TShaj xo rau Azerty

koobpovtxuj wrote:koojziagkabzaug.

kuv twb mob tau 5 xyoos los lawm tej ntu uas tau zoo nyob zog kuj zoo li yus cia li yuav nquag tiag muaj zog npho noj mov qab los npho noj tau tsau taus plab lawm thaum ho rov mob ces npaum nkaus li yus cia li yuav tuag yuav zoo tsis taus li lawm.zaum no kuv mob yog hnub tim 17/9/11 hnub no nyob nyob yuav tsaus ntuj kuv noj 1 nyuag diav mov nyuag nqaij nyuj hau tas ces kuv haus 1 nyuag pas dej kua txiv ntoo ces cia li tsaus muag ntog ces cia li txog txog siav ua tsis taus pa li lawm cov me nyuam thiaj hu tsheb thauj neeg mob tuaj tos kuv mus tim tsev kho mob mus pw tau 3 hnub kuv tsis hnov li kws kho mob hais tias yog kuv mob ntsws dej thiab ua paug.ua tsis taus pa yog lub ntsws tsis qib hos qhov tsaus muag yog ntshav qis zog lawm.zaum no cov kwv tij neej tsa yeej txhawj txaus.

Koobpovtxuj,

Ua siab loj nawb mog, peb ua neeg nyob, ib leeg yeej ev ib tug mob, yus tsis mob nrog cev los yeej mob nrog siab, tsis mob nrog siab los yeej mob nrog ntsuj plig, tsis mob nrog ntsuj plig los yeej mob rau kev raug txheeb ze ntxub, tsis mob rau kev txheeb ze ntxub los yeej mob rau kev ua ntsuag ciaj, zoo li no los peb Hmoob twb tseem tsis tau txawj sib hlub.

Peb ua neej raws txoj hmoo xwb , thaum txog nyias thib yuav ncaim lub ntiaj teb no ces nyias yuav mus nyias, thaum sib ncaim laww ces yog thaum tso lub ntiaj teb no tseg , ua siab loj, yog yus tseem muaj txoj sia nyob los lam ua neeg twj ywm mus, yog yus ho tsis muaj txoj hmoo nyob lawm los nco ntsoov tias sawv daws yeej dhia tsis dhau txoj kev tuag.

Hnub no kuv zoo siab hnov koj moo, nrog hlub koj kawg li, koj mob mob tsis nco qab tau 2 3 hnub lawm los koj mus kho zoo, koj tseem rov tuaj xyuas sawv daws nyob cab sab, koj tuaj xa xov rau sawv daws paub, qhov no peb zoo siab tshaj uas tseem rov tau ntsib koj, yog hmoov tsis muaj, koj tsis rov tuaj lawm, es tseem hnov tias koj ncaim peb lawm thiab no ntshe peb yuav tshua koj heev li os.

Hnub no zoo siab tshaj, zoo siab dhau lawm ces quaj luag quaj luag " longdesc="61" /> " longdesc="61" />

koobpovtxuj wrote:Nyob zoo me muam maypaj.
txoj kev mob nkeeg raug rau leej twg lawm ces xav zaj twg los tsis yog tas huv si.
xav tsav twg los ua tsis tau li kev xav li lawm.
xav tias lam qee tau es muab qee pov tseg los qee tsis tau li lawm.
xav tias hlais tau no muab hlais kiag pov tseg los hlais tsis tau li lawm.
tiam neej no ces yog kuv txoj hmoo raug tau txoj kev mob kev nyuaj siab li no lawm ces cia kuv ris kom tas tiam no seb lwm tiam puas muaj tiag yog muaj tseeb no mam los nyob noj qab nyob zoo pauj os mog.
ua tsaug uas koj tuaj hais lus txhawb kuv lub siab lub zog os mog leej muam maypaj tus ntxhais siab zoo.

Aws!...ua li os, txawm koj ris tas tiam koj tus mob los koj muab xav rau yav dhau los uas koj tsis tau mob es koj yog ib tug txiv neej nto koob nto npe nawb. Muaj pojniam tub se zoo xws luag, kawg laus txoj kev mob caum cuag yus lawm ces khiav tsis dhau khiav tsis dim, koj xav tias txhua tus tsis tau koj tus mob los txhua tus ib xyoos laus zuj zus lawm thiab, luag tsis mob hnub no los lwm hnub yeej yuav txog luag thib mob. Es thaum txog yus thib lawm ces ua tiag nyiaj kom dhau txoj kev txom nyeem ris tus mob mog. Xav kom tsis txhob mob los yeej yuav txawj mob, xav kom tsis txhob laus los yeej yuav txawj laus, khiav tsis dhau , khiav tsis dim. Twb yog pom koj es kuv hlub hlub koj, pom koj tus mob ua rau kuv xav tias kuv twb yuav txawj mob thiab, ntshe thaum txog kuv thib ntshe kuv haj yam twb tsis muaj zog nyiaj tus mob npaum li koj, xyov puas tseem muaj neeg txhawj txog kuv npaum li koj thiab os.

Zoo siab nrog nws tham nawb mog.

koobpovtxuj wrote:Nyob zoo kuv me muam maypaj.
yog li koj hais lawm kev mob kev tuag ces khiav tsis dim tiam sis kuj xav tias lub neej tag los yus yog 1 tug neeg ruam tsis ntse li luag los yus kuj tsis thawj leej twg qhov ncauj hais lus.yus tsis txawj li luag los tsis tos leej twg pab yus 1 phaum neeg loj hlob ua ke nrog yus tsuas muaj luag thov yus pab luag xwb.
kuv laus lawm tab sis yuav poj niam lig tub ntxawg tsis tau muab nyab ntxhais nkauj ntxawm tsis tau qua es thiaj tsav ntxhov siab ua luaj.
thiaj tsav ntshai tsam yus tuag tseg tej me nyuam ua ntsuag es lawv yuav txom nyem mus txog hnub twg los mas.
hais rau kuv me muam paub tias kom nws ua siab loj tau 2 3 hnub no kuv muaj zog me ntsis noj taus mov tsau plab lawm nyaj hnub puav xwb ces kuv yuav rov nyob li qub lawm os mog.thaum mob lawm mas zoo nkaus li yuav tsis txawj zoo li thaum zoo lawm kuj zoo li 1 hnub muaj zog me ntsis tuaj lawm.tam sim no kuv tsis tau muaj zog heev tab sis kuv lam tsav tsheb mus ncig kiab khws ntawm tej nyuag ze ze lawm thiab os mog.

Yog lawm os, muab xav rau me tub me nyuam ces yeej nsthai rwg tsis xav tuag ua ntej tej tub tej ntxhais mus muaj cuab muaj yig, tsis hais koj tsis hais kuv niam lawv los ntshai awg tsam tseg tej me ua ntsuag tsis muaj twg hlub.

Zoo siab kawg uas koj hais tias koj zoo zog lawm os Koobpovtxuj, yog zoo zog lawm no ces koj yuav tau sau ntau yam tseg cia nawb mog, yus paub hnub nyob tsis paub hnub tuag es cia peb lam tsim me hneev tes hneev taw tseg cia seb thaum yus tag ib sim neej lawm puas muaj leej twg nco tias tshuav yus hneev tes hneev taw nyob saib ua dab muag