Home
Txog rau ib tsoom thawj coj hmoob uas nco txog, tau ntev heev uas tsis tau sau ntawv tuaj sib nug moo! vam tias nej txhua tus los tseem yuav ntsib kev noj qab nyob zoo raws lub zej zos koj nyob ntawd no thiab. Hlob VP twb ncaim hmoob mus tau ob lub hli no lawm vam tias nyob hauv tsoom thawj coj lub siab tseem xav txog tias tshuav niam txiv pejxeem hmoob nyob thoob ntuj uas ntsia ntsoov tuaj rau nej cov thawj coj. Tam sim no lub ntuj sab no muaj kev nyuaj heev txig txog kev nrhiav noj haus rau txhua tus pejxeem, txawm li cas los thov nej txhob tso hmoob tseg nawb.
Qhia rau nej paub tias hauv cov kev cai dab qhuas uas tshawb tau ntawd twb tau muab Txis ib khub Txij nkawm tiav lawm, khub txij nkawm no nkawd ob leej puav muaj kev kawm tag qib siab tib si thiab muaj zoo dejnum nrog luag ua tau nyiaj ntau. yog no kuv thiaj xav sau ntawv tuaj nug nej cov tias txais phau ntawv txis txij nkawm no ua li nej nrog kuv koom tes kho nej phau mus txog twg lawm? yog tias nej tsis paub kho thiab tsis txawj kho kuv los twb muab nws kho tiav lawm ces kuv xa rov tuaj rau nej ib zaug ntxiv thiab thov pab muab luam coj siv rau pejxeem hmoob nyob rau txhua txhia qhov chaw uas pejxeem xav tau ntawd nawb.
Lub tswv yim no vim yog Tswv Ntuj Yawm Saub, nrog Poj Yawg Txwv Txooob thiab Tswv Kee Soob Lwj ua siab xwb thiaj muab los sau teev tiav rau pejxeem hmoob nyob thoob nriaj teb kom tau coj los siv rau pejxeem tej tub ki lub neej.
Txawm li cas thov kom tsoom thawj coj txhob thuam nawb, vim tias tau 5000 xyoo los no Hmoob tsis tau muaj dua ib phau ntawv los Txis Txij Nkawm ib zaug hlo zaug no nws yog thawj zaug hauv hmoob keeb kwm. dua li hmoob tsuas siv luag tuag thiab tseem tej kev cai qub coj los siv rau tej tub ntxhais xwb. txoj kev hmoob ua ntawd siv tsis tau nyob rau lub teb chaws vam meej no ntxiv lawm.
ua tsaug ntau uas koj nrog nyeem thiab nrog siv
Qoov Sua Hmoob
Los ntawd tus kws tshawb fawb Haiv Neeg Hmoov tus Cag Kev Cai Dab Qhuas tshwm sim yug dua tshiab.
Txog rau ib tsoom zeej Haiv neeg Hmoov uas hlub thiab tshua, Phau ntawv no yog tsim tshawb fawb los txhim kho Haiv Neeg Hmoov nyob mus thoob ntiaj teb txoj kev poob qab; yeeb vim Hmoob ua lub neej los tau ntau txhiab xyoo dhau mus tsis tau muaj dua ib tug tub txawj tub ntse twg uas yuav los pab muab hmoob tej keeb kwm kev Cai Dab Qhuas tshawb kho hloov kom mus haum rau ntiaj teb txoj kev pauv hloov los kom muaj kev Ncaj Ncees Vaj Huam Sib Luag rau txhua tug neeg thiab yooj yim rau tsav neeg Hmoob tau coj siv.
Zaum no yog thawj zaug uas kuv tau muab Hmoob lub neej taug thaum Ntuj Tsim Teb Xeeb los txog rau niaj hnub no; kuv thiaj pom meej tias nws txog caij; txog nyoog kawg nkaus lawm uas tsim nyog peb yuav tau muab Hmoob tug Mooj kav Kev Cai Dab Qhuas coj los nthuav kho dua tshiab ua kom zoo ntxiv tuaj rau Haiv Neeg Hmoov tau siv. Peb yuav tau tseg txoj kev cai uas tej laus ib txwm coj tawm tom hav zoov los hais tias yog Poj Ua Tseg Yawg Ua Cia los siv ntxiv; vim nyiam no Hmoob tau ri tuaj mus nyob thoob puv rau cov teb chaws muaj kev vam meej lawm.
Peb Hmoob yuav tau tsa qhov muag mus ntsia neeg ntiaj teb txoj kev ua Haiv Neeg vam meej nce qib thiab kom hmoob thiaj paub npaj tau lub zeem muag los txhim kho lub neej kom mus caum cuag lub Quag Ntuj hloov nyob ntiaj teb. Peb Hmoob tos tsis txawj hloov los yeeb vim peb tsis nyiam kawm tshawb fawb txog Hmoob keeb kwm thiab Tej Qub Txuj Ci kev coj ntseeg rau Fab kev Kaj Huv Tshav Plhuv.
Vim Hmoob tsuas nyiam kev yooj yim khaws xyeem dawb xwb, yog no hmoob thiaj tsis muaj lub meem kib hlwb xeev xwm los kho txog fab kev Ntseeg Mooj Kav; uas Leej Txiv Yawm Saub tau feeb ntaug lees los rau Haiv Neeg Xeeb. Hmoob tsis nyiam txhuam hloov ib txoj zoo Kev Cai Dab Qhuas los nrog neeg ntiaj teb coj teev hawm.
