Kwv huam poj ntxoog

Nraug Liab Toj Siab wrote:Nyob zoo ib tsoom phooj ywg sawv daws, ib ntus no kuv hauj lwm los ntau heev li lawm thiaj tsis tshua dim tes tuaj tsham xyuas nej sawv daws li lawm. Hnub no kuv nco nco nej es lam khiav khiav tuaj xauj nej ib pliag xwb kuv yuav rov mus hauj lwm hnub puav li mam tau rov tuaj dua.
Yog li hnub no kuv yuav piav ib zaj kwv huam rau nej tau mloog, zaj no nws yog tiag tiag tsis yog dag li, nws yog kuv tus tij laug Caiv Yaj Hawj kiag niam txiv 1 plab yug ntag. Nws muaj hnub nyoog 38 xyoo, muaj 7 leej tub 1 leeg ntxhais.

Hnub Saturday 22/10/1011 los no kiag xwb, peb sawv daws muaj 8 leej tab tom hlais kuv tij laug Caiv Yaj Hawj li nplej liaj uas nyob kiag ntawm qab zog npab nas(Banna), peb hlais nplej txog ntua 12:00pm ces sawv daws so noj sus, peb sawv daws txawm los mus tsev zom zaws, hos kuv tij laug txawm mus caum nws pab nyuj uas tag kis no nws muab tso mus noj zaub lawm, tsam tias ho lam khiav mus noj hmoob li nplej ces ho tau them. Nws txawm mus txog ntua ntawm lub roob toj ntxas uas muaj 2 txoj kev sib tshuam(txoj kev no neeg niaj hnub mus liaj mus teb dug lug qawj qees, kuv tus kheej kiag los yeej tau taug txoj kev no puag thaum yau los lawm thiab), lub me nyuam roob toj ntxas no yog cov neeg uas tuag hauv lub zos no coj mus faus rau ntawv, tab sis yeej tau ntau xyoo lawm tsis coj neeg mus faus ntxiv lawm. Kuv tij laug Caiv Yaj txawm pheej khoov xauj cov niag hneev nyuj uas tag kis no nws tso nyuj mus es nws rov qab los ntawv lawm seb nyuj ho mus rau txoj kev twg lawm, kiag tam sim ntawv ces yog thaj tsam 12:15pm, ua cas zoo li nws ib ces no ntxiag thiab phaub hau xob xob, ces nws txawm tib ua zaim muag rov tom qab nas has ua ciav pom ib niag dab tsi me me dub nciab khoov nkoos luaj li tus me nyuam yaus 2 xyoos lawv nws qab, ces nws txawm xav tias ntshe yog kuv tus muam tus me nyuam nyuj dub(vim kuv tus muam tus maum nyuj tab tom yug tau 1 tug me nyuam nyuj dub dub muaj 1 hlis ntau), ces nws txawm tig hlo rov qab mus saib zoo zoo, tseeb tseeb nas has uas cas niag ntawv txawm ho tig loo khiav rau tom ntug kev taug kiag txoj niag kab nyuj rua tom ntug kev, kuv tij laug caum ceev ceev mus xauj nas has uas cas pom ib sab ntsej muag me me hnav cev khaub ncaws dub dub plaub hau ntxhov ntxhov ntev txij xub pwg xauj xauj tom tsob niag kab yeeb xyab(kab yeeb tshuaj) deb li 2 daj sab tov tuaj thiab luag luag rau kuv tij laug, ces kuv tij laug thiaj xav zoj tias tus no mas yog POJ NTXOOG li tej laus hais lawm tiag tiag ntag lauj, no ces nws thiaj rho loo nws rab riam ntawm ruav los ua heev heev riag ub riag no thiab cem tias: koj nyuag POJ NTXOOG no cas nim yuav heev diam las yuam, cas nim yuav tsis paub txaj muag li nruab hnub nruab nrig li no tseem muaj plus sim kuv thiab, no ces kuv tij laug txawm lug zoj sab tov mus kiag tom niag POJ NTXOOG ntawv es yuav mus muab nws tua no, tab sis thaum nws mus txog sab tov nas has uas cas tsis pom dab tsi li lawm, kuv tij laug thiaj li ua heev heev thiab cem cem tias: heev diam txhob khiav ma? no ces kuv tij laug plaub hau xob zus xob zus ces nws cia li tawm rov los ntawm kev ces cia li mus caum nyuj qab lawm xwb.

Kuv tij laug yog ib tug qub Nais Khus(teacher), nws yeej siab tawv kawg thiab vim yog tav su nrig ces nws thiaj li tsis nco ntshai, nws los txog tsev peb tab tom noj sus tag nrho, ces nws thiaj li paiv rau peb mloog tias nws pom ib niag POJ NTXOOG tim roob toj ntxas tiv, no mas plaub hau cav xob tas tus.
Ua ntej ntawv li 2 weeks, muaj ib hnub thaum yuav tsaus ntuj kuv niam tau mus khi pab nyuj ntawv, kuj zoo li muaj dab tsi hem nyuj ua rau pab niag nyuj sib tw dhia tsa tw ntshuas los rau nram liaj tag.
Txij hnub kuv tij laug pom POJ NTXOOG tag los ces nws hais tias kom txhob muab pab nyuj ntawv khi rau tim lub roob toj ntxas ntawv ntxiv lawm, vim tias tsam luag tsis nyiam es luag thiaj los ua yus pom.

