Home
1.Ceeb toom lis zus nej sam phiaj ceeb xyuam tsum txoom zeej lawv npoj qas laus dej dawg ceeb pes nraug rooj txhais peg ceeb txhais taug kum huj kum lis nkaus.
Ceeb toom lis zus tom taj rau tom txuas ceeb toom lis zus tej laus rau tej hluas .
Ceeb toom lis zus nraum zoov rau hauv tsev ceeb toom lis zus tej tej hlob rau tej me.
Nej txhij cuab kus sawv daws tswj seeb zog ua lawm niaj ib ntsig , wb laj lig tub hais xaiv zoo sawv ncaim ncej qab nteeg rov los hais xim .
Nej txhij cuab kus sawv daws tswj seeb zog ua lawm niaj ib ntsug, wb laj lig tub hais xaiv zoo sawv ncaim ncej qab nteeg rov los hais tsav paj lus .nob lias nej sam phiaj ceeb xyuam tsum
2.Ceeb toom lis zus nej sam phiaj ceeb xyuam tsum txoom zeej lawv npoj qas laus dej dawg ceeb pes nraug rooj txhais peg ceeb txhais taug kum huj kum lis nkaus.
Lag yau wb ceeb toom lis zus txhais peg rau txhais taug ,yuav ceeb toom hluas nkauj rau hluas nraug .
Ceeb toom lis zus nej sam phiaj ceeb xyuam tsum txoom zeej lawv npoj qas laus dej dawg ceeb pes nraug rooj txhais peg ceeb txhais taug kum huj kum lis nkaus.
Lag yau wb ceeb toom lis zus qas tag rau qas cais ,yuav ceeb toom tej laus rau tej ntxhais .
Nej txhij cuab sawv daws tswm seeb zog rau qab tim meej ,es wb nkawm laj lig tub txiv xaiv zoo sawv ncaim lawm ncej qab ntees los hais tsav paj lus los qhia kev neej .
Nej txhij cuab sawv daws tswm seeb zog rau qab tim meej kha ,es wb nkawm laj lig tub txiv xaiv zoo sawv ncaim lawm ncej qab ntees los hais tsav paj lus los qhia kev tsav.
wb laj lig tub hais xaiv zoo los chim looj mus xyuam chiv chim hwj mus kom sab,zoo kav nyeej mus tom nyeej,zoo kav kab mus tom kab. Nob lias nej sam phiaj ceeb xyuam tsum.
3.Ceeb toom nej sam phiaj ceeb xyuam tsum txoom zeej lawv npoj qas laus dej dawg ceeb pes nraug rooj txhais peg ceeb txhais taug kum huj kum lis nkaus.
zoo li txhia niaj mus txhia hnub,txhia hnub mus txhia hmo nej txhij cuab sawv daws tuaj nrog luag tsev xyom cuab tso daj mus tso luag hnub no kus hmo no wb laj lig tub mus txiv xaiv yuav tswm lis nthaub nej txhij cuab sawv daws tuaj nrog luag tsev xyom cuab zov tus qauv tuag .
Ceeb toom nej sam phiaj ceeb xyuam tsum txoom zeej lawv npoj qas laus dej dawg ceeb pes nraug rooj txhais peg ceeb txhais taug kum huj kum lis nkaus.
zoo li txhia niaj mus txhia hnub,txhia hnub mus txhia hmo nej txhij cuab sawv daws tuaj nrog luag tsev xyom cuab tso daj mus tso luag rau tej ntus cub ,hnub no kus hmo no wb laj lig tub mus txiv xaiv yuav tswm lis nthaub nej txhij cuab sawv daws tuaj nrog luag tsev xyom cuab zov tus qauv sub.
Nej txhij cuab sawv daws yuav hawm thawj tuaj tswb nkaim tswm seeb zog tuaj tswb txus ,wb laj lig tub hais xaiv li zoo sawv ntxaim lawm ncej qab nteeg los hais tus tsav paj lus .
Nej txhij cuab sawv daws yuav hawm thawj tuaj tswb nkaim tswm seeb zog tuaj tswb khav ,wb laj lig tub hais xaiv li zoo sawv ntxaim lawm ncej qab nteeg los hais tus tsav paj lus los qhia kev tsav .nob lias nej sam phiaj ceeb xyuam tsum.
4.Ceeb toom lis zus nej sam phiaj ceeb xyuam tsum txoom zeej lawv npoj qas laus dej dawg ceeb pes nraug rooj txhais peg ceeb txhais taug kum huj kum lis nkaus.
O b xyoo nram ntej ub nws laus ua lub neej nyob nws ua neej mus xws luag neej ,nws rauv taws los rauv mus tsham leej .