Ib txhia hmoob tseem nyiam rov tig los thuam txog hmoob Kab Lig Kev Cai uas yog Leej Txiv Yawm Saub feeb cais los rau Hmoob, feem tsawg tseem mus qhuas thiab pom txog luag lwm nywj keeb li tug thiaj zoo xwb, tab sis Hmoob twb tsis paub txog tias xyov luag tug Kev Cai Dab Qhuas xyov nws twb raug kho pes-tsawg zaus lawm, luag thiaj Paub los Coj Teev Hawm thiab Cob Taw qhia rau luag Tsob Neeg los cam hwm txhua hnub txhua hmo kom tau txais lub Hwj Huaj; Hwj Chim los Coj Ntoo Kav Tswj.
Txawm li cas los zaum no kuv tsuas yog pib taug tug Kev Cai Dab Qhuas kho kom nws muaj Fij-Xws rau tej yam kev Pauv Hloov Tshiab los rau hmoob coj kom haum raws lub ntiaj teb txoj kev vam meej xwb, hnub twg yog hmoob muaj ib qhov av nyob tiag; taw tsuj nyob ruaj ntseg lawm hnub ntawd Hmoob tseem muaj ntau tsav; ntau yam yuav kho ntxiv tug Kev Cai Dab Qhuas kom hmoob tsuas tau ntsib kev noj qab nyob kaj huv tshav plhuv mus tsis tag tsis kawg; pej xeem thiaj tsis nco qab mus ntshaw txog leej twg tug Kev Cai Dab Qhuas ntxiv.
Yog cov Tub Kws Txuj los Txiv Muam leej twg uas tau los nyeem phau ntawv no pom nws tseem tshuav qhov twg khaws ntos tsis tau los teem tsis meej no thov kom nws pab dhas tuaj rau kuv paub, thov kom Hmoob koom tes tig los txhim kho tsav neeg Hmoob lub neej txoj kev ntseeg tshwj xeeb kom tau txais lub Yeej Huam kom hmoob nyob Kaj Huv Tshav Plhuv ruaj khov; txawj sib hlub sib koom tes los pov puag Tus Mooj kav mus ib txhiab ib txhis tsis tag tsis kawg.
Yog leej twg muaj lus nug los yog tsis to taub nqe lus twg thov caw koj sau ntawv los hu xov tooj tuaj nrog kuv tham tau txhua lub caij nyoog
Tub Qoov Sua Hmoob
Phone 209-652-2252 /209-380-4855 Cell
E-mail: Yang_Sal@hotmail.com
Education: Bachelors Degree of Leadership
Phau Ntawv Txis Txij Nkawm
Liaj Txheej Kev Siv Phau Ntawv Txis Txij Nkawm Muaj Raws Li Nram No.
Ntos Nplooj
1.Taw Qhia lub Paj Ntoo txis txij nkawm 1-2
2.Lus Fim Meej los ntawm kws tshawb fawb 1-4
3. Txwm tub ntxhais thiab pov thawj 4-5
4.Qib txam raws txoj cai kev txis txij nkawm 6-20
5. Nrim Cai txis tshoob kos lus cog tseg 21-26
6. Nqi Dej siab Dej ntsws rau niam txiv 27-28
7. Ntawv Ua Pov thawj 29
8. Keeb Theej ntuj tsim qhia tseg 30-32
9. Liaj Txheej sib qaws los ua txij nkawm 33-34
Phau ntawv sib qaws txis Txij Nkawm los Ntawm Yawm Saub thiab PojYawm Txwv Txoob
Laj Lwg thiab Rhwv Mig txoj kev sib qaws los ua Txij Nkawm tsim noob neej los ntawd Tswv Ntuj Yawm Saub; Poj Yawm Txwv Txoob thiab Tswv Kee Soob Lwj lub fwj chim
Npe ___________________________
NyobNroog _____________________
Xeev __________________________
Npe ___________________________
Nyob Nroog_____________________
Xeev __________________________
Kuv thov muab neb sib qaws txis ua txij nkawm los ntawd Tswv Ntuj Yawm Saub; Poj Yawm Txwv Txoob thiab Tswv Kee Soob Lwj lub lwj chim los nyob
Ua Txij Nkawm
Nyob ______________________________
___________________________________
Zwjthaj: ______nyob rau lub____________
Lub xyoo ntawd Peb Tus Tswv Ob Phav
thiab _______________________________
Raws kev pom zoo los ntawm Tswv Ntuj Yawm Saub; Poj Yawm Txwv Txoob thiab Tswv Kee Soob Lwj txoj cai liaj txheej coj hauv xeev
_____________________________ Tsom Huaj
Timkhawv ____________________
Timkhawv ____________________
Ntawv tso cai __________________
Qib Txam Txis Txij Nkawm Raws Liaj Txheej Cai Tshoob Kos Sib Qaws Los
Ua Txij Nkawm
Tus tub yuav tsum sawv rau ntawm sab tes xis tus Ntxhais, txhua tus sawv ntsug
“Neb Txoj Kev Sib Hlub Muaj Tseeb Tiag”
Peb tuaj txoos ua ke nov ua Pov Thawj rau Tswv Ntuj Yawm Saub; Poj Yawm Txwv Txoob thiab Tswv Kee Soob Lwj pom. Tus tub _________ thiab tus Ntxhais _________ no ua raws Laj Lwg thiab Rhwv Mig txoj kev sib qaws los ua Txij Nkawm raws li txhooj cai Tswv Ntuj Yawm Saub thiab Poj Yawm Txwv Txoob tsim muaj cia. Nob Cob rau txhua tus txiv neej cim cia raws li tau teeb muaj tseg, xws tau muab Luj Tub thiab Ntxhi Ci nkawd ob tug Nus Muag sib qaws los ua Txij Nkawm; tsim noob neej ua ntej los lawm
Raws Kev Pom Zoo Tswv Cawm Seej Soob Lwj tau tshaj tawm tias kom tus txiv neej tawm hauv niam txiv lub tsev mus nyob nrog nws tus Poj lag cuab ua ib cuab; ib yig.
