Txaus Luag Thiab Txajmuag

Pjpauj,

Zoo kawg yog koj nrhiav tau peb nyob hauv Google, vim peb yog zos tshiab xwb, dab tsi los tsis muaj txawm peem. Nyob twj cuab twb tsis muaj neeg tuaj xyuas...Lam pov lam hwj hauv hiav txwv seb puas muaj neeg mus ncaj xwb...Ua tsaug nawb mog.

Wow...! Pjpauj aw...! Cas hlub ob tug niam txiv ntawd ua luaj li os...! Qhov ntawd xwb es txaj muag dab tsi, txoj kev sib hlub, kev ua niam txiv tsis yog ua si, yog lub neej. Tswv Ntuj yeej tsim los ua qhov chaw nco thiab deev siab kom txhob sib ncaim, kom muaj kev zoo siab, sib nco, sib tshua thiaj yuav muaj kev yeej noob lawm rov tom qab. Txhua yam tshwm sim nyob rau ntiaj teb no, tsis hais me xyoob ntoo, nroj tsuag, me kab me ntsaum, me tsiaj me ntxhuv los rau leej neeg puav leej txawj ua niam txiv ib yam. Tsuas yog leej tib neeg, yog hom paub tab ces lawv ua zais ntshis tsis ua rau neeg pom xyeem xwb. Zais ntshis, vim yog ob tug ntawd li Secret sib hlub xwb. Kev sib deev, txhua leej txawj sib deev tib yam, tsuas yog ib txhia nws qab los dua, ib txhia ho lam ua kom nyob taus ua ke xwb...Tseem muaj ib qho philosophy hais tias: Niam txiv yuav tsum muaj ua tub thiaj muaj sib hlub, yog tsis sib koom cev ces nquag sib ceg...

Thaum lub caij ua Tsov Rog As Mes Liv Kas thiab Nyab Laj 1967, muaj ib tug tub rog txawm coj nws tus poj niam uas nyuam qhuav yuav tau mus nrog lawv nyob pem khaib...Hnub ntawd los los nag, nkawd txawm sib ua, ces nyob qhov taub xwb tsis muaj dab tsi thaiv, lawv los pom ces tus txiv txawm hais tias: " Los los nag li tsis muaj dab tsi ua, lam ua...!"...Hahhaah...!

Nyob zoo,

Ua twj cuab thiaj tau noj nqaij tsis tu ncua. Tsis tag li ntawd xwb, yus yuav nyob li cas los ywj siab nyob. Yog ntiaj teb no tsis txhob muaj neeg nyob coob coob ua ke ces yuav tsis muaj kev cai lij choj ntau ntau.

Ntawm txoj kev txij nkawm ua si mas tab txawm xuas qhovmuag saib xwb los yeej zoo zoo lub siab tsis txawj tag es thiaj muaj neeg nyiam saib yeebyam liab qab ua luaj. Qhovmuag, pobntseg, los sis qhovntswg yeej yog tej feem xyuam ntawm neeg txoj kev sib chwv lawm. Tsis tas yuav tsum yog nqaij chwv nqaij thiaj zoo siab. Vim li ntawd, hluas nraug thiaj muaj qhov vwm vwm rau hluas nkauj thaum tau nrog hais lus, hnia ntxhiab, los puas saib dua xwb.

Thaum ub nyob Thaib Teb muaj ib tug neeg quav quav lej tau mus pw pem teb ua ntej hnub lej tawm. Hmo ntawd nws pw ces txawm ua ib tug npau suav zoo tsawv. Tag kis kaj ntug ces nws sawv tau lig zog lawm. Nws ntshai nyab tsam los yuav tsis tsum lej, ces nws tau thov dab niam dab txi thiab dab xeeb teb xeeb chaw tias, "Thov dab niam dab txi, dab xeeb teb xeeb chaw aud. Thov nej ua kom kuv mus ncav es tau yuav lej auj." Nws thov thov li ntawd tas ces nws txawm los. Nws los los txog ib tog kev no ua cas txawm hnov ib tug tsov quaj 2-3 suab pem qaum kev tuaj, thiab ho tseem hnov niag tsov lub plab npau qig qug thiab. Thaum nws hnov dheev li ntawd tas ces nws tso tuam ya los lawm tsis saib tom qab ib plia li lawm. Nws twb khiav khiav los txog hauv zos lawm los nws yeej tseem tsis tau nco nres. Nws twb ho khiav yuav luag dhau zos ces mam muaj ib tug tub ceev xwm muab nws txhom vim tub ceev xwm xav hais tias ntshai nws yog ib niag tub sab. Tom qab tub ceev xwm paub hais tias nws tsis yog tub sab ces nws thiaj tau mus tsev, thiab thiaj tau mus yuav raug me me lej.

Hahahah...! Pijpauj! Nws mas cas yuav txawj tham ua luaj li...Hahahah...!
Uab! Yog yawg txawj hu txhua yam heev es thiaj muaj tus hnov yawg lub suab thov thiab...! Hahahah...!