O b xyoo nram ntej ub nws laus ua lub neej nyob nws ua neej mus xws luag,nws rauv taws los rauv mus nto tsuag .
Xyoo no nws laus qaij qaug lis yeev los lawm,nws ua lub neej tsis xws neej ,nws rauv taws los rauv tsis tsham leej .
Xyoo no nws laus qaij qaug lis yeev los lawm,nws ua lub neej tsis xws luag,nws rauv taws los rauv tsis nto tsuag.
Zoo li hmo no nws laus nrab plaj xab cia qas tsi,cia tus npua nraj nraum nraug leev los mus txaij ceg tub tsheej kus luj vim nej sam phiaj kus lawv sam tsum nej txhij cuab sawv daws pab wb laj lig tub hais xaiv los qhau tau lawm nws laus lub zoo mus sab nceg .
Zoo li hmo no nws laus nrab plaj tsev cia qas tsi,cia tus npua nraj nraum nraug leev los mus txaij pu tub tsheej kus luj vim nej sam phiaj kus lawv sam tsum nej txhij cuab sawv daws pab wb laj lig tub hais xaiv los qhau tau lawm nws laus lub zoo mus sab mus .nob lias nej sam phiaj ceeb xyuam tsum
5. Nqe no yog nqe hais txog rub lub rooj nqus rooj.
Ceeb toom lis zus nej sam phiaj ceeb xyuam tsum txoom zeej lawv npoj qas laus dej dawg ceeb pes nraug rooj txhais peg ceeb txhais taug kum huj kum lis nkaus.
Hmo no yuav tav tau nkawm khaub plees nkauj nraum nws lub caij ntaus tooj ntaus ncas sib ntxhi kus sib ntxhuav yuav mus sawv kab yuav tav tau nkawm tub nqus rooj lag pes yeev tuaj nrub nrab .
Hmo no yuav tav tau nkawm khaub plees nkauj nraum nws lub caij ntaus tooj ntaus ncas sib ntxhi kus sib ntxhuav yuav mus sawv kev yuav tav tau nkawm tub nqus rooj lag pes yeev tuaj nrab tse.
Yuav tsis tim tau nkawm tub mus hlawv toj,tim tau nkawm tub mus suav yij ,tsis tim wb laj lig tub mus txiv xaiv, tsis tim tsev xyom cuab tim tau nkawm tub nqus rooj lag pes yeev neb nqus txhij los tsis tau txhij .
Yuav tsis tim tau nkawm tub mus hlawv toj,tim tau nkawm tub mus xuav kauv, tsis tim wb laj lig tub mus txiv xaiv, tsis tim tsev xyom cuab tim tau nkawm tub nqus rooj lag pes yeev neb nqus tau los tsis tau tau .
Yuav tsis tim tau ntxwj nyug nkawm tub mus hlawv toj,tim tau nkawm tub mus xuav cua ,tsis tim wb laj lig tub mus txiv xaiv Tsis tim tsev xyom cuab,tim tau nkawm tub txheeb qhua txheeb txhua los tsis tau txhua .Nej zaum txhij los tsis txhij zaum txhua los tsis txhua,qab tes los yog nqaij qaum tes los yog ntshav,qas ntawg los yog neej qas nraug los yog tsav.
Yuav tsis tim tau ntxwj nyug nkawm tub mus hlawv toj,tim tau nkawm tub mus xuav yij ,tsis tim wb laj lig tub mus txiv xaiv Tsis tim tsev xyom cuab,tim tau nkawm tub txheeb qhua txheeb txhij los tsis tau txhij .Nej zaum txhij los tsis txhij zaum txhua los tsis txhua,qab tes los yog nqaij qaum tes los yog ntshav,qas ntawg los yog neej qas nraug los yog tsav.
Zoo li niam neej tuaj muaj npaum nplooj los niam neej nws tuaj muaj nws rooj,txiv tsav tuaj muaj npaum tsuag los txiv tsav tuaj muaj txiv tsav luag.
Zoo li nyob tsam tseg niam neej tuaj tom taj ces niam neej npuj roog tuaj sis zaj,tseg txiv tsav tuaj tom txuas nyob tsam txiv tsav npuj roog tuaj sis ntshuas.
Tseg niam neej sawv tuaj txhais taug nyob tsam niam neej sawv niam neej ntshaus caug,tseg txiv tsav sawv tuaj txhais peg nyob tsam txiv tsav sawv txiv tsav ntshaus ceg.
Txheeb tau leej mus tau zaum los tsis hlav ib txhais npab ,tseg tau leej tsis tau zaum los tsis yau ib ceg qab .