Ua raws li kev txais tos yuav ib tug neeg tshiab los ua ib tus tim xyoob
Nws yuav taw qhia rau cov neeg nkag los koom kev txheeb ze; kom muaj vaj huam sib luag; sib txig; thiab ib leeg yuav los lees txais yuav ib leeg lub siab; lub ntsws; xws cov ntsaum kab rwg uas txawj sib koom tes los xwv av pob luaj.
Tsis hais yam tawv los muag, koom siab los sib pab saib xyuas xws: kev mob nkeeg; kev raug teeb meem; kev ntxhov plawv nros siab; ob leeg yuav tau koom tes los sib tiv thaiv; mus los ntawm ib leeg; rau ib leeg; raws txoj cai ncaj ncees; sib pab txhawb nqa lub cuab yig neej raws txoj kev ntseeg.
Thov Tswv Ntuj Yawm Saub; Poj Yawm Txwv txoob nrog xyab npab; laug tes; tuaj txhawb Neb lub siab lub ntsws; ib tug mus rau tug; los ntawm Tswv Ntuj Yawm Saub; Poj Yawm Txwv Txoob thiab Tswv Kee Soob Lwj lub fwj chim.
Neb yuav los noj nyob pw ua ke li yog tus tswv; kom mus ib sim neej, nplua mias txoj kev hlub los rau neb txwm Txij Nkawm no. Neb kev sib qaws los ua ib lub cev; koom siab yuav ib txoj siav yam muaj nqis tshwj xeeb siab kawg.
Kuv thov hloov neb lub neej ua ntej Tswv Ntuj Yawm Saub; Poj Yawm Txwv Txoob thiab Tswv Kee Soob Lwj. Txoj kev hlub ntawd qhia rau neb paub txog tus txiaj ntsim uas muab neb los sib txis ua Txij Nkawm; raws txoj kev txoj cai.
Neb los lees txais; kev sib qaws ua Txij Nkawd; yog neb ntseeg tias txwm txij nkawm twg yog tsis tau txais kev txis txij nkawm raws Tswv Ntuj Yawm Saub; Poj Yawm Txwv Txoob thiab Tswv Kee Soob Lwj txhooj cai pom zoo; txwm ntawm yuav tsis tau txais Koob Hmoov zoo los ntawd Tswv Ntuj Yawm Saub
Peb thov Tswv Ntuj Yawm Saub; Poj Yawm Txwv Txoob nrog Tswv Kee Soob Lwj lub fwj chim; tuaj pov puag neb. Peb txhua tus tuaj txoos ua ke ntawd no muaj kev txaus siab hlo los txhawb nqa neb lub neej nrog txoj kev hlub yam puv npo.
Thov txog Laj Lwg thiab Rhwv Mig lub fwj chim nqis tuaj pov puag kom tau txais kev nyob kaj siab lug rau neb kev sib qaws los ua Txij Nkawm raws Cai pom zoo los ntawd Liaj Txheej coj hauv xeev
Raws Laj Lwg; Rhwv Mig kev sib qaws ua Txij Nkawm; los noj nyob pw ua ke; thiab kev ntseeg los rau neb cuab yig neej. Neb lub siab; ntsws; txawj coj haum cuab yig neej; kev muaj txiag nplua nuj; muaj tub kiv nyob kaj huv tshav plhuv ntaug lees los rau neb.
Kom tsuas muaj ua lub neej mus ntsib yam zoo; thiab muaj lub zog hlo los sib hlub; sib txhawb; sib pab tiv thaiv; lub cuab yig neej kom haum raws Tswv Ntuj Yawm Saub; Poj Yawm Txwv Txoob thiab Tswv Kee Soob Lwj lub siab nyiam mus ib txhis.
“Kom los ua lub neej nyob xyom hau xyom seem; ib nqag nto ntuj; ib nploog nto ntsis; raws qab tswj fwm los ntawd Tswv Ntuj Yawm Saub; Poj Yawm Txwv Txoob thiab Tswv Kee Soob Lwj lub fwj chim nyob nrog nraim”
Tsom Huaj hu tus tub npe raws niam txiv tis:
_____________________
Raws Laj Lwg Tshoob Kos kev txis txij nkawm ____________ Koj puas txais txis __________ tus ntxhais no raws Rhwv Mig tus hneev taw los ua koj tus Poj Lag Cuab? Thiab cog lus lees txais __________ tus ntxhais no raws li Rhwv Mig txoj kev rau nws? Yuav hlub nws tas koj lub siab; lub ntsws; fwm nws; kev txib koj txhua yam dej num; raws kev cog lus rau Tswv Ntuj Yawm Saub; Poj Yawm Txwv Txoob thiab Tswv Kee Soob Lwj tias koj yuav nrog nws nyob mus ib sim neej; saib xyuas nws raws nqi lus cog tseg sib qaws los ua Txij Nkawm?