Pijpauj, cas nws=koj hais lus li cov thaum ub tau nrog Txiv Plig lawv nyob nab?
Ua li kuv puas paub koj dua los lawm thiab?

Thaum ua ntej teb hcaws tawg 1975, nyob Moos Cab muaj ib tug yawg txawm mus hlawv xyab tim qab pob tsuas yuav mus tom Tiaj Quav Ntxhw, thov kom dab ntuj dab teb los sau leb rau nws yuav. Ces yawg tus vauv txawm mus xauj pom yawg hlawv ntawv thov li ntawd, thaum yawg rov los lawm tus vauv cav nyiag mus sau ib cov leb rau ntawm qab pob tsuas. Taig kis yawg rov mus pom, yawg coj los yuav naj cas yawg raug leb tiag. Thaum no vauv kom faib ib qho rau vau, vim yog vauv sau es thiaj raug. Ces yawm txiv tsis kam faib, vim vauv saib tsis taus yawm txiv, vauv thiaj mus sau thuam naj cas dab ua vauv siab sau tau cov leb uas yog tiag....

Txaus luag kawg! Tus vauv yog raug dab siv mus ua hauj lwm rau lawv lawm xwb es nws thiaj lam ua li ntawd. Thaum twg tus yawm txiv npws laig dab ces tus vauv nyaj yuav tau noj tau haus thiab laub.

KoojZiagKabZaug, kuv hais lus Hmoob xwb ces tej qhov nyaj yuav thooj lawv me me los kuj tsis paub, tiam sis kuv tsis muaj hmoo nrog Txiv Plig Nyiaj Pov lawv. Kuv tsua yog ib niag menyuam yaus xwb. Thov txim ntaus uas kuv ho ua rau koj tsis muaj kev cia siab. Ntshai koj twb xav hais tias nyaj yuav tau ntsib tej qub neeg qub ntsa, tab sis ho tsis mus raws siab xav. Koj mas koj tsis paub kuv vim kuv nyiag tuaj saib nej xwb, tab sis kuv paub koj vim kuv tau siv thiab tau nyeem koj tej tswv yim thiab tej txuj uas koj tau muab tso cia rau hauv tej vas sab lawd.

Muaj ib zaug nyob hauv lub yeej thoj nam Vibnais, muaj ob niam txiv sib ua luag mus plob tom tsev plob. Tus txiv yog tus nyob sab nraud ua tus niam luag. Tus niam mob plab thiab tsam plab heev tsawv ces nws txawm tso zog ntso ntsub kom plab zoo ntag. Tus txiv nyob sab nraud ces nws txawm hnov nrov hais tias, "Pliiiig...plig...plig, plaug...plaug" no. Thaum tus txiv hnov nws tus pojniam ntsub kho siab zim li ntawd, nws thiaj muab txiav ua leb yuav. Zaum ntawd leb txawm tawm luab ua 544 ntag. Hnov hais tias tus txiv neej ntawd yog tus raug leb zaum ntawd ntau tshaj plaws.

PijPauj wrote:Txaus luag kawg! Tus vauv yog raug dab siv mus ua hauj lwm rau lawv lawm xwb es nws thiaj lam ua li ntawd. Thaum twg tus yawm txiv npws laig dab ces tus vauv nyaj yuav tau noj tau haus thiab laub.

KoojZiagKabZaug, kuv hais lus Hmoob xwb ces tej qhov nyaj yuav thooj lawv me me los kuj tsis paub, tiam sis kuv tsis muaj hmoo nrog Txiv Plig Nyiaj Pov lawv. Kuv tsua yog ib niag menyuam yaus xwb. Thov txim ntaus uas kuv ho ua rau koj tsis muaj kev cia siab. Ntshai koj twb xav hais tias nyaj yuav tau ntsib tej qub neeg qub ntsa, tab sis ho tsis mus raws siab xav. Koj mas koj tsis paub kuv vim kuv nyiag tuaj saib nej xwb, tab sis kuv paub koj vim kuv tau siv thiab tau nyeem koj tej tswv yim thiab tej txuj uas koj tau muab tso cia rau hauv tej vas sab lawd.

Muaj ib zaug nyob hauv lub yeej thoj nam Vibnais, muaj ob niam txiv sib ua luag mus plob tom tsev plob. Tus txiv yog tus nyob sab nraud ua tus niam luag. Tus niam mob plab thiab tsam plab heev tsawv ces nws txawm tso zog ntso ntsub kom plab zoo ntag. Tus txiv nyob sab nraud ces nws txawm hnov nrov hais tias, "Pliiiig...plig...plig, plaug...plaug" no. Thaum tus txiv hnov nws tus pojniam ntsub kho siab zim li ntawd, nws thiaj muab txiav ua leb yuav. Zaum ntawd leb txawm tawm luab ua 544 ntag. Hnov hais tias tus txiv neej ntawd yog tus raug leb zaum ntawd ntau tshaj plaws.