Txheeb tau leej mus tau zaum los tsis hlav ib txhais tes ,tseg tau leej tsis tau zaum los tsis yau ib txhais ceg .
Txheeb tau leej mus tau zaum los tsis tau lub teev kub ,tseg tau leej tsis tau zaum los yeeb vim yog ob xyoo nram ntej ub nws laus ua lub neej nyob tsis tau nrog nws laus hlub .
Txheeb tau leej mus tau zaum los tsis tau lub teev ntoo ,tseg tau leej tsis tau zaum los yeeb vim yog ob xyoo nram ntej ub nws laus ua lub neej nyob tsis tau nrog nws laus zoo .zoo li nej sam phiaj ceeb xyuam tsum nej zaum txhij los tsis txhij,zaum txhua los tsis txhua yog sawv daws mus zaum txhij ces nrog mus txhum chim.nob lias nej sam phiaj ceeb xyuam tsum.
6.Nqe tswm qeej tswm nruas.
Ceeb toom lis zus nej sam phiaj ceeb xyuam tsum txoom zeej lawv npoj qas laus dej dawg ceeb pes nraug rooj txhais peg ceeb txhais taug kum huj kum lis nkaus.
Txhia niaj mus txhia hnub txhia hnub mus txhia hmo,neb nkawm txiv qeej neb ua qeej ntuag nchav lis ntws tuaj tom ub ,los neb ua qeej ntuag nchav ntws los zov hnub .
Txhia niaj mus txhia hnub txhia hnub mus txhia hmo,neb nkawm txiv qeej neb ua qeej ntuag nchav lis ntws tuaj tom no,los neb ua qeej ntuag nchav ntws los zov hmo.
Hmo no wb laj lig tub hais xaiv wb yuav los rub nws laus lub rooj mob mus rooj tuag ,wb yuav los hais nws laus lub txim ploj los txim tuag .
Hmo no wb laj lig tub hais xaiv wb yuav los rub nws laus lub rooj mob mus rooj plog,wb yuav los hais nws laus lub txim mob los txim tog.
Txhia niaj mus txhia xyoo toj siab tsis txawm tau txooj xyoob txhia chaw qis tsis txawm tau txooj huab duag ,txhia niaj mus txhia hmo wb tsis tswm neb niam nkauj qeeg txiv nraug nruas .
Txhia niaj mus txhia xyoo toj siab tsis txawm tau txooj xyoob txhia chaw qis tsis txawm tau txooj xyoob txhia ,txhia niaj mus txhia hmo wb tsis tswm neb niam nkauj qeeg txiv nraug nruas nrog dai cia.
Xyoo no toj siab txawm tau txooj xyoob txhia chaw qis txawm tau txooj huab duag ,hmo no wb laj lig tub hais xaiv yuav tswm lis nthaub neb niam nkauj qeeg txiv nraug nruas .
Xyoo no toj siab txawm tau txooj xyoob txhia chaw qis txawm tau txooj xyoob txhia, hmo no wb laj lig tub hais xaiv yuav tswm lis nthaub neb niam nkauj qeeg txiv nraug nruas nrog dai cia.
Wb laj lig tub hais xaiv tswm lis nthaub neb niam nkauj qeeg txiv nraug nruas so lis ntxhub tej xub ntsa ,hmo no neb tsis tim ua neb niam nkauj qeeg txiv nraug nruas ncha .
Wb laj lig tub hais xaiv tswm lis nthaub neb niam nkauj qeeg txiv nraug nruas so lis ntxhub tej xub nceg ,hmo no neb tsis tim ua neb niam nkauj qeeg txiv nraug nruas deg .
Neb kooj ziag kab zaug neb pab maj tim xyoob coob,wb nrog tswm tsis tau neb pab maj tim xyoob,neb nrog tswm neb pab maj tim xyoob rov nrog ntxaws ,hmo no ces ceeb tsaus ntuj kaj ntug tag kis ntxov,wb laj lig tub hais xaiv wb mus ncig ntuj los poob ncig teb los txog neb mam li los coj neb pab maj tim xyoob maj mam tshov maj mam tawg .
Neb kooj ziag kab zaug neb pab maj tim xyoob coob,wb nrog tswm tsis tau neb pab maj tim xyoob,neb nrog tswm neb pab maj tim xyoob rov nrog cia ,hmo no ces ceeb tsaus ntuj kaj ntug tag kis ntxov,wb laj lig tub hais xaiv wb mus ncig ntuj los poob ncig teb los txog neb mam li los coj neb pab maj tim xyoob maj mam tshov maj mam dhia .Nob lias nej sam phiaj ceeb xyuam tsum
7.Nqe uas tswm nkauj tswm nraug.
