Lus sam fwm rau ib zej tsoom.

hmoobleejtub wrote:

Ib zej tsoom phooj ywg hmov tshua txhua leej. Lub xyoo laus 2011 twb yuav dhau mus thiab xyoo tshiab 2012 twb ntws los txog. Ib xyoo dhau zuj zus, tsis pom dab tsi tshwm sim tshiab tab sis txoj kev nyuaj siab sawv nraim hauv sawv daws nruab plawv vim xyoo 2011 yog ib xyoos uas peb Hmoob tau txais kev ntsim siab ntsim plawv, muaj ntau tus cov zoo thawj coj tau ploj ncaim lub ntiaj teb yam tsis muaj hnub rov thiab tsis muaj leej twg cheem tau xws li hlob nais phoo Vaj Pov, City Council Lor Mong, thiab Curnel Yaj Txos. Dhau ntawm cov zoo thawj coj tau ploj ncaim peb sawv daws lawm, peb Hmoob muaj kev sib tawg ua ntau pab ntau pawg xws li Hmoob CA tsis kam koom noj ib lub peb caug; Hmoob Minnesota koom haum tsev neeg los tsuas tau sib nkaug sib foob; Koom haum Hmoob La Crosse muaj kev sib foob sib nkaug; Koom Haum Hmoob Wausau muaj kev sib foob sib nkaug. Tej xwm txheej hais los no nws yog ib yam ua kev sib cais ib tug tsis fwm ib tug, koj saib kuv qaij kuv saib koj xu.

Ntau tshaj ntawd kuj tseem muaj tej xwm tsis zoo paug rau peb tsev Hmoob nyob ntau lub teb chaws xws li: teb chaws Vietnam tsev neeg Hmoob tau raug nom tswv tso tub rog tuaj rhuav tshem thiab ntes, tua lawm coob uas peb Hmoob quaj tsis tawm qw tsis nrov; muaj tsev neeg Hmoob nyob nplog tau raug nom tswv tso tub rog tuaj ntes tej tug txiv neej Hmoob mus ntaus mus tsim tuag yam txaus hlub thiab tej tub liaj tub teb tau raug nom tswv tuaj ntaus tuaj tua piam sij lawm coob tus nyob rau sab Xiang Khouang los Hmoob hais tsis tau; nyob sab thaib muaj ntau tus Hmoob raug ntes liam tias ua luam txhaum cai thiab nyob sab Burma, muaj tsev neeg Hmoob raug ntes thiab ntiab tawm tias los nyob lawv av yam tsis raug cai. Tej xwm txheej hais los no puav leej yog xov phem soo khi rau peb tsev neeg Hmoob. Peb Hmoob nyob txawv teb chaws yog tsis txawj sib hlub, tsis koom siab moj them nqag kab ces ntshe nyias yuav cev tes pos nyias lub me khwb lwb xwb.

Xyoo tshiab 2012 tawm tuaj xav kom peb sawv daws txawj sib hlub sib yoog, pom zaj ib tsaug ntaj, pom tsuv ib tsaug hmuv peb thiaj li yuav nyob zoo puav tam ib xub nkawj los xub daiv, sawv daws thiaj li yuav dim tej kev phom sij ntxuag lus xaiv.

Thaum kawg no thov kom xyoo laus xaus,yam phem yam tsis zoo kom nrog lub xyoos mus, xyoo tshiab tawm tuaj, dej ntshiab kom peb tau haus, qav tshiab kom peb tau noj, tsim nyuj kom tau laij, tsim nees kom tau caij. Niam ntsia txiv zoo tam lub hli, txiv ntsia niam zoo tam lub hnub, me tub me nyuam ntsia niam txiv zoo tam lub ntuj thiab daim av; niam txiv ntsia me tub me nyuam zoo tam dej thiab taws. Nkauj hnub txiv nraug hli, ntuj thiab av, dej thiab taws, sawv daws nyias muaj nyias qhov zoo thiab muaj txhua yam uake sawv daws thiaj nyob tau. Xyoo tshiab 2012 tawm tuaj thov kom cov khub niam txiv kom txawj sib hlub sib raug zoo zoo dua qub, khub niam txiv twg uas ho tau sib nrauj sib tso lawm los thov kom nyias rov nrhiav tau nyias tus hlub raws lub siab ntshaw. Peb ua neej kom xyom huj xyom seem nawb ib tsoom zej cov zoo npoj.