Zaj no yeej yog tiag tiag tsis yog tias lam hais ua dab neeg li nawb.

Ua tsaug ntau.

koobpovtxuj wrote:
Nraug liab toj siab.
kuv tsuas hnov cov laus piav txog poj ntxoog xwb zaum no yog koj tij laug pom kiag lawm ntag yom.
lub caij ntawd ntshe tus poj ntxoog npaj hem koj tij laug tab sis koj tij laug tsis ntshai li nws rho hlo riam caum ces poj ntxoog mas ntshe khiav tsis saib qab poob plig tag li thiab nawb yom.

POJ NTXOOG THIAB TSOV LOS TOS.

Kuv thov piav kuv zaj pom poj ntxoog thiab tsov los tos kuv.
lub 1/22/2010 thaum 1 tag hmo xyoo tas los lub caij ntawd kuv chav pw kub kub heev vim tso cua sov loj zog lawm.
Yog kuv tso cua sov yau zog ces cov pw xab 2 cua sov tsis txaus ces kuv thiaj li tso cua sov loj zog kom cov pw xab 2 thiaj sov txaus yog li ces kuv thiaj yuav tau qhib lub qhov rooj txaj kom cov cua sov ho tawm tau es kuv chav pw thiaj tsis kub kub heev.lub caij ntawd kuv tsaug zog lawm poj ntxoog los tsa kuv poj ntxoog tuav kiag kuv qais plaub hau nraum caj qwb rub kiag ces kuv hnov mob kuv tsim dheev nruab dab ntub tam sim ntawd kuv saib mas tus poj ntxoog pom zem zuag xwb tsis pom tseeb.

Tus tsov twb los cug nraub qaum tig pob tw tuaj cug tos kuv ntawm kuv taw txaj hos tig taub hau mus rau nram qhov rooj txag. Tus tsov tseem siab zog kuv lub txaj pw kuv yeej hnov meej meej pom tseeb tseeb li lawm kuv thiaj li caws taw kiag thaub kiag me ntsis tib tsaug taw tas nrho kuv lub zog rau niag tsov ces niag tsov tib plaw dhau plaws lub qhov rooj txag lawm. Ces niag poj ntxoog cia li qw tib suab tias Aub yauj! tas li no lauj! no xwb ces kuv pom ib co dab tsi ya liab vog li txim taws ces tas li ntawd xwb,kuv thiaj li qw nrov nrov ces kuv poj niam pw ntawm kuv ib sab thiaj hnov nws sawv tsees los ces nws taws teeb wb ob leeg mam hu cov me nyuam sawv los thiaj ncig xyuas lub tsev mas qhov rooj tawm nraum zoov kaw khov kho tej qhov rais los tsis muaj lub tawg los puas li cas li. Txij li ntawd los kuv poj niam wb cia li mus pw lwm chav ces peb cia li tawm lub tsev ntawd tsis nyob lawm.

Nraug Liab Toj Siab wrote:Nyob zoo tsoom phooj ywg sawv daws, kuv yuav rov qab tham txog kuv tij laug pom poj ntxoog rau nej mloog dua.

Nco tsis tshua zoo lawm tab sis zoo li yog thaj tsam xyoo 1988-89 ntawv, peb nyob lub zos Av Nkos(pham laib) muaj ib zaug kuv tij laug Caiv Yaj Hawj mus tham hluas nkauj tim ib lub zos hu ua Av Xuav, thaum nws mus txog nram qab zog tab tom tav caij qaib nce chaw pw tag nrho, tab sis kuj tseem pom kev tsim tsawv, pom neeg los yeej tseem paub thiab. Thaum kuv tij laug mus txog ntua ntawm ntug zos kiag ua cas nws txawm pom ib tug me nyuam yaus me me mus mus kev ua nws ntej, nws tsuas hnav lub tsho dub dub xwb tsis hnav ris/tiab li, hos plaub hau ntev tsawv txij xub pwg thiab ntxhov ntxhov zoo nkaus li tus me nyuam ntxhais uas muaj hnub nyoog li 2-3 xyoos ntawv, kuv tij laug Caiv Yaj txawm xav tias: npab ua cas es twb yuav tsaus ntuj es leej twg tus me nyuam tseem taug taug kev ib leeg ntawv thiab ne? hauv tij laug nruab siab yeej xav tsis txog tias tsam yog POJ NTXOOG li, nws tsuas xav tias yog me nyuam hmoob xwb no, ces nws txawm caum ceev ceev mus ze ze kiag li 2 daj lawm xwb, niag ntawv los yeej tsis nco qab hnov/pom los sis tig tuaj ntsia kuv tij laug li nws pheej ke mus ke ntsia mus pem zos lawm xwb, ces kuv tij laug txawm hais lus rau tias: me ntxhais ua cas tsam no koj tseem taug taug kev ntawm ko na?, no ces niag ntawv teb los tsis teb, hos tig los kuj tsis tig tuaj saib kuv tij laug li thiab cia li mus kev ceev zus ceev zus lawm xwb, ua cas ho tsis yog mus rau hauv zos hos ua cas cia li ncaim nplas dua tom ntug kev, taug kiag txoj kab npua nqis dua tom kwj ha lawm, kuv tij laug txawm tso sas mus caum saib seb dua twg lawm no, nws mus txog ntua ntawm qhov uas ib nyuag nplee zog no ua cas xam qhov twg los tsis pom dab tsi li lawm, thaum no kuv tij laug mam xav zoj tias: ab! ntshe yog POJ NTXOOG li tej laus hais pob? es nws thiaj li mus kev ceev ua luaj li ntawv? no ces kuv tij laug plaub hau xob vog xob vog ces cia li lem loo los dhia tiaj lias ceev tsis ceev mus rau pem hmoob zos lawm, hmo ntawv nws cia li tsis kam mus tham hluas nkauj lawm(vim thaum ntawv mas lawv tseem tham hluas nkauj nraum phab ntsa xwb), nws cia li mus pw hauv peb dab laug Tsuj Mos Vaj tsev ib hmos, kaj ntug tag kis nws cia li los tsev lawm xwb tsis tau hluas nkauj tham li.

