Hmoob txoj kev dag.

Nyob rau ntawm nroog ntxaib muaj 2 tug niam txiv Hmoob yaj.Nkawd niaj hnub tuaj tshaj tawm xov tooj cua tom xob laim thiab kpnp 1600 hais txog nkawd cov tshuaj kho tau zoo ntau yam mob.tab sis nej yuav tau ceev faj tsam nej poob dawb li kuv mog.Vim 2 tug niam txiv Hmoob no lam dag xwb.kuv yog 1 tug neeg muaj muaj mob kuv hnov nkawd cov lus tshaj tawm hauv xov tooj cua kuv ntseeg heev kuv mus cuag nkawd no nkawd tsis paub dab tsi li nkawd muab tib hwj tshuaj kua dub nciab cuag swm yeeb haus mas iab qhem qhe thiab 1 nyuag taig txiv pos tshauv los rau kuv xwb thiab hais tias nkawd hwj tshuaj no cov txiv pos no zoo tag nrho 100 tsav yam mob huv si.cov tshuaj no yog nkawd mus thov pem ntuj los kho mob rau ntiaj teb no xwb tsis muaj leej twg yuav mus cuag tau ntuj thiab thov tau cov tshuaj no li tsuas muaj nkaqwd 2 niam txiv no nkaus xwb.nkawd ua lus saub dag ntsuav rau kuv tias koj tawm plaws ntawm wb qhov rooj ces koj pom wb hauv kuab moj tsuas ci ntsa iab nyob ntawm qhov rooj koj nqa mus kho koj ces koj tus mob yuav zoo hlo txij hnub no tam sim no mus.Tab sis cov lus no yog lus dag xwb kuv tawm ntawm qhov rooj yeej tsis pom 1 yam dab tsi uas tsim nyog yog 1 hauv tshuaj li.tsuas pom 2 nyuag lub dib tuag tshav ntuas ua loos tag twb tsis zoo noj lawm xwb.

Kuv qhia nej tias tam sim no twb yog tiam 21 lawm tsis tsim nyog neeg tseem yuav dag npaum no thiab tsis tsim nyog neeg yuav mus ntseeg cov lus dag no ntxiv lawm mog.

Koobpovtxuj.

Tau 2.3 hnub no, Txiv Ntxawm tsi muaj sij hawm tuaj saib koj li lawm es. Koj Txawm siv mus Ntsib Xau lawm thiab los.

Hmoob Ces ib Txwm yeej Dag zoo li no, Yuav tau ceeb Faj Txog peb hmoob tej tshuaj ntsuab. Yus twb tuaj nyob rau Lub teb chaws vam meej, Yuav tau tso hmoob tej tshuaj ntsuab no tseg ttiag Vim peb hmoob cov tshuaj ntsuab yeej tsi muaj kuab Txog 50% ib zaug li, Hmoob lam xav thiab xuas dub nkaus xwb.

Nyob rau teb chaws Vam meej no tej DR Muaj zoo LABORATOIRE nrhiav tshuaj ua tshuaj tim tshuaj kom zoo,Uas yuav coj mus kho tau tus mob ttiag. Luag ua tau lawm thiaj tsi muaj yuam kev, Yog muaj mob siv Cov neeg vam meej no tej tshuaj tag yog tsi zoo los txhob tu siab lawm.

Kuv kuj tau mus ncig ntau zaug nyob rau THAIB,NLPOG,Thiab Sab NYABLAJ, Nyob rau thaib teb tsi tshua pom hmoob muag tshuaj ntsuab ntau Nyob rau CHIAN-MAI lub zos hmoob De-pouis thiaj li pom hmoob teeb tshuaj ntsuab ntau, Nyob rau sab teb chaws nplog ces tsi hais lub zos twg li yeej tsuas pom hmoob mas muag cag mab cag ntoo Tawv mab tawv ntoo tum tsheej pawg txij hauv caug, Koj mob yam twg los hmoob cov cag ntoo ntawm muaj txhua kho koj tug mob. Tej no tsi pom qab ua dab tsi lawm ces lam mus lob los dag nyiaj.Tej laus tias Dej hlob zoo dov cav, Ces yog lub sij hawm no. Tab tom zoo caij zoo nyoog xawb hlo me kauj mab cag ntoo xa mus ntxias rau hmoob Amelika rau lub caij uas cov hmoob laus tseem tsi tau tuag tas thiaj li zoo luam. Yog dhau cov laus no tag ces tshuav cov hluas los yuav tsi kam siv tshuaj ntsuab lawm.

......Ha...ha... Txaus luag kawg...Kwv ib vuag dua...Twb tuaj nyob teb chaws vam meej..."Tsi ntse"...Tas lawm...Tas li...txhob tu siab...Txhob chim mog...Npua yeem noj xua...Dev yeem noj quav...Txhob khuv xim nyiaj nawb...Yog khuv xim nyiaj...Txhob yuav nawb...Lawv tsi chua...Yug nyiaj ntawm tes...Yug yeem zoo siab...Cev luag tes...Luag txais lawm...Tas li ntawd...Hwb...hwb... .