Oh nej kuj txawj piav kawg thiab laiv yod !!
kuv piav ib zaj rau nej mloog yom ! puas thaum peb nyuav qhuav tuaj txog teb chaws no tsis ntev es muaj ib tug poj niam nplog nws hais tias lawv aws .............. kuv mas txaig muag kawg li os Twb yog muaj ib hnub es kuv tus nyab hais tias kom kuv mus tom kuv tus xeeb txwv lub tsev kawm ntawv es mus ua kev zoo siab rau kuv tus xeeb txwv vim nws kawm ntawv tau zoo heev li es nws tsis khoom ces cia kuv mus nws thib no na , Ces kuv mus txog ces lawv kuj ua kev zoo siab tag ces lawv hais tias kom noj me ntsis khoom noj thiab haus me ntsis dej qab zib tso mam los tsev no ces sawv daws txawm noj zom zaws ces tus me nyuam fab kis txawm nrog tus me plog ntawd ua si ua ke , Ces tus fab kis txawm hais rau nws tias Koj sim pab thaij peb ib daim duab seb yom ! no ces nws txawm teb tias tau kawg , Ces nws txawm sawv tsees ces mus nrog kiag Ob tug me nyuam zaum ua ke ces txawm cuab thaj rau lawv thaij , Ces niag fab kis tsis pom qab ua li cas ces niag fab kis txawm thaij ib daim tag nws kuj tsis sawv thiab ces rov thaij daim ob Los nws kuj tsis sawv thiab ces niag fab kis txawm hais rau nws thiab piav tes hais tias wb yuav thaij duab nrog wb tus xeeb txwv ho es thov koj thaij peb na ,

Ces nws mam to taub ces nws txaj txaj muag tsis paub ua li cas li ces nws txawm thaij cov niag fab kis duab tag ces nws cia li los tsev lawm mas nws hais tias txaj muag tshaj li yus los nyob ib leeg xav mas yus luag twj ywm thiab txaj muag heev li no .

Nyob zoo Nkauj Nag thiab Pijpauj,

Nkauj nag,

Zoo siab nws tuaj tham tej zaj txaus luag rau peb tau laug hnub thiab.


Pijpauj,

Kuv twb xav tias nws yuav yog kuv tej qub neeg thaum ub no, kuv txawm siv zoo siab hlo tham qhia kuv leej nkawm lawm...Hahahahah...! Naj has plag ntshav lawm...Hiv! hiv! hiv! Cas yuav txawj ua plig plog! plig plog ua luaj li...Hahhaha...! Nws mas txawj ua rau kuv mus tom tej kuv luag li tus neeg vwm xwb.
Ua tsaug rau koj tseem nyiam nyeem kuv tej lus sau thiab. Nyob ntawm no ces kuv twb tsis khoom tuaj sau ntxiv. Kuv tseem yuav nqa cov uas kuv xub tso rau hauv Hmongza los tso ua ntej tso, mam tuaj sau cov tshiab no. Tab sis hauj lwm ntau heev es cov qub twb nqa tsis tau tag los txog niaj hnub no. Ua li koj puas kam nthuav koj li txuj rau peb nyeem thiab?

-Nyob tim Nkws Yas thaum Hmoob nyuam qhuav mus txog, Hmoob cog tau kab tsib txawm muab tev, txiav tej yav zoo noj coj mus muag...Cov neeg Dub nyob tid txawm hais tias: Uab! Ua cas nej ho noj tau cov kab tsi no? Tawv heev, peb ses peb maj mam kaws me me nqos xwb laiv!...Hmooob thiaj teb hais tias: " Tsis nqos phuas hos! Noj tej khawv loj loj, ntsuas kua tag ces nti phuas pov tseg hos...! Txij ntawd los cov neeg Dub thiaj paub noj kab tsib...

Koj tej txuj tej ci ces txawm muab tso qhov twg los yeej yuav tsum muaj neeg tuaj nyeem xwb. Khoom los ho mam ua, tsis khoom los cia lawv nyob lawv qhov qub chaw. Qhov twg los puav leej tseem yog hauv vas sab tib si. Yog nyob hauv vas sab lawm ces tuaj ntau koj npe (KoojZiagKabZaug)hauv google xwb ces yeej yuav tsum pom txhua yam ua tsim los ntawm koj lawm.

Yog kuv muaj txuj ces yeej tsis ua tub sab tuaj xyua nej li. Tub sab ces yeej tsua yog neeg tes taw lug rug xwb hos, tab sis yog thaum twg kuv mus ua ua tub sab es pom tej yam zoo txuj no mam nqa tuaj rau sawv daws saib od.

Ceeb toom me me: Zaj uas kuv yuav piav ntxiv no mas yuav siv cov neeg ua kiag li npe ma thiaj muaj quag. Tab sis, tej zaum cov neeg ntawd yuav txheeb ze rau ib txhia neeg tuaj nyeem los kuj tsis paub. Yog li ntawd, kuv thiaj thov qhia hais tias kuv tsis yog yuav muab tej neeg ntawd rhuav rau ntiaj tog qaum pe, kuv tsua yog muab piav rau sawv daws saib ua kev lom zem xwb.