Ceeb toom lis zus nej sam phiaj ceeb xyuam tsum txoom zeej lawv npoj qas laus dej dawg ceeb pes nraug rooj txhais peg ceeb txhais taug kum huj kum lis nkaus.
Hmo no yuav tav tau nkawm tub nqus rooj lag pes yeev tuaj nruab nrab ,yuav tav tau neb nkawm khaub plees nkauj nraum lub caij ntaus tooj ntaus ncas sib ntxhi kus sib ntxhuav li tus yuav mus sawv kab .
Hmo no yuav tav tau nkawm tub nqus rooj lag pes yeev tuaj nruab tsev,yuav tav tau neb nkawm khaub plees nkauj nraum lub caij ntaus tooj ntaus ncas sib ntxhi kus sib ntxhuav li tus yuav mus sawv kev.
Neb nkawm khaub plees nkauj nraum neb tsis tim ua zam sees xws tawv nab ,neb tsis tim daj tias mus nrog luag txws ploj es yuav mus deev luag nyab .
Neb nkawm khaub plees nkauj nraum neb tsis tim ua zam sees xws tawv cev ,neb tsis tim daj tias mus nrog luag txws ploj es yuav mus deev luag sev.
Neb nkawm khaub plees nkauj nraum neb ntaus tooj ntaus ncas neb tsis tim ntaus tav yawm xeev yawm txwj laug tej hauv kab ,nyob tsam neb mag yawm xeev yawm txwj laug lub voj hmab .
Neb nkawm khaub plees nkauj nraum neb ntaus tooj ntaus ncas neb tsis tim ntaus tav yawm xeev yawm txwj laug tej hauv kev,nyob tsam neb mag yawm xeev yawm txwj laug lub voj lev.
Yawm xeev yawm txwj laug txheeb txog peb tshwj kab mus kav xwm niaj 3 suab ,peb yuav npuj roob riag daws rov nrog muab .
Yawm xeev yawm txwj laug txheeb txog peb tshwj kab mus kav xwm niaj 3 npes ,peb yuav npuj roob riag daws rov nrog ntes .
Peb yuav ntes neb nkawm khaub plees nkauj nraum cab mus txog tej yas kab ,yuav mus hais neb 3 zag 3 zag tus lus dab .
Peb yuav ntes neb nkawm khaub plees nkauj nraum cab mus txog tej yas kev,yuav mus hais neb 3 zag 3 zag tus lus d.ev.
Neb tsis hais los neb tsis dim ,neb hais los neb nyiaj txiag mus dua nrim .
Neb tsis hais los neb tsis dua ,neb hais los neb nyiaj txiag mus dua ntsua .
Neb yuav hais 3 zag 3 zag tuaj tom taj ,hais 3 zag 3 zag neb tus lus txaj ,ces neb plam plaws neb txoj hlua maj .
Neb yuav hais 3 zag 3 zag tuaj tom txuas ,hais 3 zag 3 zag neb tus lus txaj muag ,ces neb plam plaws neb txoj qab hlua ntuag .
Neb nkawm khaub plees nkauj nraum,zoo li dua zaum no neb ntaus tooj ntaus ncas neb ntaus mus ciaj khaub ,neb tsis pub yawm xeev yawm txwj laug paub .
Neb nkawm khaub plees nkauj nraum,zoo li dua zaum no neb ntaus tooj ntaus ncas neb ntaus mus ciaj kos ,neb tsis pub yawm xeev yawm txwj laug pom.
Zaum no neb ntaus tooj ntaus ncas neb ntaus mus deb neb li tau nyob ntev .
Zaum no neb ntaus tooj ntaus ncas neb ntaus mus dav neb li tau nyob qab.Nob lias nej sam phiaj ceeb xyuam tsum
8.Nqe yus tsis txawj hais es yus rov qab thuam yus.
Ceeb toom lis zus nej sam phiaj ceeb xyuam tsum txoom zeej lawv npoj qas laus dej dawg ceeb pes nraug rooj txhais peg ceeb txhais taug kum huj kum lis nkaus.
Ob xyoo nram ntej ub tshav ntuj niam nkauj kab zaug sab sawv mus cab sab,los nag yij txeeg kau laws mus dhau dej ,txhia niaj mus txhia zaus luag txawj txib mus txawj khaiv luag khaiv tau luag tub khaiv luag txib tau luag tub txib ua lub neej seev qas yee mus nto teej .
Ob xyoo nram ntej ub tshav ntuj niam nkauj kab zaug sab sawv mus cab sab,los nag yij txeeg kau laws mus dhau hav ,txhia niaj mus txhia zaus luag txawj txib mus txawj khaiv luag khaiv tau luag tub khaiv luag txib tau luag tub txib ua lub neej seev qas yee mus nto khav.
