Tseem Khib

MayPaj wrote:

Xyuas txuas ntxiv hauv youtube ----> https://www.youtube.com/watch?v=yxtbbrKC9t0&feature=related

Nyob zoo Maiv

Maiv e txij nkawm li thaum tseem khib khib mas zoo kawg li nas, yog thaum tsis khib lawm tu siab nyog nas Maiv

Hmoob ntuj qub qab wrote:

MayPaj wrote:

Xyuas txuas ntxiv hauv youtube ----> https://www.youtube.com/watch?v=yxtbbrKC9t0&feature=related

Nyob zoo Maiv

Maiv e txij nkawm li thaum tseem khib khib mas zoo kawg li nas, yog thaum tsis khib lawm tu siab nyog nas Maiv

MayPaj wrote:
Tijlaug, yog ob leeg sib hlub lawm yuav muaj kev tso siab, yog tias tseem khib ces txhais tau tias hlub tsis tas, thaum hlub tsis tas, yus los nsthai tsam nws dag yus, nws los ntshai tsam yus dag nws, thiaj ua lub neej khib siab ntsoov tias ua zoo tsam muaj hnub nws ntxeev siab rau yus, yog sib hlub tsis tau tsheej thiaj tsav khib npaum nod. Nyob teb chaws no kuv pom Maiv tooj thiab nws leej nkawm ob leeg sib ntseeg siab, tsis muaj kev khib rau tus tod, tus tod los yeej tsis ua khib tus nod siab, ob leeg sib hlub lawm tiag tiag, niam tso siab rau txiv, txiv tso siab rau niam ces kev khib tsis muaj hauv lub cuab lub yig

Hmoob ntuj qub qab wrote:
Nyob zoo Koojziagkabzaug thiab Maiv

Twb yog nej cov txiv siab loj siab dav heev thiaj pub nej tuaj tham pem pauv tswv yim nrog cov txiv neej hauv cab sab no kuv los qhuas nej cov txiv kawg li nawj.
Kuv los ntshe yuav tsis pub poj lag cuab tuaj ua si hauv cab sab li thiab vim tsam tham mus tham los lam muaj siab thaum ntawv lub PC yuav tawg mos mos nas ...hahahah.

MayPaj wrote:Tijlaug Hmoob ntuj qub qab, cas koj mus txog qhov twg los koj muaj duab paj duab teb duab chaw zoo nkauj tshiab khuj khid xwb, ua li tej paj koj thaij tso tawg paj tshiab txhua qhov yog hauv koj lub vaj los? cas koj yuav mus muaj paj hmab paj ntoo ntau tsav ntau yam ua luaj thiab yuad.

Tijlaug , yog koj tus pojniam nws tuaj cab sab, nws tuaj nrog tej viv ncaus tham nug moo los sis tuaj sau ntawv sib qhia txuj li Maiv Tooj wxwb no mas kuv xav tias koj tseem yuav zoo siab xwb os nawd, luag tej pojniam txawj ntse txawj kov cab sab, luag ua neej raws caij raws nyoog, txhob cia yus me niam tsev nyob tus zoo li ruam ruam yog tias nws muaj tswv yim zoo cia nws nthuav txuj tseg rau tej yau tau nyeem thaum nws dua toj lawm thiaj tshuav nws tej me hneev tes hneev taw rau yus taug qab thaum nco nws.

Feem coob kuv paub thiab tau pom ntawm qhov muag, pojniam Hmoob tsis tshuam sawm zoo, muaj ib txhia tsuav xyaum tau kov cab sab lawm ces kawg yuav xub xuas kev mus tham kev lom zem ua ntej yuav tham kev ua noj ua haus thiab kawm tswv yim. Li no ntau lub neej Hmoob nyob teb chaws vam meej tau plam tas tim pojniam thiab txiv neej kev phlom moj ua plees ua yim hauv cab sab, kov mus kov los ces cia li hloov mus ua tiag tiag saum neej, tus niam cia li tsis xav tab cuab, tus txiv cia li tsis xav tab yig. Pab tu siab kawg uas peb Hmoob tsis kawm siv cab sab rau qhov zoo hos ho mus siv rau qhov phem.