Nyob zoo txiv ntxawm 1vuagdua thiab tij laug XiongChang.
Tos kuv ho cia li qaug 2 niam txiv Hmoob no quav los nkawd muab dag muaj ceem dhau lawm.ces yus yog neeg muaj mob yus kuj xav kom yus noj qab nyob zoo li luag lwm leej lwm tus yus thiaj li maj zoj zeeg mus cuag nkawd.nkawd cov tshuaj yog nkawd muab cov hmab qav kaws hmab iab uas hmoob yug qaib sib ncaws Hmoob muab los rhaub ntxuav qaib thiab txhoov rau qaib noj coj los nyoj ua kua kom nyeem tsawv ces muab ntim hwj coj los dag tias yog ntuj muab rau nkawd.Nkawd muag 1 hwj $160.00 hos taig txiv pos tshauv mas nkawd tias nkawd pub dawb xwb.
Thaum kuv yuav tawm hauv nkawd tsev los nkawd dag tias koj tawm plaws ntawm wb qhov rooj ces koj yuav pom wb hauv kuab moj tsuas ci ntsa iab nyob ntawm qhov rooj tos koj ces koj nqa wb hauv kuab moj tsuas coj mus kho koj tus mob ces koj yuav zoo tam sim no mus zoo kiag hnub no mus. thaum kuv tawm hauv nkawd tsev los kuv tsis pom dab tsi yuav ntxim li yog hauv kuab moj tsuas li kuv xam mus xam los no kuv pom nkawd lub chaw rhaub tshuaj nyob pem nkawd qaum tsev kuv thiaj mus saib no cas yog muab cov hmab iab hmab qav kaws coj los rhaub nyoj ua tshuaj dag muag rau sawv daws xwb.
Nyiaj nyob ntawm yus tes luag yeej chua tsis tau yeej yog yus muab cev rau luag mas luag thiaj li tau tab sis yuav tsum hais ncaj tias yus cov tshuaj zoo dab tsi zoo yam mob twg luag thiaj li ntseeg yus.yog muab cov hmab iab no los nyoj ua kua muag xwb yuav tsum qhia ncaj li yus ua txhob mus dag tias cov tshuaj no yog ntuj muab los rau yus cawm neej kho tsav thiab zoo tag 100 tsav yam mob no tsis txaus ntseeg lawm.

Nyob txiv ntxawm koobpovtxuj

Tsis ua li cas os mog es txhob tu siab xav tias tseem siv pes tsawg los yog kho yus xwb; nyiaj txiag ces yog muaj yus ces thiaj li muaj nyiaj xwb mog,yog tsis muaj yus ces nyiaj tag. Tshuaj mas yuav tsis zoo tag 100 tsav yam li tham laud tias sis peb ua neeg nyob mas nyias muaj nyias roj nyias ntshav mas tej zaum ntxim kuv ho tsis koj ho yog ntxim koj mas yuav tsis ntxim kuv; qhov no muaj tseeb tsis dag koj vim kuv yog tus ua tau fiv ntau ntau tus neeg muab tshuaj ntsuab rau kuv lawm.

Txhob tus siab ua siab loj mog yeej yuav tsum maj mam zoo;thaum mob mas mob heev thiab sai kawg tias sis thaum zoo mas maj mam zoo. shung

Hiv!Hiv!Hiv!...! Me tub, niam twb hais tias mloog niam lus, tsis txhob mus lob lob no ne...! Luag saib yug ntsuj plig tsis puab cev ces zoo dov lev xwb mas...! Cov neeg dag ntawd mas yuav tau ceev faj, tej tus mas yog lam dag qhuav tsis muaj hwj huaj, tej tug mas nws tseem ua khawv koob mooj koj thiab, tos koj xeev los ces koj nyiaj du, koj tus mob tseem loj tshaj qub thiab, vim koj ntseeg nws, koj tsis noj Kws Tshuaj cov tshuaj. Muaj tus puav mas kuv pom lawv poob txog 20.000 € li, tej tug mas nws de 3 daim nplooj pum hub rau noj xwb twb tau 4.000€ lawm. Tsis yog tias ua li ntawd es txawm tsum, nws tseem tso dab rau kom tus ntawd mob tsis so, kom tau kaus ntxiv. Cov nov yog cov hais tias txawj kho, muab tshuaj hwj huaj. Tseem tshuav cov muag tshuaj ntsuab, muag tshuaj tom khw, tom kev. Lawv yuav cov plhaub tshuaj quav nas kos los ntim ib co hmoov rau hauv coj los muag thiab. Twb tsis paub tias cov hmoov hauv yog dab tsi li...Txaus ntshai heev, Hmoob tej tshuaj...! Li no nyob tom zos txias thiaj li pom tsev hmoob ntau tshaj luag pej kum txawm tias pej xeem hmoob tsawg dua luag lawm pes tsawg toj.

shung wrote:Nyob txiv ntxawm koobpovtxuj

Tsis ua li cas os mog es txhob tu siab xav tias tseem siv pes tsawg los yog kho yus xwb; nyiaj txiag ces yog muaj yus ces thiaj li muaj nyiaj xwb mog,yog tsis muaj yus ces nyiaj tag. Tshuaj mas yuav tsis zoo tag 100 tsav yam li tham laud tias sis peb ua neeg nyob mas nyias muaj nyias roj nyias ntshav mas tej zaum ntxim kuv ho tsis koj ho yog ntxim koj mas yuav tsis ntxim kuv; qhov no muaj tseeb tsis dag koj vim kuv yog tus ua tau fiv ntau ntau tus neeg muab tshuaj ntsuab rau kuv lawm.

Txhob tus siab ua siab loj mog yeej yuav tsum maj mam zoo;thaum mob mas mob heev thiab sai kawg tias sis thaum zoo mas maj mam zoo. shung

Nyob zoo me tub Chung.
Kuv tsis tu siab ntawm tej nyiaj uas yuav nkawd cov tshuaj thiab tab sis yog nkawd dag kuv loj dhau xwb.
Qhov nws dag mas ua rau kuv xav tias tsam lwm tus Hmoob tsis paub tab ho raug nkawd dag tau no xwb.

koojziagkabzaug wrote:
Hiv!Hiv!Hiv!...! Me tub, niam twb hais tias mloog niam lus, tsis txhob mus lob lob no ne...! Luag saib yug ntsuj plig tsis puab cev ces zoo dov lev xwb mas...! Cov neeg dag ntawd mas yuav tau ceev faj, tej tus mas yog lam dag qhuav tsis muaj hwj huaj, tej tug mas nws tseem ua khawv koob mooj koj thiab, tos koj xeev los ces koj nyiaj du, koj tus mob tseem loj tshaj qub thiab, vim koj ntseeg nws, koj tsis noj Kws Tshuaj cov tshuaj. Muaj tus puav mas kuv pom lawv poob txog 20.000 € li, tej tug mas nws de 3 daim nplooj pum hub rau noj xwb twb tau 4.000€ lawm. Tsis yog tias ua li ntawd es txawm tsum, nws tseem tso dab rau kom tus ntawd mob tsis so, kom tau kaus ntxiv. Cov nov yog cov hais tias txawj kho, muab tshuaj hwj huaj. Tseem tshuav cov muag tshuaj ntsuab, muag tshuaj tom khw, tom kev. Lawv yuav cov plhaub tshuaj quav nas kos los ntim ib co hmoov rau hauv coj los muag thiab. Twb tsis paub tias cov hmoov hauv yog dab tsi li...Txaus ntshai heev, Hmoob tej tshuaj...! Li no nyob tom zos txias thiaj li pom tsev hmoob ntau tshaj luag pej kum txawm tias pej xeem hmoob tsawg dua luag lawm pes tsawg toj.