Xyoo no tshav ntuj niam nkauj kab zaug sab tsis sawv mus cab sab los nag yij txeeg tsis kau laws mus dhau dej .hmo no luag tsev xyom cuab tsis txawj txib mus tsis txawj khaiv los txib tau wb laj lig tub mus txiv xaiv ua lub neej seev saub qas yeev tsis nto lawm teej yua .
Xyoo no tshav ntuj niam nkauj kab zaug sab tsis sawv mus cab sab los nag yij txeeg tsis kau laws mus dhau hav .hmo no luag tsev xyom cuab tsis txawj txib mus tsis txawj khaiv los txib tau wb laj lig tub mus txiv xaiv ua lub neej seev saub qas yeev tsis nto khav.
Txhia niaj mus txhia xyoo luag txawj txib mus txawj khaiv,luag txib tau nkawm tub txib khaiv tau nkawm laj lig tub mus txiv xaiv,luag tshuv yees tej qab deg tawm plaws tej qab dawg ,luag los leg luag plaub xaiv ncej ntug leg rov nrog ntxaws .
Txhia niaj mus txhia xyoo luag txawj txib mus txawj khaiv,luag txib tau nkawm tub txib khaiv tau nkawm laj lig tub mus txiv xaiv,luag tshuv yees tej qab dawg tawm plaws tej qab deg ,luag los leg luag plaub xaiv ncej ntug leg rov nrog ntseg.
Zoo li hmo no tsev xyom cuab tsis txawj txib mus tsis txawj khaiv los khaiv tau wb laj lig tub mus txiv xaiv wb los tshuv yees tej qab dawg ,tawm tsis tau tej qab deg ,wb los leg wb tsev xyom cuab plaub xaiv ncej ntug wb leg tsis ntseg .
Zoo li hmo no tsev xyom cuab tsis txawj txib mus tsis txawj khaiv los khaiv tau wb laj lig tub mus txiv xaiv wb los tshuv yees tej qab deg ,tawm tsis tau tej qab dawg ,wb los leg wb tsev xyom cuab plaub xaiv ncej ntug wb leg tsis ntxaws.
Ob xyoo nram ntej ub toj siab tsis txawm lawm xyoob iab ,chaw qis tsis txawm lawm txooj huab duag ,ob xyoo nram ntej ub luag txib tau nkawm tub txib khaiv tau luag laj lig tub mus txiv xaiv es luag lub paws lub plhu tsis nphob lis xuav xws li tsev xyom cuab ntxhiav niam nkauj mog mim lub suab mus dab quag .
Ob xyoo nram ntej ub toj siab tsis txawm lawm txooj huab duag ,chaw qis tsis txawm lawm txooj xyoob txhia ,ob xyoo nram ntej ub luag txib tau nkawm tub txib khaiv tau luag laj lig tub mus txiv xaiv es luag lub paws lub plhu tsis nphob lis xuav xws li tsev xyom cuab ntxhiav niam nkauj mog mim lub suab mus dab Nyia.
Yeeb vim xyoo no toj siab txawm lawm xyoob iab ,chaw qis txawm lawm txooj huab duag ,es hmo no tsev xyom cuab tsis txawj txib txib tau wb nkawm tub txib,khaiv tau wb nkawm laj lig tub mus txiv xaiv,es wb lub paws lub plhu nphob lis xuav xws li tsev xyom cuab ntxhiav niam nkauj mog mim lub suab mus dab quag .
Yeeb vim xyoo no toj siab txawm lawm xyooj huab duag ,chaw qis txawm lawm txooj xyoob iab ,es hmo no tsev xyom cuab tsis txawj txib txib tau wb nkawm tub txib,khaiv tau wb nkawm laj lig tub mus txiv xaiv,es wb lub paws lub plhu nphob lis xuav xws li tsev xyom cuab ntxhiav niam nkauj mog mim lub suab mus dab nyia .nob lias nej sam phiaj ceeb xyuam tsum txoom zeej lawv npoj qas laus.
9.Nqe taug noob mob.
Ceeb toom lis zus nej sam phiaj ceeb xyuam tsum txoom zeej lawv npoj qas laus dej dawg ceeb pes nraug rooj txhais peg ceeb txhais taug kum huj kum lis nkaus.
Zoo li tav no niaj nas me noog nws ua neej txoos lis yees lawm zoov nuj xiab nws ntshai qas tsi nws tsuas ntshai lawm muaj neeg siab tsis zoo es mus ntoj ntxiab los nthuav chav , nws laus ua neej txoos lis yees lawm ntiaj teb nws ntshai qas tsi nws tsuas ntshai koj kev mob mus kev ntshav .
