Hmoob Ntawv & Hmoob Lus

- Nyob zoo os, Tsoom phooj ywg! Nkauj muam hmoob, Hlub hmov tshua; Tseem nyob ntuj qub qab teb chaws los tsuas....Nyaj nej muaj tug paub tshaj kuv lawm, Los txob xav li cas? Yog tsi tau paub no, Ho khaws peb nqe lug no cia; Ua pov haum cawm neeg....Yam ib tshuaj cawm neeg, Noj tshuaj kuab tws nyuv; Siv ais pev ntsuab:...Eagle....Thaum qaug tshuaj heev lawm, Npuag ncauj pib tawm; Muab ib rab diav noj mov....Hais ib qho dej, Muab lub tshuaj ntawd; Nchos peb plaub teev....Hliv qhov ncauj nqog, Ntaus cov npuag tshuaj yaj xam tam sim ntawd; Tug tib neeg noj tshuaj dhia ob peb paj pawg....Dim pa ntshua ciaj kiag tam sim ntawd tsi tuag lawm, Yog haus tshuaj ntxuav nyiaj; Muab cawv cawm.....Yog me nyuam tshuas qoob, Khawb peb tug cag nqeeb; Khawb peb tug, Me nyuam cuav nab ciaj; Khawb peb tug cag tsawb....Los nrhau tsawb nyoog tsau dej txias, Hauv khob muab rau haus ntev li;....15 or 20 Minute....Ntev kawg nkaug 25 or 30 Minute....Tug me nyuam tshuas qoob dim zig kiag, Muab cov seem zawg zuaj ib ce thoob plawg; Dim pa ntshua ntxooj fws....Ib ce thoob plawg zoo sai kawg li, Ntoo npasuj npaim zoo, Tshuaj mob txeeb zig; Tso zig los ntshav kiag, Rhaub haus; Peb caug feeb xwb ntshav tu nrho....Plaub yam tshuaj, Kuv qhia hauv no, Yog tshuaj 36 lag nyiaj dawb, 48 Lag nyiaj dawb; Tsi yog kuv kawm tawm, Thaum ub kuv tub hluas nraug; Tham hluas nkauj....Cov laug haus yeeb tham, Kuv hnov xwb; Kuv twb siv cawm neeg zoo....cawm neeg ciaj lawm, Lwm zaug mam qhia dua lwm yam os.

Nyob zoo tus tij laug xiongchang, zoo siab rov ntsib koj dua thiab. Kuv ua tsaug rau koj cov ntshuaj ua koj tau qhia nyob rau hauv no kawg li. Kuv xa nug koj tias ib puas yog lub tshuaj pej huam ywj ntsuab,ob puas yog muab nrhuab dej kub los yog tsaus dej txiag xwb, thiab peb hais txog ntawm tus ntoo kuv paub tsis zoo thov koj rov qhia ib lwm kom zoo zog es kuv thiaj li tau taub zoo. ua tsaug shung

- Nqe ib tso dej txiag, Nqe ob los rau dej txiag; Tsob ntoo npauj npaim....Lub caij tawg paj, Ntsia zoo li npauj npaim dab; Mus txog ze ntsia yog paj ntoos os....Tub tsi mloog lug, Siv niam tshuaj; seb tub ib txwm nyiam haus yam dej twg? Nco ntsoov saib soj xyuas nraim, Thaum tub yuav dej haus; Tub haus tsi tas....Tso tseg tub yee, Niam tso me ntsis zig; Nyiag hliv me ntsis tov....Muab hau kaw zoo cia, Txhob pub paub; Txhob tiov ntau....Tsam tsw zig, Ces tub paub tsi haus lawm; Ntxhais tsi mloog lug....Nyiam cuav zog, Siv txiv zig tov li; Tub thiab muab diav kiv dai saum qhov cub....Ces los tsev sai, Nej mus yos hav zoov; Ua riam txuas taus raug tes taw los ntshav tsi tu....Tsi tas txawj khawv koob foob li, Rho loo riam; Thov tug ntoo ntawm koj ib sab....Hais li no, Aub ntoo aws; Yuav thov koj dag zog foob ntshav nawb....Xuas riam tiib riag tug ntoo ntawd, Xuas tes zuag zog; Ib qho av so zog....Lub qhov riag, Ntawm tug ntoo yug txiav ntawd; seem av li cas? coj los so zog npuab nkaug qhov nqaij liag riam txuas taus raug, Ces ntshav tu lawm; Thov sam fwm....Ib los lug, Cov tshuaj kuv qhia no; Txwv tsi pub yuav nqis nawb....Kuv siab zoo, Kuv qhia pub dawb; Rau suav daws siv xwb....Yuav siv cawm pab leej twg? Pab cawm dawb xwb, Yog leej twg? Tsi mloog lug "Yuam cai" Yuav nqis los yuav nyiaj nplua nuj yuav "Khaum" Nplog tias "Npam? Tsi zoo nawb.