Thaum ub nyob teb chaws Los Tsua, muaj ib tug tub hluas hu ua Kwb no tau mus tham tau ib tug hlua nkauj uas nws nyiam heev. Khwb mus tham ob peb zaug los lawm mas tsua muaj Khwb tib leeg xwb, tab sis muaj ib hmo Khwb rov qab mus tham no ua cas zoo li muaj neeg nrog Khwb tus hluas nkauj nyob hauv txab lawm. Thaum Khwb paub hais tias muaj neeg nrog nws tus hluas nkauj lawm, Khwb txawm npau taws ceev ceev tiam sis kuj ua tsis tau dab tsi li vim yog niag nkauj tso tshav nraug tso nras. Tom thawj lub sij hawm ntawd Khwb tab tom mob plab yuav plob thiab lauj. Khwb thiaj mus de tsuag tsuag tau ib co nplooj los pua kiag ces yawg txawm ntsub hnya zog tau ib niag pawg tsw ntxiag ntag. Thaum yawg ntsub tas yawg txawm muab yawg cov niag quav kauv ua ib pob hauv taus nplooj coj mus pov nrov poog rau hauv tus hluas nkauj txaj. Thaum tus hluas nkauj thiab tus hlua nraug hnov poob nrov poog ntawd nkawd kuj xav hais tias ntsheb yog pob ze pob ca tej xwb thiab ces nkawd kuj nyob twj ywm thiab xwb. Ib me pliag nkawd hnov quav tsw ces nkawd mam sib nug thiab mam tsom teeb saib qhov uas nrov poog puas tab na has ua ciav yog tib pob quav loj li loj. Tom qab pom li ntawd tas ces tus hluas nraug cia li pos pos qhov ntswg xuas kab tawm lawm hos tus hluas nkauj ces tau hnya hnya los muab pob niag quav nqa mus pov tseg lawm. Tom qab hmo ntawd thiaj mam nug nug ces thiaj paub hais tias yawg pov quav ntawd yog Khwb hos yawg uas nrog hluas nkauj nyob hauv txaj yog hu ua Tuam Txooj Vws no. Txij hnub ntawd los ces neeg zej zog thiaj muab Khwb hu ua Khwb Pov Quav los sis Khwb Pov Txiaj no los txog rau tam sim no. Tsis tas li ntawd xwb, neeg tseem muab nkawd zaj no hais tau ua ib zaj paj huam li no: KHWB POV QUAV, TUAM TXOOJ VWS KHIAV NROV RHUAV; KHWB TXIAG ZIS, TUAM TXOOJ VWS KHIAV NROV RIG.

Hahahah...!Pijpauj...! Yuav txawj tham ua luaj li...Hiv! Hiv! Hiv!

Pijpauj, ntshe kuv yuav cia nws nrhiav txuj tuaj tso ob peb hnub tso kuv mam tuaj nrog nws tso dag. Vim kuv muaj hauj lwm khuam tes me ntsis, ntshe yuav ncua hnub puab nawb me phooj ywg...

Muaj qa muaj nuj yeej meem mus ua kom tiav, muaj dej muaj num kav tsij mus leg kom du. Tej kev nyeem ntau nyeem ntawv hauv vas sab ces yuav nyeem thaum twg los tau.

Tham txog piv lus mas tej zaj kuj txaus luag kawg thiab hos. Suav muaj ib zaj piv lus hais tias, "Rub Yub Nplej Kom Hlob Sai." Qhov keeb tiv yog li no: Puag thaum ub muaj ib tug txiv neej mus cog tau ib thaj nplej ces nws txawm niaj hnub mus saib. Tsawg hnub nws saib los nplej luaj nplej li qub. Nws mus saib saib tau ob peb hnub sib law liag los nplej tsis hlob li cas ntxiv li. Nws thiaj xav tau ib lub tswv yim tias cia nws maj mam muab cov yub nplej rub me me kom yuav luag nto saum npoo av es lawv thiaj hlob tau sai zog. Nws txawm cuab tib txo mus muab txhua txhua tus yub nplej rub yuav luag nto saum npoo av. Nws ua li ntawd tas, nws saib na has zoo li cov nplej txawm siab zog tuaj lawm tiag. Nws zoo siab heev ces nws txawm los qhia nws cov menyuam. Thaum cov menyuam hnov nws piav tag, lawv txawm sib tw khiav mus xyuas. Lawv mus txog tom cov yub nplej ces cov yub nplej twb vau thiab ntsw tag rau saum npoo av lawm vim lawv cov cag twb tu tag lawm. Vim tus txiv neej ntawd tsis txawj pab, es nws thiaj pab ua rau cov yub nplej tuag tag nrho lawm.

