Tso koj mus

Invité 12th April 2010, 2:00 pm

Invité: Guest

Post n°1

Tso koj mus

Invité 12th April 2010, 2:00 pm

thaum kuv hlub koj los koj tsis yuav
koj hais rau kuv tias koj dhuav dhuav
thaum kuv hlub koj cas koj tsis yeem
txoj kev hlub koj yeej tsis xav nrog kuv peem
hnub no kuv thiaj li tso koj mus li koj siab xav
vim paub zoo tias kuv yeej tsis yog koj tus tav
zaum no kuv thiaj li tso koj mus li koj siab nyiam
es txawm mob kuv siab los kam liam
zaum koj kuv ua tus swb koj lawm
kuv tuaj yeem ua tus tawm
hnub no paub lawm tias yuav tsis tau los ua kuv tus
kuv thiaj li tuaj yeem tsos koj mus
hnub no koj yog tus ua rau kuv
txawm mob kuv siab los ma uv
tiam si koj nco cia tias txoj kev hlub koj yog tus nrhuav
yog muaj hnub koj mus tsis zoo es rov los los kuv yeej tsis yuav
thov koj nco cia tias txoj kev hlub koj yog tso mus
yog muaj lwm hnub koj rov los los kuv yuav tsis yog koj tus
zaum no tso lawm ces yauv tso tu nrho
kuv mam ua ib siab tsis txhob nco
zaum no tseg lawm ces yauv tseg kom tu mus
koj tej lus hais rau kuv yeej yuav tsuag zuj zus
tsis ua li cas yog koj tsis hlub kuv txiv neej muaj coob coob
kuv ma li nrhiav dhua hmoob
tsis ua li cas yog koj tsis hlub kuv lawm lso kuv ma li tsis txhob npau
ntiaj teb no txiv neej muaj ntau ntau
kuv mam li nrhiav dhua tus tshiab
vim tseem tshuav chaw nyob kuv nplooj siab

Lubpajzoo 26th April 2010, 12:27 pm

Lubpajzoo

Lubpajzoo: Developer; Messages : 126
Date d'inscription : 2010-04-22

Post n°2

Re: Tso koj mus

Lubpajzoo 26th April 2010, 12:27 pm

Me niamhluas,

Cas koj yuav tuaj seev tau ib zaj pajhuam zoo thiab tu siab ua luaj,
Ua rau Lubpajzoo hlub hlub koj, nws teev kuamuag tawm plaws tuaj,

Lub neej chim siab, tu siab, vim tus hlub yus tau tso yus tseg,
Lub neej no yog leejtwg tau taug lawm thiaj li paub xwb ne,

Me niamhluas, nws tsis txhob tu tu lub siab lawm mog,
Vim tias tus neeg tso nws ntawd, nws tsis yog ibtug neeg khov,

Nws tsis xav txog lub neej lawm tom ntej, nws thiaj tsis hlub koj,
Vim nws xwb, nws yog tus yuav nco thiab yuav khuvxim koj xwb os mog,

Koj yuavtsum ua ib siab mus nrhiav dua lub neej tshiab nrog lwmtus,
Thov qheb koj lub siab, txojkev hlub lwm tom ntej txhob khuvxim tus qub,

Me niamhluas, kuv tuaj pom koj zaj pajhuam no kho kho kuv lub siab,
Vim koj seev tau tu tu siab, ua rau kuv hlub hlub koj thiab,

Es nws txhob seev seev lawm mog, nws thiaj tsis mob taubhau,
Txij no mus ces nws yuav tau lub neej zoo vim txhua yam phem twb dhau,

Hlub koj mog, kuv me niamhluas tus tshajlij,
Nws yog tus zoo lawm ces cia li zoo lub siab tsis txhob chis chis lawm mog.

