Home
Kab mob zawv plab (Hmong) Rotavirus (English)
Dab tsi yog rotavirus?
Kab mob zawv plab (rotavirus) yog ib yam
kab mob uas ntxiav tshwm muaj ua kom zawv
plab heev rau minyuam mos thiab minyuam
yaus. Yuav luag txhua tus minyuam raug cov
mob zawv plab no thaum hnub nyoog muaj 3
xyoos. Tab sis rov qab raug dua los yeej muaj
thiab minyuam yaus thiab neeg laus los tseem
raug mob qees. Cov laus, cov kab mob yuav
tsis ua mob, li ntawv los cov kab mob yeej
tseem kis tau rau lwm tus. Nyob hauv
Minnesota, cov kab mob zawv plab no muaj
heev thaum lub caij ntuj no.
Ua li cas kuv tus minyuam kis tau?
Cov kab mob zawg plab no kis yooj yim heev.
Muaj ntau heev nyob hauv cov quav ntawm
cov neeg zawv plab. Nws kis tau thaum kov
tau cov neeg muaj cov kab mob, los yog yam
khoom tau chwv cov quav, thiab muab coj los
so tau rau nws qhov ncauj. Yam kab mob kis
tau no hu ua “fecal-oral transmission.” Vim
rau qhov cov kab mob zawg plab no kis yooj
yim heev, lwm txoj kev kis mob tseem tab tom
muab coj los kawm xyuas.
Nyob ntawm cov neeg zoo neej, cov kab mob
no tshawb tau hauv cov quav ntev li 10 hnub
tom qab pib qhov mob. Tus neeg lub cev roj
ntsav tsis muaj zog, cov kab mob tej zaum
yuav nyob ntev dua.
Kab mob zawv plab tshwm zoo li cas?
Minyuam yuav ua npaws thiab ntuav ua ntej
thaum muaj qhov mob ceev ceev tam sis, zawv
plab ua kua dej.
Kuv yuav ua li cas rau kuv tus minyuam?
Nws tsis muaj ib yam tshuaj los yog kev kho
rau cov kab mob zawv plab no. Kho qhov no
ib yam li koj kho ntuav thiab/los yog sawv
plab.. (Saib daim ntawv qhia txog zawv plab.)
Txhob muab tej tshuaj tsis yog sua los ntawm
kws kho mob rau ua ntej tham nrog nej tus
kws kho mob.
Minyuam qhwv diavpawm yuav tsum tau tu
ntau dua thiaj li pab tiv thaiv qhov diavpawm
tom ntse vim qhov tso quav heev. Xyuas raws
daim ntawv qhiav diavpawm tom ntse.
Yog tus minyuam lub cev qhuav dej, yuav
tsum tau nyob hauv tsev kho mob tso dej raws
leeg (IV) rau.
Thaum twg thiaj tsim nyog kuv hu rau kws kho mob?
Hu yog pom qhov lub cev qhuav dej. (Saib
daim ntawv qhia txog zawv plab.)
Yam dab tsi ntxiv kuv yuav tsum paub txog?
Ib sij xyuas kom tes huv si yog qhov kev
tseem ceeb ua tiv thaiv qhov kis kab mob
zawv plab no. Txhua zaus ntxuav tes kom
zoo nrog xab npum thiab dej li 15 second, los
yog siv cov cawj cuaj caum ntxuav tes, xws li
cov Purell.
Nws tseem ceeb qhov ntxuav tes tom qab
hloov diavpawm, tom qab siv chaw tawm rooj,
thiab ua ntej kov tej khoom noj los yog noj
mov. Nws kuj pab zoo yog ntxuav tej khoom
ua si thiab tej plag tsev nrog xab npus thiab dej
kub yog tias tej zaum tsuas lo quav lawm.
Nyob hauv tsev kho mob feem ntau cov
minyuam mob tus kab zawv plab no yuav tau
rau IV tso dej kom txog thaum lawv haus thiab
noj tau zoo lawm tso.
Cov minyuam uas mob zawv plab no lawm
yuav tsum tau nyob lawv chav xwb kom txhob
kis tus kab mob no rau lwm tus. Lawv kuj
nyob tau hauv ib cav nrog lwm tus minyuam
uas mob zawv plab li no thiab. Cov neeg kho
mob yuav tau hnav tsho loj ntev thiab looj
hnab tes.
Vim nws yog ib tug kab mob ciaj, tshuaj tua
kab mob paug tsis pab.
Ib tug minyuam mob zawv plab (rotavirus)
yuav rov mus rau lawv cov chaw ua si, nrog
rau tsev zov minyuam, thaum npaws thiab
ntuav zoo lawm, quav tsi ua kua dej los yog
tsis xau tawm hauv diapers, thiab tus minyuam
ua si xws li qub lawm.
Lus nug?
Daim ntawv no tsis cob coos rau koj tus
menyuam nkaus xwb, tab sis yog muab
xovxwm thoob plaws. Yog koj muaj lus nug
ab tsi, thov hu rau lub chaw khomob.
Rau tej ntaub ntawv nyeem ntxiv txog qhov no
thiab lwm yam mob/kev noj qab haus huv,
thov hu los yog mus saib ntawm Lub Chaw
Loj Pab Tsev Neeg lub Chaw Cia Ntawv los
yog mus saib peb qhov Web site:
www.childrensmn.org.
Children’s Hospitals and Clinics of Minnesota
Patient/Family Education
2525 Chicago Avenue South
Minneapolis, MN 55404
3/10 ÓCopyright
