Chèobong
Txhiam xwm:
-800 g piam thaj
-1/2 l roj paj hnub hlis
-500 g tawv twm qhuav uas kuam plaub tag lawm, txhoov tej daim ( yog tsis muaj ces tsis rau los tau).
-500 g kuav txob mab qhuav (loj), (siv cov kua txob zom kuj tau, tab sis tsis qab npaum li cov kuav txob mab qhuav).
-1kg qij
-1 poom qij qaub, (phak thième dong)
-500 g qhaus nyoos (Galanga thaï)
-1 hwj nab pas (1l)
Ua Chièo bong muaj 3 qeb yuav npaj :
Muaj 3 qeb yuav npaj tej txhiam xwm ua ntej yuav ua kom siav.
Qeb 1 :
Ua Chièo bong yogi b qho hauj lwm ntau li ntawd qhov zoo yuav xub sim ib qho me me tso ua ntej yuav ua ntau.
• Muab cov tawv twm los tsau dej txias ib hmos
• Muab cov kua txob tu ko, kib qhuav hauv ib lub yias kom nkig, tsis rau roj, tso hluav taws yau yau, do tsis so, txhob cia kub nyhiab. Vim kuav txob kub nyhiab mas iab iab, yog kub nyhiab mas yuav tau muab xaiv pov tseg. Thaum cov kua txob su su thiab tsw qab ntxiag ces tua hluav taws, cia nws nyob nws hauv lub yias, do tsis tseg.
• Muab cov kua txob zom hauv ib lub tshuab zom nqaij, zom kom mos mos, kom cov noob lwj tag tib si.
• Muab cov qhaus tsaug dej, muab so kom huv, muab suam tej daim nyias nyias. Muab cov qij tev thiab txawv ua tej daim nyias nyias, muab cov qhaus thiab qij kib hauv cov roj kom daj. Muab npo los tso rau ib lub tais.
• Muab cov tawv twm los hau hauv ib qho dej txias, hau li 1 teev xam thaum dej npau los. Hau tag ces muab ncuav rau sab cib thiab tso rau ib lub tais cia.
• Muab cov piam thaj tso rau ib lub lauj kaub, nchuav ib kho dej rau, muab rhaub kom yaj, cia npau ib pliag. Tua hluav taws, cia txias.
Qeb 2 :
• Muab ib lub tshuaj khib tuav cov qij thiab qhaus kib nrog cov kuav txob zom . Muab qhov kua piam thaj , nab pas, qhov roj uas kib qij thiab qhaus, kev nchuav ke do, los xyaw cov hauv tshuaj khib. Thaum kawg mam muab cov tawv twm txhoov nyias nyias thiab cov qij qaub los xyaw.
• Muab do kom sib xyaws tag, teem cia ib tav su mam rov muab tuav dua. Rov ua li qub nov ob hnub thiaj li qab.
Qeb 3 :
Ua teem cia tau 3 hnub ces cov Chièo bong qab lawm, muab cov lwm hwj ntxuav kom huv, muab hlab dej kub ib pliag, muab si dej, muab cov chièo bong ntim rau hauv hwj, kaw kom ntom. Teem cia noj ntau lub hlis tai. Cia li ib lis piam mam noj thiaj qab.