Tso Dab pob tawb luag tso hmo ntuj xwb, Tus muaj hmoo thiab Dab Pob tawb nyiam Nws thiaj li tuaj , ua ntej yuav tso mus hiab ib lub pob tawb los yog muaj cov pob tawb qub los tau ib yam muab ib tug pas ntev li ib daj los tsij rau lub pob tawb muab ib lub sho poj niam Hmoob los hnav rau lub pob tawb, Tus tswv dab pob tawb hu ua "Txhiaj txiv Mis" ces coj Pob tawb mus lwm saum qhov cub hais li no: Pob tawb koj puas kam ua neeb ua yaig saib tsawv yog koj kam no peb yuav tos koj tuaj saib tsawv saib yaig nawj... yog Pob tawb kam ces nws hnyav hnyav nawj...
ces thaum no Yus nqa ib tug tw taws thiab lub pob tawb mus tos sab nraum zoo tom ncauj ke yus hais li no: Txhiaj txiv mis auj...!
kuv xav tau ib tug Dab pob tawb tuaj saib tsawv saib yaig vim tus .....
Nws noj qav tsis poob plab haus dej tsis paug cev .......
los yog muaj lwm yam kuj hais rau....
yus hais tias thov kom tuaj tus laus tus ntse tus txawj saib tsawv saib yaig tus noj lus mloog hais kom tuaj tus tsis dig muag , tus dig muag tus tsis ntse tus lov npab lov ceg tsis txawj saib yaig txhob tuaj.yog lub pob tawb hnyav lawm ces yog tuaj lawm nawj tas ntawv yus nqa lub pob tawb los zaum ntawm ib sab qhov cub Yus nug pob tawb tias koj nyiam leej twg tuav koj nrog kuv ces Pob tawb nyiam leej twg ces Pob tawb taw rau tus ntawv los nrog yus tuav xwb thaum ob leeg tuav lawm ces muaj dab tsi ces nug pob tawb xwb piv li nug tias: Pob tawb koj pab saib seb Kuv tus me leej muam Hmoob Tshaj lij nas kuv twb paub nws cov duab lawm twb twv yog Nws lawm kiag tab sis nws tseem hais tias kuv twv tsis yog, yog kuv tua hneev xu lawm xwb tsis ncaj tsis yog nws no koj pab saib seb kuv twv Nws puas yog...?
Pob tawb yeej hais tias yog no ces pob tawb tib teg hauv av kiag nrov npawj kiag ... yus tiag yog tiag lov...? Pob tawb rov dua tib teg thiab hos tsis yog ces pob tawb co co cev xwb.... thiab ho nug lwm yam ua yus xav nug.......
thaum nug tas lawm tsis muaj dab tsi nug ntxiv ces Yus txiav ob peb daim txiaj ntawv los yog ib com ntawv hlawv rau Pob tawb ces yus hais li no: Dab pob tawb peb tos koj tuaj saib tsawv saib yaig li no lawm xwb peb muab ib com nyiaj kuv phem los yog ib hwm xav txheej rau koj yog koj tshuav nuj coj mus txhaws nuj tshuav nqi coj mus txhaws nqi tsis tshuav nuj tsis tshuav nqi coj mus muas noj muas hau nawj lwm niaj lwm zaus peb yuav saib dab tsi mam li hu koj tuaj saib dua nawj.....
ces thaum no lub Pob tawb sib kha lawm ces yog Dab pob tawb mus tsev lawm ces yus muab lub tsho hle thiab muab lub pob tawb daws cia xwb.... kev saib Dab pob tawb feem ntau kuj leej tab sis tsim tsim nyog li saib nawj
Nawj