Duab yav qaum teb Ntuj qub qab

koojziagkabzaug wrote:

Nyob zoo Hmoob Ntujqubqab,

Me Hmoob leej tub, nws mus qhov twg ntev ntev...Cia kuv nyob zov tsev?
Nws mus qhov twg ntsiag tos, cia kuv nyob zov lub niag zos twj cuab tsis pom nws rov los?

Hnub bno pom nws ncig tuaj txog, ua rau kuv lub siab loj.
Hnub no pom nws rov ncig tuaj txoj, ua rau kuv siab ntsws puv npo...

Nyob zoo os Koojziagkabzaug

Me Hmoob leej Ntxhais
Twb yog ib ntus no muaj me ntsis hauj lwm tawm lawm txawm maj rawm
los hauj lwm tsis tiav thiaj yuav khiav
los daws kom hauj lwm ntxaws
mam tau rov los thiaj li nco
peb lub tsev khaws Hmoob txuj uas nyob mus tsim nuj
thiaj rov tuaj xyuas ua cas muaj ntau yam dua
Peb lub tsev khaws Hmoob txuj yuav vam thiab nplua nuj
lawm pem suab tiag nas Hmoob leej ntxhais .

- Me muam kooj ziag kab zaug as, Cas koj yuav txaw tso lub dav hlau ya; Tav toj tav zag li....Ntuj thaum ub peb nyob nroog looj ceeb, Ua rau kuv nploj siab; Ya plawg ib nta ntuj....Ntsuj plig tsi puab cev, Txiaj ntsim kua muag; Nim ntwg si lug....Kuv me nplooj ntsws....Ya rov nplog teb, Txiaj oob kua muag; Ntwg tej sis ntseb....Me nplooj plawv; Rag lis rhi rov qub teb....Mus xyuas qub chaw, Txiaj ntsim kua muag; Ntwg tej sis tawv....Ib me ntsis tog hnov, Kuv caum nai phoo vaj pov qab lawm os; Me muam kooj ziag kab zaug aws.

- Lub nroog looj ceeb xyoo 1967 Nce xyoo 1968 Thiab xyoo 1969, Yog lub nroog pej xeem hmoob nyob coob tshaj plawg 159.000 leej neeg, Dua li yog, Yim puav nplog; Mab Daum kuj nyob coob txog li....Tsib raus txhiab leej, Co nyob yim puav; Puab Yib....Nyob yim puav, Lub nroog Looj Ceeb; Peb lub xyoos ntawd....Lom zem kawg kiag, Ib cim Peb Caug; Tub hluas nraug....Ntxhais hluas nkauj, Pov pob ib hlis nkawg mam xaus pob; Lub sij hawm peb lub xyoos ntawd....Xyoo 1967 Kuv noob nyoog 13 xyoo, Xyoo 1968 Kuv noob nyoog 14 xyoos; Xyoo 1969 Kuv noob nyoog 15 xyoos....Lub hauv xyoo 1970, Nplog Liab Nyab laj tuaj tua nroog Xas Thoos tawg; Pej xeem nroog Xas Thoos nyob coob txog 67.000 leej neeg....Pej xeem txhua haiv neeg, Hmoob coob dua; Lwm haiv neeg; Lub hauv xyoo 1970....Pej xeem nyob ob lub nroog no, Tawg tas khiav tawm; Mus nyob lwm qhov lawm....Nroog Xas Thoos, Tsi muaj neeg nyob lawm; Tshuav tub rog:...Thaib...5.000 leej zov nplog liab, Nyab laj xwb; Nroog Looj Ceeb....Tshuav cov ua hauj lwm nyob zov ze li ntawm 35.000 leej neeg, Vim tej vaj tsev puag tas; Ib nrab ntau lawm.

- Tiam neej no, Tsi muaj lub nroog twg? Yog hmoob lub ntuj ceeb tsheej, Lub nroog looj ceeb pib xyoo 1966 - 1967 - 1968 - 1969....Plaub lub xyoos no, Hmoob nyob vam ntwg xws xub ntab; Nroo ntwg xws xub hmuv....Tsi muaj tsov rog, Tuaj tua rhuav tshem tiab hiam; Plaub lub xyoos no....Lub nroog looj ceeb, Yog hmooblub ntuj ceeb tsheej; Nyob kaj siab lug....Tshav ntuj nrig, Tsi tshuav leej twg nuj; Tsi ris leej twg nqis....Tawm plawg hauv xyoo 1970, Raug nplog liab nyaj laj; Tuaj tua caum....Peb hmoob tawg ua sab, Ri ua sua khiav nyob zog nplav toj; Zog av xuav....Zog ntsuab npis yaj, Qab zog phav kheb me; Zog phav kheb loj tshav dav hlau....Zog pub thawj, Zog hmoob yaj qaum kev; Zog xyuam yaj hmoob lis....Zog npliaj vwg muas, Zog roob vaub kib; Zog dej tsua me....Zog roob tauj loj, Zog nab nyuas; Ib puas ncig....Zog phu xam loj, Zog phu xam loj pem ntav roob hmoob khab; Zog hmoob vaj....Zog xoom lais, Zog naj vej; Zog kiab xam qhais....Zog hav kub, Tshuav ntau lub zog; Tsi nco qab npe lawm....Zog nab mub yog pub thawj.

kuv lam nyob teb chaw lo tsua xwb kuv twb tsi tau pom tej yam ua nej tso no li os lov phooj ywg..!