TSHWB = 1: Txav zujzus thiab co mus mus los los. 2: Lij av phwb av.
TSHWB LIAG = Ib tug nas phwb av.
====================
TSHWM = 1: Tawm rau saum npoo. {Nws cov kaus hniav tshwm zom zaws.} 2: Tshuam, tshab. {Txoj kev no mus tshwm qhov twg?} 3: Nqis peev. {Koj tsis tshwm nyiaj ces koj yeej tsis tau khoom zoo li.} 4: Pom ntsejmuag tawm. {Ua cas ib ntus no es tsis pom nws ntsejmuag tshwm li lawm.} 5: Ntxim, phim. {Nws mas ntsejmuag tshwm ua laib xwb, tabsis ho tsimtxiaj heev.} 6: Noj, xwv, tho, lij. {Daim nruab no kab muab tshwm tshwm es tsis ruaj lawm.}
TSHWM TSHAV = Ib ntu kev cai ntawm kev pam tuag uas yuav tau muab tus qauv tuag kwv tawm mus ua kev cai rau raum zoo ua ntej kwv mus faus.
====================
TSHWJ = 1: Txhobtxwm tseg cia lossis zam. {Peb noj nqaij tag lawm es tshwj qhov no rau koj.} 2: Nruam hla; dhau qhov no lawm(qog Suav lus lo TSHUV). {Kuv yeej noj taus txhua yam, tshwj kiag nqaij lwj.}
TSHWJ KAB = Ib tug uas saib txog kev noj kev haus ntawm ib lub ntees tuag lossis ib rooj tshoob.
TSHWJ XEEB = Tshaj plaws, dua ntais. {Nws tsis tshua qab-los noj mov pes tsawg, tshwj xeeb yog lub caij ntuj no.}
====================
TSHWV = Xuas pobtw tshwb.
--------------------
KAB TWS TSHWV = Kab Tws Tshauv; Ib hom kab uas muab lwb pobtw tshwb tshwb hmoov av ua qab yiag ntawm tej qab zeb qab ca.
====================
TSHWS = Tus miv.
--------------------
QAIB TSHWS

Ua tsaug rau koj cov lus qhia os tus tij laug xiongchang. Tij laug koj paub tshuaj zoo heev li kuv thov nug koj tias koj puas muaj tshuaj pab kuv thiab. Kuv pheej tso quav los ntshav thiab, twb mus ntsib thaj maum tag los thaj maum hais tias tsis muaj dab tsi kom yus rov los tsev xwb. Thaum kuv mob kuv cov neeb mas kuv tso quav ntshav tag li xwb ces twb ua kuv cov neeb no los tau 5 xyoo no lawm los nyob nyob pheej tseem tso quav los ntshav thiab. Thov koj pab thiab seb yam tshuaj dab tsi thiaj li zoo rau kuv. ua tsaug shung

- He....he....Kwv shung as, Kuv tsi paub tias; Koj nyob ze....Los koj nyob deb ntawm, Kuv li cas? Qhov ntawd lov? Ntshe tej zaum yog tim koj cov qhua neeb xwb pob? Yog koj ze zaj:...Saint paul, Minnesota....Kuv mam qhia koj mus ntsib, Ib tug txiv ntxawm hmoob xyooj; Nws saib tas no....Yeej zoo xwb os, Nws lub npe:....Ntxoov lis xyooj....Number phone (651) 748. 5054 Yog koj nyob ze, Koj yuav ib co paj nqa rau nws; Nws mam khov kuam saib tim li cas? Nws yeej qhia koj paub tam sim ntawd mas, Nyiaj nqis teeb yeeb tshuaj xyab ntawv tswm ciab $20.oo Yog koj nyob lwm lub nroog, Los txawv xeev; Koj mam hu xov tooj nrog nws tham raws li hauv no.

- Nyob zoo os, Kwv shung; Nyob rau xyoo 2006....Kuv kuj tso quav los ntshav li, koj hais tias; Kuv kom nkaj neeb lauj saib yaig tas....Ces zoo lawm, Kuv li mas; Yog qub hluas nkauj ploj tuag ua xwb....Ua neeb thov tas, Ntshav tu lawm; Yug khawb tsi tau....Yug nraub qaum, Yuav yog lwm tug khawb thiaj raug; Qhov khaus ntawd....Txawm yug txawj neeb, Los yug kho tsi tau; Yug tug kheej os....Yuav yog lwm tug kho....Thiaj tau os.