Zaj no los yeej muaj tiag tiag thiab tsis yog lam tham dab neeg li os!

Tseem tshuav kuv ib tug tij laug hu ua Kub Hawj(Xyooj Kub Hawj) uas yog hlob kiag kuv tij laug Caiv Yaj no thiab xwb nws kuj pom POJ NTXOOG thiab, tab sis kuv maj maj li ces cia lwm zaus kuv mam rov tuaj tham pub rau nej mloog! es nej s/d ho ua siab ntev tos nawb.

Ua tsaug ntau.

Nraug Liab Toj siab,

Qhov kuv ntshai nsthai tsis tau luag taug kev thaum yuav tsaus ntuj ces nsthai tsam lam ntsib tej tus me nyuam me me nyob ib leeg puag tom tej ntug zos ua rau kuv xav tias me nyuam yaus ncig ua si xwb, tiam sis qhov tseeb ces dab twb npaj hem yus . Koj piav txaus ntshai tiag li os, thiab txawv txias siab tiag li...

Txij li peb los coj kev cai Ntuj kuv ua tau siab loj tuaj, tiam sis kuv yeej tsis lam tau lam mus taug kev ib leeg puag tim tej hav zoov deb deb zos ib leeg, vim kuv siab me.

koobpovtxuj wrote:
Nraug liab toj siab.
kuv tsuas hnov cov laus piav txog poj ntxoog xwb zaum no yog koj tij laug pom kiag lawm ntag yom.
lub caij ntawd ntshe tus poj ntxoog npaj hem koj tij laug tab sis koj tij laug tsis ntshai li nws rho hlo riam caum ces poj ntxoog mas ntshe khiav tsis saib qab poob plig tag li thiab nawb yom.

POJ NTXOOG THIAB TSOV LOS TOS.

Kuv thov piav kuv zaj pom poj ntxoog thiab tsov los tos kuv.
lub 1/22/2010 thaum 1 tag hmo xyoo tas los lub caij ntawd kuv chav pw kub kub heev vim tso cua sov loj zog lawm.
Yog kuv tso cua sov yau zog ces cov pw xab 2 cua sov tsis txaus ces kuv thiaj li tso cua sov loj zog kom cov pw xab 2 thiaj sov txaus yog li ces kuv thiaj yuav tau qhib lub qhov rooj txaj kom cov cua sov ho tawm tau es kuv chav pw thiaj tsis kub kub heev.lub caij ntawd kuv tsaug zog lawm poj ntxoog los tsa kuv poj ntxoog tuav kiag kuv qais plaub hau nraum caj qwb rub kiag ces kuv hnov mob kuv tsim dheev nruab dab ntub tam sim ntawd kuv saib mas tus poj ntxoog pom zem zuag xwb tsis pom tseeb.

Tus tsov twb los cug nraub qaum tig pob tw tuaj cug tos kuv ntawm kuv taw txaj hos tig taub hau mus rau nram qhov rooj txag. Tus tsov tseem siab zog kuv lub txaj pw kuv yeej hnov meej meej pom tseeb tseeb li lawm kuv thiaj li caws taw kiag thaub kiag me ntsis tib tsaug taw tas nrho kuv lub zog rau niag tsov ces niag tsov tib plaw dhau plaws lub qhov rooj txag lawm. Ces niag poj ntxoog cia li qw tib suab tias Aub yauj! tas li no lauj! no xwb ces kuv pom ib co dab tsi ya liab vog li txim taws ces tas li ntawd xwb,kuv thiaj li qw nrov nrov ces kuv poj niam pw ntawm kuv ib sab thiaj hnov nws sawv tsees los ces nws taws teeb wb ob leeg mam hu cov me nyuam sawv los thiaj ncig xyuas lub tsev mas qhov rooj tawm nraum zoov kaw khov kho tej qhov rais los tsis muaj lub tawg los puas li cas li. Txij li ntawd los kuv poj niam wb cia li mus pw lwm chav ces peb cia li tawm lub tsev ntawd tsis nyob lawm.

Koobpovtxuj,

wow...hnov tej laus tham tham tias yav ntuj qub qab muaj poj ntxoog muaj tsov los tos neeg xwb xwb, es nyob teb chaws USA nim muaj thiab os los? cas txaus nsthai ua luaj

Niag poj ntxoog qw qw rau koj " Aub Yauj! tas li no lauj" ntawv nws hais lus Hmoob los? ....txij li ntawv los koj puas pom dab ntxiv lawm thiab os los?