Zoo li tav no niaj nas me noog nws ua neej txoos lis yees lawm zoov nuj xiab nws ntshai qas tsi nws tsuas ntshai lawm muaj neeg siab tsis zoo es mus ntoj ntxiab los nthuav hlua ne, nws laus ua neej txoos lis yees lawm ntiaj teb nws ntshai qas tsi nws tsuas ntshai koj kev mob mus kev tuag.
Zoo li ob xyoo nram ntej ub nws laus lub qhov rooj tag tsis txawm lawm paj huab nkag,lub qhov rooj txuas tsis txawm lawm paj huab duag,tawg paj los nws laus tsis khaws los coj,txi txiv los nws laus tsis khaws los noj,tawg paj los nws laus tsis khaws los ntoo,txi txiv los nws laus tsis khaws los yoog.
Yeeb vim xyoo no phem niaj los tsiv xyoo phem hnub los tsiv nyoog,nws laus lub qhov rooj tag txawm tau paj huab nkag,lub qhov rooj txuas txawm tau paj huab duag,tawg paj nws laus khaws los coj ,txi txiv nws laus khaws los noj,tawg paj nws laus khaws los ntoo txi txiv nws laus khaws los yoog.
Niaj liab me cuam mus ua tsiv siab muab lub txiv lwj los pauv nws laus lub txiv ntsib,noj tas nce hlo zoov nuj txeeg tej kis nrab ,ces nws laus li ploj qaug lis yeev tuaj tom qab .
Niaj liab me cuam mus ua tsiv plawv muab lub txiv lwj los pauv nws laus lub txiv ntsib,noj tas nce hlo zoov nuj txeeg tej kis ntev ,ces nws laus li ploj qaug lis yeev tuaj tom tsev.Nob lias nej sam phiaj ceeb xyuam tsum
10.Nqe muaj mob mus ua tsawv.
Ceeb toom lis zus nej sam phiaj ceeb xyuam tsum txoom zeej lawv npoj qas laus dej dawg ceeb pes nraug rooj txhais peg ceeb txhais taug kum huj kum lis nkaus.
Zoo li txhia niaj mus txhia xyoo,ntxwj nyoog tsis tso lawm zaj mob poob nthav nws laus tej npoo txaj ,ces nws laus tsis khaws tau zaj mob los puag ntsaj hos .
Zoo li txhia niaj mus txhia xyoo,ntxwj nyoog tsis tso lawm zaj mob poob nthav nws laus tej npoo ncoo ,ces nws laus tsis khaws tau zaj mob los puag nroo .
Xyoo no ntxwj nyoog tso lawm zaj mob poob nthav nws laus tej npoo txaj ,ces nws laus li khaws tau ntxwj nyoog zaj mob los puag ntsaj.
Xyoo no ntxwj nyoog tso lawm zaj mob poob nthav nws laus tej npoo ncoo ,ces nws laus li khaws tau ntxwj nyoog zaj mob los puag nroo .
Nws tub nws kiv siab tsis qab ,li tuav txhuv qas lias tuaj ntawm taw siav sis tuaj ntawm npab ,yuav mus ua tsawv tuaj nram mab .
Nws tub nws kiv siab tsis qaug ,li tuav txhuv qas lias tuaj ntawm taw siav sis tuaj ntawm duav ,yuav mus ua tsawv tuaj nram suav.
Nws tub nws kiv li tes lauj caum cwj xyab tes nag caum cwj ntawv mus ntoj neeb kus nthuav yaig saib ne,nws tub nws kiv ntauj lis tawv mus txog ntauj lis tawv mus poob, zoo li txiv muam mab li tes lauj caum lawm cwj xyab nrom nroos tuaj nruab cub txhos ntsos rov sam phaj ne, pa xyab pa ntawv ncho lis log rov pem ntuj , txiv muam mab ncoj neeb los poob nchos neeb rov los txog txiv muam mab tias,xyoo no zaj twg los tsis tau tsav twg los tsis aiv yog poob tau nws laus lub xyoo pluj .
Nws tub nws kiv li tes lauj caum cwj xyab tes nag caum cwj ntawv mus ntoj neeb kus nthuav yaig saib ne,nws tub nws kiv ntauj lis tawv mus txog ntauj lis tawv mus poob, zoo li txiv muam mab li tes lauj caum lawm cwj xyab nrom nroos tuaj nruab cub txhos ntsos rov sam phaj ne, pa xyab pa ntawv ncho lis log rov pem tsuag , txiv muam mab ncoj neeb los poob nchos neeb rov los txog txiv muam mab tias,xyoo no zaj twg los tsis tau tsav twg los tsis aiv yog poob tau nws laus lub xyoo tuag .