Nyob zoo koojziagkabzaug.
Hais txog Hmoob txoj kev tso dab tom los yog ua khawv koob kom luag mob mas nim no kuv xav tias yuav tsis muaj tus txawj lawm no tab sis kuj tseem paub tsis tseeb.vim muaj ntau leej kuj hais tias muaj neeg txawj tso dab tom neeg thiab txawj ua khawv koob kom lwm tus mob tiag no thiab.
Muaj 1 tug poj niam Hmoob lis nyob ntawm nroog ntxaib kuv nyob no ntag nws muab tau 1 tsob tshuaj pub rau kuv 1 tug muam npaws nws hais tias yog tshuaj muaj me nyuam xav muaj tub ces de 2 lub txiv los ua qe noj xav muaj ntxhais ces cia li de 2 daim nplooj los ua qe noj xwb.
Lub caij ntawd kuv tus muam npaws nkawd 2 niam txiv twb muaj 3 tug me nyuam ntxhais lawm nws kuj cia li nqa poj hmoob tsob tshuaj los cog tseg.tau 1 xyoos tom qab no nws ho muaj 1 tug me nyuam tub ntxiv ces thaum yug me nyuam nkawd kuj tsis hu me nyuam plig li vim lawv ntseeg vaj tswv ces cia li kav ncaj twb ntev lawm nkawd mam li ua 1 pluag mov noj ua kev zoo siab rau tus me nyuam xwb.thaum no poj hmoob tus ntxhais kuj yog nrog lawv mus 1 lub Church ces kuj tuaj koom nkawd rooj mov no thiab.tsis ntev ntawm noj rooj mov no tag ces poj hmoob tso xov tuaj tias poj hmoob muab tshuaj rau kuv tus muam coj los noj es nws thiaj muaj me nyuam tub mas poj hmoob yuav kom nkawd them $4,000.00(plaub txhiab Dollars)kuv tus muam npaws hais tias poj hmoob tsob tshuaj tsis yog nws taij los thov kom poj hmoob muab rau nws kom nws muaj me nyuam tub yog poj hmoob muab pub dawb rau nws coj los cog xwb.nws tsis tau lees lus tias nws coj los cog thiab noj es nws muaj me nyuam tub ces nws yuav them poj hmoob $4,000.00 yog poj hmoob yuav nyiaj li hais no ces kom poj hmoob mus sab laj rau poj hmoob tus txiv los yog poj hmoob cov kwv tij coj noj coj ua no ces poj hmoob mus sab laj rau kwv tij tag ces tsis hnov dab tsi li lawm.

......Haw...haws... Ib tsoom phooj ywg!...Tug tib neeg twg?...Muab tshuaj rau koj siv...Yog tsi pom daim nplooj tshuaj zoo li cas?...Tsi tas yuav nawb...Yuav los nkim nyiaj xwb ov?...Yav tas lawm...Kuv tseem nyob xeev:...Michigan...Lub sij hawm...Summer Spring Festival...Hmong Michigan...Qhib tshav ncaws pob roj hmab And Cold Fall...Cov hmoob muag tshuaj no...Twb ntshais...Kuv paub lawv lub qe dag...Kuv ncig saib xyuas nug...Lawv tej tshuaj...Ib lwm thoob plawg xwb...Muaj qee tswv...Twb yaws ntaub pua...Khiav ploj lawm...Cuag li...Kuv yuav muab tua..."Ntshai kawg"... ...Ib co muag pov haum...Los suab ntsiag tas...Tsi khav lawm...Muaj ib co phooj ywg!...Hais kuv tias...Cas koj tuaj txog...Koj tuaj tshwm plawg...Yaws ntawd...Los pog ntawd...Tsi hais lug li...KUv teb tias...Awb lawv paub kuv zoo os...Peb nyob ua ke...Los lawm ntev zoo li cas?...Kuv paub tas nav...Thaum peb tseem nyob yeej vib nai...Txawj kum xyooj...Tuaj tsib nyiaj...Ib zaug ntawm kuv yuav...Yog kuv tsi them...Txawj kum yuav foom lug tsi zoo...Rau kuv tug me nyuam...Kuv xav zoj...Them nyiaj tsi pluag...Kuv them xya pua npaj...Txawj kum siv tsi tau tas...Kuv xya pua nyiaj ntawd...Txawj kum twb tsaus zog tuag lawm..."Dej ntshiab"....Yeej dej nro...Tib neeg ncaj nceeg..."Yeej"...Tib neeg siab phem nkhaus...Tug tib neeg..."Siab zoo"...Tau ntuj ntoo...Tug tib neeg..."Siab dawb"...Yog ntuj tsawb...Tug tib neeg..."Siab ncaj"...Yog ntuj qhia...Kuv piav li no...Suav daws nrog nco...Txhob lawm...Haub ntxias dag...Luag nyiaj yuav...Tsi nplua nuj...Ib zaug os...Yug khwv tau li as?...Ntawm yug lub dag zog...Los ntawm...Kev ncaj nceeg...Tsi muaj teeb meem os...Tug tib neeg..."Ntuj tshw"...Yeej ntshai nrhw...Tsam suav daws pom.