MaivPaj wrote:Nraug Liab Toj siab, nyeem coj cov kuv huam ntsib poj ntxoog tag es tau ob peb hnub no zoo li kuv mus work sawv ntxov thaum twg mas sij yuav ntsib poj ntxoog li , nrhiav ib ce tas li lawm os, tiam sis mas kuv nim ua siab tiag kom loj loj no los yeej muaj ib qho niag xob xob nrhiab nrhiab li tiag

koojziagkabzaug wrote:

POM POJ NTXOOG 1994

Nyob zoo Maypaj thiab me Nraug Liab Toj Siab,

Iiiiiiiiiiiiiiddddddddddddd...! Cas txaus ntshai ua luaj liiii.........!

Me Nraug Liab,

Es nws puas tau hnov lawv tham seb yog thaum yug pom poj ntxoog, yus tsis khiav no pôj ntxoog puas ua li cas rau yus? Qhov ntshai ntawd yog tsam nws ua phem rau yus los yog yus rhiab nws xwb?

Nyob teb chaws vam meej kuj muaj poj ntxoog kawg thiab, tab sis ho pom tsawg zog, vim nyob chaw do thiab taws teeb lam lug. Tab sis kuj yeej muaj kawg li. Tsuas yog yus tsis pom poj ntxoog Hmoob li lub teb chaws ua muaj Hmoob nyob coob, pom poj ntxoog pej kum neeg xwb. Raws li kuv mem tau mas teb chaws twg, thaum cov neeg tag lub neej, txoj sia lawv hnav tsoos tsho li cas mas pheej muaj ntsis pom zoo li ntawd.


Yam li xyoo 1994, hnov tias Hmoob mus de quav nas dib, tau tau nyiaj no peb lam coj me nyuam mus nrog lawv de. Thaum ntawd yog lub caij ntuj so, lub 7hli yuav tag ces tshav kub heev. Muaj ib hnub thaum noj sus tag, muaj ib tug me nyuam tub hluas hnub nyug 13-14 xyoos, nws hu ua Michel Lis, yog cov Hmoob Ntsuab Xais Nyab Npus Lis, nws noj sus tim teb dib tag ces nws txawm yuav rov mus tim tsev, chaw pw no. Daim teb dib mas yog mus ko taw no nyaj yuav mus li 10feeb tej. Nyob ntawm ntug zos, tsis muaj hav zoov, yog hav nroj xwb, tab sis kev tssi ncaj qha, kev los tshuam 3 txoj ua ke ua lauj tshib, tuaj tim teb ntsia ntsoov pom ntu kev tshuam, deb tsawv tab sis yog tiaj tiaj es pom tseeb tseeb xwb. Ntawm kev tshuam ntawd muaj cov ncej taw xob ua yog ntoo raws ntug kev.

Thaum Michel los mus, nws los pem luag teb los hla ntawm peb los mus, vim tshav kub kub ces kuv cov me nyuam peb pua ib daim lev hauv ib lub kaus roos tsav (cov kaus txhos hauv av loj loj), peb zaum hauv ua si. Nws mus, ntsia ntsoov, nws mus ib chim ces nws txawm rov qab los nrog peb nyob nyob hauv lub kaus...Nyob ib chim ces nws mus pem nws niam lawm. Nws mus txog pem nws niam, nws niam nug tias cas nws tseem rov qab los txog qhov ntawd, nws hais rau nws niam mloog ces nws niam thiaj hais rau nws tias yog nws pom poj ntxoog. Peb cov me nyuam txheej tshiab mas lawv yug rau tej chaw do, teev lam lug xwb lawv tsis nco ntshai thiab paub txog tej tsiaj txawj yaj txawj txia ntawd. Ces pom los twb tsis paub tias yog dab tsi.

Raws li Michel tham, thaum nws mus yuav luag txog ntawm kev tshuam ces nws pom ib qho dawb lias ya ntawm ntug kev, nws txawm xav tias yog cov hnab yaas ntim khoom ya xwb no. Cas nws mus ntxiv, qhov ntawd ya ntawm nws ib sab deb tsawv, raws ntug kev ua nws ntej me ntsis, nws mam saib naj cas yog ib tug poj niam hluas, zoo li yog neeg laus lawm tab sis luaj li tej tug me nyuam 7-8 xyoo -10 xyoo xwb, hnav ib daim tiab dawb dawb, ntev ntev pog luas txhais kos taw, cov plaub haus dub dub ntev ntev dhau pob tw puag nrad, ya lis saum ib nta, ko taw tsis chwv av, kev mus ke tig ntsia Michel, yog Michel nres ces nws nres lawm thiab, yog Michel mus ces nws mus ntxiv thiab. Ces txog ntua ntawm kev tshuam, yuav lem ces tus ntawd txawm lem kiag mus rau pem hauv kev sab xis, txoj kev uas Michel yuav mus (muaj ob txoj kev sav xis los tshuaj ib txoj ncaj qha), thaum ntawd yuav piv los mas Michel nyob ze tsev dua ze teb, tab sis nws mus rau pem Michel hauv ntej lawm ces Michel cia li tsis xav mus lawm. Michel thiaj li xav xav ces cia li tig rov qab los tim teb, nws los nws tig rov qab saib, niag ntawd yeej tseem nyob pem kev tshuam, nws twb los ze peb tsawv, puag nram tus ncej taws xob no nws tseem pom, dhau ntawd tus ncaj los lawm ces nws rov tig tsis pom lawm...