Zoo li nws tub nws kiv siab tsis qaug tes lauj muab cwj xyab nrom nroos tuaj nruab zeb ,tig ntiag xib lees rov los feb .
Zoo li nws tub nws kiv siab tsis qaug tes lauj muab cwj xyab nrom nroos tuaj nruab av ,tig ntiag xib lees rov los qab.
Zoo li nws tub nws kiv rov los txog tim toj ne cas los hnov tau nws laus lub moo ploj .
Zoo li nws tub nws kiv rov los txog tim tsuag ne cas los hnov tau nws laus lub moo tuag.
Nws tub nws kiv rov ntsuj los txog tsev cas nws laus rov taw mus lias txaj hos rov hau mus lias ncoo. Nob lias nej sam phiaj ceeb xyuam tsum.
11.Zaj uas nruam sim lawm es mus hu zej hu zos tuaj yuav mus txiav nees.
Ceeb toom lis zus nej sam phiaj ceeb xyuam tsum txoom zeej lawv npoj qas laus dej dawg ceeb pes nraug rooj txhais peg ceeb txhais taug kum huj kum lis nkaus.
Zoo li tav no nws laus tsis ploj los ploj los lawm tsis tuag los tuag los mus,plooj ntug los coos hnub sau laus los hmo no,nplua taw lis npleev tuaj saum zeb cev qaug yeev los lawm yeeb tim teb .
Zoo li tav no nws laus tsis ploj los ploj los lawm tsis tuag los tuag los mus,plooj ntug los coos hnub sau laus los hmo no,nplua taw lis npleev tuaj saum tsag cev qaug yeev los lawm yeeb tim nrag.
Nws tub nws kiv tsis pom qab sab laj sab laj lis zus rau nyuj suab kub twg xib lis nqiab ,kev zej kev zos ntauj lis khiab .
Nws tub nws kiv tsis pom qab sab laj sab laj lis zus rau nyuj suab kub twg xib lis nqawv ,kev zej kev zos ntauj lis tawv .
Kev zej ntauj tuaj poob kev zos ntauj tuaj txog,zoo li yuav sab laj lis zus rov tom taj ces yuav mus txiav nws laus tus nees zaj yua .
Kev zej ntauj tuaj poob kev zos ntauj tuaj txog,zoo li yuav sab laj lis zus rov tom txuas ces yuav mus txiav nws laus tus nees luav.
Zoo li tub ntug zej tub ntug zos tes lauj caum rab riag 3 plhu ncauj yuav mus txiav nws laus tus nees zaj nees luav ne yuav nce lis hlo toj taim sab tim ub mus txiav tus ntoo maj ib tug ntoo tov nqes ib nkawg ib riag ob tog tu ,coj los ua nws laus tus nees zaj nees quas pu .
Zoo li tub ntug zej tub ntug zos tes lauj caum rab riag 3 plhu ncauj yuav mus txiav nws laus tus nees zaj nees luav ne yuav nce lis hlo toj taim sab tim ub mus txiav tus ntoo maj ib tug ntoo tov nqes ib nkawg ib riag ob tog tseg ,coj los ua nws laus tus nees zaj nees quas ceg .
Zoo li nees zaj nees luav tias nees zaj nees luav los tsis taus ,muab saw tooj kus saw hlau khi lis nkaus nees zaj nees luav tej hauv kaus .
Zoo li nees zaj nees luav tias nees zaj nees luav los tsis nyog ,muab saw tooj kus saw hlau khi lis nkaus nees zaj nees luav tej hauv lo.
Zoo li nees zaj nees luav los ntuj tsis los ntwg los ntuj ntwg txog tej yas kab ,nees zaj nees luav yuav los ua tus nqaj mus nyom nthab .
Zoo li nees zaj nees luav los ntuj tsis los ntwg los ntuj ntwg txog tej yas kev,nees zaj nees luav yuav los ua tus nqaj mus nyom tsev.
Zoo li nees zaj nees luav ncauj nees ces tis xov ntswj ,cev nees tis xov npuag ,nees zaj nees luav yuav cug tau qaum lis nroov yuav los ris nws laus tus qauv tuag .
Zoo li nees zaj nees luav ncauj nees ces tis xov npuag ,cev nees tis xov ntswj,nees zaj nees luav yuav cug tau qaum lis nroov yuav los ris nws laus tus qauv lwj.