Tiam sis kuj tseem tshuav cov txawj tuaj los txawj rov, txawj tham los txawj yoog zoo li Hmoobntujqubqab, fathernature ,MaivTooj thiab tus puad kuv paub, peb txhua tus yog cov nyiam tuaj cab sab rau fab zoo tias tau ntsib yus haiv Hmoob nyob rau cab sab es cia sib hwm thiab sib nug moo sib paud tswv yim, tham tas yuav tau mus nrhiav noj nrhiav haus txhob cia kev plees qhau yus mus ua neeg tsis txim txiaj, poob koob poob npe.

Muaj cov zoo, muaj cov phem, yus yog hom twg nrog hom ntawv tham kuj tuaj tau cab sab zoo.

koojziagkabzaug wrote:

Nyob zoo Maypaj thiab Hmoob Ntujqubqab,

Hahahah...! Yuav hais li cas rau neb, neb tuav kuv npe kiag lawm las...Hahahah...! Kuv mam hais rau neb tias kuv zoo li cas, ua cas kuv ho tuaj cab sab tau ywj siab thiab kuv leej nkawm ho tso cai rau kuv tuaj tham ua si, tham txuj, tham pem, tham qhov tseeb, tham keeb kwm...Ib txwm kuv tsis zoo li luag tej, ib txwm kuv txawv luag tej tag nrho...Kuv tsis paub tias cas kuv zoo li ntawd, tej zaud kuv yeej tiam ib daim ntawv li ntawd los...Piv xam thaum kuv mus rau ib qho qhov twg mas kuv yeej cia li ua txawv lwm tus, kuv yeej tsis txhob txwm, tab sis kuv yeej tsis ua li luag tej ua li...Kuv tsis paub tias cas kuv zoo li ntawd...

Kuv yog ib tug neeg tsis nyiam cuav zos, tsis nyiam tham pem ua si tsis muaj paus muaj ntsis, kuv tsis nyiam saib TV, saib Movie, kuv tsuas nyeem ntawv thiab tu vaj tu tsev, tu tub tu kiv, xaws khaub ncaws thiab cog kuv lub vaj xwb...Hahhaha...! Zaum no me nyuam loj tag, me nyuam tsis tos yus saib xyuas lawv lawm, ces yog tsis tuaj sau cab sab ces tsis paub ua dab tsi lawm ne...Hahhaha...! Ces thiaj pib cab sab, tuaj kov ua si, tsis nyiam lauj...Ces thiaj li xyaum sau, sau ces muaj tswv yim tuaj ces txawm sau tsis tag li lawm...hahahaha...! Sau thiab sau ces ntshe nej twb laj nyeem los cia li tsis tso tseg li lawm...Kuv leej nkawm nws tsis txwv kuv, vim ib txwm nws paub tias kuv tsis dag, tsis zais siab, kuv hais ces kuv ua kom tau, kuv paub tias ua tsis tau ces kuv tsis hais...Hahahah...Ces nws pom kuv sau tau tej yam zoo zoo, ntau qhov chaw lawv tuaj nug kuv mus sau keeb kwm los yog coj mus qhia rau tub ntawv. Tsis tag li, tej txheeb ze, nquag qhuas zoo siab hlo rau kuv kev sau ntawv tshaj moo...Ces kuv leej nkawm nws tsis ev khib, nws ev kawm qhuav xwb...hahahah...! Ces rov los hais li kuv lo lus pem hauv paus, kuv ib txwm coj txawv luag tej...Kuv tus txiv thiaj cia kuv tuaj sau ntawv, thiab kuv kuj ho nyiam sau ntawv thiab...Ces zoo siab heev uas tseem tuaj ntsib, tuaj nrhiav tau Maiv paj thiab Mim uas yog poj niam ib yam li kuv, tab sis nyiam li kuv ces kuv thiaj muaj zog tshaj ntxiv lawm thiab...Hahahah...! Hmoob Ntujqubqab, kuv hais li nov ntshe nws ib ce yuav xob tag...Tab sis zam txim nawb...Vim thaum ub mus kawm ntawv tsis kam sia sev, cia li hnav tsho thiab ris xwb...Ces zaum no thiaj pheej tsis coj li nws tus ...Nws mas cas txawj tis npe rau nws tus...Ua luaj...hahah...Thawj zaug kuv nyeem, kuv twb tsis to taub...Zaum ob no kuv mam paub tias yog nws tus me ab no...