Muaj dua lwm ib zaj hu ua, "Ko nab ntxiv ceg." Zaj no yog muab hais kom phim lus Hmoob ces yog, "Ntse DHAU plaws." Qhov chiv ntawm zaj no ces yog li no: Puag thaum ub muaj ob tug txiv neej koom taug ib txoj kev ua ib ke mus. Nkawd mus mus pom ib phlauj taub cawv nyob ntawd kev. Phlauj taub cawv ntawd mas tsua txaus ib leeg haus xwb; yog li ntawd, nkawd thiaj sib twv hais tias cia nkawd sib tw ko nab. Yog leej twg xub ko tau ces cia phlauj taub cawv rau tus ntawd haus. Nkawd sib cog lus meej meej tas ces txawm pib ko. Muaj ib tug nrawm zog ces nws ko tsuag tsuag tau nws tus lawm, tiam sis tus qeeb zog pheej tseem ko tsis tau tiav ces yawm ko tau ceev ntawd txawm ntxiv tes ntxiv taw rau yawm tus nab kom yawm qeeb ho caum tau cuag. Thaum nkawd ko tiav ces yawm ko nrawm txawm tsawv ntho plauj taub cawv tab tom yuav haus xwb, yawm ko qeeb txawm siv chua ntias mus haus lawm. Yawm ko nrawm cem taw te nkis hais tias, "Wb twb cog lus lawm hais tias yog leej twg xub ko tau nab ces cia tus ntawd haus no nid. Ua cas koj tseem muaj phlus los txeeb cawv ntawm kuv mus haus thiab?" Yawm ko qeeb thiaj hais tias, "Yog laus, koj mas yog tus xub ko tiav tiag. Tab sis, koj tus tsis yog nab vim nab tsis muaj tes thiab tsis muaj taw." Tib qho uas ua rau tus ko nrawm tsis tau cawv haus ces yog nws nrawm DHAU lawm xwb.

PijPauj wrote:Muaj qa muaj nuj yeej meem mus ua kom tiav, muaj dej muaj num kav tsij mus leg kom du. Tej kev nyeem ntau nyeem ntawv hauv vas sab ces yuav nyeem thaum twg los tau.

Tham txog piv lus mas tej zaj kuj txaus luag kawg thiab hos. Suav muaj ib zaj piv lus hais tias, "Rub Yub Nplej Kom Hlob Sai." Qhov keeb tiv yog li no: Puag thaum ub muaj ib tug txiv neej mus cog tau ib thaj nplej ces nws txawm niaj hnub mus saib. Tsawg hnub nws saib los nplej luaj nplej li qub. Nws mus saib saib tau ob peb hnub sib law liag los nplej tsis hlob li cas ntxiv li. Nws thiaj xav tau ib lub tswv yim tias cia nws maj mam muab cov yub nplej rub me me kom yuav luag nto saum npoo av es lawv thiaj hlob tau sai zog. Nws txawm cuab tib txo mus muab txhua txhua tus yub nplej rub yuav luag nto saum npoo av. Nws ua li ntawd tas, nws saib na has zoo li cov nplej txawm siab zog tuaj lawm tiag. Nws zoo siab heev ces nws txawm los qhia nws cov menyuam. Thaum cov menyuam hnov nws piav tag, lawv txawm sib tw khiav mus xyuas. Lawv mus txog tom cov yub nplej ces cov yub nplej twb vau thiab ntsw tag rau saum npoo av lawm vim lawv cov cag twb tu tag lawm. Vim tus txiv neej ntawd tsis txawj pab, es nws thiaj pab ua rau cov yub nplej tuag tag nrho lawm.

Hahahah...! Pijpauj,

Es ua li cas lawm? Yog li ces tsev neeg ntawd kuj tshaib plab xyoo ntawd xwb lov?

Muaj ib zaug tus niam txawm txib tus txiv mus pab dob nws cov paj thiab zaub ntawm tog tsev...Hahahah...! Ces tus txiv ua li hais tag zoo siab heev xav tias ntshe tus niam yuav qhuas nws, vim nws ua tau hauj lwm zoo...Thaum tus niam los hauj lwm los tawm mus saib naj...has! Cas muab zaub thiab paj dob tag tseg nroj xwb...! Tus niam quaj kiag...Hahhaah...! Vim cov paj yog nws ncig ntuj mus txog USA nqa los cog ces nws khuv xim heev...

PijPauj wrote:Muaj dua lwm ib zaj hu ua, "Ko nab ntxiv ceg." Zaj no yog muab hais kom phim lus Hmoob ces yog, "Ntse DHAU plaws." Qhov chiv ntawm zaj no ces yog li no: Puag thaum ub muaj ob tug txiv neej koom taug ib txoj kev ua ib ke mus. Nkawd mus mus pom ib phlauj taub cawv nyob ntawd kev. Phlauj taub cawv ntawd mas tsua txaus ib leeg haus xwb; yog li ntawd, nkawd thiaj sib twv hais tias cia nkawd sib tw ko nab. Yog leej twg xub ko tau ces cia phlauj taub cawv rau tus ntawd haus. Nkawd sib cog lus meej meej tas ces txawm pib ko. Muaj ib tug nrawm zog ces nws ko tsuag tsuag tau nws tus lawm, tiam sis tus qeeb zog pheej tseem ko tsis tau tiav ces yawm ko tau ceev ntawd txawm ntxiv tes ntxiv taw rau yawm tus nab kom yawm qeeb ho caum tau cuag. Thaum nkawd ko tiav ces yawm ko nrawm txawm tsawv ntho plauj taub cawv tab tom yuav haus xwb, yawm ko qeeb txawm siv chua ntias mus haus lawm. Yawm ko nrawm cem taw te nkis hais tias, "Wb twb cog lus lawm hais tias yog leej twg xub ko tau nab ces cia tus ntawd haus no nid. Ua cas koj tseem muaj phlus los txeeb cawv ntawm kuv mus haus thiab?" Yawm ko qeeb thiaj hais tias, "Yog laus, koj mas yog tus xub ko tiav tiag. Tab sis, koj tus tsis yog nab vim nab tsis muaj tes thiab tsis muaj taw." Tib qho uas ua rau tus ko nrawm tsis tau cawv haus ces yog nws nrawm DHAU lawm xwb.