Teb: “Kuv yuav ua raws li nqi lus cog tseg”
Tsom Huaj hu tus ntxhais npe raws niam txiv tis:
___________________________
Raws Rhwv Mig txoj kev tshoob kos txis Txij Nkawm ___________ Koj puas txais _________ tus tub no raws Lag Lwg tus hneev taw los ua koj tus txiv? Thiab cog lus lees txais yuav __________ tus txiv neej no raws li Laj Lwg txoj kev rau nws? Yuav hlub nws tas koj lub siab; lub ntsws; fwm nws kev txib koj txhua yam dej num; raws kev cog lus rau Tswv Ntuj Yawm Saub; Poj Yawm Txwv Txoob thiab Tswv Kee Soob Lwj tias koj yuav nrog nws nyob mus sim neej; saib xyuas nws raws nqi lus cog tseg sib qaws los ua Txij Nkawm?
Teb: “Kuv yuav ua raws nqi lus cog tseg”
Tus saib xyuas tus Ntxhais, muab txhais tes xis cev los rau tus Tsom Huaj, tus tub sab tes xis los tuav tus Ntxhais sab tes thiab qog lus hais raws Tsom Huaj.
__________________________________
Raws Rhwv Mig txoj kev tshoob kos txis txij nkawm. Kuv txais yuav __________ los ua kuv tus Txiv, Kuv txaus siab cog lus ua ntej rau Tswv Ntuj Yawm Saub; Poj Yawm Txwv Txoob thiab Tswv Kee Soob Lwj nrog tsoom pov thawj tias: Kuv yuav hlub ___________ thiab saib xyuas raws li nws yog kuv tus Txij Nkawm.
Kuv yuav pab nws rau yam zoo nws xav tau; xws kev lom zem; kev kaj siab; kev nros siab; kev mob nkeeg; thiab kev noj qab haus huv kom ntev npaum li ntev tau uas wb ob leeg nyob ua ke
Nkawd tso tes thiab Tsom Huaj muab tus ntxhais sab tes xis los tuav tus tub sab tes xis, nkawd qog cov lus hais raws Tsom Huaj
____________________________
Raws Laj Lwg txoj kev tshoob kos txis Txij Nkawm. Kuv txais yuav __________ los ua kuv tus Poj Lag Cuab, Kuv txaus siab cog lus ua ntej rau Tswv Ntuj Yawm Saub; Poj Yawm Txwv Txoob thiab Tswv Kee Soob Lwj; nrog tsoom pov thawj tias: Kuv yuav hlub __________ thiab saib xyuas nws raws li yog kuv tus Txij Nkawm.
Kuv yuav pab yam zoo nws xav tau; xws: kev lom zem; kev kaj siab; kev nros siab; kev mob nkeeg thiab kev noj qab hauv huv kom ntev npaum li ntev tau uas wb ob leeg nyob ua ke.
Nrog rau 2 Lub Plhaib muab no thov txog Laj Lwg thiab Rhwv Mig los ua Pov Thawj ntawm Neb txoj kev ntseeg siab; sib hlub; sib sau los ua Txij Nkawd; yog ib tus ib lub cev nyob mus Ib Txhis.
Nrog rau 2 Lub Plhaib no muab txis txij nkawm; los ntawd Tswv Ntuj Yawm Saub lub npe thiab Poj Yawm Txwv Txoob lub fwj chim
Thov txoj hmoov zoo los ntawd Tswv Ntuj Yawm Saub; Poj Yawm Txwv Txoob thiab Tswv Kee Soob Lwj; lub plhaib no ________ muab rau _______ tus Ntxhais coj, Nws yuav txais _________ kev txis Txij Nkawm; sib qaws los noj nyob pw ua ke mus sim neej los ntawd Tswv Ntuj Yawm Saub; Poj Yawm Txwv Txoob thiab Tswv Kee Soob Lwj txoj koob hmoov.
