Mus saib tus tub hluas Hmoob nram no kom nej thiaj li paub tias ziag no nyob lub tebchaws Lostsuas muaj neeg tub nkeeg, dag noj dag haus coob zus tuaj lawm xwb.
https://www.youtube.com/watch?v=zFfdkHgd-Yc
https://www.youtube.com/watch?v=zFfdkHgd-Yc
koojziagkabzaug wrote:
Kwv Liaj Ntsuab,
Cia kom muaj neeg txawj dag coob tshaj ntxiv mas haj yam zoo vim ib cov poj nrab nraug nrab mas khwv tau nyiaj tsisz paub siv, tsuas tshwj nrees coj mu pub mob ab tim ub xwb. Lawv txawm yuav hnov pes tsawg tsav pes tsawg yam los lawv yeej nyo hau nyes khwv nyiaj mus pauv lus qab zib ces leej twg muaj tswv yim yeej meem pab siv cov hnab tshos to qab tej nyiaj...Hahahaha...!
koojziagkabzaug wrote:
Kwv Liaj Ntsuab,
Kuv twb tau nug cov laus tias ua li txheej thaum ub es ntuj puas nyob qes li zaum no vim tias raws li kuv nco tau mas zoo li tej laus ua neej ciaj caub, ua neej cib nyeej, lawv sib foom kawg tab sis tsis pom khaum cuag li zaum no. Lawv teb rau kuv tias yeej tsis pom muaj li, neeg mas cem foom cem foom los sawv daws kuj ua neej ntsiag to tsis pom dab tsi tshwm sim. Zaum no mas kuv pom tias leej twg lom txwm ua ib mas ntuj pauj 10 los 100 kiag rau tej zaud twb tsis dhau xyoo twb pom tshwm lawm yam tus uas luag ua rau twb tsis hais ib lo lus li tab sis zoo li ntuj cia li pom li lawm.
Kuv mas kuv xav thov sawv daws xyaum ua neeg zoo li yuav zoo tau xwb. Luag foom yus los yus yuav rov lus zoo rov koob hmoov rau luag xwb kom luag cov lus phem ntawd rov txia ua koob hmoov rov qab rau yus. Txhob muab kub tim kub, ntaiv tim ntai ces yuav cig. Yuav tsum muab txias tim kub mas thiaj li SOV xwb.
Zaum no neeg siab phem, lim hiam ntais ntuj, nyias thwj nyias tau ntau, nyias thwj nyias txawj ntaim tsis muaj siab ntsws txawj hlub txawj khuv leej lawm thiaj li tsis tau zoo. Nyob nrog tej niag khwv yeej khawv yws, tej niaj sub tawg sub ntsha xwb. Rov ruam tshaj tsiaj txhu lawm vim tsis muaj siab ntsws lawm.
Tau muaj ib xyoo no, nyob USA muaj ib tug poj niam nws nrauj nws tus txiv nram ntej lawm, nws muaj me nyuam coob ces nws ua assurance nqe tau hau 3 lub rau nws. Thaum nws tag sim neej, tau nyiaj ntau tab sis tus txiv qub tauj ntxig cov me nyuam ces lawv tsis kam ua tus niam lub ntees, lawv hais tias lawv yuav cia cov nyiaj ntawd coj mus yuav tsev rau lawv nyob no mas kuj ua rau sawv daws xav tsis tag li. Zoo li lawv muaj peev xwm tsis kam ua lawv niam lub ntees es ho yuav muaj siab mus nyob lub tsev uas xuas leej niam cov nqe taub hau mus yuav thiab mas xyov yog xav li cas li lawm. Neeg ua li yuav nyob tsis muaj caij kawg.
koojziagkabzaug wrote:
Kwv Liaj Ntsuab,
Kuv li ces kuv nyob lub teb chaws twg, lub teb chaws ntawd yog kuv lub lawm xwb las as!
Txawm Hmoob yuav muaj kiag ib lub teb chaws Hmoob los ntshe kuv yuav tsis kam mus nrog Hmoob nyob lawm. Vim Hmoob ntshaw teb chaws tab sis Hmoob tsis txawj kav thiab Hmoob caij tsuj poj niam dhau lawm yog Hmoob tseem muaj ib lub teb chaws thiab mas xyov Hmoob cov poj niam tseem yuav zoo li cas ntxiv. Tab Hmoob twb nyob luag teb siv luag kev cai lij choj tsis kav Hmoob tseem caij tsuj poj niam qees.
koobpovtxuj wrote:Hais txog qhov caij poj niam mas tsis hais txiv neej Hmoob thiaj caij poj niam xwb.Luag lwm haiv neeg los yeej caij poj niam tib yam.
Hos qhov uas txiv neej Hmoob ho tsuj poj niam mas kuv kuj tsis tau pom dua thiab laiv.
koojziagkabzaug wrote:
Kwv Liaj Ntsuab,
Cia kom muaj neeg txawj dag coob tshaj ntxiv mas haj yam zoo vim ib cov poj nrab nraug nrab mas khwv tau nyiaj tsisz paub siv, tsuas tshwj nrees coj mu pub mob ab tim ub xwb. Lawv txawm yuav hnov pes tsawg tsav pes tsawg yam los lawv yeej nyo hau nyes khwv nyiaj mus pauv lus qab zib ces leej twg muaj tswv yim yeej meem pab siv cov hnab tshos to qab tej nyiaj...Hahahaha...!
|
|