas muab txoj kev xaiv tsa yav dhau los li zaum Tswjpheej Lis mus hais yeej Tub Xyooj lawv coj los taug xwb yog li no chaw HAIS PLAUB thiaj muab lawv yeej lawm. Yog tsis li qee zaus tej zaum ntshe nram chaw Hais Plaub tseem ua HAUJLWM QAB ROOJ nrog pab Hmoob Trustees no thiab.
http://shrdo.com/index.php/suabhmong-news/hmong-news/3233-the-board-of-trustees-of-former-lao-family-foundation-resume-duty-on-minnesota-hmong-new-year-and-hmong-july-4th-event
http://shrdo.com/index.php/suabhmong-news/hmong-news/3232-breaking-news-court-s-decision-favored-the-trustee-board-of-lao-family-foundation-over-the-board-of-lao-family-community-in-minnesota
