Home
Nyob zoo kwvtij Hmoob Hmov Tshua,
Hnub no kuv thov tuaj sau ib zaj dabneeg uas zoo piav tiamsis tsiv mloog rau peb kwvtij Hmoob mloog. Zaj dabneeg no yog kuv hnov hais tawm los ntawm lub xovtooj cua Xamneua hnub tim 9 lub 11 hlis xyoo 2014 no xwb. Zaj dabneeg no kuv tsuas qog lawv ib tug kwvtij Hmoob qab raws li nws hais los ntawm ib tug phoojywg Hmoob Xeem Yaj piav qhia rau nws xwb. Raws li zaj dabneeg nram no twb muaj tshwmsim dhau los lawm uas peb Hmoob txhua tus yeej tau pom thiab tau hnov xyoo 2007 nyob rau tebchaws U.S.A. Zaj dabneeg yog muaj li nram no.
Thaum peb Hmoob tseem muaj tebchaws nyob rau hauv Lostsuas Hmoob tus thawj coj tau xa ib tug Tub Txawj tuaj mus kawm ntawv rau Canada lawm. Ua ntej Hmoob tus Thawj Coj yuav xa nws tuaj ntawd tus Tub Txawj muaj ib tug hluasnkauj tham zoo cia nyob rau tom qab nws tau npaj siab lawm tias thaum kawm tiav rov qab los nws yuav los yuav tus hluas nkauj ntawd ua nws tus pojniam. Yog li no tus Tub Txawj ntawd tau tuaj mus kawm rau txawv tebchaws lawm ces tom qab ntawd Hmoob tus Thawj Coj tau coj ib tug tub txawm mus yuav tus Tub Txawj ntawd tus hluasnkauj los ua pojniam lawm. Tom qab tsis ntev tus Tub Txawj ntawd rov los txog nws tau tuaj rau Hmoob tus Thawj Coj lub tsev no nws pom Hmoob tus Thawj Coj ib tug tub tau yuav nws tus hluasnkauj los ua pojniam lawm, yog li no nws tau chim siab heev thiab sawv khiav mus tsev. Thaum zoo li no lawm Hmoob tus Thawj Coj thiaj li sawv raws qab mus cheem kom nres muaj dabtsi los mam li tham ces tus Tub Txawj ntawd txawm teb rau Hmoob tus Thawj Coj tias ua cas koj ho ua li no rau kuv? Hmoob tus Thawj Coj thiaj li teb nws hais tias twb vim yog kuv xav kom koj yuav kuv ib tug ntxhais kuv thiaj li tau ua li ntawd lawm. Tus Tub Txawj hais mus ntxiv tias yog koj ua li no rau kuv ces txij hnub no lawm tod koj thiab kuv wb yuav nyob tsis tau uake, koom tsis tau ib lub ntuj nyob. Tom qab nkawv sib tham me ntsis tsis sib haum siab ces tus Tub Txawj ntawd tau mus lawm ces dhau mus tsis ntev lub tebchaws puas tus Tub Txawj ntawd thiaj li khiav tuaj rau lub tebchaws Canada lawm.
Txij li thaum tus Tub Txawj tuaj mus nyob rau lub tebchaws Canada, nws tau chim siab heev rau tej Hlob yav dhau los li tau hais los saum toj saud, nws thiaj rov mus nrog Hmoob tus Yeebncuab sib cog lus thiab ua txhua tsav yam los thaiv Hmoob tus Thawj Coj txoj hauv kev. Thaum xub thawj ces yog tus Tub Txawj hais los ib leeg ua phem rau Hmoob tus Thawj coj xwb tiamsis tom qab no los txog rau xyoo 1987 txawm muaj ib tug Tub Txawj uas thaum ub Hmoob tus Thawj Coj xa tuaj kawm ntawv nyob rau Fabkis thiab thaum lub tebchaws puas nws los khiav tuaj rau Fabkis tiamsis nyob tsis ntev ces ho khiav los rau U.S. A nrog koom siab ua phem lawm thiab. Kev txiavtxim siab ua phem los ntawm tus los Fabkis teb los yog li nram no.