Lub Plhaib muab rov rau tus tub; Nws yuav muab ntxig rau tus ntiv tes plaub (4) ntawd tus Ntxhais sab tes laug
Thov txoj hmoov zoo los ntawd Tswv Ntuj Yawm Saub; Poj Yawm Txwv Txoob thiab Tswv Kee Soob Lwj; lub plhaib no ________ muab rau _______ tus Tub coj, Nws yuav txais _________ kev txis Txij Nkawm; sib qaws los noj nyob pw ua ke mus sim neej los ntawd Tswv Ntuj Yawm Saub; Poj Yawm Txwv Txoob thiab Tswv Kee Soob Lwj txoj hmoov
Lub Plhaib muab rov rau tus ntxhais; nws yuav muab ntxig rau tus ntiv tes plaub (4) ntawd tus Tub sab tes laug
“Nkawm qog hais lus raws Tsom Huaj”
Niam Nkauj Kab Yeeb; Nyis Tuam Vaj; thiab Tuam Los Vaj: Wb thov txog nej pab xa plig tub, plig kiv, koob hmoov nplua mias los rau wb lub cuab yig neej
Tswv Ntuj Yawm Saub cov tub txib pem ntuj yuav los kaw neb txoj kev nkauj; kev nraug tseg; neb ib leeg los lees txais ua ib leeg tus lawm xwb. Neb los ua niam; ua txiv; tu tub; tu kiv; kom los puv vaj; ua qoob; ua loo kom los puv txhab; khwv nyiaj txiag; kom los puv hnab yam dawb huv; thiab ncaj ncees
Lub Fwj Chim los ntawd Tswv Ntuj Yawm Saub; Poj Yawm Txwv Txoob thiab Tswv Kee Soob Lwj tso cai rau kuv ua Tsom Huaj los tuav Tuam Tsev Teev Hawm _________________________
Thov tshaj tawm tias: Txij hnub no mus Neb yog Txij Nkawd raws txheej cai kev sib qaws ua Niam Txiv los ntawm Tswv Ntuj Yawm Saub; Poj Yawm Txwv Txoob thiab Tswv Kee Soob Lwj lub fwj chim raws liaj txheej coj teem muaj tseg nyob hauv xeev los sib qaws
Ua Txij Nkawm
Txij hnub no mus neb yog Niam Txiv lawm txwv tsis pub ib leej twg yuav los rhuav tshem tau neb txoj kev sib ntseeg; sib hlub neb los ua Txij Nkawm nyob kaj siab lug mus ib txhis
“Peb Tswv Ntuj Yawm Saub; Poj Yawm Txwv Txoob thiab Tswv Kee Soob Lwj” Yuav los foom hmoov zoo nrog xyab npab cev tes tuaj pov puag thiab tsom kwm neb lub neej; txoj kev ncaj ncees dawb huv los rau neb coj thiab tso Fwj Chim rau neb kev ntseeg los Teev Hawm
Tswv Ntuj Yawm Saub; Poj Yawm Txwv Txoob thiab Tswv Kee Soob Lwj; yam kaj siab lug nyob ua Txij Nkawm tsim noob neej ua ke rau lub qab ciaj ntug no.
“Nyob ntawd yog muaj tej yam khoom phij cuam nyob ntawd paub tias nws tsis yog pab rau nkawd kev sib qaws ua txij nkawm raws txoj cai. Kuv thov hais kom nws paub tias
Nkawd yog niam txiv lawm; kom koj khiav tawm hauv nkawm lub neej thiab txoj kev sib hlub nyob kaj siab lug mus”
Kuv cog lus muab neb ob leej sib txis ua txij nkawm; los ntawm Tswv Ntuj Yawm Saub; Poj Yawm Txwv Txoob thiab Tswv Kee Soob Lwj lub fwj chim tiav
Tus Tswv tsim lub ntiaj teb thiab tsim tag rho tej txuab zeej txuab sim; nrog txoj kev ntseeg txis Txij Nkawm; rau noob neej nyob lub qab ciaj ntug; Koj nyob saum ceeb tsheej thov foom hmoov los rau peb pluag mov noj
Txhua hnub thiab zam lub txim rau tej kev peb tau ua yuam kev; ib yam li peb zam tau lub txim rau cov neeg tsis them nuj nqis
Peb Tswv Ntuj Yawm Saub thiab Tswv Kee Soob Lwj ntawm no yog Koj Lub Fwj Chim tsim Noob Neej kom muaj lub neej ua nyob ci ntsa iab rau Ntiaj Teb; kom muaj noj muaj haus; nplua mias los rau haiv neeg Hmoov nyob mus ib txhis.
Tsheej Xeeb
Nrim Cai Tshoob Kos Lus Cog Tseg
Tus Txhooj Liaj Txheej Coj; Tswv Ntuj Yawm Saub teem muaj tseg thiab Poj Yawm Txwv Txoob tsim muaj txoj cia los rau noob neej Hmoob khaws tseg xws:
1. Yog txwm nkauj nraug twg nkawd sib deev nyob rau yas kev; yas ntsua; pem qaum kev no ces muab lub txim txhaum nog rau tus Poj niam ua tus ris lub txim; vim yog nws yeem.
2. Yog txwm nkauj nraug twg nkawd sib deev nyob rau yas kev; yas ntsua; nram qab kev no ces muab lub txim; kev txhaum nog rau tus txiv neej ua tug ris; vim yog tus txiv neej mos deev xwb.
3. Yog tus Pojniam muaj txiv twg, nws xub mus thab deev luag tus txiv uas nws twb muaj Pojniam
4. Tus Pojniam ntawd; nws yuav tau raug nplua nyiaj los kho 3 theem xws:
1. Kho nws tus txiv ib nrab nqi
2. Kho tus hluas nraug tuaj deev nws ntawd; tus Pojniam ib nrab nqi
3. Kho cov nom tswv uas tuaj nrog taug rooj plaub ntawd ib nrab nqi raws txoj cai teem muaj tseg.
5. Yog tus txiv neej twg, nws twb muaj Pojniam lawm thiab xub mus thab deev luag tus Pojniam tod uas nws twb muaj txiv lawm. Tus txiv neej ntawd yuav tau raug nplua nyiaj los kho 3 theem xws:
1. Kho nws tus Pojniam hauv tsev ib nrab nqi
2. Kho tus Pojniam nws mus thabdeev ntawd; tus txiv ib nrab nqi
3. Kho cov nom tswv tuaj nrog taug rooj plaub ntawm raws txoj cai teem muaj tseg.
6. Vim nws tau ua txhaum 3 nqe cai loj xws:
1. Txhaum rau tus txiv ntawm tus hluas nkauj/Pojniam uas; nws mus thab deev ntawd.
2. Txhaum rau nws tus Pojniam Nyob hauv tsev; uas nws muaj ntawd.
3. Txhaum rau Txoj Cai uas Teem muaj tseg los tswj txoj kev ncaj ncees hauv txoj kev ua neeg nyob.
4. Tus Pojniam nyiag deev hluas ntawd yuav tau los lees kev txhaum rau Tswv Ntuj Yawm Saub; Poj Yawm Txwv Txoob thiab Tswv Kee Soob Lwj; nrog cov nom tswv tuaj taug nws cov lus tias.
