YUAV TSUM NCO NTSOOV YUS LUB LUAG HAUJ LWM (hais lus txhob yuam kev)

Nyob zoo cov phooj ywg hauv hmoob tshav ntuj, uas khaws txuj tseg rau peb tau kawm. Thov sawv daws tuaj sau ntawv hau no, nyiag yuav tsum nco nyiag lub luag hauj lwm. Kom peb lub Forum thiaj yuav Ntshiab huv. Txhob tso das tso luag, tsam tsi muaj tus qhua. Txhob sib tawb sib nwj, tsam tsis muaj tus hwj. Yog tias peb muaj poj niam, tsi txhob tham txog txoj kev hluas. Yog tias peb muaj txiv, tsi txhob siv tej yam cuav. Txawm tias peb tsis tau muaj poj niam, tsi tau muaj txiv los, peb txhob tham tej yam tsi tseem ceeb. Peb yuav tsum nco ntsoov peb cov hauj lwm, kom tsim pab tshiab tseg, coj mus nreg tej me tub me nyuam tom ntej, ciav lawv muab peb piav ua dab neeg. Thaum ntawd peb thiaj yog cov ua tau txoj hmoov zoo. Peb txhob ntshaw txoj kev sib tawb tso das tso luag, tsam thaum peb tuag tsi muaj twg yuav pab tau peb mog cov me phooj ywg aw. Ntsib sawv daws li no xwb, vam hais nej yuav tsi xav li cas rau kuv. Nyob zoo.

- Ua tsaug ov?....Tub kev deb....Koj cov lug yog lawm....Tsi pov tseg li....Muaj nuj nqis kawg....Thov qhuas txhawb nqa....Koj lub dag....Pab koj lub zog....Kom nce nto....Ib theem ntxiv tom ntej....Txhob pheej sej....Tsam sij hawm...."Tsi tog"....Txhob laug caij nyoog....Tog nco noob nyoog....Twb yuav dhau....Tsam caum raws tsi tau....Twb yuav tas...."Yug tiam"....Yog muaj poj niam....Txhob lauj yug lub cuab....Yog muaj txiv lawm....Txhob thau yug lub yig....Yog tseem hluas....Rau sab ntso kawm....Kom tiav raws...."Siab ntshaw mog"

- Ua cas?....Tug phooj ywg!....Tub kev deb no....Tuaj ntaus ntawv...."Sam fwm - Ceeb toom"....Yuav tsum nco ntsoov....Nyiag lub luag hauj lwm....Tuaj ntaus ntawv hauv zog:...."Hmoob tshav ntuj"....Forum....Txhab ntxiv....Tsi tu ncua no...."Tab sis"....Yug tug kheej....Ua puav lwm pa tawg....Ib lwm xwb....Lawm ploj qab ntais....Tsi tuaj txoj qab taug lw....Kaum tawm hnub no....Xyov tsoom phooj ywg?....Ntaus dab tsi?....Tshooj ntxiv....Los tsi ntaus....Cas ua yam niag....Txaj muag ua luaj li....Tsi tsim nyog....Ntaus cov lug ntawd....Rau hauv no kiag li....Hwb....hwb.... ....Yug puam xeeb hais tau....Tuaj tshuaj xyuas nraim....Ib hnub dhau ib hmos....Tuaj ntaus tawm tswv yim tshiab ntxiv mas....Thiaj tsim nyog....hais cov lug ntawd tawm tshwm hauv no.... .

Nyob zoo tus phooj ywg Xyooj Tsab, kuv thov txim og nawb. Cov lus kuv hais ntawd yeej muaj tiag li kuv hais, vim hais tias peb txhua tus tuaj hauv lub Forum hmongtshavntuj no, muaj ib txhia neeg mas nws lam tuaj tso dag tso luag kom lom zem xwb. Qhov tseeb nws tsi tuaj kom tau khaws peb txuj ci tseg, Liv ntawd kuv thiaj hais li. Tej zaum ntshe koj xav tias: "vim li cas? kuv nyuam qhuav tuaj xwb es cas kuv ho hais cov lus ntawd?". Thov hais rau sawv daws tias: Vim kuv xav kom peb txhua tus tsim kho lub Forum hmoob tshav ntuj no kom ntshiab thiab huv, peb tsi txhob coj xws li lwm lub Forum uas cov neeg tuaj sib tham ntawd, lawv ua ntxhov hnyo tsi muaj chaw cia siab. Xws lawv tuaj sau ntawv mas kuv pom lawv tsi muaj kev sib hwm. Lawv koj luag kuv, kuv luag koj, koj dag kuv, dag koj, koj thuam kuv, kuv thuam koj, hais lus dev lus npua, muab lwm tus xyav koob xyav moo kom poob ntsej muag, nyiag tsa nyiag lub hwj chim, luas qhua tias yus thiaj li txawj dua thiab paub dua. Yog li kuv thiaj hais li. Txawm kuv tias kuv nyob deb thiab tsis tau khoom tuaj khaws txuj los tseg los kuv twb pom nej khaws tau peb cov txuj ci zoo kawg lawm, kuv thiaj tsi tuaj sau xwb. Tab sis kuv yeej tuaj saib nraim nej cov lus ov. Koj txhob nkag siab yuam kev rau kuv og nawb. Thaum twg kuv muaj sij hawm mam li tuaj sau zaj puav rau peb nyeem og nawb.