......Kuv mas...Kuv qhia ncaj li no...Kuv tsi cem...Leej twg?..."Dag"...Yog yug ib txwm paub tshuaj ntsuab hmoob lawm...Txawm luag ziab qhuav...Nplooj kav tseem nyoog...Los kuv paub...Yam twg?...Kuv ib txwm siv...Zoo mob lawm...Kuv mam khaws yam ntawd nkaug xwb...Yam kuv tsi paub...Kuv tsi kov...Kuv tsi khaws...Kuv tsi yuav os...Nco ntsoov...Kuv cov lug no..."Ua neej neeg"...Nyiag nrhiav...Nyiag noj...Raws li..Nyiag lub tswv yim...Txhob sib rhuav...Kev sib rhuav...Tau yeeb ncuab nawb...Luag hais tias..."Nqaij dawb - Xeeb kas"...Qhov hmoob ntshai... Kuv tug kheej mas...Kuv coj li...Kuv piav saum toj no...Luag thiaj fwm yug os...Yuav zoo...Thiab tsi zoo...Yug tug kheej paub tshuaj ntsuab zoo...Kawm tiav nai muam...Medicine Production From Company...Thiaj tsi txhaum yug...Cev nqaij daim tawv...Roj ntsha...Txoj sia...Yug tsi paub...Hnov luag kaum ncauj ua zog...Yug ntseeg...Yug yuav...Yug siv...Xam tias...Yug tsi paub tshuaj ntsuab hmoob zoo ne...Thaum peb nyob teb chaws nplog...Muaj ib rooj plaub...Hmoob pom pub thawj..."De ntsis hmab"...Nqa ntsw ntsev kua txob ntxuag mov...Hmoob tsi paub...Saib tsi meej...Ntsia tsi tseeb...Xyov yog ntsis dab tsi?...Hmoob de yuam kev..."Ntsis tshuaj kuab tws nyuv"...Ntsw ntsev noj ntxuag mov..."Tuag"...Thaum tuag lawm...Nrhiav plaub rau pub thawj...Kom pub thawj them nqis taub hau...Tim pub thawj de noj ntxuag mov...Pub thawj tshuav qaum khaws cia...Pub thawj...Coj ncaj qha qhia...Tsob hmab ntsha uas..."Pub thawj de"...Kom hmoob...Coj mus qhia...Tsob hmoob de...Hmoob coj mus qhia..."Tshuaj kuab tws nyuv"...Hmoob liam nreeg tias...Hmoob pom pub thawj de...Ntsis kuab tws nyuv...Nqa ntsw ntsev...Noj ntxuag hmov...Hmoob xav tias..."Noj tau"...De ntsws ntsev kua txob noj tsi tuag...Hmoob thiaj de...Rooj plaub ntawd...Hmoob swb pub thawj...Hmoob tau kho pub thawj ntsej muag...Neeg tuag dawb...Kuv tug kheej no...Lub sij hawm ntawd...Yog tub ceev xwm...Soj ntsuam tshuaj xyuas plaub ntug...Txhob muab qhov tseeb...Liam ua cuav...Txhob muab cuav...Viag los...Ua tseeb...Yam ib txwm noj...Mam de noj...Yam tsi noj...Txhob lam de saj..."Tuag dawb"...Yam yug ib txwm paub zoo...Yug ib txwm siv...Mam yuav siv...Yam yug tsi paub...Txhob lam yuav sim..."Ntxiv mob nawb"...Kuv tug kheej...Ib txwm yog neeg...Kawm tiav:...Military Police And Police...Nyob nroog looj ceeb xyoo 1970...Noob nyoog kaum xya xyoo...Kuv hais tam ncaj nceeg...Tsi dag leej twg?

Nyob zoo txiv ntxawm 1vuagdua.
Kuv los yeej tsis nyiam cov neeg dag noj dag haus rau seem no li koj hais thiab tab sis thaum kawg tseem mag lawv dag tau lawm thiab tiag.
Niaj hnub nim no los 2 niam txiv Hmoob dag no yeej tsis txaj muag hlo li nkawd tseem niaj hnub tuaj tshaj xov tooj cua txhua hnub txog nkawd cov tshuaj dag no thiab tseem cem txog cov uas paub nkawd lub qe nrog huv si.Yog ho muag tshuaj ncaj li koj cov duab no leej twg nyiam los mam yuav xwb txhob dag tias yog ntuj muab rau nkawd no ces kuv tsis hais li mas.2 niam txiv Hmoob dag cov tshuaj kuv hais no tsis zoo koj cov duab no zoo nkaus li cov swm yeeb lawm xwb.

Nyob zoo tij laug XiongChang.
Kuv qhia ntxiv rau koj tias 2 niam txiv hmoob no cov tshuaj ces tsis muaj nplooj muaj kav dab tsi li nkawd twb muab hau ua kua muab nyoj zoo nkaus li cov swm yeeb lawm xwb.qhov kuv tias dag mas vim tsis muag tshuaj li sawv daws muag hos nkawd dag tias nkawd cov tshuaj no yog ntuj muab rau nkawd coj los cawm neej kho tsav xwb tsis yog nkawd muab lwm yam los nyoj ua tshuaj muag.Thiab lo lus dag thib 2 mas tseem dag kuv tias koj tawm plaws ntawm kuv lub qhov rooj ces koj pom kuv tsob hauv kuab moj tsuas ci ntsa iab ntawm kuv qhov rooj ces koj muab coj mus kho koj tus mob ces koj zoo hlo tam sim no hnub no mus.Kuv mas tsis ua cas kuv ntshai tsam cov pog laus yawg laus uas muaj muaj mob ho raug 2 niam txiv Hmoob no dag nyiaj poob tag rau nkawd xwb.

