IB TUG NIAM TSEV ZOO

Xeeb Ceem puag ncig ntawm yus





Xeeb Ceem ua Thawj Coj




Kev xyaum coj zoo




Keb hlub tshua ntawm yus tus kheej thiab rau lwm tus




Kev Qhia




Mim Vaj Lus Qhuabqhia





Ua Neeg Ncaj
Leejkeebkum

Muab tus txiv hnub nyoog ntxiv rau tus niam hnub nyoog tawm li cas coj los "Khun" rau 3
tawm li cas coj los "Han" rau 7 los saib tus lej "xeth" yog:

- xeth 1 tau tub tu nyuab
- xeth 2 , 4 , 6 tau Ntxhais tu yooj yim
- xeth 5 tau tub tu yooj yim
- xeth 0 , 7 tau Ntxhais tu nyuab thiab yuav tsis hlob



Piv xam:
Niam lub hnub nyug+ tus txiv lub=50
23+27=50
50 X3= 150
150:7=21
Seem:4

Seem:
1 tau tub tu nyuab
2 , 4 , 6 tau Ntxhais tu yooj yim
5 tau tub tu yooj yim
0 , 7 tau Ntxhais tu nyuab thiab yuav tsis hlob

Ib tug niam tsev zoo.

Tus poj niam uas zoo tsim txiaj,
Zoo tshiaj nyiaj muaj nqes tshaj kub.
Nws kev hlub nyob mus ib txhis,
Nws tsis chis tsis npau taws sai.

Paub kev cai thiab hwm lwm tus,
Txhua lo lus uas nws tau hais.
Yeej tsis cais tsis siab leej twg,
Tej phoojywg txhua tus hwm nws.

Tsis nyiam yws thiab tsis cem neeg,
Tsis toob nkeeg rau kev ua noj.
Tsaus ntuj zoj nws npaj hmo tos,
Tus txiv los tau noj tau haus.

Nws saib taus thiab hwm tus txiv,
Zoo siab siv nws lub peev xwm.
Los tshwj hwm cob qhia tub ntxhais,
Ua zoo hais thiab ua zoo qhia.

Nws tsis cia me nyuam tshaib plab,
Ua zoo nyab thiab zoo niam tsev.
Rub siab ntev thiab ua siab loj,
Ua zoo coj sawv daws ua neej.

Kom vam meej muaj koob nto npe,
Hlub txheeb ze kwv tij neej tsa.
Pab txhawb nqa tub ntxhais kev kawm,
Txoj sij hawm caij mus kawm ntawv.

Leej niam sawv ntxov los ua tshais,
Tej tub ntxhais thiaj li tau noj.
Pab npaj zoj lawv tej ntaub ntawv,
Cob qhia lawv kom xyaum sawv ntxov.

Ntim zaub mov rau lawv ua su,
Mob siab tu tub ntxhais kom zoo.
Muaj txoj hmoo thiaj yug tau lawv,
Ua siab tawv yeej txhob qaug zog.

Siab ntev mog rau siab ntso hlub,
Muaj ib hnub tej koj ua cia.
Yuav ciaj sia ua koob hmoov rau koj,
Yuav ciaj loj yam li tsob ntoo.

Uas txhua xyoo tawg paj txi txiv,
Koj tus txiv yuav zoo siab heev.
Nws yuav seev qhuas ntxhias txog koj,
Yuav tsis ploj hauv nws lub siab.

Txog xyoo tshiab nws tsis mus nrhiav,
Yuav tsis khiav mus nrhiav lwm tus.
Yuav tsis mus muaj dua tus tshiab,
Hauv nws siab yuav hlub koj xwb.

Vim nws twb mus nrhiav tsis tau,
Tus niam yau yuav zoo npaum koj.
Uas siab loj muaj lub siab zoo,
Muaj txoj hmoo nws thiaj tau koj.

Tus tsis loj los muaj siab hlub,
Siab tsis dub ua neej ncaj ncees.
Tsis ua plees, tsis ua nkauj nraug,
Zoo siab taug ib txoj kev xwb.

Cev nkauj xwb cia hlub ib leeg,
Tus txiv ntseeg thiab tso siab pluag.
Tsis nco suav txog kev txhawj xeeb,
Kev hlub tseeb kav mus ib txhis.

Neej nto ntsis nyob mus laus nkoos,
Yam xyoo ntoos uas hlob pub hav.
Nyob luag nyav mus txog hnub kawg,
Ua pog yawg rau xeeb ntxwv hu.

Thiaj yuav tsim nyog ua neej ib zaug nyob rau hauv lub nriaj teb no oh mog cov phoojywg uas kuv hlub aw!!!

By: Xeeb Pov Lauj
Dedicated to: All My high school classmates

Quotations: Proverbs 31(Pajlug 31)