Michel coj tsom qhoc muag thiab, ces kuv thiaj nug Michel tias thaum ntawd koj puas coj tsom qhov muag, tsam yog koj qhov muag tsis pom kev xwb nev. Nws teb tias nws yeej coj tsom qhov muag thiab pom tseeb tseeb tiag tiag li.

Tib lub caij ntawd, muaj ib hnub ib tug tub Hmoob xeem Xyooj, lawv de dib tsawg tsawg ces yav tav su lawv los nyob lawm xwb. Muaj ib hnub tus hluas ntawm txawm zaum ntawm qab khav, thi tsev, nws pom ib tug me nyuam ntxhais hnav ib ces dawb, ua ua si, los sab tom lub tsev pw ces cia li los hla nws mus rau sab tom lub tsev khoob uas muab ib tog los luj dib, ib tog cia khoob cia rau tej nyuag khoom seem qub. Cas mus ntev ntev tsis pom tawm los, nws xav tias ntshe yog kuv tus ntxhais Mim, mus ua si tod. Nws nkag mus xauj naj cas tssi muaj dab tsi li, qhov roog sab pem kem uas nws pom nkag mus twb tssi muaj chaw tawm, tsis muaj qhov rooj li. Tab sis thaum ntawd mas peb twb tsis nyob tim tsev, peb nyob peb tim teb xwb. Nws xav tias ntshe yog kuv tus ntxhais ua si no, vim thaum ntawd kuv tus ntxhais hnub nyug 3 xyoos, thiab nws hnav cov poj tiab ntaub kab zoo zoo nkauj dawb dawb huv si xwb.

Yam uas Michel pom mas zoo li teb chaws Fab Kis thiab teb chaws Europe nov, thaum ib tug poj niam tuag, lawv rov muab nws daim poj tiab Noj Tshoob rau nws hnav, yog ib daim poj tiab dawb dawb, mos, nyias nyias thiab ntev duav kiag ko taw...Li ntawd thaum rov pom lawv tej ntsuj thiaj li pom hnav dawb...Teb chaws Hmoob hnav tsoos laus, kuj pom poj ntxoog hnav tsoos laus thiab...Tej no tsis paub tias yog mus txia ua dua ib haiv neeg tshiab rau lwm lub ntiaj teb lawm los yog tus xyw xwb.

Vuag!....Kzkz! cas koj piav tau txaus nsthai ua luaj, thaum ub kuv niam thiab kuv cov niam hluas lawv mus de qe dib li koj hais, lawv kuj mus pw de thiab , kuj muaj muaj dab los hem lawv thiab tiag.

Xyoo 1999 kuv niam lawv mus pw de dib, lawv pw, txog ib tag hmo kuv niam hnov leej twg cab cab zoo li cab ib ya kav tsawb ncig lawv lub tsev kaus ntaub uas lawv pw, txias zias ua rau kuv niam nsthai, tiam sis nws tsis qhia me nyuam, hmo tom qab, lawv pw txog ib tag hmo dua, kuv tus niamhluas tsim los, nws dim zis, nws xuas ko taw tuam kuv niam vim kuv niam pw ze rooj txaj lub kaus ntaub pw, kuv tus niam hluas maj mam xuas taw tuam kuv niam, ua cas nws tuam na tau ib tug niag tuaj tuaj plaub mos mos pw nram nws ko taw txias txias, nws ntshai nws rov caws ko taw, nws xav zoj, oiiib yog niam xwb dim zis heev rov tuam dua, ua cas nws rov tuam no cas rov tau niag tuaj tuaj plaub mos mos thiab txias txias, thaum ntawv nws nsthai zog lawm ces nws tsa suab hu kuv niam, nws hu hu kuv niam hnov kuv niam teb nws, nws mam rov xuas taw tuam na mam yog kuv niam thiab tsis tuaj plaub li tug uas nws tau tuam ko taw tau ob zaug es tuaj plaub mos mos.

Kuv tus niamhluas ua siab npo zis, tag kis kaj ntug nws mam piav qhia kuv niam, kuv niam tsis cem nws thiab kuv niam ntseeg nws, hmo tom qab lawv rov qab pw, hmo ntawv kuv niam lawv thov ntuj tag mam pw, hmo ntawv ces niag dab ntawv cia li mus xuas nplog rau tom nplog cov tsev kaus ntaub pw, hnov ib niag nplog mas quaj cuag tuag tom tsev kaus ntaub pw tuaj, tag kis lawv mam nug na niag nplog piav tias muaj ib niag dab tsi tuaj tuaj plaub mos mos cev tes tuaj xuas nws hauv nws tsev kaus ntaub pw ....ces kuv niam lawv mam piav cov lawv hnov thiab qhov kuv tus niam hluas tuam tau, txij ntawv los nplog nsthai dhau ces nplog mus coj nplog cov aub loj loj tuaj nrog nplog pw ua luag tim teb tshav pw de dib, tej hmo zoo li aub tom tsauj qees, tiam sis zoo li niag ntawv txav tsis tau los ze lawv ces lawv thiaj tau zoo de dib tag ib cim. Xyoo tom qab kuv niam lawv tsis mus de dib lawm, muaj lwm cov Hmoob ho tuaj pw de dib, hnov tias muaj tus puav sawv tso zig thaum ib tag hmo tau pom ib niag dawb dawb sawv pheeb ai ntawm tej, ua rau lawv nsthai kawg.