Hmoob Leej Tub.

Liajntsuab wrote:

hmoobleejtub wrote:

Ib zej tsoom phooj ywg hmov tshua txhua leej. Lub xyoo laus 2011 twb yuav dhau mus thiab xyoo tshiab 2012 twb ntws los txog. Ib xyoo dhau zuj zus, tsis pom dab tsi tshwm sim tshiab tab sis txoj kev nyuaj siab sawv nraim hauv sawv daws nruab plawv vim xyoo 2011 yog ib xyoos uas peb Hmoob tau txais kev ntsim siab ntsim plawv, muaj ntau tus cov zoo thawj coj tau ploj ncaim lub ntiaj teb yam tsis muaj hnub rov thiab tsis muaj leej twg cheem tau xws li hlob nais phoo Vaj Pov, City Council Lor Mong, thiab Curnel Yaj Txos. Dhau ntawm cov zoo thawj coj tau ploj ncaim peb sawv daws lawm, peb Hmoob muaj kev sib tawg ua ntau pab ntau pawg xws li Hmoob CA tsis kam koom noj ib lub peb caug; Hmoob Minnesota koom haum tsev neeg los tsuas tau sib nkaug sib foob; Koom haum Hmoob La Crosse muaj kev sib foob sib nkaug; Koom Haum Hmoob Wausau muaj kev sib foob sib nkaug. Tej xwm txheej hais los no nws yog ib yam ua kev sib cais ib tug tsis fwm ib tug, koj saib kuv qaij kuv saib koj xu.

Ntau tshaj ntawd kuj tseem muaj tej xwm tsis zoo paug rau peb tsev Hmoob nyob ntau lub teb chaws xws li: teb chaws Vietnam tsev neeg Hmoob tau raug nom tswv tso tub rog tuaj rhuav tshem thiab ntes, tua lawm coob uas peb Hmoob quaj tsis tawm qw tsis nrov; muaj tsev neeg Hmoob nyob nplog tau raug nom tswv tso tub rog tuaj ntes tej tug txiv neej Hmoob mus ntaus mus tsim tuag yam txaus hlub thiab tej tub liaj tub teb tau raug nom tswv tuaj ntaus tuaj tua piam sij lawm coob tus nyob rau sab Xiang Khouang los Hmoob hais tsis tau; nyob sab thaib muaj ntau tus Hmoob raug ntes liam tias ua luam txhaum cai thiab nyob sab Burma, muaj tsev neeg Hmoob raug ntes thiab ntiab tawm tias los nyob lawv av yam tsis raug cai. Tej xwm txheej hais los no puav leej yog xov phem soo khi rau peb tsev neeg Hmoob. Peb Hmoob nyob txawv teb chaws yog tsis txawj sib hlub, tsis koom siab moj them nqag kab ces ntshe nyias yuav cev tes pos nyias lub me khwb lwb xwb.

Xyoo tshiab 2012 tawm tuaj xav kom peb sawv daws txawj sib hlub sib yoog, pom zaj ib tsaug ntaj, pom tsuv ib tsaug hmuv peb thiaj li yuav nyob zoo puav tam ib xub nkawj los xub daiv, sawv daws thiaj li yuav dim tej kev phom sij ntxuag lus xaiv.

Thaum kawg no thov kom xyoo laus xaus,yam phem yam tsis zoo kom nrog lub xyoos mus, xyoo tshiab tawm tuaj, dej ntshiab kom peb tau haus, qav tshiab kom peb tau noj, tsim nyuj kom tau laij, tsim nees kom tau caij. Niam ntsia txiv zoo tam lub hli, txiv ntsia niam zoo tam lub hnub, me tub me nyuam ntsia niam txiv zoo tam lub ntuj thiab daim av; niam txiv ntsia me tub me nyuam zoo tam dej thiab taws. Nkauj hnub txiv nraug hli, ntuj thiab av, dej thiab taws, sawv daws nyias muaj nyias qhov zoo thiab muaj txhua yam uake sawv daws thiaj nyob tau. Xyoo tshiab 2012 tawm tuaj thov kom cov khub niam txiv kom txawj sib hlub sib raug zoo zoo dua qub, khub niam txiv twg uas ho tau sib nrauj sib tso lawm los thov kom nyias rov nrhiav tau nyias tus hlub raws lub siab ntshaw. Peb ua neej kom xyom huj xyom seem nawb ib tsoom zej cov zoo npoj.

