ibvuagdua 27th September 2012, 8:57 am
nyob zoo Phoojywg XIONG Tsaab, Yog los mas kuv kuj ncig moog txug tsua teb chaws nyablaaj hab mas, koj ua tij koj yeej paub hmoob zoo heev lawm os Hmoob tes yog koj muab txuj kev tseeb coj moog thaam tsua tes puab yeej tsi ntseeg koj le os, Yog koj has ib hom nam lug dlaag tsua mas txhua tug noognoog qub ncaug ntsug ua kaaj qosnab qhov ncauj tub tsi ncu qaws taag nrho,hahaha
Peb hmoob tseem poob qaab ntawm luas lwm haiv neeg dleb heev le os, Peb hmoob yeej ib txwm tsi nyiam nqeg moog nyob taj ntsaag nyiam nyob tsua tej toj roob hauv peg kws ssab heev tej fuab cua txag qos zag sawv ntxuv tseeg muaj tej mi fuab pw kwjhaa ntsauv dlawb vwb vog txhua qhov ham le raug hmoob lub sab, Yog koj yuav muab txuj kev vaammeej nyob teb chaws nuav moog pav qha tsua luas kuam luas hloov luas lub neej, Tej yaam zoo le nuav peb hmoob nyob ntuj qub qaab qhov muag tsi tau pum lub tswv yim luas tseem tsi tau muaj puab tsi paub txug os XIONG Tsaab, Yog koj moog thaam tej yaam kws puab tsi tau pum dlua hab paub dlua tes puab tseem ntaus nqe tsua yug tas ntshai yug yog saub tshab lawm hab nua os.
Koj xaav kuam hmoob sib sau moog nyob ua ke tsim kuam tau tej lub zog lluj ua nroog hmoob kuam vaam meej le luas lawm haiv, Kuv paub tas peb hmoob tseem ua tsi tau le ntawm os, Thaum twg hmoob tej sab ntsws hloov taag Tseg kev plaub kev ntug kev khib xeeb kev saib lwm tug tsi rau nqe muab tej nuav tso tseg kuam taag es txawm tas muaj los tsawg lawm mas hmoob maam moog sib sau nyob tau ua zej zog luj os.hehehe thaam ntau lawm thovc txim nawv