CHEB NKHAWB

Cheb nkhawb, txiav ib tug me nyuam ntsis xyoob, muab lwg tseg me ntsis nplooj pem ntsis.
Muab tus xyoob plawm cov nkhawb saum qab tse, qab nthab, rau cov phab ntsa. Lam nplawm ua kev cai xwb, tsis yog yuav cheb kom huv. Tus txiv tsev plawm nkhawb ua ntej, cov poj niam muab khaub rhab cheb kom huv huv lawv qab. Cheb mus rau ntawm rooj tag, dhau plaws lawm raum zoo, rau nram qab tsib taug lawm hnub coog hli kawg.
Kev cheb nkhawb yog cheb tej vij sub vij sw uas los nkaum hauv tej nkhawb thawm ib xyoos ntawd pov tseg; kom tsev neeg noj qab nyob zoo, tsis muaj mob muaj nkeeg thiab raug xaiv raug lus.

ZAJ CHEB NKHAWB.

Xyoo laus tas, xyoo tshiab tuaj.

Tsis cheb plig tub
Tsis cheb plig kiv
Tsis cheb plig niam
Tsis cheb plig plig txiv.

Cheb khawv yeej
Cheb khawv yws
Cheb khawv txiv
Cheb khawv kum
Cheb cuaj tig Vij Dab, yim tig Vij Npog
Cheb cuag tig khawv txiv, yim tig khawv kum.

Cheb mus rau xob
Xob coj mus rau cua
Cua nqa sis lawm zaj qhov hnub poob.

Ib tse nees nkaum leej no
Ntsej tsis hnov
Muag tsis pom, aw !!

......Me muam kooj ziag kab zaug....Zoo siab ua koj tsaug ntau mog....Zaj cheb nkhawb yog li....Koj piav lawm...."Tab sis"....Peb haiv hmoob yuav tau xyaum kawm hais lug zoo....Rau lub xyoo tshiab tom ntej....Peb haiv hmoob txhua tug....Yeej qhuas tias....{Ntse}...."Tab sis"....Hais lug rov qab....Tsi foom hmoov zoo....Yav tom ntej....Pheej hais lo lug tias...."Cuaj txhab qoob - Yim txha loo - Cuaj txhab nyiaj - Yim txhab kub"....Tsi muaj ib tug hmoob twg?....Tau cuaj txhab nyiaj....Tau kaum txhab kub....Noj tsi coog....Hais tsi nqeg....Nplua miag li qub....{Tau cuaj pha tsuj - Kaum phav npuag - Npua tsi khaub - Hnav tsi ntuag - Tsi nploj nphob}....Hmoob hais lug yuam kev tas....Txawm thaum txiv nai phoo vaj pov kiag....Los hais tib yam nkaug....Thaum hmoob los xeej cawv xa xyoo laug....Tog txais xyoo tshiab....Los haus yuam kev tas....Txog kuv tsev....Kuv haus li no:

Nqe:......1./......Xeej cawv cheb nkhawb.
Nqe:......2./......Xeej cawv xa xyoo laug.
Nqe:......3./......Xeejcawv hu plig peb caug.
Nqe:......4./......Xeej cawv tog txais xyoo tshiab.
Nqe:......5./......Xeej cawv sam koob hmoov tswv tsev.
Nqe:......6./......Xeej cawv noj mov.

......."Tab sis"....Lwm tsev neeg....Kuv tsi hais lawm....Vim tsi yog....Kuv hauj lwm...."NTshe".....Hmoob ntse hwv pob los?....Me muam kooj ziag kab zaug aws?....Kev hu plig....Txhawb koob hmoov rau ib tug laug....Muaj meej mom....Suav daws....Pheej thov cov laug....Plaub hau dawb tas....Cas ho tsi thov cov hluas....Foom lug zoo....Txhawb koob hmoov....Laug txawj hluas....(Zoo nraug - Zoo mog)....Plaj plhu liab ntsiv ntshav tshiab ntxiv....Nyob muaj sia....Sawv muaj zog....Nce toj kom zog loj....Nce cav kom zog nchav....Plaub hau dub nciab suab zaw nram ntsag.