Hmoob Leej Tub.

Nyob zoo Hmoob Leejtub,

Koj cov lus yog ib cov muaj kuab thiab zoo heev rau peb tsoom Hmoob txhua tus yog tus txawj xav thiab paub tusiab. Xyov yuav tav twg Hmoob mam li txawj sib hlub os kwvtij aw!!!. Txawm licas los thov ua koj tsaug rau koj tej lus zoo nawb thiab lub xyoo tshiab tuaj lawm thov koj ntsib kev noj qab nyob zoo.

koojziagkabzaug wrote:

Nyob zoo Xyoo Tshiab Hmoob Leej Tub thiab LiajNtsuab,

Ua tsaug rau tij laug Hmoob Leej tub lo lus sam hwm,
Thov kom Tswv Ntuj yawm saub tso koob Hmoov rau Peb Haiv Hmoob li nws cov lus foom.

Hmoob Leej Tub, cas nws yuav txawj hais ua luaj li, yog kawg, kuv pom peb cov Hmoob nplua nuj tshiab, tsis paub muab nyiaj ua dab tsi, muab coj mus ua si. Peb cov Hmoob nplua nuj lig, tsis paub muab nyiaj txiag saib rau lub sam sim, thiaj muab nyiaj txiag mus ua poob hwj chim. Xav kom ntuj kawg sai sai, kom cov Hmoob lwj liam txuag tau lawv lub meej mom thiab hwj chim me ntsis. Yog ntuj kawg qeeb, ntshe peb Hmoob tseem yuav liam sim ntau tshaj ntxiv ua ntej yuav xeev.

koojziagkabzaug wrote:
Nyob zoo Xyoo Tshiab Hmoob Leej Tub thiab Liaj Ntsuab,

Hmoob Leej Tub,

Taig kis no kuv twb sau tau ib cov ntau tsawv teb nws, tab sis tes nias yuam kev lub keyboard ces cia li ploj tag lawm cia li tsis khoom rov sau dua, tsam no xyeej me ntsis mam rov los nrog nws tham mus ntxiv.