Hiv! Hiv!Hiv!

Nov ces zoo li Fab Kis niaj hnub hais luav thiab vaub kib sib tw khiav xwb...! Luav khia nrawm laj tos vaub kib ces mus pw tsaug zog txaus tso mam los nrog luav sib tw naj...Cas tos hnov tsim los saib naj vaub kib twb mus txog lawm...Nplog zaj piv lus thiaj hais tias: Xav nrawm ces maj mam nkag xav qeeb ces kav tsij khiav...( "Yak vay hai khanh yak nanh hay lenh"

Nyob zoo Kzkz, Pijpauj, Nkauj Nag thiab txhua tus phooywg,

Kuv tsis tau tuaj hais dabneeg uasi lawm, tiamsis nej tuaj piav tau lomzem kawg li qhov no ua rau kuv zoo siab heev os. Cia kuv muaj sijhawm tso mam li rov tuaj nrog nej tso lus pajhuam uasi laug hnub nawb.

Yog nej muaj sijhawm no ho mus mloog kwvtij Hmoob hais dabneeg, Neejneeg txhua lub sijhawm nyob rau hauv Xoblaim & Laimtxias lub xovtooj cua uas yog mloog hauv xovtooj xwb. Tus xovtooj yog 218 548-1845 tus pin number 95824# hos yog xav mloog kwvtxhiaj no ces tus xovtooj yog koom tib tug tiamsis tus pin number 916916#. Dabneeg mas lawv tham txaus ntshai tiag tiag li ua rau koj tsis txaus ntseeg tiamsis muaj tseeb os.

Tsis yog hais kwvtxhiaj thiab tham dabneeg xwb, lawv tham ntau yam tseemceeb xws li tshuaj, kev pab, kev sib qhia 100 tsav yam li os. Mus mloog muaj nujnqis thiab os nawb. Tiamsis nco ntsoov muaj qee lub caij muaj ib txhia neeg tsis paub cai pheej tuaj thab plaub thiab hais lus ua dogdig tiamsis yus mloog thiab khaws yam tseemceeb coj los tsev xwb.

Nyob zoo nawb.

Nyob zoo LiajNtsu,

Zoo siab nws rov tuaj xyuas peb os.
Ua tsaug rau nws qhov information no. Zoo kawg, nws yuav tsum tuaj qhia tej yam tseem ceeb li nov rau peb cov nyob deb kom paub txog thiab. Kuv tsis tau paub txog kev mloog Radio li nov li. Ua li nws muab cov N° nov yog mloog raws xov tooj xwb lov?

Zaj rho yub nplej saud ces tas li ntawd lawm xwb.

Xav nug nws me me hais tias tham puas tau cov zaj ua yog hais txog qhov dev (lus dev) thiab?

Tau 2-3 xyoos los lawm no tau muaj ob niam txiv Hmoob rov mus tsham xyuas teb chaws Lostsua. Thaum mus txog ces tus txiv txawm muab tus pojniam coj mus tso cia tom cov kwvtij. Tus txiv dag rau tus pojniam tias nws yuav mus xyua lwm cov kwvtij uas nyob tsis ze ntawd. Nws mus lawm ib hmo kajntug rov tagkis mam los txog. Thaum tus txiv rov los txog ntawm cov kwvtij uas tus niam so, tus niam mam nug paub hais tias yog tus txiv coj hluas nkauj mus pw tsev qhua-so lawm xwb. Thaum tus niam paub kiag li ntawd, tus niam chim heev uas nws yeej tsis nco txog hais tias muaj neeg nyob pawg lug ntawm nkawd ib ncig li lawm. Nws cia li muab nws cov nkaub ncaws hle lwj hle liam du lug ua tib tug liab qab tsua tam sim ntawd, thiab nws npuaj nceb ntxhias hais tias, "Kuv tsis muaj pim los ua cas, koj tseem yuav coj hluas nkauj lawm tas hmo li no thiab! Seb yog koj tsoob pim tsis txaus li no, los tsoob seb!" Tus niam txawm ya loo mus muab tus txiv lub tsho chua lwj chua liam thiab muab nws lub ris hle tsuag tsuag ntag. Thaum tus niam ua li ntawd rau tus txiv lawm, tus txiv cia li txaj txaj muag thiab ntshai ntshai lawm xwb. Tus txiv yeej ua tsis taus dab tsis li lawm. Nws yoob tag thiab nws tej di ncauj mas dawb tag thiab laim moos nyoos lawm xwb. Cov kwvtij neejtsa txivneej uas nyob ntawm nkawd ib ncig thiaj mus muab tus pojniam dua tawm ntawm tus txiv. Thaum lawv mus pab dua tus pojniam ntawd, mas muaj qee tus txivneej kuj ua tes huamyuaj mus muab tus pojniam zuaj mis thiab kaus puabtais qho me ntsi nrog thiab vim tus pojniam kuj zoo nkauj ntxim nyiam tsawv thiab.