koojziagkabzaug wrote:

Hmoob Ntujqubqab,

Hahahah...! Nws mas tawg hais heev...!
Nws me Hmoob leej ntxhais ces tsis txawj los lam tuaj hais lus paj paws
Tsis paub los lam tuaj cuav zos tham ncauj xwb...Hahhaah...!

Nyob teb chaws vam meej ces nyob twm zeej
Nyob teb chaw tawv dawb ces nyob twm kawv
Yog tsis cuav zos cab sab ces siab fab
Yog tsis tham zaj hauv forum ces siab ntxhov...Thiaj li tuaj tauv pem xwb yeej tsis lem...

koojziagkabzaug wrote:

Nyob zoo Hmoob Ntujqubqab,

Teb chaws Fab Kis nws tsis coj li Mes Liv Kas, nws coj ib yam li ntau lub teb chaws hauv ntiaj teb no. Nws coj li Nplog teb Thaib teb. Yog tus txiv ua dhau cai lawm, luag mam saib xyuas, luag tsis tsa ib tug cai, qhau ib tug cai...Ces peb kuj nyob li sib hlub, tsis muaj teeb meem dab tsi.

Hmoob ntuj qub qab wrote:

koojziagkabzaug wrote:

Nyob zoo Hmoob Ntujqubqab,

Teb chaws Fab Kis nws tsis coj li Mes Liv Kas, nws coj ib yam li ntau lub teb chaws hauv ntiaj teb no. Nws coj li Nplog teb Thaib teb. Yog tus txiv ua dhau cai lawm, luag mam saib xyuas, luag tsis tsa ib tug cai, qhau ib tug cai...Ces peb kuj nyob li sib hlub, tsis muaj teeb meem dab tsi.

Nyob zoo koojziagkabzaug

Yog li mas kuj nyob ywj pheej lawm thiab qhov txhaum cia txhaum qhov yog cia yog li no thiaj nyob kaj siab thiaj tsis muaj teeb meem tej txij nkawm sib tua sib nkaug
li Mes kuj teb.

MayPaj wrote:Tijlaug Hmoobntujqubqab, yog muab fabkisteb piv rau meskasteb mas fabkisteb tsis loj npaum li meskas tiam sis muab kev vam meej piv ces sib luag thiab xwb, vim nyias nyob nyias ntuj nyias muaj nyias txuj, qhov twg los nyias txawj lawm nyias ib yam, kev khwv noj khwv haus ces kawg tib yam thiab xwb, tiam sis yog yuav hais kev lom zem ntshe nyob meskasteb yuav lom zem dua vim Hmoob coob dua ces tau ua pab ua pawg coob dua xwb, tiam sis qhov twg coob qhov ntawv yeej muaj teeb meem dua.

Peb yog cov los nyob rau sab fabkisteb no lawm los peb yeej zoo siab kawg tias peb txawm tsis coob los peb tau ib lub teb chaws vam meej ntshiab si tsis nco txob tsis nco txhawj nyob , uas hluav taws xob lam lug ci ntsa iab, toj roob hauv pes los muaj teb chaw zoo nkauj lamw ib yam uas nyob sab meskas thiab los tsuas tsis muaj. Sab teb chaw no xis nyob thiab tsis muaj kev sib txhob ua plaub ua ntug npaum li meskasteb nas tijlaug Hmoobntujqubqab. Pojniam Hmoob los zoo li coj tau siab ntev thiab hais lus tsis tsa hwj chim npaud , peb yoog tau peb cov txiv neej Hmoob tsa lawv rau lub chaw siab, sab teb chaws no peb cov pojniam tsis nyiam ua thaj loj dua tus txiv, qhov no yog qhov kuv pom sab teb chaws no pojniam Hmoob coj tau haum tus txiv uas tsis muaj kev sib nrauj coob.