Wow...! Cas nws tham tau txaus ntshai ua luaj li...Nws tham los txaus ntshai, Hmoob lub neej niaj hnub no los txaus ntshai heev li. Hmoob ces tsis ua npog los Hmoob mus lob npog ces kawg ua neej npog xwb lauj!
Hmoob Leej Tub, Es nim muaj li nws hais tiag lov...?
Yog li mas kuj tu siab kawg nkaus li, Peb Hmoob ces tsis sawm zoo, txij thaum Huab Tais Txiv Yawg tuag tas txog tav nov, muaj pes tsawg txhiab xyoo lawm uas Hmoob tos txog ib tug Huab tais los cawm Hmoob. Yam li tus Huab tais ntawd twb yog Yawg Hlob Vaj Pov los cawm tau Hmoob, los coj Hmoob mus nyob lub teb chaws uas mis ntws lug, zib mus ntws nto, noj tsis txhais haus tsis nqhis. Tab sis Hmoob txawm siv cojh li Hmoob ib txwm yog neeg npluas nuj, neeg vam meej. Phaum neeg uas noj xyaw quav qaib, nyob xyaw quav npua twb tsis tau dhau, tsis tau tuag, kav txawm siv tsis nco qab tag lawm, nyuag qhuav muaj noj muaj haus, muaj ntsej muaj muag nrog luag zeej tsoom luag xwb los txawm siv pib liam, liam tshaj qhov liam lawm. Li no ces kawg tsis ua npog los yuav ua npog li lawm, vim tsis yog ntuj ua, yog neeg khav theeb dhau lawm. Tej nyiaj txiag, lub neej uas phav siav khiav tuaj, muab siab tuag pauv siab ciaj kom tau khiav dim xwb, twb tsis nco qab lawm. Nyuam qhuav khwv tau noj tau haus xwb txawm siv muab tag nrho poj niam me nyuam cuab tam, kwv tij neej tsa mus pauv maum mos, paub tau twb tsis paub tias yuav daj los yuav dub los nim zoo siab tis zoo, luag tej tsis luag los yus mas luag ntxhi, ua duav lov nthawv ntho twb sawv tsis ntseg li. Tab sis ntsuam kiag ces nthe yuav luag ntxov luag rov xwb, lub neej yuav tsis khov, cuab tam yuav plam, meej mom yuav poob, yuav rov ua txiv nraug ntsuag raug hle caus ci ib hnub tom ntej. Coob leej niaj hnub no tsis muaj vaj muaj tsev, ua dev thawj tyhiab nyob rau ub rau no, tso tej poj niam me nyuam tag, ntsej muag tsis muaj ib feeb ntsav li lawm. Pom tej no mas tu siab kawg nkaus rau Peb Hmoob lub neej tam sim no. Pab lawv khuv xim lawv tej neej.
Raws li kuv ntsia mas cuag li yuav hais siab cov txiv neej, tab sis qhov ntau tsis yog tim poj niam, yeej yog tim cov txiv neej Hmoob no tsis txawj coj, tsuas ua raws li lawv siab nyiam xwb. Tsis pab poj niam, cia poj niam mus khwv tau los nws ua ua txiv ces nws yuav tsum muab coj mus phob kom tag nws thiaj zoo siab. Nov yog cov txiv neej tsa hwj chim dhau lawm ces lub neej kuj kawg yuav tawg mus xwb. Lub neej yog cov poj niam khwv los rau, tab sis yog cov txiv neej tuav, yog lawv xav rhuav ces kawg tawg xwb.
Ib yam li yuav piv rau luag lwm haiv neeg, thaum muaj ib pab txiv neej nyob ua ke mas luag txawm tham ntev tham luv los luag tsuas tham kev noj haus, lom zem ua si xwb, luag tsis tham txog poj niam thiab hluas nkauj kiag li. Tab sis peb Hmoob mas tsuav yog ob tug txiv neej nyob ua ke mas tham tsis dhau 3 los txawm siv hais txog hluas nkauj los yog poj niam kiag li lawm xwb. Li nov Peb Hmoob lub neej yuav poob ib theem loj heev yam lawv xav tssi txog. Yuav tsis zoo li thaum sawv daws nyuam qhuav tuaj txog rau teb chaws no es paub lus tssi paub los tej niam txiv yuav sib pawb, sib coj khwv rau lub neej. Zaum no nyuam qhuav khwv tau me ntsis xwb mas txawm siv muab lauj, muab nrhuiav mus ua zab pauv nees, cas txaus tu siab ua luaj li.

Lawv hais ib zaj tso dag tias:

Nyob hauv ib lub tsev loj faj, muaj ib tug neeg raug txim Mes Kas Dawb thiab ib tug Hmoob. Nkawd nyias nyob nyias ib kem, niaj hnub tus zov yuav tsum xauj qhov tsev tshuaj seb nkawd ua dab tsi. Hnub twg tus zov xauj los pom tus Mes Kas Dawb zaum ntawm rooj kawm ntawv. Ho xauj tus Hmoob, hnub twg los pom tus Hmoob muab tus mev los ntsuas seb ib hnub nws tus noov yuav ntev li cas ntxiv...

koojziagkabzaug wrote:

Hmoob Leej Tub,

Lo lus hais txog ob tug nyob tsev loj faj mas yeej tsis muaj tseeb, yog ib zaj paj lug hais tias luag pej kum ua neej mus hos yus Hmoob ces ua neej rov, luag ua neej xyaum kev txawj kev ntse, yus haiv neeg ces saib ob ceg xwb no. Thov txim, zaj lus muaj ntsis tawv tab sis yog xav zoo ces yeej yog li thiab.

Kuv cov lus yeej muaj kev nyuaj siab heev, vim kuv cov phooj ywg uas ib txwm sib hlub sib pab muab lawv tej cuab tam mus pauv nkauj fa, pauv mos ab tag ces chim siab heev. Yus cia li vam tsis tau li qub lawm, vim lawv lub siab xav txawv, lawv tej lus txawv tag, koj mus txog los twb nyob tiam koj tsis tau ib teev, twb yuav rawm mus tham xov tooj lawm xwb mas tu siab kawg li.

koojziagkabzaug wrote:

NYOB ZOO XYOO TSHIAB TIM KUV LUB TEB CHAWS TUAJ RAU TXHUA LEEJ NYOB THOOB NTIAJ TEB.