Nraug Liab Toj Siab wrote:Nyob zoo hnub tshiab os me muam Koojziagkabzaug, Maivpaj, tij laug Koobpovtxuj,

Me muam Koojziagkabzaug, yog li nws hais lawm os, tej zaum neej thiab dab ces yeej nyob sib nphoo pes ntxuas tab sis tsuas yog yus tsis pom luag xwb os.

Me muam Maivpaj e! thaum yus mloog luag tej tham xwb mas kuj zoo li tsis luaj twg, hos yog thaum uas yog yus ib leeg nyob tom hav zoov nrog rau tej niag chaw txias txias, thiab tseem hnov/pom tej yam txawv txawv thiab mas yus tej me pob tw los yeej muaj qhov muag tib si li lawm tiag! yog tias ncaj nruab hnub li kuv tij laug mas twb tsis luaj twg, hos yog ncaj hmo ntuj mas txawm siab yuav tawv npaum cas los yeej yuav tsum ntshai xwb xwb li ov!

Tij laug Koobpovtxuj, luag tej laus tias yog yus pheej ua npau suav phem, los sis pheej nquag pom ub pom no ces yog yus tus plig tsiv tsawv lawm los sis yus niag plig pheej xav mus thab plaub no, yog tias tam sim no nws ho tsis nquag ua npau suav phem los sis tsis pom dab tsi lawm los tseg, hos yog nws pheej tseem ua li hais no nws yuav tau mus thov VAJ TSWV pab, los sis nrhiav neeb nrhiav yaig pab, ua txhua yam rau kom yus thiaj tso siab thiaj li nyob kaj siab mog!
Ua tsaug ntau.

koojziagkabzaug wrote:

Nyob zoo Maypaj,

Cas nws tham txaus ntshai ua luaj li...! Xav tias ov miv nyob tim qub teb qub chaw xwb no cas tseem muaj nyob teb chaws no thiab...! Uab tsis tau luag li os...!Cas tej ntawd tseem los nrog neeg pw thiab nid...?

Me NraugLiabTojSiab,

Ua li nawb, nws noj Peb Caug tas no ces ho tuaj tham Nkauj Neeg thiab Nraug Dab rau peb mloog os...Xav kom nws tham zaj dab neeg Tsua Nyuj, ob tug nyuj saum hauv tsua uas Fab Kis tua phom loj rau peb mloog thiab.

Ua tsaug.

koobpovtxuj wrote:
Nraugliabtojsiab.
kuv mas tsis paub hais li thaum ub kuv ntseeg vaj tswv yeej zoo heev thiab txij xyoo 1995 lub 5 hlis ntuj ces kuv pib muaj mob los kuv pom ub pom no thov xib hwb lawv tuaj thov vaj tswv ntau zaus tsis mcaj li muaj 1 hnub tav su nrig kuv pw ntawm txaj saib tim daim duab yes xus kuv pom kiag kuv daim duab yes xus cia li txia kiag hloov mus ua 1 tug tsov ntxhuav.kuv sawv tsees los saib tseeb tseeb cas rov qab yog daim duab yes xus li qub lawm.kuv rov pw kuv saib phab ntsa txaj cia li pauv kiag ua niam mab liab daim duab tib ntsais muag xwb cia li pauv kiag ua lub thaj neeb lawm kuv thov xib hwb thiab cov ntseeg tuaj thov vaj tswv ces lawv tias yog kuv vwm lawm lawv coj kuv mus tsev kho mob los kws kho mob tias kuv tsis vwm.ces txij li ntawd los xib hwb cia li mob plawv tuaj pab tsis tau kuv ces peb lub church cia li tawg cov ntseeg nyias khiav nyias lawm lawv tsis tuaj pab kuv ntxiv li lawm.kuv pab kwv tij ho muaj cov ua neeb leej heev lawv thiaj tuaj ua neeb.lawv tias yog kuv muaj neeb lawv rub neeb los kuv ua neeb cas kuv ua neeb leej heev li thiab kuv ua neeb leej heev tau 3 xyoos xwb kuv cov neeb cia li tsuag lawm.kuv rov pom muaj neeg los nrog kuv pw saum txaj yog tej hmo wb 2 niam txiv pw sib ti ces nws pw kiag sab tom ntug npuab kuv.tej hmo wb ho pw sib nrug me ntsis ces nws pw kiag nruab nrab.thaum kawg kuv dab laug tuaj ua neeb quas thiaj mploj lawm.
los txog xyoo 2006 kuv rov pib pon tej tsiaj txu ua txawv txawv uas yus tsis tau pom dua lawm xwb ces kuv rov pib mob ces mob los txog niaj hnub no li lawm.
kev kho ces kho tag hmoob txuj ci thiab kws kho mob txuj ci li lawm los tsis zoo li.

koobpovtxuj wrote:

Nraug Liab Toj Siab wrote:Nyob zoo hnub tshiab os me muam Koojziagkabzaug, Maivpaj, tij laug Koobpovtxuj,

Me muam Koojziagkabzaug, yog li nws hais lawm os, tej zaum neej thiab dab ces yeej nyob sib nphoo pes ntxuas tab sis tsuas yog yus tsis pom luag xwb os.