5. Nws tus kheej yuav hloov lub siab phem mus ua neeg ncaj ncees thiab tsis mus nyiag deev luag tej txiv/hluas nraug ntxiv lawm.
7. Tus txiv neej uas mus nyiag deev luag tus Pojniam ntawd, nws yuav tau los lees kev txhaum rau Tswv Ntuj Yawm Saub; Poj Yawm Txwv Txoob thiab Tswv Kee Soob Lwj; nrog rau cov nom tswv tias. Nws tus kheej yuav hloov lub siab phem mus ua ib tug neeg zoo thiab yuav tsis mus thab luag tej Pojniam ib zaug ntxiv lawm.
8. Yog tias tus txiv neej uas mus deev luag tus Pojniam ntawd; nws tsis kam los lees them cov nuj nqi raws li Txhooj Cai txiav txim tseg no
9. Tus Pojniam; nws mus thab deev ntawd yuav nrhiav txim los nog rau tus hluas nraug mus deev nws ntawd; tus Pojniam li cas los cov nom tswv; yuav tsis nrog lees paub txog tej xwm txheej uas yuav muaj tshwm sim los rau nws tsev neeg ntawd.
10. Peb ua ib haiv neeg nyob lawm, yog peb tsis tsim kom muaj tus Nrim Cai los tswj tuav peb tsob neeg li no ces nws yuav xeeb muaj cov neeg phem ntawd tshwm sim ntau heev zuj zus tuaj.
11. Tsis tag li tus neeg phem ntawd nws pom leej twg tus Pojniam zoo nkauj/Leej twg tus txiv zoo nraug ces tus neeg phem ntawd xav mus zes thab luag deev thaum twg los yuav tsis muaj leej twg muaj cuab kav hais tau kom tus neeg phem ntawd ntshai.
12. Tug Nrim Cai tsim los no peb yuav siv rau txhua tus neeg uas tuaj nyiag deev Hmoob tus Pojniam, uas yog tus nws twb muaj txiv yuav lawm. Peb yuav tsis zam Txoj Cai no rau ib tus neeg twg. Txawm nws yog hmoob thiab tsis yog hmoob los Peb Txoj Cai no txiav tu rho yuav zam lub txim tsis tau rau leej twg hlo.
Tus Nqi Mis Nqi Hno Sau Los Ntawm Tus Ntxhais
Kom Hmoob Nkag Siab Zoo
• Nws tsis yog nqi taub hau ntawm tus ntxhais. Nws tsuas yog nqi dej siab dej ntsws uas niam txiv tau tu tus ntxhais ntawd loj hlob los tiav nkauj es tus vauv tuaj yuav coj mus ua nws tus Poj Lag Cuab xwb.
• Tus vauv yuav tsum them qhov nyiaj ntawd los ua dej siab dej ntsws rau niam; rau txiv; kom niam txiv zoo siab tso tus ntxhais rau tus vauv yuav coj mus Puag Pw xwb.
• Yog Hmoob nkag siab yuam kev tias qhov nyiaj nqi dej siab; dej ntsws; ntawd yog tus ntxhais nqi taub hau lawm mas nws yuam kev deb lawm. Tug nqi taub hau ntawd ib tug tib neeg mas xav tias tus vauv yuav them tsis taus kom hmoob to taub nkag siab txog.
• Peb Hmoob txawm tsis tau nrog luag muaj lub teb chaws nyob los kom peb yuav tau tuav tswj Hmoob txoj cai thiab Hmoob thiaj zoo xws li yog ib tsob neeg uas Tswv Ntuj Yawm Saub Cog Lub Noob Mag los nrog luag lwm nywj keeb neeg ua neej nyob ntiaj teb.
• Hmoob yuav nrog luag sib lwv twv xyaum coj txoj kev ua zoo ncaj ncees dawb huv tshav plhuv, txhob xav tias mus muab luag txoj cai los nyom yus haiv neeg txoj cai li yav tag los no. Yog Hmoob coj li ntawd lwm hom neeg luag yuav ntaus nqi rau Hmoob yog haiv neeg tsis paub txaj muag.
• Rho tawm nqis lus tuam choj tshoob; nyiaj sem tshoob; npua dab; Niam txiv lub khaub tshos; nyiaj rau nco; nyiaj muas kev txhaum txheej. Tej no yog kev ntaim noj xwb tsis nyob rau hauv txoj cai ntxiv lawm kom hmoob nkag siab txog
Tuam Tsev Tswj Plaub Ntawv Pov Thawj Txis Txij Nkawm
…………………………thiab………………………
Pov thawj nyob rau hnub……hli…… Xyoo……..…
Nyob Tuam Tsev Teev Hawm Tswv Ntuj Yawm Saub; Poj Yawm Txwv Txoob thiab Tswv Kee Soob Lwj
…………………………………………
Xyeem Npe………………………….…
Tus los txis txij nkawm
Nyob Nroog ………….Xeev …………
Xyeem Npe………………….…….…..
Nyob Nroog …… ……Xeev …………
Pov Thawj Xyeem Npe
……………………………………Tsom Huaj ………………………………….……
Kos Npe chaw nyob
………………………………..……..
Nroog…………..Xeev……………..