Tab txawm hais tias ob niam txiv ntawd twb rov los txog tim America teb chaws lawm, los tus txiv yeej tseem daj daj ntseg thiab tsis los nphlu txog rau niaj hnub no, thiab nkawd ob niam txiv ntawd yeej tsis muaj ntsejmuag tawm rooj qhovtwg li lawm.

Pijpauj,

Tham lus dev los tsuav tsis yog dev lus xwb nyaj yuav tsis ua cas. Yog lus dev ces txaus luag yog dev lus ces peb tsis paub ne yuad...! Hahahah...!

Muaj ob niam txiv kuj muaj ntsis zoo li koj tham nov thiab...Tus txiv mus deev hluas nkauj, tus niad yeej paub. Tab sis tus txiv twv ntxhias tias nws tsis tau ua dab tsi, yog li mas nws yuav tsoob tus niad tam sim ntawd, yog tsoob tau mas tus niad yog dev xwb...Ces tus txiv txawm ua tus niad, nws luaj kab lias xwb...Ua ua nws tawm hws tag nws ua tsis tau dab tsi li...Tus niad hnia nws ib teg, thiab plhws nws taub hau tias: "Ua tsis tau los cia li..." Ces txawm tsum lawm...Tab sis tus txiv kuj tseem khav kawg...Tus niad tsis hais dab tsi ntxiv...

Nyob zoo os Koojziagkabzaug,

Kuv los ib yam thiab mas ncaim ntev lawm nco nej kawg li thiab tiag. Yog lawm os cov xovtooj cua no ces yog mloog hauv xovtooj xwb. Thaum koj ntaus nkag tau rau hauv lawm ces koj yeej hnov lawv tham nroo ntws, yog koj xav nkag mus nrog lawv tham ces koj ciali ntaus lub hnub qub * ntawm koj lub xovtooj thiab tus number 6 los yog ntaus uake li no *6 ces koj yuav hnov ib suab hais lus tias Now is unmuted, thaum no koj tham nrog lawv cov neeg hauv tau lawm. Hos yog koj tsis xav nrog lawv tham es ho xav tawm sab nraud mloog lawv xwb no ces koj rov ntau *6 xwb ces koj rov hnov ib lub suab hais tais NOW IS MUTED.

Kuv hnov nej cov nyob Fabkis tuaj tham coob kawg li thiab os Koojziagkabzaug. Tuaj mloog mas thiab tuaj hais dabneeg pub rau peb mloog os lod. Kuv mus hais txoj puav thiab os.
Cov dabneeg lawv tuaj hais tod muaj ib txhia yog tham Hmoob li history zoo kawg nkaus li thiab muaj nujnqis kawg nawb.

Tham ntau lawm ces mam sib ntsib dua nawb nyob zoo.

http://www.xoblaim.com/

LiajNtsu,

Ua tsaug nawb, kuv mam mus sim seb puas tau os. Yog koj mloog tau yaj siab no thov koj kaw ib cov dab neeg tiag, hais txog lub neej keeb kwm rau kuv puas tau? Kuv xub thov koj ua ntej, vim kuv tsis paub tias kuv nkag puas tau thiab kuv nyob kuv ib lub ntuj ces ntshe thaum nej hnov kuv tsis hnov, thaum kuv mloog ces ho tsis muaj lawm...Kuv xav khaws tag nrho tej yam tseeb ntawd los cia kom nyob tsis muaj caij kawg. Kuv yeej paub zoo hais tias cov neeg uas paub ntau yam ces lawv siv cab sab nyuaj, lawv tsis tshua sau ntawv. Cov sau ntawv ces lawv tsis paub ntau yam lawm...Qhov nov yog ib qho teeb meem yuav khaws txuj Hmoob.

Yog li ntawd ces lwm hnub kuv mam txhais ib co dab-ros ntawm dev lus rau nej nyeem.

Muaj ob niam txiv Hmoob nyuam qhuav mus yuav tau ib tug niam yau tso rau tim Nplog thaum lub 8 hli tas los no. Nkawd ob niam txiv no mas tus pojniam yeej ib txwm khib khib txiv, tiam sis tsis paub xyov tus txiv ntxias nws li cas es nws thiaj tso cais rau tus txiv yuav niam yau zaum no. Thaum nkawd mus tim America mus ces yeej yog txhob txwm mus yuav niam yau ntag no. Tab sis, thaum mus txog tim Nplog es tus txiv ho mus coj kiag tau niam yau los lawm ces tus niam ho mob siab heev heev.