......Ha...ha... Luag puam xeeb dag...Luag tsi txaj muag li os...Luag muaj cuab kav dag...Koj ntseeg kiag...Hmoob lub yeem nias ntawv..."Cob fab"...Saub yeej dag...Txaus ntseeg kawg nkaug li os...Saub khaws...Cov pob zeb liab..."Phom phom"...Ntub dej noo zaws..."Los txua - Los kuam"...Ib yam li...Nplog txua kub lub haus yeeb ntas...Thaum txua tau..Muabziab tshav ntuj li..."Kaum tsib hnub"...Kom lub yeem tawd...Qhuav txaus...Muab tsim pov...Los cuam hauv av...Tsi tawg...Tsi lov ko lawm...Mam muab xuas nplej hlawv..."Ncu"...Thawj zaug...Tsi tawg...Saub mam muab foob xab...Hlawv ib cub thee...Hlawv liab ploog..."Daj dhuv"...Tshuav yaj...Mam xus ciaj tai os khaws cia txias...Lub yeem ntawd...Twvb zoo li...Cov taig ntim...Los phaj ntim...Xuas kob vua lawm...Saub hais tias..."Ntuj muab - Ntuj tso los"...Yog tsi ua zoo saib...Tsi paub li ov?...Koj sim xav...Seb mes kas...Lub yeem nias ntawv..."Mlos li cas?...Saub lub ntawd..."Yeej nias mlo li ntawd...Mes kas...Lub yeem nias ntawv tom..."Bank"...Mes kas nias...Yug tsia ntsoov...Muaj fai fab kub hlawv..."Ntawv mlos"...Saub lub mas...Saub tsi kam nias...Yug ntsia...Yug pom li nawb...Saub dag li no...Muab khaws cia...Yog leej twg?...Ncaj nceeg...Hmoov txog...Ntuj mam nias...Ntuj nias tiav thaum twg?...Mam tuaj nqa...Saub mam muab lub yeem...Xuas ciaj ntaus hlau tais...Txhiab hluav tawg...Los sub hluav tawg...Kub tuav tsi tau...Saub mam xuas ciaj tais hlau...Tais los nias..."Ntawv"...Mlos los saus...Ib yam li...Mes kas...Lub yeem fai fab ntawd...Yog xav paub saub lub tswv yim dag...Tuaj yeem ua saub tug:..."Secretary"...Qhov kuv paub saub lub tswv yim zoo...Kuv yog zoov zuag tug:...Advisor Or Expert...October 25, 1975...Peb xyoos nkaug...Thiaj paub saub lub tswv yim txog...Niaj hnub no...Nej sim ntsia seb Xyoo 1972...Zoov zuag hawj...Pab tub rog...Zoov zuag...Muab pob zeb quav tshis dag...Los hmoob ntseeg tias...Yog pov haum ntuj muab...Zoov zuag ntxias...Suav daws nqog...Pob zeb quav tshis...Los hmoob nqog...Koj ua kwv...Sim xav qhov no...Cov tub rog...Lwj ko taw...Ploj tuag coob...Yog zoov zuag...Cov tub rog.."Saub nqog pob zeb quav tshis ntas"...Lawv khaws pob zeb quav tshis...Los ntxuav txhuam du lug..."Dub nciab - Ntaug leeg"...Saub ntxias...Cov tib neeg...Pw zov...Hmo ntuj...Txhob tsaus zog...Yog leej twg?...Tsaus zog...Ntuj tso pov haum..."Tsi hnov"...Tsi tau...Pov haum...Txhob tu siab..."Ntuj"...Yuav tso los thaum twg?...Tsi paub li...Saub haub ntxias dag...Tib neeg zaum zov...Peb plaub hmos...Qaug dab ntub heev...Ua fem feeb...Tsi meej pem pes tsawg...Qhib tsi taug..."Qhov muag"...Zaum pw ras dhuj dheev...Nruab dab ntub...Tsam ntuj tso pov haum los..."Tsi hnov"...Saub haus yeeb...Txo tag hmo dua...Tib neeg tsus zog...Ntub ntsiag tas...Ua qaj qaug nyog...Saub mam muab pob zeb quav tshis...Los qe zeb toob txuab...Cuam laim saum ruv tsev...Los qab nthab...Poob los nrov khi khauj lauj...Saub qw tias...Auj cov yawg..."Ntuj"...Tso pov haum los lawm os...Tsaws tsuag taws tsau nrhiav ceev...Tsam ntuj nqa...Rov qab lawm...Cov tib neeg mas...Sawv tseeg...Rauv tawg...Taws tsau liab vog...Nrhiav qab txag...Qab txee...Kaum vaj kis tsev txhua nrho...Leej twg?...Nrhiav khaws tau...Saub qhuas tias...Aub koj hmoov zoo kawg nkaug li os.

Tij laug XiongChang.
Yog li koj hais ces hmoob tsis muaj teb chaws nrog luag nyob los Hmoob cov coj yeej dag li no puag thaum ntxov los lawm ces tus twg paub qhov tseeb ces tus ntawd khiav tawm thaum kawg ces Hmoob cov nom thiaj li tuag tag rau txoj kev dag no xwb lau.
1 qho mas yog hmoob txuag tsis tau caiv tsis tau txoj kev nkaus qau.cov laus tham lus paj paws tias thaum Hmoob sawv kob rog paj cai mas Hmoob tus tuam thawj tub rog yeej txawj txheev dab hu tau ntuj pov hu tau teb tuaj cawm thaum twg yuav sawv kev mus ntaus rog mas tus tuam thawj tub rog hu ntuj qaws tag nrho ces lawv rho hlo ntaj los tib ntag tus tuam thawj tub rog qhov tsos tawm txim liab vog xwb lawv mus tua npluav rog twg los puav leej yeej.hos nkauj mog mim mas yog 1 tug paub ntuj lus thaum twg mus txog tom tshav rog luag tua phom lojpom me tuaj los nkauj mog mim hu ntuj qaws ces muab sev ntxuaj mos txwv ya liab vog rov qab mos txwv tuaj tsis raug yus cov tub rog li ntag ces Hmoob cov nom muab nkauj mog mim txiag kiag 1 hmos tag nrho ces lawv yuav sawv kev mus tua rog tus tuam thawj tub rog txheev dab tag thiab hu ntuj hu teb tuaj pov tag nrho rho hlo ntaj tib ntag rau tuam thawj tub rog qhov tsos no cas tsis tawm txim lawm hos ntshav txuas ntsos lawm xwb.nkauj mog mim ces mus txog ntua tom tshav rog sib tua kiag rho hlo sev los ntxuaj mos txwv ces tsis tau lawm fab kis thiaj ntes tau hmoob coj mus tua pov tseg tag thiaj muab Hmoob coj los cuam pas xyoob rho ntaj lwg pem hauv paus tuaj ti nram ntsis xwb lub caij ntawd yog tsis muaj tswv cheem rog ces zaum ntawd hmoob tuag tu noob.