Nyob zoo tus tij laug xiongchang, kuv kuj tsis paub li lawm thiab. Xyoo no zoo li kuv cov neeb pheej hais kom kuv ua neeb mus tos lawv no tag li thiab. Kuv cov neeb nyob siab heev li tsis paub yuav ua cas thiaj li mus tos tau thiab. Kuv los niam qhuav ua neeb tshiab tshiab xwb thiab ces yeej nyuaj kawg li, tsis paub tias cov neeb nyob qhov twg li thiab. Kuv mam mus thov tus txiv ntxawm xeem xyooj no pab kuv saib thiab seb yog li cas. ua tsaug rau koj txoj kev pab kuv thiab. shung

- Txiv ntxawm ntxoov lis xyooj, Yog poj niam; Cov txiv ntxawm os....Kuv nyiag muab foos, Rau koj xwb; Txiv ntxoov lis....Kuj yog neeb tshiab ob peb xyoos no xwb, Tab sis nws twb tsa ntau tug; Txiv neeb tshiab lawm....Yav tas lawm, Nws yeej ua neeb nyuaj kawg nkaug; Ua tsi tsheej li....Nws nyuam qhuav ua tsheej xyoo 2009, Los no xwb; Nws kuj ua leej zoo coob tug lawm....Yog li txhob ua siab deb, Ho mus ntsib cuag; Txiv ntxoov lis os nawb.

tus tij laug xiongchang kuv zoo siab ntau ntau rau koj txoj kev pab kuv thiab. kuv mam mus ntsib nws thiab seb yog tim dab tsi es pheej tsis tau zoo nyob li. ua tsaug

- Txhob txhawj mog, Txhob tas kev cia siab os; Kwv shung....Yeej muaj tug cawm seej....Kho tau zoo os, Yog yug ua siab deb; Thiaj ua siab hnyav....Yuav txom nyem ntev hnub, Yog tim nqaij tawv roj ntshav tsi zoo; Kawg ntsib Dr....Yog tim ntsuj hlauv, Ntsuj plig; Los yug tej qhua neeb....Kawg ntsib txiv neeb saib, Txiv yaig kho; Yog tim niam txiv txwj nkawm....Tsi nkag siab, Txhob ua siab hnyav; Yuav tau ntsib txwj laug neeg....Tug thoob tsib to nrog, Puag ncig nug paug; Kawg lub ntsig....Qhuab ntuag kho, Ces ob leeg to taub nkag siab; Rov coj zoo xwb mas.

TXAB = 1: Cov kua mis uas txia txev tawm los thaum to ntshua ib qho twg. 2: Hmoob Lees lolus TXIAB.
--------------------
CUAB TXAB
KEM TXAB
MUAJ TXAB
PUAB TXAB
TXAIB TXAB
====================
TXAM = Pheev, rhawv, tsim tsa. {Muab hwjchim rau nws mus txam tebchaws nyob.}
--------------------
FAM TXAM
TXHEEJ TXAM
====================
TXAJ = 1: Hmoob Lees lolus TXIAJ. 2: Ib lub chaw pw uas muaj ceg nyos li lub rooj lub tog.
TXAJ CHAW = Tej chaw pw.
TXAJ MUAG = Tsis muaj phlus fim; tshwm tsis taus ntsejmuag vim tsis xav kom pom.
--------------------
LUG TXAJ
TSIM TXAJ
====================
TXAV = 1: Muab tig lossis muab swb zujzus. 2: Tshais chaw tawm. 3: Pub rau noj kom rog rog. 4: Hmoob Lees lolus TXIAV.
====================
TXA = Hmoob Lees lolus TXIA.
====================
TXAG = 1: Co thoob plaws; saj saj. 2: Ib lolus sis ntawm lo TXAJ. {Ob tug no ces pw ib txag los tau.} 3: Hmoob Lees lolus TXIAS thiab TXIAG.
TXAG HNYEE = co yam thoob plaws.
TXAG TXAG = Saj heev, muag nthawv nthas.