Thaum tus txiv coj kiag tau niam yau los fim tus niam loj, ces tus niam loj txawm rho qws raw ua rau niam yau mas khiav tsis saib qab li lawm. Dhau li ntawd tus niam loj ntawd txawm xa tib qw rau tus txiv ua rau yawg thaub khwb nkaus ntawm chaw thiab tuag kiag ib tsig. Tom qab uas niam loj siab nqig lawm, nws thiaj mam mus yuav tau ib tug nyuj los hu tus txiv thiab niam yau plig.

Ob niam txiv no twb los tsis tau txog tsev, nkawd lub moo sib ntau tim Nplog twb ncha thoob teb chaws tim America lawm; thiab nws tus niam yau twb tsis tau tos tuaj txog, peb twb muab lawv khaws ua tau ib zaj lus dab-ros rau nod lawm.

Hahahah...! Pijpauj! Ua li mas, yog nws khoom no ho txhais qaib pua tej lus me ntsis kom lom zem thiab. Tab sis hais qhov zoo mloog xwb, qhov tsiv mloog ntshe yuav txhob hais thiab.

Kuv pab cov neeg uas xav rov tsim dua lub neej tshiab tu siab heev, tej ntawd yog kev xyob txhiaj liam txwv xwb...Tsis yog kev nto kooj meej ciaj vaj ciaj fwv...

Nyias txoj kev ntshaw ces kav liam nyias. Peb tsua npaj mloog seb lawv tsim puas tau tej zaj txaus txaus luag rau peb muab sau tseg daws kev ntxhov siab xwb tiag.

Lwm yam tsiaj tej lus mas kuj tsis txaus luag thiab kuv ho txhais tsis tau, tab sis dev li mas kuv paub ob peb zaj thiab tiag. Thaum dev hais dev cov lus ntawd mas kuj ua rau dev zoo zoo siab ntxi hniav dawb pes vog; thiab, ua ke ntawd, dev mas tseem tham tham ua aub ncaug thiab npuas ncauj tej mas si pes laim li tiag.

Tau muaj 2-3 xyoos los lawm no, tau muaj ib tug niam poj Hmoob tuaj tim Los-tsua tuaj mus tsham America teb chaws. Thaum nws tseem tab tom tuaj hloov dav hlau rau ntawm ib lub tshav dav hlau, nws txawm qhuav qhuav qa thiab nqhi nqhi dej. Qhov chaws uas tus niam pog zaum tos dav hlau ntawd nyob ze rau ib lub thawv muag dej qab zib thiab ib qho chaw haus dej. Tus niam pog ntawd zaum zaum qhov ntawd txawm muaj ib tug American los tib nyem lub thawv rau dej qab zib, txawm muaj ib poom dej nrov kig koog tawm los. Thaum tus American mus dhau lawm, tus niam pog ntawd ho mus nyem. Nws mus nyem npaum li cas los tsis muaj dab tsi tawm los li. Nws thiaj xav hais tias ntshe yog lub niag thawv ntawd tsis nyiam nws es thiaj tsis nti dab tsi los rau nws haus. Nws nyem nyem kawg tswv yim ces rov mus zaum lawm. Nyob nyob ib me ntsi ho muaj dua ib tug American mus khoov ntshis rau ntawm tus kais dej. Ua cas, dej txawm tawm txaws txua rau tus American ntawd haus. Tus American haus haus txaus nws mus lawm. Tus niam poj Hmoob ho sawv tsees mus khoov ntshis ntawm tus kais dej no ua cas tsis muaj ib lub dej tawm los li. Nws khoov mus khoov los los tsis tau dej haus li. Nws tseem pheej khoov ntev khoov ntau ntawm qhov chaws haus dej ces thiaj li mam muaj ib tug Hmoob los ncaj ntawd. Tus Hmoob ntawd mam ua tib zoo qhia nws kom nws nias tus ntug mas dej thiaj tawm los, thiab yuav tsum xub ntsaws nyiaj rau hauv lub thawv tas tso mas thiaj nyem tau dej qab zib haus. Txij li ntawd los ces tus poj Hmoob ntawd thiaj tsis nqhi dej lawm.

Pijpauj,

Hahahah...! Yog mas, lus qaib npuas ces yus noob neej tsis paub tab sis lus dev mas yeej paub tiag thiab. Ua li, yog zaum puav nws txav ze dev es nws hnov lawv lus no los ho nco cia tuaj qhia peb tau luag thiab...Hahahah...! Yog, nws hais yog kawg lawm, yuav tsum muab cov neeg xav plhis ntawd los ua dab neeg luag xwb mas thiaj zoo, yog xav txog lawv tej piam cuab mas chim siab heev...!

Hahhaah...! Luag tias ruam tshaj qhov ruam lawm no naj has...Hahahah...!
Pijpauj, lam saib daim movie nov ua si...