......Kwv koob pov aws...Hais txog...Ntxhais nkauj mog mim...Ntxuaj mos txwv...Ces ntxuaj saub qau xwb os...Nim yuav yog...Ntxuaj mos txwv nas...Lub sij hawm...Peb ua poob ua cob fab ntawd...Yuav luas...Txhua tug saub...Yeej muaj nkauj mog mimtas tug mas...Lwm tug saub mas...Kuv tsi tau nrog nyob ua hauj lwm os...Muaj ib tug saub mas...Kuv tau ua hauj lwm nrog...Peb xyoos nkaug...Kuv tug muam npaws...Yog kuv tug hluas nkauj cim peb caug xaus xyoo 1972...Khiav mus nyob:...Pha Xieng Thong...Yawg saub ntawd...Kom tuaj ua nkauj mog mim teev hawm yawg lub tsev kheej...Tim tog tsev...Kuv tug muam npaws ntawd...Yog ib tug ntxhais zoo nkauj kawg...Yawg saub ntawd...Hais kom nkauj mog mim...Mus hlawv xyab txhos...Taws tswm ciab txawb cia...Thaum cuaj teev noj hmo tas nrho...Thaum twg?...Nkauj mog mim ua ntej tim tsev kheej lawm...Yawg saub ntawd...Raws qab mus txog...Rho yaj phom twb nkauj mog mim pob ntseg...Kom txhob nti...Hle tiab tsho...Liab qab ploog...Saub ua paum xwb...Tug muam npaws ntawd chim siab heev...Khiav taw...Tsi ua nkauj mog mim lawm ne...Kuv nug tias...Vim li cas?...Nws tsi ua nkauj mog mim lawm...Nws piav qhia...Kuv tias...Qhov nws tawm khiav...Tsi ua nkauj mog mim ntawd...Twb vim raug saub...Siv fwj chim...Quab yuam li ntawd...Tiv tsi taug...Thiaj khiav tawm...Tsi ua Nkauj mog mim lawm no os.

xiongchang wrote:......Kwv koob pov aws...Hais txog...Ntxhais nkauj mog mim...Ntxuaj mos txwv...Ces ntxuaj saub qau xwb os...Nim yuav yog...Ntxuaj mos txwv nas...Lub sij hawm...Peb ua poob ua cob fab ntawd...Yuav luas...Txhua tug saub...Yeej muaj nkauj mog mimtas tug mas...Lwm tug saub mas...Kuv tsi tau nrog nyob ua hauj lwm os...Muaj ib tug saub mas...Kuv tau ua hauj lwm nrog...Peb xyoos nkaug...Kuv tug muam npaws...Yog kuv tug hluas nkauj cim peb caug xaus xyoo 1972...Khiav mus nyob:...Pha Xieng Thong...Yawg saub ntawd...Kom tuaj ua nkauj mog mim teev hawm yawg lub tsev kheej...Tim tog tsev...Kuv tug muam npaws ntawd...Yog ib tug ntxhais zoo nkauj kawg...Yawg saub ntawd...Hais kom nkauj mog mim...Mus hlawv xyab txhos...Taws tswm ciab txawb cia...Thaum cuaj teev noj hmo tas nrho...Thaum twg?...Nkauj mog mim ua ntej tim tsev kheej lawm...Yawg saub ntawd...Raws qab mus txog...Rho yaj phom twb nkauj mog mim pob ntseg...Kom txhob nti...Hle tiab tsho...Liab qab ploog...Saub ua paum xwb...Tug muam npaws ntawd chim siab heev...Khiav taw...Tsi ua nkauj mog mim lawm ne...Kuv nug tias...Vim li cas?...Nws tsi ua nkauj mog mim lawm...Nws piav qhia...Kuv tias...Qhov nws tawm khiav...Tsi ua nkauj mog mim ntawd...Twb vim raug saub...Siv fwj chim...Quab yuam li ntawd...Tiv tsi taug...Thiaj khiav tawm...Tsi ua Nkauj mog mim lawm no os.