Me muam Maivpaj e! thaum yus mloog luag tej tham xwb mas kuj zoo li tsis luaj twg, hos yog thaum uas yog yus ib leeg nyob tom hav zoov nrog rau tej niag chaw txias txias, thiab tseem hnov/pom tej yam txawv txawv thiab mas yus tej me pob tw los yeej muaj qhov muag tib si li lawm tiag! yog tias ncaj nruab hnub li kuv tij laug mas twb tsis luaj twg, hos yog ncaj hmo ntuj mas txawm siab yuav tawv npaum cas los yeej yuav tsum ntshai xwb xwb li ov!

Tij laug Koobpovtxuj, luag tej laus tias yog yus pheej ua npau suav phem, los sis pheej nquag pom ub pom no ces yog yus tus plig tsiv tsawv lawm los sis yus niag plig pheej xav mus thab plaub no, yog tias tam sim no nws ho tsis nquag ua npau suav phem los sis tsis pom dab tsi lawm los tseg, hos yog nws pheej tseem ua li hais no nws yuav tau mus thov VAJ TSWV pab, los sis nrhiav neeb nrhiav yaig pab, ua txhua yam rau kom yus thiaj tso siab thiaj li nyob kaj siab mog!
Ua tsaug ntau.

Nraugliabtojsiab.
kuv mas tsis paub hais li thaum ub kuv ntseeg vaj tswv yeej zoo heev thiab txij xyoo 1995 lub 5 hlis ntuj ces kuv pib muaj mob los kuv pom ub pom no thov xib hwb lawv tuaj thov vaj tswv ntau zaus tsis mcaj li muaj 1 hnub tav su nrig kuv pw ntawm txaj saib tim daim duab yes xus kuv pom kiag kuv daim duab yes xus cia li txia kiag hloov mus ua 1 tug tsov ntxhuav.kuv sawv tsees los saib tseeb tseeb cas rov qab yog daim duab yes xus li qub lawm.kuv rov pw kuv saib phab ntsa txaj cia li pauv kiag ua niam mab liab daim duab tib ntsais muag xwb cia li pauv kiag ua lub thaj neeb lawm kuv thov xib hwb thiab cov ntseeg tuaj thov vaj tswv ces lawv tias yog kuv vwm lawm lawv coj kuv mus tsev kho mob los kws kho mob tias kuv tsis vwm.ces txij li ntawd los xib hwb cia li mob plawv tuaj pab tsis tau kuv ces peb lub church cia li tawg cov ntseeg nyias khiav nyias lawm lawv tsis tuaj pab kuv ntxiv li lawm.kuv pab kwv tij ho muaj cov ua neeb leej heev lawv thiaj tuaj ua neeb.lawv tias yog kuv muaj neeb lawv rub neeb los kuv ua neeb cas kuv ua neeb leej heev li thiab kuv ua neeb leej heev tau 3 xyoos xwb kuv cov neeb cia li tsuag lawm.kuv rov pom muaj neeg los nrog kuv pw saum txaj yog tej hmo wb 2 niam txiv pw sib ti ces nws pw kiag sab tom ntug npuab kuv.tej hmo wb ho pw sib nrug me ntsis ces nws pw kiag nruab nrab.thaum kawg kuv dab laug tuaj ua neeb quas thiaj mploj lawm.
los txog xyoo 2006 kuv rov pib pon tej tsiaj txu ua txawv txawv uas yus tsis tau pom dua lawm xwb ces kuv rov pib mob ces mob los txog niaj hnub no li lawm.
kev kho ces kho tag hmoob txuj ci thiab kws kho mob txuj ci li lawm los tsis zoo li.

Nraug Liab Toj Siab wrote:

Pom Poj Ntxoog Tim 22/10/2011

Nyob zoo ib tsoom phooj ywg sawv daws, ib ntus no kuv hauj lwm los ntau heev li lawm thiaj tsis tshua dim tes tuaj tsham xyuas nej sawv daws li lawm. Hnub no kuv nco nco nej es lam khiav khiav tuaj xauj nej ib pliag xwb kuv yuav rov mus hauj lwm hnub puav li mam tau rov tuaj dua.
Yog li hnub no kuv yuav piav ib zaj kwv huam rau nej tau mloog, zaj no nws yog tiag tiag tsis yog dag li, nws yog kuv tus tij laug Caiv Yaj Hawj kiag niam txiv 1 plab yug ntag. Nws muaj hnub nyoog 38 xyoo, muaj 7 leej tub 1 leeg ntxhais.