Tuj Nplug 4th May 2010, 8:54 pm

Tuj Nplug

Tuj Nplug: Visitor; Messages : 13
Date d'inscription : 2010-04-11

Post n°3

Re: Tso koj mus

Tuj Nplug 4th May 2010, 8:54 pm

maypaj wrote:

thaum kuv hlub koj los koj tsis yuav
koj hais rau kuv tias koj dhuav dhuav
thaum kuv hlub koj cas koj tsis yeem
txoj kev hlub koj yeej tsis xav nrog kuv peem
hnub no kuv thiaj li tso koj mus li koj siab xav
vim paub zoo tias kuv yeej tsis yog koj tus tav
zaum no kuv thiaj li tso koj mus li koj siab nyiam
es txawm mob kuv siab los kam liam
zaum koj kuv ua tus swb koj lawm
kuv tuaj yeem ua tus tawm
hnub no paub lawm tias yuav tsis tau los ua kuv tus
kuv thiaj li tuaj yeem tsos koj mus
hnub no koj yog tus ua rau kuv
txawm mob kuv siab los ma uv
tiam si koj nco cia tias txoj kev hlub koj yog tus nrhuav
yog muaj hnub koj mus tsis zoo es rov los los kuv yeej tsis yuav
thov koj nco cia tias txoj kev hlub koj yog tso mus
yog muaj lwm hnub koj rov los los kuv yuav tsis yog koj tus
zaum no tso lawm ces yauv tso tu nrho
kuv mam ua ib siab tsis txhob nco
zaum no tseg lawm ces yauv tseg kom tu mus
koj tej lus hais rau kuv yeej yuav tsuag zuj zus
tsis ua li cas yog koj tsis hlub kuv txiv neej muaj coob coob
kuv ma li nrhiav dhua hmoob
tsis ua li cas yog koj tsis hlub kuv lawm lso kuv ma li tsis txhob npau
ntiaj teb no txiv neej muaj ntau ntau
kuv mam li nrhiav dhua tus tshiab
vim tseem tshuav chaw nyob kuv nplooj siab

muam may paj thov nws txhb chim
tub laj lim lam tuaj hais teb
nyob deb deb cev tes tsis txog
lam los nrog nws tham laug hnub
txhob siab kub yog nws tau pom
tsis kwv nyom tsuas lam tso luag
neej ntsoj ntsuag tsis lam zoo ua
tsis txhij txhua thiaj puas koob meej
neej tsis tsheej tsis xws ib cuab
npaum dav tsuab poj qaib hauv cooj
pw sib ncooj los yeej tsis sov
cuag li tsov thiab dais sib tshom
peb thiaj pom tej tus siav rho
vim tej no kua mua thiaj nrog
txhob xav txog txoj kev sib tsim
yeej khuv xim xav txog qhov zoo
pw rau ncoo xav txhij ntsim txhua
kua muag sua ntws npaum dej laub
yog ntxov paub cia txhob sib yuav
thiaj tsis dhuav npaum rwj aws ncus
thaum siab tus leej nkawm nyob twg
kev phooj ywg tsuas zoo thaum hluas
nyob mluas mluas nplooj siab tsis kaj
tu siab tshaj sawv daws thiaj nroo
cov muaj hmoo tsis nco nyuaj siab
cov muaj txiab rau lub neej piam
yog ntawv tiam los tim dab tsi
hnub dhau hli tsuas pom sib tsuav
tsis xav yuav xav kom khiav deb
yam lub zeb thiaj raug muab dov
yam lub qhov thiaj raug muab txhaws
yam lub hlaws thiaj raug muab tsoo
yam lub choo thiaj raug muab rhuav
yam lub ncuav thiaj raug muab ntais
yam lub tais thiaj raug muab hlawv
yog lub phawv thiaj ntim tsis puv
neeg siab luv thaum twg mam zoo
ntau lub xyoo cas nws tsis hloov
yuav looj koov txhua hnub txhua hmo
tiam neej no ntshe yus raug npam
neej thiaj plam tso kev sib nrauj
yus kwv dauj cia nws kwv dab
mus nyias sab tsis txhob sib nco lawm mog.

Hmoob ntuj qub qab 5th May 2010, 4:14 am

Hmoob ntuj qub qab

Hmoob ntuj qub qab: Sponsor; Messages : 687
Date d'inscription : 2010-03-30

Post n°4

Re: Tso koj mus

Hmoob ntuj qub qab 5th May 2010, 4:14 am

Nyob zoo maypaj tus me neeg siab ncaj
nws piav kwv huam zoo txaus peb nroo
Hmoob ntuj qub qab li piav me me seb puas ncaj ke