Tij laug XiongChang.
Hmoob txoj me kev khaus qau ces txawm yog leej twg tau ua tus thawj ces tsuas hais kom cov me ntxhais zoo nkauj tuaj ua hauj lwm hlawv xyab hlawv ntawv teev hawm mlom los yog ua nkauj mog mim ces twb phom rau mog mim pob ntseg li ko ntag lau.
Mloog koj tham no mas zoo li Xyoo 1972 nej twb sawv ua cob fab lawm los yog li cas kuv tsis to taub li ne?.
Raws li kuv paub mas ua ntej 1975 Hmoob tsis tau sawv ua cob fab sub sad.Cov Hmoob sawv ua Cob fab mas twb yog lub caij tawg teb chaws yawg loj twb khiav lawm hmoob thiaj li khiav tawm mus nyob hav zoov ua cob fab xwb nev.
Peb tawg rog los nyob vinai kuv twb tuaj rau USA no lawm qhua pov yaj lawv qab tuaj txog xyoo 2005 thiaj tuaj tham rau kuv tias xyoo 1993 xauv lwm yaj thiab npuag looj yaj lawv khwv tswv yim kaus hmoob nyiaj noj.
Dag tias nkawd yuav coj Hmoob mus nyob Hmoob teb Hmoob chaw no ces cov Hmoob vwm nrog nkawd ces Hmoob coj Hmoob tej poj niam ua zam sees tuaj mus tu xauv lwm lub txaj kom huv si rhaub dej rau xauv lwm da.nrog xauv lwm nyob tsheej tag hmo tom txaj mam tawm los.hmoob cov poj niam 1 tug mus zov xauv lwm 1 hmos nej xav tias hmoob cov poj niam mus nrog xauv lwm ua dab tsi tom txaj?.cov hmoob uas zoo siab hlo tso lawv cov poj niam mus nrog xauv lwm nyob tom txaj ne yog lub hlwb khiav rau sab twg lawm?.xauv lwm kom lawv muab 1 lub hub mus tso tom xauv lwm txaj ces cug 1 hub dej mus tso tom txaj kom hmoob muab nyiaj tuaj rau xauv lwm coj mus hlawv xa mus rau niam ntuj txiv ntuj mas hmoob thiaj li tau mus nyob hmoob teb hmoob chaw ces hmoob sau nyiaj tuaj rau xauv lwm coj mus hlawv li xauv lwm hais.xauv lwm coj hmoob cov nyiaj nkag tom txaj 1 pliag ces nqa 1 nyuag taig dej los rau hmoob haus 1 nyuag pas xwb.qhua pov tseem mag nws tij laug npuag looj yuam kom cia li muab nyiaj mus rau xauv lwm hlawv mus rau niam ntuj txiv ntuj es thiaj li tau mus nyob hmoob teb hmoob chaw.qhua pov yaj cam tsis yeej npuag looj vim npuag looj yog tij ces tau muab 3000 Bath mus rau xauv lwm hlawv lawm.qhov tiag cov nyiaj tiag xauv lwm tsis hlawv nawb xauv lwm muab cia lawm xauv lwm mam li muab 1 co nyiaj cuav coj los hlawv kom pom cov hluav ntawv zoo li cov hluav nyiaj coj rau hmoob haus xwb.qhua pov paub tseeb li no qhua pov tsis txuag xauv lwm hlo li qhua pov tab meeg cem xauv lwm thiab npuag looj nkawd ces cov hmoob tseem tsis txaus siab rau qhua pov tseem yuav muab qhua pov tua pov tseg ces qhua pov thiaj khiav rau tom loom phob watthamkrabok plaub thiaj tag.

......Awb...haws... Kwv koob pov aws...Pab saub ntawd...Tsi yog...Nyuam qhuav sawv xyoo 1972...Yeej sawv ntxov lawm os...Tug hauv paug saub loj...Txawm yog...Soob lwj yaj...Ntxoov lis yaj ntas...Nai phoo vaj pov...Thiaj kom dav hlau:...T.28...Pov npoos zog:...Hoey Khi ning...Xyoo 1971...Nev nej yeej hnov kawg...Pab saub no...Lawv yeej ua saub puag xyoo 1953...Nyob nyaj laj teb chaws los lawm os...Yawg paj kaub hawj lawv ntas mas...Xauv lwm yaj...Npuag looj yaj nkawd...Tej teeb meem...Cov poj niam ntawd...Nkawd ntxias mus...Nkawd txiag xwb ne...Xauv lwm yaj...Npuag looj yaj...Yog kuv cov nyuas yawm yij ntas...Lub sij hawm ntawd...Kuv ua...Secret President Security...Yeej vib nai...Kuv twb tau txhwj cheem hais...Lawv tej teeb meem ntawd...Kom tsum...Yog tsi tsum...Kuv tsi lav paub...Xauv lwm yaj...Thiaj xam phaj rov nplog teb ne...Mus txog nplog teb tsi ntev tuag lawm os.

Tij laug XiongChang.
Lub sij hawm ntawd koj twb yog President Security hauv zos vinai ua cas koj tsis tso cov Security mus ntes nkawd tuaj kaw xwb lau.
Kuv hnov lawv tham tias thaum kawg yuav lawb vinai thaib muab lawv pab no coj ntim hnab tsaj ncaws tim tshav npas no koj yog President Security hauv zos vinai koj puas paub tej no thiab?

......He...he... Kuv tuaj ua ntej rau yeej:...Phananikhol, Cholburi...Thiaj tuaj teb chaws no lawm...Kwv koob pov...Yug yog ib tug:...Secret President Security Camp Refugee Ban Vinai...Saib kev ruaj ntseg...Tswj kev ncaj nceeg...Tsi zoo...Yuam cai...Rau txim dog dig...Rau hmoob...Muaj teeb meem dab tsi?...Ua tib zoo hais qhia xwb os...Koj sim ntsia...Ham tub zoo li cas lawm...Ham tub...Yog tug ua tim ntsej muag...Ntes hmoob rau txim...Raug hmoob foom lug tsi zoo...Ham tub tuag...Lub yim hli tas lawm...Sam sab faus:...September 3, 2012.

Tij laug XiongChang.
Koj nyob vinai koj yog tus tuam thawj ntawm cov tub saib kev ruaj ntseg zos vinai thaum koj tuaj txog Phanatnikhom koj puas mus nrog lawv ua Security ntxiv lawm.

......November 22, 1991...Kuv sawv ke nce tsheb:...Bus...Nkag yeej:...Phananikhol, Cholburi...Major...Commander Chong Ge Vang...President...Phananikhol, Cholburi...Yawg thov kom kuvnob pab tso...cov tib neeg...Raug kaw nkuaj sab:...Tramsit...Veit Nam 257 People...Yawg muab kuv nres kawm ntawv...Saiko 78...Kuv tsi tau kawm:...Saiko 76...Kuv thiaj nyob txog:...September 13, 1992...Yog hnub sawv kev nce tsheb:..Bus..Go Airport Bangkok...Ya dav hlau...10:35 PM...Ib hmos kaj ntug:...8:45 AM...Nqeg tsaws tshav dav hlau:...AirPort Naritar...Nyob ib hnub hauv tsaus ntuj zuag:...5:30 PM...Mam nce dav hlau ya tuaj teb chaws mes kas...Tuaj nqeg:...Airport Seatle Washington, State 10:45 AM...Ua ntaub ntawv tiav...Rov nkag dav hlau ya nqeg:...Airport Chicago 3:45 PM...Los nqeg;...Airport Chicago 9:35 PM...10:45 PM...Nce dav hlau ya nqeg:...Airport Detroit...11:45 PM...Nce tsheb txog zog:...Pontiac...1:30 AM Midnight.