- Hmoob leeg, Lo lug; Cov kua mis dlawb dlawb....Yog txaab, Txab; Yog raab txab txav ntaub, Txav xuv; Txav ntawv....Lug hmoob dawb hu "Txiab" Lug hmoob dawb lo lug "Txam" hmoob leeg hu tias "Txaam" Txaam ntxwv "Xawb zeb" Txaug zeb, Txaug tsua; Lo lug txheej txam "Tug txaug ntawv" Txheej txaam, Lo lug txaj; Yog lug hmoob leeg "Txaj npib - Txaj hob - Txaj kis" Lo lug tsim txaj, Yog lug hmoob leeg; Lug hmoob dawb txhais tias "Tsim txiaj" Yog tug tib neeg "Xyaum zoo" Ciaj nom, Tsheej tswv; Ua neej zoo....Muaj nyiaj, Nplua nuj; Lo lug "Ua neej zoo" Muaj noj, Muaj haus; Muaj hnav....Muaj siv, Tsi txob txhawj; Ua neej xws luag....Lo lug muaj nyiaj, Muaj txij kaum txhiab nto ib puas txhiab txog "Ib plhom" Million, Lo lug nplua nuj tshaj:...Million....Saum lawm, Thiaj hu tau tias "Nplua nuj" Lo lug txaj chaw, Yog lug hmoob dawb; Lug hmoob leeg....Yog txaaj chaw, Lo lug "Txia" Txia kua, Tawm kua; Txia dej....Ntub ntsuav, Noo zaws; Txheem dej, Txia zig; Ntwg zig....Txa kua, Tawm kua; Txa dlej....Txheem dlej, Txa zig; Nrug ntsuav...Lo lug "Txag" Txag zag, Txag pim; Txag ntoo....Lo lug "Saj" Sim, Saaj; Sim noj....Saaj, Thauv vaiv; Saaj zog....Saaj dlua, .Mlos; Txaag.... Txaag nyee, Ua zug thoob plawg; Ntseeg....Yoj yeeg, Lo lug "Txaj muag" Yog lug hmoob dawb, Lug hmoob leeg "Txaaj muag" Txhais tias, Tsi muaj ntsej muag "Tshwm - Tawm - Fim"

TXAIB TXAB = (qog Suav lolus TXAI TXA-NG) Txhobtxwm xub muab puavpheej txhaum mus pov rau es mam mus tsub txim tomqab. :CUAB TXAB
====================
TXAIM = (qog Suav lolus TXAIJ) Nyob. {Fajtim txaim pemceeb=huabtais nyob pem ntuj(pem ceebtsheej)}
====================
TXAIJ = 1: Muaj ntau hom kob sib txuam pes daws. 2: Pom tej vwb vuag tsis meej tsis tseeb.
--------------------
QHOV MUAG TXAIJ
====================
TXAIS = 1: Cev tes mus nqa mus lees. 2: Xuas ob txhais tes tuav tej qhov siab siab es muab lub cev vias rau ub rau no li mus kev. {Muaj ib pab cuam txais ntoo rig ruag rau puag ped lawm aw.} 3: Txuas ib tog ua xwb, tsis yog pib tom hauv-paus tuaj. {Nkawd yog niamtxiv dej txais tog taws txais nta xwb, tsis nkauj txha qaib nraug txha noog.} 4: Qiv siv ua-ntej es mam them tomqab. 5: Nyob ze ze hluav-taws es cia li cig ua nplaim. 6: Dhia mus ntsiab mus txhom. {Ntse dhia cuag li cas tuaj txais kab.} 7: Tua tej yam uas tabtom ya nruab ntug. {Thaum tseem ua rog mas nws txais nyojhoom poob lawm ob peb lub.}
TXAIS CUA = 1: Lam dia vuag lwjliam nruab cua. 2: Huas ib tog ua xwb. {Peb twb ua yuav tiav es nws mam tuaj txais cuab xwb.} 3: Lam tau lam cuam tshuam yam tsis raug chua. 4: Huas tua nruab cua yam tsis tsi. {Thaum tus kauv khiav ceev ceev ces yeej tsom tsis caj lawm, tsuas yog lam txais cua lawm xwb.}
TXAIS NTOO = Xuas ob txhais tes tuav tej qhov siab siab es muab lub cev vias rau ub rau no li mus kev.
TXAIS NTIV = Tej raj lossis tej qeej uas ib nyuag pos es nrov zoo zoo lawm.
TXAIS NYIAJ = Qiv nyiaj siv es mam them.
TXAIS TAWS = 1: Nyob ze ze hluav-taws es cia li cig ua nplaim. 2: Cig zoo heev.
TXAIS TES = Cia li tsis yig es txawm lees khaws nkaus ntawm tes lawm ntag.
--------------------
LEES TXAIS
QIV TXAIS
====================
TXAIG = Ib lolus sis ntawm lo TXAIJ. {Muab tus maum nyuj txaig muag es tseg tus maum nyuj dub.}
--------------------
XIB TXAIG

