Tooj Thoj - Nco Koj Tus Neeg Siab Zoo
Muab zaj nkauj no rau cov me txiv tsev lwj siab, thov nej ua lub siab ntev ua nej lub neej mog, txawm khuv xim npaum twg los sij hawm tig tsis tau rov qab, peb txawm hlub hlub nej npaum twg los tuav tsis tau npab lawm ces cia nej ua ib siab so kua muag, muab txoj kev lwj siab zais kiag tuaj rau nruab siab es so nej lub kua muag txhob quaj, lub neej thiaj tsis raug luag tej hais ,lub neej thiab tsis raug lawv tej luag yus.
Muab zaj nkauj no rau cov me txiv tsev lwj siab, thov nej ua lub siab ntev ua nej lub neej mog, txawm khuv xim npaum twg los sij hawm tig tsis tau rov qab, peb txawm hlub hlub nej npaum twg los tuav tsis tau npab lawm ces cia nej ua ib siab so kua muag, muab txoj kev lwj siab zais kiag tuaj rau nruab siab es so nej lub kua muag txhob quaj, lub neej thiaj tsis raug luag tej hais ,lub neej thiab tsis raug lawv tej luag yus.
Yug khub niam txiv,Lub cuab yig txhob pub lwm tug hnov, txhob pub lwm leej paub li, hauv zaj lus txhawb zog, nplig siab, ruaj siab, thiab cia siab lawm, txawm poj niam npau tawg, xub cem ua ntej, Koj cuab pob ntseg zoo mloog, poj niam chim heev lawm, yus yeem ua tug swb ua ntej, poj niam cem txaus siab kiag, lus xaus lawm, tsi muaj lus cem lawm, koj mam ua tib zoo hais, ua tib zoo ntuas, taw qhia txog qhov yog thiab tsi yog ,piav qhov zoo thiab qhov phem tom ntej, yov zoo li cas thiab piv txog thaum ua nkauj nraug txhua yam yog tsi xav yuav txawm txhob tham thaum ntawd, thaum ntawd twb zoo siab lees lus tas, txhua tsav yam zoo siab swb cev sib hlub ua ke yuav sis hlub ib txhis yog leej twg xub lauj lus xub rhuav tshem cuab yig kom khaum npam no, ua li puas nco lawm los tsi nco, tsi xav tus laus los ob leeg xav saum tej tub ntxhais, yog ob leeg roj ntsha tov ua ke lawv thiaj tshwm sim yug lLos ua neeg, tub ntxhais tsi paub dab tsi, tim yug ob tug laug xwb twb tsi yog wb ib leeg tuag, Ob leeg tseem rua muag pliav ntsia ntuj ntsoov, yuav muab tej tub ntxhais cais , ho xav li cas? wb tsi hlub wb los thov hlub tej tub ntxhais nawb, yog tsi hlub txhob yug lawv ua neeg ua ntsuag ciaj ntiaj teb, ib tug tau niam tsi muaj txiv, ib tug muaj txi los ib tug tsi tau niam, tus mus yug luag xub ntiag luag cev kaum npib nyiaj, tug coj txiv tom ntej los xyov puas tau ib npib, tus nrog txiv nyob ne yuav tau niam tshiab, niam tshiab hlub niam tshiab tug, niam tshiab tsi hlub koj tug, koj xav li cas?
Ib xyoos ntuj zeeg txog tub ntxhais lub hnub yug, luag muaj niam uag npaj ziag luag tub ntxhais, ua koj tug ne leej twg yov npaj rau? Pom luag muaj niam hlub, tub yov tu siab, pom luag muaj txiv , ntxhais yov tu plawv quaj twb ywm, muab xav txog yus lub neej ua tub ntsuag ntsoj, nkauj ntsuag nog, xav tias yuav cov muaj niam txiv tsam tsi txawj sis hlub. Tub ntsuag ntsoj thiaj sau siab hlo yuav nkauj ntsuag nog. Zoo phem ob leeg lub neej, sib puag xub pwg sib dai txog hnub tuag ncaim ntiaj teb no thiaj tsim nyog sib yuav ib zaug. Ua neej kom xws luag, muaj koob nto npe qhov zoo txhob poob lub npe poj nrauj yawg fav, poj tso yawg dim, tsi zoo mloog. Thaum nyob deb uag taw tes, thaum nyob ze luag taw ncauj, ntshe yov kub pob ntseg tas li.
Cia Ob leeg sib hlub , thaum zoo siab, sib hlub ua si kom txaus siab ntsws, ob leeg yuav sib pab ua zaub mov siav kom rau tiav log, zaum ua ke, noj luag nyav. Thaum noj tas, ob leeg sib pab ntsaig sib pab ntxuav taig diav khaws cia, ob leeg hnav tiab ris tsho tshiab nce tsheb tawm rooj kav kiab ncig khw ua si, luag ntxhwb ntxhi, luag sab nraum tsi paub, cav qhuas tias ob niam txiv ntawd txawj sib hlub kawg ua ke nraim li no xwb ces lub neej zoo lawm nyog.