Zoo li nees zaj nees luav ncauj nees tis xov tooj liab ,cev nees tis xov tooj dag ,yuav cug qaum li nroov yuav los tis nws laus caij nees ntws los lawm yeeb tim nrag .
Zoo li nees zaj nees luav ncauj nees tis xov tooj dag,cev nees tis xov tooj liab,yuav cug qaum li nroov yuav los tis nws laus caij nees ntws los lawm yeeb tim kiab.Nob lias nej sam phiaj ceeb xyuam tsum.
12.nqe yuav ntos khau rau nws rau.
Ceeb toom lis zus nej sam phiaj ceeb xyuam tsum txoom zeej lawv npoj qas laus dej dawg ceeb pes nraug rooj txhais peg ceeb txhais taug kum huj kum lis nkaus.
Zoo li nws laus nplua taw lis npleev tuaj saum zeb ,cev qaug yeev los lawm yeeb tim teb .
Zoo li nws laus nplua taw lis npleev tuaj saum tsag ,cev qaug yeev los lawm yeeb tim nrag .
Nws tub txoos npoj xyom cuab tsis pom qab sab laj sab laj lis zus rau nyuj suab kub twg xib lis nqiab ,kev zej kev zos ntauj lis khiab .
Nws tub txoos npoj xyom cuab tsis pom qab sab laj sab laj lis zus rau nyuj suab kub twg xib lis nqawv ,kev zej kev zos ntauj lis tawv.
Kev zej ntauj tuaj poob kev zos ntauj tuaj txog,kev zej sab laj lis zus rov tom taj , sab laj lis zus mus ntos tau nws laus nkawm khau maj .
Kev zej ntauj tuaj poob kev zos ntauj tuaj txog, kev zos sab laj lis zus rov tom txuas , sab laj lis zus mus ntos tau nws laus nkawm khau ntuag.
Tub ntug zej tub ntug zos,yuav muab nws laus nkawm khau maj ntos lis zus lub ntswg los ua ib puab ,ntos lis zus lub cob los ua ib ntsig ,muab rau nws laus coj mus rau lawm ntxwj nyoog toj kev kab ntsig .
Tub ntug zej tub ntug zos,yuav muab nws laus nkawm khau maj ntos lis zus lub ntswg los ua ib txig ,ntos lis zus lub luj los ua ib puab ,muab rau nws laus coj mus rau lawm ntxwj nyoog toj kev kab ntsuab.
Yuav ntos nws laus nkawm khau maj ces ntos lub luj los ua ib puab lub ntswg los ua ib cob, muab rau nws laus coj mus tsuj lawm ntxwj nyoog saum ub toj taim kev kab nog.nob lias nej sam phiaj ceeb xyuam tsum
13.Nqe hais ob peb los rau txiv yawm thaj xyoob thiab cov zaum tsum kom sawv daws txawj los txhob tuaj lwv ob tug laj lig tub txiv xaiv.
Ceeb toom lis zus nej sam phiaj ceeb xyuam tsum txoom zeej lawv npoj qas laus dej dawg ceeb pes nraug rooj txhais peg ceeb txhais taug kum huj kum lis nkaus.
Zoo li koj txiv yawm thaj xyoob laug, koj ua tus ntoo maj ntoo tov txawm qas lias tuaj nruab roob , wb laj lig tub txiv xaiv wb li ua nkawm noog liaj noog luv ya tav yuj yees los tau lub chaw poob .
Zoo li koj txiv yawm thaj xyoob laug, koj ua tus ntoo maj ntoo tov txawm qas lias tuaj nruab dawg , wb laj lig tub txiv xaiv wb li ua nkawm noog liaj noog luv ya tav yuj yees los tau lub chaw tsaws .
Zoo li ntuj huv ntuj lis lias ,teb huv teb lis si noog liaj rag lis ntxiag noog luv rag lis rhi , zoo li noog liaj tsis tim ya tav noog luv tej hau kab ,nej tub tsheej kus luj vim sam phiaj kus lawv sam tsum nej coj muaj tub txib kus tub txawg tsis tim los ceeb yeem zog wb laj lig tub txiv xaiv siav pa tu nrho tej nrab plaj xab .
Zoo li ntuj huv ntuj lis si ,teb huv teb lis lias noog liaj rag lis rhi noog luv rag lis ntxiag , zoo li noog liaj tsis tim ya tav noog luv tej hau kev ,nej tub tsheej kus luj vim sam phiaj kus lawv sam tsum nej coj muaj tub txib kus tub txawg tsis tim los ceeb yeem zog wb laj lig tub txiv xaiv siav pa tu nrho tej nrab plaj tsev.Nob lias nej sam phiaj ceeb xyuam tsum.