- Thov zam txim pub ib zaug nawb, Phooj ywg! Pij pauj aws, Qhov kuv ntaus sib txuas; Tsi cais li....Koj cov mas, Vim muaj hauj lwm ceev; Maj zog lawm....Thiaj ntaus ua plag nplag lawm os, Koj cov ntawv yog:....Dictionary Hmong....Zoo kawg nkaug uas, Muaj ib tug hmoob muaj lij xeeb zoo, Los tsim tsa txhais lug hmoob:....Dictionary Hmong....Thov qhuas, Txhawb nqa; Koj lub tswv yim zoo....Muaj siab pab hmoob, Tsam hmoob tej lug "Qub quub" Ploj lawm, Thov tswv ntuj yawm saub foom hmoov zoo; Pub koj nawb....Xav tau yam twg? Tau raws li, Siab nyiam ntshaw npaj tseg; Nyob zoo....Ua tsaug, Mam sis ntsib dua os.

xiongchang wrote:- Thov zam txim pub ib zaug nawb, Phooj ywg! Pij pauj aws, Qhov kuv ntaus sib txuas; Tsi cais li....Koj cov mas, Vim muaj hauj lwm ceev; Maj zog lawm....Thiaj ntaus ua plag nplag lawm os, Koj cov ntawv yog:....Dictionary Hmong....Zoo kawg nkaug uas, Muaj ib tug hmoob muaj lij xeeb zoo, Los tsim tsa txhais lug hmoob:....Dictionary Hmong....Thov qhuas, Txhawb nqa; Koj lub tswv yim zoo....Muaj siab pab hmoob, Tsam hmoob tej lug "Qub quub" Ploj lawm, Thov tswv ntuj yawm saub foom hmoov zoo; Pub koj nawb....Xav tau yam twg? Tau raws li, Siab nyiam ntshaw npaj tseg; Nyob zoo....Ua tsaug, Mam sis ntsib dua os.

Xiongchang,
Tsis ua cas. Thaum twg khoom khoom mam tuaj los tau. Peb muaj ib sim neej diam.

Peb yeej niaj hnub hais tej lus no, tsuas yog peb tsis muab ua tibzoo xav kom ntxaws ntxaws xwb. Yog peb coob tus los tuav-hauv teeb txhais, tsis ntev peb yuav muaj peevxwm teeb tau Lus Hmoob tiav log ib yam li lwm hom lus thiab.
===================================================================================

TXAUM = Ua ib xyuv. {Muab cov dos pav ua ob peb txaum es thiaj zoo nqa.}
TXAUM YIM = Ua phoov tes yom hauv Hmoob kev ua-tsaug.
====================
TXAUJ = 1: Tej nplais. {Muab lub dib phua ua tej txwb txauj es thiaj zoo kaws.} 2: Xuas tes taw ntuj cuag li cas hauv pem teb. {Tus txiv nees xob ntawd txauj txauj lub nkuaj qawj tag li.}
====================
TXAUV = 1: Muab hloov. {Leejtwg nqa ib rab niag hlau phem phem tuaj txauv kuv nrab lawm os.} 2: Tshais rau qhov chaw tshiab. {Qhov chaw no noo noo li ces cia peb txauv rau qhov tshiab.}
====================
TXAU = Tsuag kua tawm. {Npuav ib los dej mus txau rau tsob tshuaj ped seb.}
====================
TXAUS = 1: Kum yees nkaus, duav nkaus. {Koj puas mov txaus peb noj?} 2: Ntxim, tsim nyog. {Tus tsiaj ntawd txaus ntshai heev.}
====================
TXAUG = 1: Ib tug cuabyeej tho-qhov uas yog siv qws lossis rauj npuj. 2: Tsoo tsoo npuj npuj kom to ua qhov.