Nyob rau xyoo 1987 muaj 2 tug tub Hmoob sau nyiaj koomhaum ua tebchaws, muaj ib tug sau sab hnub tuaj hos ib tug sau sab hub poob lawv los sib ntsib rau Michigan thiab lawv tau muab cov nyiaj los suav tag tom qab ntawd ces lawv txawm taug kev los mus. Thaum lawv taug kev los mus muaj ib tug ntawm 2 tug tub sau nyiaj ntawd yog Hmoob Xeem Vaj txawm los ntog tom kev ua ntej lawv yuav los mus so rau ib qhov chaw. Thaum los txog chaw lawv rov muab cov nyiaj rov los suav no ib cov nyiaj txawm ploj tag lawm yog li tus Tub Txawj los Fabkis los txawm hais rau Hmoob tus Thawj Coj lub sijhawm ntawd kom mus tshawb tus Tub sau nyiaj ntawd tom nws qhov chaw tiamsis Hmoob tus Thawj Coj hais tias kom txhob ua li cia rov mus nrhiav tom qhov chaw ntog xwb ces lawv sib hais tsis haum cia li tsum li ntawd tsis tshawb tus Tub sau nyiaj tom qhov chaw ntog thiab chaw so. Nyob rau lub sijhawm ntawd tus Tub sau nyiaj txawm hais rau tus Hlob tias nws ntog li ntawd lawm kom tus Hlob muab ib qhov nyiaj rau nws coj mus yuav ib tug tsiaj hu nws plig ces tus Hlob cia li cev tes mus tsuab cov nyiaj xwb tsis suav seb muaj pes tsawg tiamsis lawv mam muab suav tom qab yog muaj $120,000 ( kuv xav tias yuav tsis yog $120,000 tiamsis yuav yog $1,200 xwb vim rau qhov ntau dhau thiab tsis txaus ntseeg lawm). Ces dhau ntawd tus Hlob ho mam li muab tau $800 rau tus Tub Txawj los Fabkis los ua nqi dav hlau ya los mus tsev. Tom qab muab nyiaj rau nkawv 2 tug tag ces Hmoob tus Thawj Coj txawm hais ib lo lus tias yog hnub twg nws ua tau Tshuab Luam Nyiaj lawm mas nws yuav luam nyiaj rau noj( tiamsis lo lus no tsis tuav nkawv npe seb yog nws hais tus twg).
Thaum tus Tub Txawj los Fabkis los hnov lo lus kawg uas tsis nkag siab ntawd ua rau nws nyhav siab heev yog li thaum rov los txog tsev nws tau hu nws cuab kwvtij Xeem Yaj tuaj sib sab laj txog cov lus ntawd ces lawv ib txhia hais tias Hmoob tus Thawj Coj ib txwm coj kub yog li kom nws tseg txhob nrog tej Hlob ua haujlwm uake lawm. Txij hnub ntawd los nws tseg tsis koom nrog Hmoob tus Thawj Coj ces nws cia li mus koom nrog tus Tub Txawj nyob Canada taug ib txoj kev uas yog rov mus ntaus phoojywg rau Hmoob tus Yeebncuab thiab nrhiav kev ua phem rau Hmoob tus Thawj Coj ua ntuv zus los mus hos 2 tug Tub Txawj ntawd nkawv kuj tau txais paj tshab los ntawm Hmoob tus Yeebncuab rau nkawv tej haujlwm uas nkawv tau ua yam ua ntuv zus los mus thiab. Yog li no kev kub ntxhov ntawm peb Tsev Neeg Hmoob thiab tej Hlob thiaj li tau txais lub neej tsaus ntuj ntxhov quas niab txog ntua xyoo 2007 Hmoob tus Thawj Coj thiab ntau tus Hmoob thiaj tau raug Tsoomhwv muab ceev tseg li peb tau pom los lawm.
Nyob li tus Tub Txawj nyob Canada nws lub neej kuj yog tau txoj hmoov phem kawg li thiab ziag no nws qhov chaw xa zaub mov seem kuj tsis ua haujlwm lawm ces Dr. tau muab nw qhov chaw xa zaub mov tawm pauv los rau ntawm tav uas yog tso xov yas xa zaub mov tawm lawm thiab xwb no.
Vam tias zaj dabneeg no yuav yog ib qhov rau Hmoob txhua tus coj mus kawm ua neej. Yog muaj lus nug dabtsi thov txhob nug kuv vim tias kuv tsuas yog tus qog lawv qab coj los tso rau peb tau saib xwb.