Hnub Saturday 22/10/1011 los no kiag xwb, peb sawv daws muaj 8 leej tab tom hlais kuv tij laug Caiv Yaj Hawj li nplej liaj uas nyob kiag ntawm qab zog npab nas(Banna), peb hlais nplej txog ntua 12:00pm ces sawv daws so noj sus, peb sawv daws txawm los mus tsev zom zaws, hos kuv tij laug txawm mus caum nws pab nyuj uas tag kis no nws muab tso mus noj zaub lawm, tsam tias ho lam khiav mus noj hmoob li nplej ces ho tau them. Nws txawm mus txog ntua ntawm lub roob toj ntxas uas muaj 2 txoj kev sib tshuam(txoj kev no neeg niaj hnub mus liaj mus teb dug lug qawj qees, kuv tus kheej kiag los yeej tau taug txoj kev no puag thaum yau los lawm thiab), lub me nyuam roob toj ntxas no yog cov neeg uas tuag hauv lub zos no coj mus faus rau ntawv, tab sis yeej tau ntau xyoo lawm tsis coj neeg mus faus ntxiv lawm. Kuv tij laug Caiv Yaj txawm pheej khoov xauj cov niag hneev nyuj uas tag kis no nws tso nyuj mus es nws rov qab los ntawv lawm seb nyuj ho mus rau txoj kev twg lawm, kiag tam sim ntawv ces yog thaj tsam 12:15pm, ua cas zoo li nws ib ces no ntxiag thiab phaub hau xob xob, ces nws txawm tib ua zaim muag rov tom qab nas has ua ciav pom ib niag dab tsi me me dub nciab khoov nkoos luaj li tus me nyuam yaus 2 xyoos lawv nws qab, ces nws txawm xav tias ntshe yog kuv tus muam tus me nyuam nyuj dub(vim kuv tus muam tus maum nyuj tab tom yug tau 1 tug me nyuam nyuj dub dub muaj 1 hlis ntau), ces nws txawm tig hlo rov qab mus saib zoo zoo, tseeb tseeb nas has uas cas niag ntawv txawm ho tig loo khiav rau tom ntug kev taug kiag txoj niag kab nyuj rua tom ntug kev, kuv tij laug caum ceev ceev mus xauj nas has uas cas pom ib sab ntsej muag me me hnav cev khaub ncaws dub dub plaub hau ntxhov ntxhov ntev txij xub pwg xauj xauj tom tsob niag kab yeeb xyab(kab yeeb tshuaj) deb li 2 daj sab tov tuaj thiab luag luag rau kuv tij laug, ces kuv tij laug thiaj xav zoj tias tus no mas yog POJ NTXOOG li tej laus hais lawm tiag tiag ntag lauj, no ces nws thiaj rho loo nws rab riam ntawm ruav los ua heev heev riag ub riag no thiab cem tias: koj nyuag POJ NTXOOG no cas nim yuav heev diam las yuam, cas nim yuav tsis paub txaj muag li nruab hnub nruab nrig li no tseem muaj plus sim kuv thiab, no ces kuv tij laug txawm lug zoj sab tov mus kiag tom niag POJ NTXOOG ntawv es yuav mus muab nws tua no, tab sis thaum nws mus txog sab tov nas has uas cas tsis pom dab tsi li lawm, kuv tij laug thiaj li ua heev heev thiab cem cem tias: heev diam txhob khiav ma? no ces kuv tij laug plaub hau xob zus xob zus ces nws cia li tawm rov los ntawm kev ces cia li mus caum nyuj qab lawm xwb.

Kuv tij laug yog ib tug qub Nais Khus(teacher), nws yeej siab tawv kawg thiab vim yog tav su nrig ces nws thiaj li tsis nco ntshai, nws los txog tsev peb tab tom noj sus tag nrho, ces nws thiaj li paiv rau peb mloog tias nws pom ib niag POJ NTXOOG tim roob toj ntxas tiv, no mas plaub hau cav xob tas tus.
Ua ntej ntawv li 2 weeks, muaj ib hnub thaum yuav tsaus ntuj kuv niam tau mus khi pab nyuj ntawv, kuj zoo li muaj dab tsi hem nyuj ua rau pab niag nyuj sib tw dhia tsa tw ntshuas los rau nram liaj tag.
Txij hnub kuv tij laug pom POJ NTXOOG tag los ces nws hais tias kom txhob muab pab nyuj ntawv khi rau tim lub roob toj ntxas ntawv ntxiv lawm, vim tias tsam luag tsis nyiam es luag thiaj los ua yus pom.

Zaj no yeej yog tiag tiag tsis yog tias lam hais ua dab neeg li nawb.

Ua tsaug ntau.

Nraug Liab Toj Siab wrote:

Nyob zoo os tsoom phooj ywg sawv daws, kuv rov qab tuaj tham me me ntxiv pub rau nej mloog dua,
tom qab kuv tij laug Caiv Yaj pom POJ NTXOOG ntawv tas tau 5 hmos tom qab, ces kuv tij laug txawm ua npau suav tias: muaj ib tug poj niam laus tsawv ntxim li twb yog ib nrab neej txawm los hais rau kuv tij laug tias: ua cas hnub i koj ho nthe kuv no? kuv tij laug teb tias: kuv tsis tau nthe koj los sav? niag ntawv txawm hais tias: koj twb nthe kuv pem kev tshuam ne? ces kuv tij laug txawm teb tias: twg kom koj ua rau kuv ntshai thiab ua kuv pom no? niag ntawv txawm teb ntxiv tias: twb yog kuv mus nqa dej nram lub niag qhov dej txhawv nrav los es kuv sab sab es kuv tsis nco qab pom koj xwb os?
Hais li ces kuv tij laug cia li tsim dheev lawm xwb, thaum nws tsim los nws thiaj mam li xav tias ntshe yog niag hnub i kuv pom tim kev tshuam tiv ntag os!
Txoj kev tshuam ntawv ib txoj uas yog txoj nqis mus rau nram lwm thaj liaj kuj muaj ib lub qhov dej txhawv los tiag thiab, tus dej no ces txawm yog tus uas kuv tij laug lawv tso mus ua liaj ntag!

Ua tsaug ntau.