Lub npe tom rooj mov sib txis tag Hu……thiab…………
Khaws tse……….Chaw ceev ntawv, Nroog…………..…
Xeev …………………………
Keeb theej ntuj tsim qhia hais tias, thaum haiv neeg xeeb tseem ua neej nyob rau ntuj niam av luaj nqhuab, sab hnub tuaj plawv yis teb uas Yawm Laj Lwg thiab Pog Rhwv Mig sawv los ciaj haiv neeg Xeeb, Ua Yawg Vaj thiab Pog Vaj, nkawd muaj kev teev hawm Tswv Ntuj Yawm Saub thiab tsaws Nws rau lub sam xeeb tseem Ceeb. Tswv Ntuj Yawm Saub thiaj muab Hwj Huaj hwj chim koob hmoov ntaug lees los rau nkawd los yug tau ib tas tub ib tas ntxhais xws:
A. Cov Tub B Cov Ntxhais
1. Tub Yeeg 1. Nkauj qhua Tag
2. Tub Tsab 2. Nkauj Qhua Nrig
3. Tub Yaj 3. Nkauj Qhua Yawg
4. Tub Hawj 4. Nkauj Qhua Duag
5. Tub Xyiong 5. Nkauj Qhua Mob
6. Tub Thoj 6. Nkauj Qhua Dub
7. Tub Lauj 7. Nkauj Qhua Nkws
8. Tub Lis 8. Nkauj Qhua Cai
9. Tub Muas 9. Nkauj Qhua Zag
10. Tub Kwm 10. Nkauj Qhua Plua
11. Tub Vwj 11. Nkauj Qhua Paws
12. Tub Vaj 12. Nkauj Qhua Vug
Thaum Yawm Laj Lwg thiab Pog Rhwv Mig nkawd cov tub cov ntxhais loj hlob tiav nkauj tiav nraug, Tswv ntuj Yawm Saub thiaj kom muab cov tub cais tawm tsev thiab muab cov ntxhais los txis rau cov tub mus ua Txij Nkawm thiab faib cwj tshoob cwj kos rau lawv kom tsheej ib cuab ib yig li nram no.
1. Tub Yeeg los txis rau Nkauj Qhua Tag Tus Cwj Tshoob kos yog Av.
2. Tub Tsab los txis rau Nkauj Qhua Nrig Tus Cwj Tshoob Kos yog rab Ntaj.
3. Tub Yaj los txis rau Nkauj Qhua Yawg Tus Cwj Tshoob Kos yog rab Rauj.
4. Tub Hawj los txis rau Nkauj Qhua Duag Tus Cwj Tshoob Kos yog Dej
5. Tub Xyooj los txis rau Nkauj Qhua Mob Tus Cwj Tshoob Kos yog txwm Rawg
6. Tub Thoj los txis rau Nkauj Qhua Dub Tus Cwj Tshoob Kos yog lub Ntim
7. Tub Lauj los-txis rau Nkauj Qhua Nkws Tus Cwj Tshoob Kos yog rab Khib
8. Tub Lis los txis rau Nkauj Qhua Cai Tus Cwj Tshoob Kos yog Taum Pauv.
9. Tub Muas los txis rau Nkauj Qhua Zag Tus Cwj Tshoob Kos Yog rab Ciaj
10. Tub Kwm los txis rau Nkauj Qhua Plua Tus Cwj Tshoob Kos yog Maj
11. Tub Vwj los txis rau Nkauj Qhua Paws Tus Cwj Tshoob Kos yog lub Vab
12. Tub Vaj los txis rau Nkauj Qhua Vug Tus Cwj Tshoob kos yog hluav Taws
Txog rau ib tsoom zeej cov hmov thiab tshua txhua tus hmoob tsis hais nyob rau lub teb chaws twg, thov kom koj tig rov los siv cov Cwj Dab Qhuas saum toj no los rau hmoob lub rooj tshoob kos qua ntxhais los yog yuav nyab kom nws thiaj raug raws txoj kev yuav sawv mus ciaj ua haiv neeg, thov kom sawv daws tsis txhob lam siv raws yav ntuj qub qab ntxiv yam tsis tau muaj tus tshawb fawb los teem tseg li saum toj no nawb.
Yav dhau tas tsuas pom hmoob siv riam dab xwb, tom ntej no yog xeem yaj yuav tus ntxhais xeem thoj ces yuav tau siv rab rauj los hloov rab riam lawm.
Liaj txheej kev siv phau ntawv
1. Ob cev ris tsho thiab ob lub mom uas Tswv Ntuj Yawm Saub phum rau tsob keeb hmoob tej tub ntxhais kev sib qaws los ua txij nkawm,
Niaj hnub no peb hloov los ua lub nplhaib chob thaum tub ntxhais sib qaws los ua txij nkawm
2. Liaj Txheej Kev Cai Muab Tshoob
A. Txwv tsis pub mus zawj hauv tsev los zij tom tej tog kev li yav dhau tag lawm, yuav tsum yog cia txwm nkauj nraug ob leeg los pom zoo sib nyiam tiag ob tog niam txiv li tuaj sib tham txog kev muab nkawm los sib txis ua txij nkawm lawm xwb.
B. Peb yuav tau xyaum los coj li yog ib haiv neeg uas nyob muaj txoj cai tswj tub ntxhais kom nyob muaj fij xws yuav txwv tsis pub siv raws tus cuj pwm qub yav tag tej laus hais tias yog dev npua kev cia ntxiv.