THOV KOM XYOO TSHIAB KOJ NYOB KAJ SIAB
THOV KOM XYOO TSHIAB KOJ TSEV NEEG NYOB NYAB XEEB
KHWV YAM TWG KOM TAU RAWS SIAB XAV NTSHAW YAM TWG KOM TAU RAWS LUB SIAB NTSHAW.
NYOB TXHIAB NYEEJ VAM SAWM, UA NEEJ LUAG NTXHUB NYOB LUAG NTXHI TAM NKAUJ NTSUAB NRAUG NAB NYOB NTUJ HNUB QUB CI.

koojziagkabzaug wrote:

Nyob zoo Hmoob Leej Tub,

Ua li, mam ua li nws hais, mam ua ib siab txhob mob siab rau tej neeg uas luag mus xaiv luag txoj kev taug lawm.
Hais tias kav liam no tab sis kuj khib siab kawg nkaus, vim pom lawv lub neej pob zuj zus lawm tiag tiag li. Kheev lam saub cov lus lam khev, ua kom peb Hmoob ras xeev sai me ntsis, yog tseem tos ntshe yuav poob ntau tshaj ntxiv thiab yuad. Muaj ib tug poj niam Hmoob Yaj muaj 65 xyoos, nyuagm qhuav mus tos tau ib leej txiv tus tub hlob muaj 14-15 xyoos xwb tuaj. Me tub lub me nplhu twb tsis tau puv, tsis tau tiav hluas as txawm siv mus ua kab ntsuas kawm pas qhuav lawm.

xiongchang wrote:

koojziagkabzaug wrote:

Nyob zoo Hmoob Leej Tub,

Ua li, mam ua li nws hais, mam ua ib siab txhob mob siab rau tej neeg uas luag mus xaiv luag txoj kev taug lawm.
Hais tias kav liam no tab sis kuj khib siab kawg nkaus, vim pom lawv lub neej pob zuj zus lawm tiag tiag li. Kheev lam saub cov lus lam khev, ua kom peb Hmoob ras xeev sai me ntsis, yog tseem tos ntshe yuav poob ntau tshaj ntxiv thiab yuad. Muaj ib tug poj niam Hmoob Yaj muaj 65 xyoos, nyuagm qhuav mus tos tau ib leej txiv tus tub hlob muaj 14-15 xyoos xwb tuaj. Me tub lub me nplhu twb tsis tau puv, tsis tau tiav hluas as txawm siv mus ua kab ntsuas kawm pas qhuav lawm.

He...he....Cov zoo phooj ywg! Kuv txhawb nej dag zog, hais txog; Qhov hlub hmoob nas....Tab sis tu siab tias, Hmoob twb tsi hlub hmoob; Yuav ua cas? Thiaj pab tau hmoob, Kuv tug kheej yeej ib txwm hlub hmoob; Kuv pom hmoob raug ntes ntaus ncaws cuab khi teem txim nplua nyiaj....Tua pov tseg, Thaum tu siab; Kuv lub kua muag ntwg npaum dej....hmoob tseem txob thuam cem tias, Yog kuv vwm; Kuv ntsia hmoob tej poj niam....Mus ua hauj lwm:...Cmpany....Raug luag lwm haiv neeg, Muab nyiaj daus las; Ntiav ua ib zaug $20.oo daus las....Kam tas nrho, Mob kuv siab heev; Kuv los qhia cov txiv txhob tub nkeeg....Txhob tsaus zog, xa zaum puav mov; Pub poj niam noj....Kom luag paub tias muaj txiv thiab, Cov txiv tsev; txawm yog....Cov ua plaub, Rau kuv ntas; Suav txij hnub ntawd....Kuv kav liam kiag, Qhov ntuag luaj tshuaj khib; Tsi yog kuv tug....Puam chawj, Tsuav kuv kav tau; Kuv tug xwb zoo tshaj....Tsi txhob thab, Txhob lob nrhav saum yug taub hau; Hmoob tseem mag....Txhub muj tsim txom tsi txaus os, Tug me phooj ywg; Tub hmoob.