Koj cem cem kuv kuv mus lawm koj txhob raws
kuv mus tau ob peb hnub koj yeej yuav xav txog wb txoj kev sib hlub
thaum ntawv ces lig yuav tsaus koj ntuj nti
koj yuav quaj dhi los tsis muaj neeg hlub plhws koj hlo li
koj yuav nco kuv koj lub siab yuav nyob tsis tus
koj mam xav tias cas tsis ua siab ntev kom nws nrog kuv nyob ne
kuv nkees los muaj nws peem
kuv mob los muaj nws soj
kuv nqhis los muaj nws ua kua dis
kuv tsis xav noj los muaj nws nplij kom kuv xav zoj
noj lawm ib dia los muaj nws ntsia
noj tsis qab li los muaj nws nplij
lub cev tsis huv los muaj nws tu
tsaus ntuj tsis tau luag los tseem muaj nws puag
Lub caij ntuj no los tseem muaj nws puag sov lis so
me nyuam taub hau kub los tseem muaj nws hlub
me nyuam taub hau dias los tseem muaj nws ntxias
kuv nyuab siab los tseem muaj nws nplij thiab
zaum no nws mus lawm hlo yuav ua rau kuv nco
kuv xav txog lig los tsis tsheej ib yig
ntshe kuv yuav mus coj nws rov qab kom wb thiaj tau sib pab
kuv txawm mus yuav lwm leej los ntshe yuav tsis tsheej
niam tog txiv nta tshav ntuj nram qab ha
niam nkauj txhav qaib nraug txhav noog tshav ntuj ntawm qhov rooj
koj txiv kuv mam tuaj nplij
kom koj rov wb lub neej thiaj yuav sov
kuv mam ua siab ntev tsis txhob cem
wb yuav sib hlub mus ib txhis kom zoo li lub hnub thiab lub hli
tsis txhob sib nrig thiaj nyob mus kib yig
kom wb nyob kaj siab mus ib txhiab
wb nyob kaj nrig mus ib txhis...

Liajntsu 2nd June 2010, 10:45 am

Liajntsu

Liajntsu: Guest

Post n°5

Re: Tso koj mus

Liajntsu 2nd June 2010, 10:45 am

Maypaj,

Hnub no tijlaug los hais ib zaj pajhuam rau koj mloog nawb.

Leejmuam Hmoob tus ncauj liab
txhob tusiab cia tso nws mus
nws tsis yog koj tug
thiaj muab koj laim ncua tseg
yam tus ntses
yuj lis nrog dej ntab
tsis tig saib qab thiab nug koj moo
xyoo dhau xyoo
los tsis rov tuaj
koj quaj quaj
los nws tsis k
tso plhuav tseg
txij hnub no
tsis txhob nco
thiab tsis txhob nruav
yam tus npausuav
cia pom dhau ib vuag
so kua muag
tig los mloog tijlaug qhub
koj zoo li rev paj pib tawg ntxim hlub
tsis txhob rawm txhawj
zoo Tub txawj
Tub ntse muaj coob coob
tus hajyam txawj qhoob los tseem muaj ntau
tshuav cov zoo nraug thiab cov zoo suab
lub neej zoo cuab
yuav tsum cia nws nyiam koj tshaj
yam lub paj
cia kab noog ya tuaj ntsauv
ib tug zoo vauv
yuav tsum coj zoo
ua neej yuav nto moo
yuav tsum yog sib nyiam
thiaj kav tas tiam
tsis sib nrauj sib tso
zoo li nimno
koj thiab peb pheej hnov
neeg sib txov
thiab sib nrauj tso tseg
lub neej tsis ntseg
los lawv tsis xav kho
thiaj sib tso ua phab ua pheev
mus sib deev
ywj siab ywj ntsws
nqaij tawv ntsws
los tsis nco saib
thiaj tso menyuam mus ua Laib
tsis muaj tus nrog qhuab
kuv thiaj muab
coj los ua pajlug qhia rau koj mloog
neej puas ntsoog
vim yog tsis tau tus hlub raws siab xav
thiaj ua neej tsis kav las mas tus muam Ncauj Liab.

[b][center]

Sponsored content

HMOOB TSAV NTUJ

Search

Hmoob Catholique Forum

Latest topics

Top posters

Tsev seev PajHuam

Hmong beauty nature

Compteur visitor

Tso koj mus

Tso koj mus

Re: Tso koj mus

Re: Tso koj mus

Re: Tso koj mus

Re: Tso koj mus

Re: Tso koj mus

Search Query

Display results as : Posts Topics
Advanced Search