Daneeg Tsov Txawj Hu Neeg

Nyob rau lub zos Hav Ntoo Qaub yav qaumteb hauv lub tebchaws Nplog thaj tsam li 1920-30 ntawd txawm muaj 2 Nus Muam yog menyuam ntsuag, nkawv mus luaj ib daim teb uas nyob xu puag tom ntug hav zoov laus. Lub sijhawm ntawd zoo li yog lub caij cog nplej. Tus nus yog ib tug neeg nyiam tua nas, noog thiab nws muaj ib rab hneev loj uas yog loj dua li tej hneev s/d pom vim rab hneev ntawd yuav tsum yog 1 yav xyoob ntau thiaj li txaus ua xibxub nws rab hneev ntawd los tua tau kauv noj lam thiab.
Nyob rau thawj hnub tus Nus ntawd twb mus pom 1 pab nraj nyob nraum hav zoov, hnub tom qab tav lub caij mus tua nas ces nws txawm hais rau tus Muam tias kom tus Muam nyob tso tus Nus rov mus xauj pab nraj seb puas pom pab nraj ntawd los pw chaw, yog pom no nws tua tag mam los tsev. Tom qab ntawd tus Muam txawm nyob nraum lub tsev teb hos tus nus Pob Zeb txawm mus plob tua nraj li hais ntawd lawm ces tus Nus thiaj li mus txog nraum qhov qub chaw, Nws txawm mus zaum twjywm tos seb puas pom cov nraj los no ua cas thaum yuav tsaus ntuj txawm hnov nws tus Muam lub suab hu raws nws qab tuaj tias POB ZEB AW KOJ NYOB QHOV TWG!!!! LOS TSEV AU!!! KUV TSIS TAU LUAG. nws txawm xav twj ywm tias UB TSAM YOG TSOV LI TEJ LAUS HAIS DABNEEG MAS!!!! VIM KUV TUS MUAM TSIS TAU LUAG TUAJ NRAUM HAV ZOOV NO NA!!! ces nws thiaj tsis teb cia mloog twjywm ib pliag ua cas nws tus Muam lub suab tuaj raws nraim li nws qub qab uas nws tuaj ntag. Ces nws thiaj li xav zoj tias LUB NIAG CAIJ NO YOG NTUJ QHUA TWB TSIS POM HNEEV TAW UA CAS KUV TUS MUAM HO TAUG TAU KUV QAB MA!!!! Nws txawm xav twj ywm tias NTSHE YOG TSOV LAWM TIAG LAU!!!. Ces lub sijhawm ntawd twb tsaus zuag lawm nws thiaj li khiav khiav mus rau ntawm ib tug ntoo Vaj Khaum loj loj heev thiab muaj ib nreej uas zoo nkaum ces nws txawm mus thov tus ntoo Vaj Khaum tias kom tus ntoo pab saib nws yog nws mus txog tsev nws mam li muab qaib pauj rau tus ntoo. Tom qab ntawd nws thiaj li mus zaum ntawm nreej ntoo thiab muab nws rab hneev nta cuam xub tos tsam tsov los pom nws thiaj tau tua. Nws txawm zaum twj ywm hos tus Muam lub suav pheej hu tias POB ZEB AW!!! KOJ UA TWG LAWM OS LOS TSEV AU!!! KUV TSIS TAU LUAG. Pheej hu lintawd tuaj ze zujzus lau ces thaum los ze zujzus ua cas lub suab thaum hu xaus hais tsis meej hos hnov ua zig zawg li hawb pob lawm. Ces thaum los ze tshuav li 3 lub tsev ciali ntsiag tsis hu lawm nws thiaj paub meej tias zaum no ces yog Tsov lawm tiag tiag. Ua cas ib pliag zoj xwb txawm pom tus tsov nkag los na ha ntuj naw tus niag tsov mas loj tiag tiag li hwjtxwj dawb paub. Tus tsov txawm taug nws qab los txog ze nws ces zoo li tus tsov tsis hnov ntxhiab tsw ces tus tsov pheej ncig mus ncig los ntawm tus ntoo ces thaum kawg tus tsov cia li los zaum tsaws txheem tes li tej niag aub ze ze nws. Nws thiaj li saib ntsoov tus tsov zaum tib tug hwjtxwv xob nkim hos muaj cag nroos thiab thaum nplooj lwg poob mas tus tsov ib plhaw mus huas kiag, pheej ua li ib hmos nws tsis nti hos kua ntswg ntws sis ib hmos tsis so li. Hmo ntawd tsov zov nws ib hmos twb kaj ntug pom kev zuag noog quaj saub zom zaws lawm tus tsov mam sawv tshawb nyho mus ces ib pliag pom kev huv nws saib tsis pom dabtsi lawm tiag tiag lau nws thiaj li khiav los tsev. Thaum los txog tsev nws thiaj los quaj ib pluag rau tus Muam thiab nkawv tseg kiag thaj teb ntawd tsis mus ua lawm.

Nyob rau lub zos hais los no tom qab no kuv txiv lawv twb mus ev nplej txog lub zos no thiab.

zoo mloog kawg

Tij laug Hmoob Hawj,

Nws tuaj txog peb lub tsev khaws txuj, xav thov nws hais ib zag dab neeg rau peb mloog puas tau?

Zoo siab nws tuaj txog peb tsev, thov kom nws muaj kev kaj siab thiab lom zem nrog peb.

- He....he.... Lub zog hav ntoo qaub, Yav qaum teb poos xas phu lis; Yav ntuj thaum ub....Kuv tseem me, Kuv txiv piav txog; Muaj dab tsov hlob heev li no....Hais txog "Tsov hu mas" Kuv kuj tsi paub zoo "Tab sis" "Poj ntxoog hu mas" Yeej muaj tseeb nawb, Kuv tug kheej kiag; Thaum tseem yau....Noob nyoog nce xyoo yim 1961, Poj ntxoog hu; Yog thawj zaug....Poj ntxoog hu zaum: 2 Yog xyoo 1969, Kuv mus tham hluas nkauj lub zog; Peb lub dawm; Ntug dej zaj sab tim....Yuav mus tom zog tshav dav hlau poos thas, Poj ntxoog hu zaum peb; Ntug zog phav kheb xyoo 1972....Yeej hu tuav nkaug, Kuv npe ntas "Tab sis" Yog cov qub hluas nkauj noj tshuaj tuag lawm "Hu xwb"....ha....ha.... .