Nyob zoo
Hnub no kuv thov tuaj sau ib zaj dabneeg uas zoo piav tiamsis tsiv mloog rau peb kwvtij Hmoob mloog. Zaj dabneeg no yog kuv hnov hais tawm los ntawm lub xovtooj cua Xamneua hnub tim 9 lub 11 hlis xyoo 2014 no xwb. Zaj dabneeg no kuv tsuas qog lawv ib tug kwvtij Hmoob qab raws li nws hais los ntawm ib tug phoojywg Hmoob Xeem Yaj piav qhia rau nws xwb. Raws li zaj dabneeg nram no twb muaj tshwmsim dhau los lawm uas peb Hmoob txhua tus yeej tau pom thiab tau hnov xyoo 2007 nyob rau tebchaws U.S.A. Zaj dabneeg yog muaj li nram no.
Thaum peb Hmoob tseem muaj tebchaws nyob rau hauv Lostsuas Hmoob tus thawj coj tau xa ib tug Tub Txawj tuaj mus kawm ntawv rau Canada lawm. Ua ntej Hmoob tus Thawj Coj yuav xa nws tuaj ntawd tus Tub Txawj muaj ib tug hluasnkauj tham zoo cia nyob rau tom qab nws tau npaj siab lawm tias thaum kawm tiav rov qab los nws yuav los yuav tus hluas nkauj ntawd ua nws tus pojniam. Yog li no tus Tub Txawj ntawd tau tuaj mus kawm rau txawv tebchaws lawm ces tom qab ntawd Hmoob tus Thawj Coj tau coj ib tug tub txawm mus yuav tus Tub Txawj ntawd tus hluasnkauj los ua pojniam lawm. Tom qab tsis ntev tus Tub Txawj ntawd rov los txog nws tau tuaj rau Hmoob tus Thawj Coj lub tsev no nws pom Hmoob tus Thawj Coj ib tug tub tau yuav nws tus hluasnkauj los ua pojniam lawm, yog li no nws tau chim siab heev thiab sawv khiav mus tsev. Thaum zoo li no lawm Hmoob tus Thawj Coj thiaj li sawv raws qab mus cheem kom nres muaj dabtsi los mam li tham ces tus Tub Txawj ntawd txawm teb rau Hmoob tus Thawj Coj tias ua cas koj ho ua li no rau kuv? Hmoob tus Thawj Coj thiaj li teb nws hais tias twb vim yog kuv xav kom koj yuav kuv ib tug ntxhais kuv thiaj li tau ua li ntawd lawm. Tus Tub Txawj hais mus ntxiv tias yog koj ua li no rau kuv ces txij hnub no lawm tod koj thiab kuv wb yuav nyob tsis tau uake, koom tsis tau ib lub ntuj nyob. Tom qab nkawv sib tham me ntsis tsis sib haum siab ces tus Tub Txawj ntawd tau mus lawm ces dhau mus tsis ntev lub tebchaws puas tus Tub Txawj ntawd thiaj li khiav tuaj rau lub tebchaws Canada lawm.
Txij li thaum tus Tub Txawj tuaj mus nyob rau lub tebchaws Canada, nws tau chim siab heev rau tej Hlob yav dhau los li tau hais los saum toj saud, nws thiaj rov mus nrog Hmoob tus Yeebncuab sib cog lus thiab ua txhua tsav yam los thaiv Hmoob tus Thawj Coj txoj hauv kev. Thaum xub thawj ces yog tus Tub Txawj hais los ib leeg ua phem rau Hmoob tus Thawj coj xwb tiamsis tom qab no los txog rau xyoo 1987 txawm muaj ib tug Tub Txawj uas thaum ub Hmoob tus Thawj Coj xa tuaj kawm ntawv nyob rau Fabkis thiab thaum lub tebchaws puas nws los khiav tuaj rau Fabkis tiamsis nyob tsis ntev ces ho khiav los rau U.S. A nrog koom siab ua phem lawm thiab. Kev txiavtxim siab ua phem los ntawm tus los Fabkis teb los yog li nram no.