Hahahah...! Cas hnub no tij laug Xyooj Tsba yuav txawj zim hniav thiab niib!

Yog kawg, Tub kev deb, peb xav khaws txuj Hmoob cia tab sis peb tuaj ua dawb ua do xwb tsis tau ib qho nqe tes nqe taw kom ho muaj caij ntau tuaj sau.Sawv daws yuav tsum mus nrhiav noj tag mam tuaj sau, khwv khwv, muab lub caij so tuaj sau xwb es thiaj sau tsis tau raws li siav xav. Hauv nov peb tsis muaj coob, peb muaj peb ob peb tug uas muab siab yuav khaws Peb Txuj Hmoob cia xwb. Txhua yam peb yeej ua kom zoo khaws tseg, tab tej lus tham ua si los yog ntsia zoo mas yeej yog tej lus keeb kwm qhia txog peb lub neej khwv noj khwv haus niaj hnub. Kuv zoo siab uas koj nyob deb deb los koj tseem tuaj xyuas peb, nyeem peb tej ntawv ua rau peb muaj siab thiab. Thiab ua tsaug ntxiv rau koj cov lus ceeb toom, koj yeej hais yog kawg, peb yuav tsum xyaum sau qhov kom zoo thiaj tsim nyog peb muab peb lub caij tuaj sau ib zaug.

Vam thiab cia siab tias yuav tau nyeem koj tej txuj thiab.

- He....he.... Thov zam txim nawb....Txhob xav li cas ov?....Yog tsi ntsaub tawg....Koj qab lauj kaub....Los qab yias....Ntshe dej tsi sov....Los tsi xiv li os....Kuv thiaj pab ntsaub tawg....Kom ib nyuas ciaj ncaig....Kom dej sov....Tau hliv ntxuav muag nas has....Zoo siab ua koj tsaug uas....Hnub no....Koj rov tuaj lawm....Txawm nyob deb npaum cas?....Ua siab ntev tuaj ntaus ntawv....Peb suav daws nyeem os....Peb tog ntsoov....Nej txhua leej....Tej tswv yim zoo....Peb tog nraim....Nej tej tswv yij...."Tshaj lij"....Seb ntuj qhib tshiab tas nrho....Av ntub ntsuav....Ntxooj noo zaws....Noob nroj tsuag tauj nqeeb xyoob ntoo....Xob ntxooj tawg kaug....Xyab taws zom zawg....Me cos hmab....Cos ntoo....Xob nthaw nplwb npliv....Hlav nplooj siab zuj zug....Ncau ceg tawg paj txi txiv....Loj hlob qoog....Siav daj vog....Thiaj tau noj os....Kuv tsi paub dab tsi?....kuv lam nqa khau quav nyab npleg....Tuaj cuab kev....Seb nej puas....Khaws rau ua si....Zoo siab ntau....Koj siv lub sij hawm muaj nuj nqis....Tuaj koom os....Yeej yog li....Koj hais lawm....Vim peb ib leeg....Nyob ib qho....Tsi Muaj hawm...."Sis ntsib"....Ib tug nyob ib sab ntuj....Tsi muaj caij nyoog...."Sib cuag"....Thiaj siv lub vag sab...."Hmoob tshav ntuj"....Ua lub chaws ntoj....Ua lub chaws thuv....Ua lub tsev kawm...."Nruab nrab ke"....Yog nej tsoom phooj ywg!....Muaj zoo txuj....Laj lim plab plawv tswv yim....Ua siab dawb nqa tuaj sau cia...."Suav daws nyeem"....Khaws ua pov haum nawb....Phooj ywg....Tub hmoob kev deb aws....Ua koj tsaug....Mam sis ntsib dua lwm zaug mog.

Nyob zoo Kzkz, thiab tij laug Xyooj. Ua neb tsaug rau neb tej lus txhawb siab og. Cia kuv muaj sij hawm thaum twg mam tuaj sau zaj puav rau peb nyeem og nawb. Sib ntsib dua.

- Tub kev deb as...Cas zoo li...Kuv twb pom koj zem zuas lawm...Yuav paub koj li ntas...Yav tas lawm....Koj muaj ntau lub npe...Peb lub npe Mes kas...Ib lub npe...Thaum me...Niam txiv tis...Lub npe ob...Kwv tij...Cov laug muaj meej mom tis...Ib lub koj mam...tis koj tawm vag sab...Kuv yuav tsi qhia tias:...Koj yog leej twg?...Hauv no...Ua tsaug...Mam ntsib koj dua os.