TXAWB = 1: Siv siv zog cuam. {Xuas pobzeb txawb dev kom khiav.} 2: Muab lub qab teeb tusyees cia. {Muab lub thoob dej txawb rau saum txee.}
TXAWB NTUA = Nyob tau lo lua ntseg ntwb, Nyob kiag tus yees saum npoo.
TXAWB PAIV = Zaum tsaws, zaum tej ywb ywm.
====================
TXAWM = 1: Xeeb muaj txij thaum tshwm sim lawm. 2: Tsim, rhawv, muaj. {Wb nyuam-qhuav ua neej xwb tseem tsis tau txawm muaj cuabyeej li.} 3: Siv nyog, nyob nyog. {Txawm nws tsis txawj ntawv los nws yeej nrhiav tau noj thiab.} 4: Nqis kiag tes ua thaum ncav cuag lub hom phiaj. {Koj ua li kuv hais ces kuv txawm pab koj.} 5: Nyob licas los tsis muaj peevxwm hloov tau lawm. {i.e. TXAWM HAIS TIAS, TXAWM LICAS LOS XIJ, TXAWM LICAS LOS XIJPEEM, TXAWM MUAJ, TXAWM PHEM, TXAWM PLUAG, TXAWM TAU, TXAWM YOG, TXAWM YUAV, TXAWM ZOO...}
TXAWM SIV = Tsis nyob taus twjywm. {Kuv nyuam-qhuav ploj ntais tom ntug kev xwb, nws txawm-siv pawv lawm.}
--------------------
XEEB TXAWM
====================
TXAWJ = 1: Hmoob ib lub npe laus. {e.g. Txawj Pov, Txawj Tsab, Txawj Phaj...} 2: Qog kiag tau li xyaum los lawm, muaj peevxwm ua tau.
====================
TXAWV = 1: Zoo tsis thooj lwm tej. 2: Tsis tau ntsib dua, tsis tau pom dua, tsis swm.
====================
TXAWS = 1: Thaws ris sua tuaj mus. {Nws ua dej nchuav rau hauv av es dej txaws tuaj ntub peb tag.} 2: Muab hlau ncaws av kom xoob es zoo tseb noob qoob rau. 3: Muab lus piav kom yoojyim totaub.
TXAWS TXUA = Tawg ris sua.
====================
TXAWG = Ib lub suab sis ntawm lolus TXAWJ. {Tub txawg txawm tsawg, tus ruag txawm coob.}

Nyob zoo tij laug Pijpauj,

Ua tsaug nws tuaj tso ntau yam zoo ntxiv. Ob hnub no kuv tsis xyeej tes li, tsis tau tuaj nrog nws nrhiav lus Hmoob. Nws ua siab ntev tuaj sau ntxiv, yog kuv khoom thaum twg mam li tuaj pab nws txhais kom txhob khwv nws dhau. Thov ua nws tsaug ib zaug ntxiv.

koojziagkabzaug wrote:

Nyob zoo tij laug Pijpauj,

Ua tsaug nws tuaj tso ntau yam zoo ntxiv. Ob hnub no kuv tsis xyeej tes li, tsis tau tuaj nrog nws nrhiav lus Hmoob. Nws ua siab ntev tuaj sau ntxiv, yog kuv khoom thaum twg mam li tuaj pab nws txhais kom txhob khwv nws dhau. Thov ua nws tsaug ib zaug ntxiv.

Ua li os. Thaum twg nws khoom no ces yeejmeem tuaj txhab tuaj ntxiv.

=====================================================
TXEM = Ib lub suab qog ub no quaj. {Tus miv txhom tus nas quaj nrov txem.}
--------------------
TXIM TXEM
====================
TXEJ = Ib lub suab qog ub no quaj. {Nws tsuj tus qav quaj nrov txej.}
--------------------
TXIJ TXEJ
====================
TXEV = Ib lub suab qog ub no quaj. {Tus menyuam ntxais mis nrov txev.}
--------------------
TXIV TXEV
====================
TXEG = 1. Ib lub suab qog kev nqus. {Nws nqus yeej txuj txeg ntawm qab cub.} 2. Ib lub suab qog ub no npau thiab xiv. {Daim nqaij ci txia roj txig txeg.}
--------------------
TXIG TXEG

TXEEB = 1: Txhav lwm tus tug, huas luag tug ntawm ncauj lossis ntawm tes(qog Suav lolus CEEJ~NG). {Tus dev txeeb tus miv daim nqaij noj lawm.} 2: Ib lub pob uas txias-kua rau qaib thiab noog pleev plaub es nyob saum toj lub ntxws. {Koj tseev qaib ces nco ntsoov muab lub txeeb hlais povtseg.}
TXEEB ZEB = Tej pobzeb uas khom ua mob rau hauv tej hlab zis lossis hlab raum.
TXEEB ZIG = Tej mob-nkeeg ntawm kev tso-zis uas tso los nyuaj nyuaj.
====================
TXEEM = 1: Quaj los ntawm kev txob kev npau. {kav tsij noj mov od, nyab-tsam tshaib plab ces ho txeem tug niag ntxim ntxub tsawv nawb.} 2: Nkag dhau, mus dhau, lossis peem dhau rau lwm sab. {Cov yeebncuab txeem tau los rau hauv zos lawm nawb.} 3: Peem kom yoj, phwj kom dhau. {Muaj ib niag npua pheej txeem qhov laj-kab mus noj yeeb.}
====================
TXEEJ = Phwj, to, lossis nchuav es poob qho-ntsi rau hauv pem teb. {Nws lub niag kawm to-qhov es pobkws txeej cuag li cas.}
TXEEJ TEG = Tej yam uas xeeb muaj los ntawm kev siv ob txhais tes tsim lossis khwv.
====================
TXEEV = Raws li ib txwm tau ua los mus. {Tej laus txeev hu menyuam plig thaum puv peb tag-kis.}
====================
TXEE = Tej rooj lossis sam-thiaj uas tsim los txawb khoom es muaj ntau tshaj ib tshooj. {Muab cov twjtaig tso rau saum txee kom tag nawb.}
====================
TXEES = Ib lub suab sis ntawm lolus TXEE. {Nws muab khoom teeb teeb tau ib niag txees.}
====================
TXEEG = Ib lolus puab qab (suffix) ntawm lo NUJ uas muaj lub ntsiab hais tias havzoov tsaus nti.
--------------------
NUJ TXEEG