3. Liaj Txheej Kev Cai Noj Tshoob
Tom qab uas txwm nkauj nraug txaus siab los sib qaws ua kev cai txis txij nkawm tom lub tuam tsev txis txij nkawm tag, li mus noj pluas mov tshoob kos rau tom niam txiv tsev.
4. Liaj Txheej Kev Cai Foom Hmoov rau txwm tub ntxhais coj mus ua neej
Nyob rau hauv phau ntawv txis txij nkawm tag lawm, Siv nqe lus hauv xwb.
5. Liaj Txheej Kev Tsa Qhua Sawv Kev
A. Haus lub cawv txo nra
B. Cawv luam xim niam txiv ob tog nqaij noj sib sua
C. Cawv piam thaj {cawv laij nyuj}
D. Cawv nkaw lus
E. Cawv Hmo
F. Cawv yaws tsum/sawv kev mus
Cov khoom npaj rau nraug vauv mus tsev
- Peb tug qaib hau siav
- Ib lam fwj cawv
- Ib pob mov
- Ob rab diav
- Ib qho roj, ib qho ntse, ib qhov txhuv, rau hauv lub kawm nrog rau daim pam lawv ev tuaj.
6. Liaj Txheej Kev Cai Txais Tos Tub Nyab
Nyob hauv tsev rau ib lub rooj los tav ntawd qhov rooj tag rau 4 khob cawv rau saum nug saib yog lawv mus dab tsi los, vim tias koj tseem ua kev cai tos tub tos nyab, Nug saib lawv puas yog koj cov tub nyab; Muaj lus zoo dab tsi los koj hais tau
7. Liaj Txheej kav tswj tub nyab thaum 3 tag kis tshiab. Txwv tub nyab kom txhob maj ua dej num cia nws los ntsia xyaum ntawm leej niam pog kom paub txog kev siv khoom thiab kev ua noj haus.
8. Liaj Txheej Kev Cai hu Tub Nyab plig
Tom qab coj tus nyab los 3 tag kis niam txiv yuav tau mus nrhiav ib tug me tsiaj hlob yau los yog 4 txhais tes taw los hu nkawd plig khi tes xwb.
Ua ntej yuav txis nkawd nyob hauv tsev, rub lub rooj thiab caw cov niam txiv mejkoob los zaum saum rooj txhij muab ib leej ob khob cawv haus nyob tos. Koj li hu txwm nkauj nraug los txis rau saum lub rooj
1. Nqi dej siab; dej ntsws
2. Khaub tshos
3. Nyiaj ua pluas noj
Ntawm no yog lub Paj Ntoo sawv cev rau Hmoob cov tub ntxhais txoj kev sib qaws los ua Txij Nkawm, thaum ntxov ntawm Tswv Ntuj Yawm Saub twb tsim tau txuab zeej los nyob rau lub qab ciaj ntug no, tab sis pom tias cov txuab zeej nyob rau lub kaij kov ntawd tau ua phem lwj liam heev, yog no ua ntej Yawm Saub Tswv Ntuj yuav tso Dej Dag los ntxuav lub qab ciaj ntug no.
Tswv Ntuj Yawm Saub twb tau los xaiv cov neeg siab zoo xws nyob rau sab Luv Pee yog Noah tsev neeg thiab nyob sab Luv Pes yog Tswb Thoj thiab Paj yeeg tsev neeg. Nyob rau sab tawv dawb luag yog cov neeg ntseeg Tswv Ntuj Yawm Saub tej lus thiab nquag txua tau lub nkoj los ntim Noah tsev neeg
Nyob rau sab tawv Daj yog cov neeg tawv ncauj tuab nkeeg thiab tsis ntseeg Tswv Ntuj Yawm Saub tej lus ces tsis ua dab tsis hlo. Nyob txog thaum Dej Dag twb nyab yees tuaj txog lawm Paj Yeeg thiab Tswb Thoj nkawd tsis pom qab ua zaj twg ces nkawd muab zoj lub Tsu Cawv thiab tus txiv heev nyuj dub los tua kiag thiab muab daim tawv coj los zoj tuaj ob tog thiab muab Luj Tub thiab Ntxhi Ci nkawd uas yog khub Nus Muag ntxaib ntim rau hauv lub Nruas Daj tseg los yeej noob.
Nyob li ntawd Niam Nkauj Kab Yeeb, Nyis Tuam Vaj thiab Tuam Los Vaj lawv peb tug nus muas ntawd Tswv Ntuj Yawm Saub muab lawv nqa mus nyob rau pem Nyuj Vag Teem, kev los rau neeg teb thiab mus rau dab teb, cia lawv xa plig tub kiv los rau noob neej nyob ntiaj teb xwb.
Tom qab dej dag nyab qab ciaj ntug cov txuab zeej coj phem ntawd tuag tag, Tswv Ntuj Yawm Saub lis tso neeg Leej Maj nqis tuaj cawm tau Luj Tub thiab Ntxhi Ci nkawd tawm los Tswv Ntuj Yawm saub thiaj muab nkawd los sib qaws txis ua Txij Nkawd tsim noob neej nyob ntiaj teb.
Hmoob tseem tuav rawv txoj cai Ntuj Tsim Teb Xeeb Raug lub neej Keeb Kwm thaum lub hauv paus thiab Ntuj Xeeb Teb Tsim Keeb Kwm lub neej thaum Hmoob pib Chiv Keeb tshwm sim los tsheej ib haiv neeg nyob rau daim luaj pua no.
