Plob Hav Zoov nyob Nplog teb

Koojziabkabzaug,

Raws li tej movie plhob hav tua tsiaj li cov kwv tij hmoob nplog no ua. Nws yog ib yam tsiv ntsia heev. Luag lwm haiv neeg pej kum cuab, luag tsis txov tsiaj txhu li, tej liab cuam, nraj yij txhua tsav yam tsiaj nyob nruab zoo nruab tsuag, luag cia quaj kho siab nyob sov zoov. Luag txawm tua los tua muaj caij, luag tsis tua luaj xov niam me nyuam li yus cov neeg. Txawm tias leej twg ho nyiam yos hav zoov los thov txhob muab thaij li no. Muab saib ces nyias caws ntxiab rau nyias tus kheej xwb. Ib hnub twg neeg ntiaj teb yuav hais lus phem rau nom tswv, ces nom tswv yeej yuav nrhiav ntsej muag txhom xwb. Cas yuav tsis paub dab tsi kiag li os cov me kwv tij hmoob.

Lwm haiv neeg, luag hlub tus kab ntsaum ti tus ntxhw, luag hlub tsob nyom ti tus faj khaum, luag hlub tus me nyuam ab liab nyob hauv niam plab mus txog tus laus khoov nkoos es luag thiaj nyob tsheej haiv, cas yus cov neeg yuav poob qab deb ua luaj no. Lub teb chaws los tsuas, yog s/d tseg tej liab cuam, tseg tej nraj yij, tseg tej xyoob ntoo nyob zoo nkauj. Tsoom pej xeem sawv daws yuav tau lag luam zoo heev. Neeg ncig ntuj tuaj tsham saib nas noog, saib roob hav xwb nyiaj yeej ntws tuaj txaus lub teb chaws s/d noj.

Saib tej tsiaj nruab nrag uas raug muab tua yam tsis muaj txiaj ntsim li no, nws tsiv ntsia heev.

Nyob zoo Hmoob leej Tub,

Nws hais yog kawg, yus haiv Hmoob tos tsis ciaj haiv, tsis muaj av luaj los yog yus piam cuab, yus tsis txawj txuag tej tsiaj txhu nroj tsuag. Tej tsiaj txhu tsis yog yuav tua tus uas yus yuav siv xwb, loj xov tua tag nrho tej yus ntsib tib si. Tua tsis muaj caij, tua tu noob nrho. Yam li tej txiv nto qus, tsob ntoo muab tsheej qa pua xyoo mam peem tsheej ib tsob nto txi txiv, Peb Hmoob tsis xav tias cia nce mus de noj ais kom xab niaj lwm xyoo rov tau noj dua, lawv pom kiag xwb ces lawv muab nto kiag kom tau noj ib pluag xwb ces rov ua yoov ntxuav muag...Li nov thiaj li tsis vam meej. Peb cov Hmoob yuav muab piv rau luag pej kum mas peb qeeb lawv lawm 1.000 xyoo.
Yog muaj tus txawj xav li nws mas ntshe peb twb tsis yuav tej saub los ntuas peb lawm.