TXIB = 1: Khaiv, hais kom ua kom leg. {Thov koj txib ob tug neeg mus hu pab lawv hlais nplej.} 2: Coj lossis nqa cuabyeej ntawm cev. {Nws mus ua teb mas yeej txib riam ntawm duav txhua zaus.}
====================
TXIM = 1: Lub qhov txhaum uas yuav tau raug them. {Tua neeg mas muaj txim loj heev.} 2: Tej hmoov lossis tej txhais uas nti es dhia ntsais plias tawm. {Nkawv xuas hluav-taws sib ntaus tawm txim liab pes vog.} 3: Siv-zog ntsos muab yuam kom yoj. {Tus qaib txim qhov tawb tawm lawm.} 4: Ceev nrees, nruj nreem, nti nti. {Lub ris no txim dhau tsis zoo hnav li lawm.} 5: Ib qho ntiag tug ntawm kev ua nyuj dab. {Peb yog cov Hmoob cuaj txim os.}
---------------------
COV LUS COJNTEJ:
TXIM TXHAUM = Qhov chaw tub-qaug; qhov yuam-kev.
-------------------
COV LUS PUAB-QAB(SUFFIX) NTAWM LOLUS TXIM:
LUB TXIM
MUAJ TXIM
RAUG TXIM
TAWM TXIM
TXHAUM TXIM
VWS TXIM
====================
TXIJ = 1: siab npaum nkaus li. {Nws dhia txij duav mam poob.} 2: Txog ntua ntawm tus npoo tus ciam. {Koj tsuas ua txij koj ciam xwb nawb.}; {Txij nod mus, koj tsis txhob ua ntxiv lawm.}
--------------------
COV LUS COJ-NTEJ(PREFIX) NTAWM LOLUS TXIJ:
TXIJ NKAWM = Tus pojniam thiab tus txivneej uas tau sib sau ua ib lub neej lawm.
TXIJ QHAB TXIJ DE = Hlob yaus.
--------------------
COV LUS PUAB-QAB(SUFFIX) NTAWM LOLUS TXIJ:
TXOG TXIJ
====================
TXIV = 1. Yam muaj-sia uas coj lub noob. {Tus txiv mas tsis txawj xya menyuam.} 2: Tej mag paj uas ntug ntoob tuaj mus qhwv lub noob. [Tsob ntoo no txi txiv ncw kawg nawb.} 3: Nyob tau Sib ti heev. {Peb mus tom tshav pob mas neeg sib txiv qes xwb.}
--------------------
COV LUS COJNTEJ NTAWM LOLUS TXIV:
TXIV CUAB THOJ
TXIV CHAW
TXIV DUAJ
TXIV HMAB
TXIV HLOB
TXIV LWM MEJ KOOB
TXIV LWM TSIB
TXIV NEEB
TXIV NEEJ
TXIV NRUAS
TXIV NTOO
TXIV NTXAWM
TXIV NTXWG
TXIV POS
TXIV PUV LUJ
TXIV PUAM LEEJ KAUV
TXIV QAUB
TXIV QAUM
TXIV QEV
TXIV QEEJ
TXIV QHUAV
TXIV TAUJ LEEB
TXIV TUB
TXIV TUAM MEJ KOOB
TXIV TUAM YEJ
TXIV THWV
TXIV TSHWJ
TXIV TXIAG
TXIV XAIV
TXIV XYOOB
TXIV YAIG
TXIV YAWG
TXIV ZEJ
TXIV ZOS
--------------
COV LUS PUABQAB NTAWM LOLUS TXIV:
MUAJ TXIV
NIAM TXIV
TUS TXIV
YUAV TXIV
YAWM TXIV
====================
TXI = 1: Lub mag paj ntug tau tuaj mus ua lub txiv. {Tso ntoo no tawg paj lawm ces yuav txi txiv.} 2: Muab ua kev-cai fij rau. {Thaum ib tug neeg tua tau noog, nws pheej muab tus noog cov ntshav los txi rab hneev.}
--------------------
TXI COV COJNTEJ:
TXI DAB
TXI TXIV
--------------------
TXI COV PUABQAB:
MOJ TXI
====================
TXIS = Muab sib sau kom ua txij-nkawm. {Muab tus niam-tij txis rau tus kwv.}
====================
TXIG = 1: Lub phlu thaj-tsam ntawm qab pob-ntseg. 2: Ib lub suab sis ntawm lolus TXIJ. {Ob tug kwvtij no sib txig zos.} 3: Ib lub suab sis ntawm lolus TXIM. {Hmoob muaj ob-peb pab diam laiv, ib pab 5 txig, ib pab 7 txig, ib pab 9 txig, ho tej pab yog 13 txig.}
--------------------
TXIG COV PUABQAB:
DUB TXIG
KOOJ TXIG
PAIG TXIG
POB TXIG