Nyob rau xyoo 1987 muaj 2 tug tub Hmoob sau nyiaj koomhaum ua tebchaws, muaj ib tug sau sab hnub tuaj hos ib tug sau sab hub poob lawv los sib ntsib rau Michigan thiab lawv tau muab cov nyiaj los suav tag tom qab ntawd ces lawv txawm taug kev los mus. Thaum lawv taug kev los mus muaj ib tug ntawm 2 tug tub sau nyiaj ntawd yog Hmoob Xeem Vaj txawm los ntog tom kev ua ntej lawv yuav los mus so rau ib qhov chaw. Thaum los txog chaw lawv rov muab cov nyiaj rov los suav no ib cov nyiaj txawm ploj tag lawm yog li tus Tub Txawj los Fabkis los txawm hais rau Hmoob tus Thawj Coj lub sijhawm ntawd kom mus tshawb tus Tub sau nyiaj ntawd tom nws qhov chaw tiamsis Hmoob tus Thawj Coj hais tias kom txhob ua li cia rov mus nrhiav tom qhov chaw ntog xwb ces lawv sib hais tsis haum cia li tsum li ntawd tsis tshawb tus Tub sau nyiaj tom qhov chaw ntog thiab chaw so. Nyob rau lub sijhawm ntawd tus Tub sau nyiaj txawm hais rau tus Hlob tias nws ntog li ntawd lawm kom tus Hlob muab ib qhov nyiaj rau nws coj mus yuav ib tug tsiaj hu nws plig ces tus Hlob cia li cev tes mus tsuab cov nyiaj xwb tsis suav seb muaj pes tsawg tiamsis lawv mam muab suav tom qab yog muaj $120,000 ( kuv xav tias yuav tsis yog $120,000 tiamsis yuav yog $1,200 xwb vim rau qhov ntau dhau thiab tsis txaus ntseeg lawm). Ces dhau ntawd tus Hlob ho mam li muab tau $800 rau tus Tub Txawj los Fabkis los ua nqi dav hlau ya los mus tsev. Tom qab muab nyiaj rau nkawv 2 tug tag ces Hmoob tus Thawj Coj txawm hais ib lo lus tias yog hnub twg nws ua tau Tshuab Luam Nyiaj lawm mas nws yuav luam nyiaj rau noj( tiamsis lo lus no tsis tuav nkawv npe seb yog nws hais tus twg).
Thaum tus Tub Txawj los Fabkis los hnov lo lus kawg uas tsis nkag siab ntawd ua rau nws nyhav siab heev yog li thaum rov los txog tsev nws tau hu nws cuab kwvtij Xeem Yaj tuaj sib sab laj txog cov lus ntawd ces lawv ib txhia hais tias Hmoob tus Thawj Coj ib txwm coj kub yog li kom nws tseg txhob nrog tej Hlob ua haujlwm uake lawm. Txij hnub ntawd los nws tseg tsis koom nrog Hmoob tus Thawj Coj ces nws cia li mus koom nrog tus Tub Txawj nyob Canada taug ib txoj kev uas yog rov mus ntaus phoojywg rau Hmoob tus Yeebncuab thiab nrhiav kev ua phem rau Hmoob tus Thawj Coj ua ntuv zus los mus hos 2 tug Tub Txawj ntawd nkawv kuj tau txais paj tshab los ntawm Hmoob tus Yeebncuab rau nkawv tej haujlwm uas nkawv tau ua yam ua ntuv zus los mus thiab. Yog li no kev kub ntxhov ntawm peb Tsev Neeg Hmoob thiab tej Hlob thiaj li tau txais lub neej tsaus ntuj ntxhov quas niab txog ntua xyoo 2007 Hmoob tus Thawj Coj thiab ntau tus Hmoob thiaj tau raug Tsoomhwv muab ceev tseg li peb tau pom los lawm.
Nyob li tus Tub Txawj nyob Canada nws lub neej kuj yog tau txoj hmoov phem kawg li thiab ziag no nws qhov chaw xa zaub mov seem kuj tsis ua haujlwm lawm ces Dr. tau muab nw qhov chaw xa zaub mov tawm pauv los rau ntawm tav uas yog tso xov yas xa zaub mov tawm lawm thiab xwb no.
Vam tias zaj dabneeg no yuav yog ib qhov rau Hmoob txhua tus coj mus kawm ua neej. Yog muaj lus nug dabtsi thov txhob nug kuv vim tias kuv tsuas yog tus qog lawv qab coj los tso rau peb tau saib xwb.
Nyob zoo