- Nej suav daws, Puas muaj tug nco tau; Ob kuam txiv tsawb qe....Los yog ob thij txiv tsawb nyab laj no, Yog ib hom txiv tsawb qab kawg nkaug; Txawm daim plhaub dub lawm los....Lub plawv tab tom qab ntxiv xwb, Tsi lwj sai li os; Lub sij hawm peb nce dav hlau pem zog:....Phou kom:...July 25, 1965; Los txog looj ceeb....Tseem tsi tau tsheej nroog, Av dav heev; Kuv txiv paj zeb wb....Mus txiav xyoob los xov tau lub vaj loj tsawv ntawm qab tsib taug, Kuv muaj noob nyoog nce xyoo 11; Kuv cog tib co tsawb dawb....Ib txhia hu, Tsawb txho; Ib txhia hu....Tsawb qe, Ib txhia hu; Tsawb nyab laj....Kuv cog neeg nkaum tsob....Tsawb ntaj ntsuab kaum tsob, Tsawb ko liag; Ib txhia hu.... Tsawb kaug npua....Ib txhia hu tsawb ceb muag, Kuv cog rau tsob tsawb teem; Ib txhia hu....Tsawb nyuam txwv, Ib txhia hu tsawb ntxhw; Kuv cog plaub tsob tsawb ntaj liab....Ib puas tsob, Txiv puv luj; Lub nroog looj ceeb ntawd zoo tsawb kawg nkaug li...Ib xyoos ntau, Qhov nyiaj txhawv tawm ntawm qab tsib taug; Ib puag ncig tsev....Tiv tsi tas li os, Ib tsoom phooj ywg! Nkauj muam hmoob aws, Tom qab no; Cov tsawb laug lawm....Kuv muab pauv cog cog....Txiv kab ntxwv lawm, Plaub caug ob tsob; Tab tom tawg paj txi txiv zom zawg....Teb chaws tawg:....May 14, 1975; Tso pov tseg lawm....Kuv tseem khuv xim txog, Niaj hnub no; Muaj qee hmo....Tseem ua npau suav rov mus pom, Kuv thaj txiv kab ntxwv ntawd; Nrog txiv puv luj os lawv aws.

- Tab sis nplog liab, Pawg txhiab hmoob paj cai ruam; Tseem ruam heev li....Tsi txawj tu ceev tseg, Nplog liab; Hmoob paj cai tias....Yog cav kas phav as me liv kas, Cov tub tes; Tub taw li....Luaj xoov ntov ua tawg rauv tas, Tsi seem ib tsob ua noob saib dab muag li nas; Nplog liab....Hmoob paj cai, Yog ib co neeg ruam ntxim ntxub tshaj plawg; Muab lub nroog looj ceeb rhuav liam tas....Qhov kuv txiav txim siab peb caug plaub xyoo, Tsi mus ncig saib teb chaws nplog txog; Niaj hnub no....Twb vim ntxub qhov ntawd ntas, Suav daws sim ntsia; Niaj hnub no....Luaj xov muab xyoob ntoo, Qhov nyiaj; Qhov kub....Qhov tooj, Qhov hlau muag; Rau neeg txawv teb chaws tuaj khawb tas....Mus luag teb chaws, Muab dej tauuv nyab tiaj nrag tas; Tsib caug rau caum xyoo tom ntej no....Ciaj tiaj nrag zeb suab puam tas, Muab cog ntoo yas; Tsuas kav ib pua xyoo....tom ntej no, Av tsuag tas; Tsi zoo dab tsi lawm os....Hmoob aws.

Nyob zoo tij laug Xyooj tsab thiab phooj ywg Nco10xyautaglos,

Tij laug Xyooj, nws mas thiaj yog neeg nquag tiag lauj! Nquag los nquag, ntse los ntse, txheeb thaud ces Hmoob twb tsis txawj cog xim khoom, txhiam laj txhiam xwm thiab txiv ntoo li nws. Yog Peb Hmoob txawj xav li nws mas ntshe peb twb vam meej heev lawm.

- Me muam kooj ziag kab zaug as, Koj tso ob kuam txiv tsawb no; Siav daj rhuav ntxim qab kawg nkaug li os....Kuv qhib pom dheev xwb, Kuv haj yam nco; Kuv vaj tsawb thaum nyob nroog looj ceeb os....Kuv twb ua zaim muag pom zem zuag tom hauv ntej lawm, Peb nyob teb chaws mes kas; Yuav kim kawg li....Cov kuam loj zoo nkauj ntxim qab li, Ob kuam koj tso duab hauv no; Ib kuam twg? $20.oo....Yuav tsi taug noj li os, Me muam as; Kuv tug kheej ib txwm tsi qia dub....Kuv lub tswv yim os, Yog yam kuv paub; Kuv yeej qhia ncaj raws li....Kuv paub ntas os, Kuv tsi zais li os; Me muam aws.