Home
By: TP. Txhiaj Foom.
Xov xwm Tsim neej Tshiab
USA Tsab 2 xyoo 1997
Tshuaj zoo kho pob qej txha ntawm ntsag yaig.
Yav tag los kuv tau qhia nej txog kev kho yus tus mob ntsag. Kuv tau tus mob pob txha ntsag nov xyoo 1994, kuv tau noj 4 yam:
1-Ib khob dej kub
2- Qej nyoos 1/2 dia kas fes(muab txhoov ua ntej.)
3-zib ntab zib mus 1 dia kas fes
4-Aple cider vinaigar (vinaigre de cidre)1 dia kas fes
Yuav muab 4 yam nov los sib tov, haus thaum yuav pw txhua hmo. Kuv tau haus li ntawd tau ob peb hlis ces kuv tus mob zoo nyiaj taus lawm. Thaum kuv tsis tau haus cov tshuaj nov li hais los saud, mas kuv yuav tau noj tshuaj loog tas li kuv thiaj nyob taus. Niaj hnub no thaum huab cua hloov, mas kuv kuj hnov mog thiab; tab sis kuv siv me ntsis tshuaj loog los pab.
Hnub no kuv yuav qhia me ntsis rau nej txog kev zaws yus ob lub pob luj taws kuj pab tau yus tsis mob pob qej txha ntawm ntsag thiab.Qhov nov yog ib tug Txiv Plig "Rondineau" uas nws qhia Kev Ntseeg nyob teb chaws Khab Meem thaum ub thiab niam no nws kuj pab cov Khab meem nyob teb chaws USA no thiab.
Txij thaum lub 3hlis xyoo no (1997), kuv tau zaws li nws qhia rau kuv, mas kuv kuj tsis rov mos dua ib zaug heev heev li yav nram ntej lawm.
Nej zaws pob taws:
-ib hnub zaws 6-7zaus
-Ib zaug zaws txog 100 lwm kuj tau.
-Zaws ib zaug li 4-5 fiab.
-Yuav ua li txhua hnub (Yog xav paub meej, xyuas ob daim duab).
Ib tug txiv neej tau raug tus mob qej txha nov, nws mus ntsib ib tug Kws Tshuaj. Kws Tshuaj tseem hais rau nws tias 6 hli tom ntej no ces lawv yuav muab nws phais, muab ib lob pob qej txha "Plastic" los hloov. Nws tau los zaws nws ob lub pob taws ib hlis, li hais saud ces nws tus mob tau ploj lawm. Nws tsis tau mus phais nws lub pob qej txha lawm.
Mob xwb pwg:
Mob xwb pwg kuj yuav zaws raws li tau hais los saud thiab. leej twg zaws li hais saud mas feem ntau yeej zoo xwb.
Ib qho ntxiv, yus sib yus ob tug txhais tes los zaws yus ob txhais taw huv si, yuav tsum sib zog zaws.