TXIAB =1: Ib rab cuabyeej nyem qoj uas siv txiav ntaub txiav ntawv lossis txiav xov uas ua nkhib. {Muab rab txiab no txiav txoj hlab ntaws povtseg.} 2: Mob nkeeg. {Tus menyuam no yeej ib txwm hlob mos nyoos tsis muaj txiab li.}
--------------------
COV LUS COJNTEJ:
TXIAB NEEB
--------------------
COV LUS PUABQAB:
MUAJ TXIAB
====================
TXIAJ = 1: Yam uas muaj nuj muaj nqis es siv tau tam nyiaj. {Nyob rau tebchaws vammeej mas siv nyiaj siv txiaj loj heev.} 2: Hmoob ib lub npe laus. {Txiaj Kuam, Txiaj Vaj, Txiaj Xab...}
--------------------
COV LUS COJNTEJ NTAWM TXIAJ:
TXIAJ HOB
TXIAJ KIM LAUS
TXIAJ NPIB
TXIAJ XUV
--------------------
COV LUS PUABQAB NTAWM TXIAJ:
TWV TXIAJ
TSIM TXIAJ
====================
TXIAV = 1: Muab zaig muab kaws kom to kom tu. {Nws muab rab riam txiav txoj kav-theej tu-nrho ua ob ya.} 2: Txwv lossis cais tu nrho. {Nws yeej txiav npluav kom kuv tsis txhob tuaj li lawm no naj.} 3: Tus po uas muaj mob rau lawm.
--------------------
COV LUS COJNTEJ:
TXIAV NPLUAV
TXIAV NTUG
TXIAV PLAUB
TXIAV TXIM
--------------------
COV LUS PUABQAB:
MOB TXIAV
====================
TXIA = 1: Tej lub pob uas su vooj ntawm caj-pas. {Tus hluas ntawm mob ib lub txia yom.} 2: Hloov, pauv, lossis yees kom txawv. {Tus poj-ntxoog txia ua ib tug hluas nkauj.} 3: Tawm tawm kua los. {Daim nqaij ci ntawd tseem txia txia ntshav.}
--------------------
COV LUS COJNTEJ:
TXIA NTSHI
TXIA TXEV
--------------------
COV LUS PUABQAB:
MOB TXIA
O TXIA
====================
TXIAS = 1: Tsis sov tsis kub lawm. {Muab cov tshuaj tshuab kom txias mam haus.} 2: Tsis nruj tsis tsiv lawm. {Tos ib ntus kom tsov-rog txias tso mam mus.} 3: Ntev zog qub zog lawm. {Tsis txhob noj zaub-mov txias nyab-tsam mob plab.}
--------------------
COV LUS COJNTEJ:
TXIAS ZIAS
--------------------
COV LUS PUABQAB:
NOJ NYOOG HAUS TXIAS
NYAS QUAV TXIAS
TSEV TXIAS
====================
TXIAG = 1: Tej daim vuas ntoo lossis ntsa ntoo. {Nws lub txaj tsuas yog muab ob daig nyuag txiag ntoo ua xwb.} 2: Tshov maum. {Peb pom ob tug nab sib txiag tom kev.} 3: Leg, ua. {Txoj num ntawd nyuaj kawg vim peb txiag txiag ib hnub tsis tiav li.} 4. Ib lub suab sis ntawm lolus TXIAS. {Muab cov tshuaj no tsau dej txiag haus mas laj siab kawg.} 5. Ib lub suab sis ntawm lolus TXIAJ. {Nyiaj txiag nyob tsiv kev.}
--------------------
COV LUS PUABQAB:
DEJ TXIAG
NYIAJ TXIAG
TXIV TXIAG