......Kwv koob pov...Kuv tug kheej...Yog tub nsuag ntsoj...Los kiav xeem...Ua tub hmoob tsab...Thaum noob nyoog...Ib xyoos cuaj hlis xyoo 1955..Kuv paub lub neej tub ntsuag..."Tu siab"...Kuv sawv ua hau zog:...July 26, 1971...Noob nyoog nce xyoo Kaum xya...Kuv raug tswv xeev:...Xieng Khouang...Teeb tsa ua toj xeem:...Phou ka Boua...April 24, 1972...Noob nyoog nce xyoo...Kaum yim...Hauv fab tub rog...Tau hnub qub: 1...February 17, 1970...Rov nce dua npe nom...Qeb hnub qub: 2...April 18, 1972...Kuv ntsia luag tsim txom neeg...Ntaus ncaws...Cuab khi...Teem tim...Kaw nkuaj...Mob luag nqaij...Los yeej mob...Kuv nqaij tawv...Ntsim siab ntsws...Kuv tsi coj li...Lwm tug nom...Kuv muab qhov zoo hais...Maj mam kho...Kom haum xeeb...Sib raug zoo...Tau phooj ywg!...Luag Txhob tu siab...Txhob chim...Ntsim siab...Ciaj caub ntxub...Kuv tug kheej...Thaum ua neej nyob ntiaj teb...Kom luag nyiam...Thaum tsiv teb tsaws chaw ncaim mus deb..Kom luag nco...Ib nub laug tas txoj sia...Ploj tuag ncaim ntiaj teb...Kom luag tshua...Txhob raug nyos...Txhob raug nto...Txhob raug ntxub li...Ib txhia phooj ywg!

Nyob zoo tij laug XiongChang.
Yog li koj hais ces wb tau tuaj nyob ua ke hauv Phanatnikhom lawm tab sis kuv ua koj ntej me ntsis tom Vinai tuaj rau hauv Phanatnikhom thiab kuv ua koj ntej me ntsis hauv Phanatnikhom tuaj rau USA no xwb.Kuv tuaj nyob ntawm Block L ntawm ntug taj laj kiag ua li koj ne tuaj nyob qhov twg kiag.
Kuv sawv kev hauv Vinai tuaj rau Phanatnikhom yog 7/9/91 kuv sawv kev hauv Phanatnikhom tuaj rau USA no yog 2/24/92 lawm.
Thaum kuv tuaj txog hauv Phanatnikhom yog txooj Zeb vaj ua Pab thas hauv phanatnikhom.Ces txooj zeb tuaj lawm mas Suav xyooj ho ua Pressident Hauv Phanatnikhom.kuv mam li tuaj lawm ne.

......Thaum kuv tuaj txog..."Phananikhol...November 23, 1991...Morning...Chong Ge Vang Was President...Camp Refugee Phananikhol, Cholburi...Chong Ge vang...Thiaj kom kuv pab tso yawg...Cov neeg raug txim tim sab:...Transit Viet Nam 257 People...Txog thaum yawg tuaj txawv teb chaws...Seb tshuav pes tsawg leej...Kuv a hauj lwm nkag:...United Nation 27, 1991...Communitee...M.O.I Thailand...Peb hlis tom qab...Yawg sawv kev tuaj teb chaws mes kas...Kuv tso yuav luas tas...Tshuav li neeg nkaum tawm leejxwb...Lubsij hawm ntawd...Kuv nyob ntawm peb:...G...Npuab nkaug tsev:...Movies...Ib sab ntawd...Ib tshav ntaus pob roj hmab...Thaum txooj zeb vaj...Yuav tuaj ntawd...Thiaj xaiv tau...Suav xyooj los ua...President Camp Refugee...Phananikhol, Cholburi...Koj nrog txooj zeb vaj lawv...Tawm npe tuaj teb chaws no ua ke lawm mas...Kwv koob pov aws.

Tij laug XiongChang.
Yog vim li cas cov neeg raug txim no yog neeg nyab laj ho tsis cia nyab laj cov nom mam mus tso los tsis li ces txooj zeb twb yog President ua cas txooj zeb ho tsis mus tso lawv.Es tseem muab koj khuam tos tsis tau kawm ntawv es mus tso cov neeg raug txim no li cas?
Yog kuv mas kuv tsis kam nyob tos mus ua tus tso lawv li lauj.

......He...he... Kwv koob pov as...Tej zaum...Koj tsi nkag siab txog...Qhov tso tib neeg raug txim os...Tsi yog li ntawd...Cov tib neeg raug txim ntawd...Tsi yog nyab laj os...Yog hmoob...Yog co...Nplog...Pub thawj...Qhab meem...Raug ntes sab...Phananikhol...Mus kaw sab tim xwb os...Ib haus yeeb...Ob niam txiv...Sib cav...Sib ceg...Sib ntaus...Peb tug niam...Yuav tuaj teb chaws no...Tug txiv...Tsi kam tuaj...Plaub tug niam kam tuaj...Tug txiv...Yuav nyob ua teb chaws...Raug ntes kaw nkuaj...Txooj zeb to tsi tau...Tug tso ntawd...Yog lauj cheeb..."Tab sis"...Lauj cheeb..."No Experience"...Vim lauj cheeb...Tsi yog tug...Ib txwm tso...Tib neeg raug txim tom nroog...Pak Chol...Tug tso tib neeg raug txim...Tod nroog:...Moung Loei...Yog hnub qub: 4...Ntxoov lauj vaj...Tug tso tod nroog:...Pak Chol...Yog Kuv tso os...Es koj ua kwv nkag siab li ntawd os...Peb nyob yeej vib nai...Txawm vwj mais...Vaj xyooj...Los tso tsi tau os...Hnub qub plaub...Ntxoov lauj vaj...Wb muaj ntawv hauv:...United Nation...Tso cai tso neeg raug txim os...Kwv koob pov aws.