KHAWS CEEB
Ceeb yog thaum mauj ib qho ua rau yus ntshai thiab ceeb: suab nrov, neeg nthe, raug ib qho xwm txheej, tsiaj hem, neeg hem, dab tsov hem... thc...
Ib tug neeg ceeb, ua rau nws ua neeg siab yau heev, cia li ntshai yam tsis mauj paus muaj ntsis. Thaum Ceeb loj heev lawm, ua tau rau tus neeg ntawd si, daj ntseg, tsis los plhu, muaj mob, pheej ntshai ntshai, tej thaum ces cia uli ua ib ce muag tag tsis muaj zog li lawm...
Thaum zoo li no lawm yuav tau khaws ceeb. Kev khaws ceeb muaj 7 yam xws li nram no.
1/ Qaib thos ceeb ( qhov nov tsis tshua ua ):
muab ib tug lau qaib tus kaus ncauj los so tus neeg ceeb lub qhov ncauj, ces ntuas tias:
Plab nyhuv ceeb los qaib paub ntuj siav , qaib thos ceeb, so qhov muag ces ntuas tias qhov muag ceeb los qaib thos ceeb, so qhov ntswg los ntuas tib yam, so taub hau, tes, taw, ...thc...
2/ Plaub haus so ceeb:
Nov yuav yog cov niam uas plaub haus ntev, muaj qais plaub haus so tus neeg ceeb, so pem taub hau nqes los rau nram ko taw, ces ntuas tias: Leej twg ua N.. ceeb los kuv khaws nws ceeb, xob quaj nws ceeb los kuv khaws nws ceeb, tsiaj txhu ua nws ceeb..., tuav tag nrho tej neeg ib ncig uas paub txog los yog yeej paub tias tsheb yuav luag sib tsoo es ceeb los hais qhov ntawd. Ke ntuas ke so...
3/ Hluav ncaig txhub ceeb ( tsis tshua ua pes tsawg):
Muab tus neeg ceeb pw, tais hluav ncaig ciaj ciaj los lwm saum tus neeg thiab ntuas tias: Auv! N...Ceeb tes los kuv txhub, ceeb taw los kuv txhub...thc...txhub mus rau hluav taws kub mus lawm zaj qho.
4/ Lub tsho lwm saum hluas taws ( qhov nov yooj yim ua thiab leej heev) yuav tsum ua peb taig kis sib law:
Muaj tus neeg ceeb lub tsho uas nws hnav tsis tau ntxhua los ncho saum qhov cub hluav taws thiab ntuas cov neeg, tsiaj, khoom thiab xwm txheej uas yuav ua tau rau tus neeg ntawd ceeb...Ces hais tias Leej twg ua N...ceeb los kuv khaws ceeb, hais cov neeg hauv tsev ib tug zuj zus npe,... dab tsi nrov nws ceeb los kuv khaws ceeb...thc...
5/ Tshau ceeb:
Muab ib lub vab tshaus, ob qho noob taum pauv, me ntsis ntsiav pob kws liab tso rau hauv lub vab tshaus ces yuj saum tus neeg ceeb thiab ntuas tias leej twg ua N... ceeb los kuv tshau ceeb, neej, dab, tsiaj ntxhu, suab nrov...thc...hais ib lub npe zuj zus.
6/ Khi ceeb ( leej heev):
Tus neeg ceeb ntev lawm ces ua khawv khoob khi. Tus khi tuaj nram qab nyas tus neeg ceeb, tos tsis nco qab lawm ces nws npuav ib los dej, tsuag dej rau tus neeg ceeb thiab qw ib suab ces ntho nkaus tus neeg ceeb tes khi kiag ib txoj hlua rau thiab ua khawv koob rau.
7/ Xais Ceeb ( xais 3taig kis):
Xais ceeb zoo rau cov neeg uas tau ceeb los ntev lawm thiab muaj kev tu siab...qhov ceeb ntawd ua rau tus neeg mluas mluas, tsis los plhu li. Thaum xais ntawd, xuas ob tug ntiv tes xoo sib zog so thiab xais zuj zus mus.
- Xais ntawm caj ntswm ob lu qhov muag sib cob mus ncig ob lub qhov muag 3 zaug,
- Xais ntawm qhia ntsej, ncig lub pob ntseg 3 lwm.
- Xais ntawm caj ntswm cov plaub muag si cob mus rau saum yis hau peb zaug, zaum zeeg 3, tag ces tuav ib qho plaub hau ib nyuag rub, ib nyuag rub 3 zaug.
- Xais ntawm tus ntsis ntiv tes nta, tuav kiag tus ntiv tes, zawg kiag, plhws, mam xais sab xib teg 3 zaug txog ntawm dab tej, zaum 3 xais txog ntua pem quav npab ( ua ob sab tes tib si).
- Xais nram tus ntiv taw nta, sab qab xib taws 2 txog ntawm dab taws, zaum 3 txog ntua pem qhov raws.
- Xais thaum nyuam qhuav sawv, txuav muag tas xwb tsis tau noj dab tsi li.
Last edited by koojziagkabzaug on 30th March 2011, 3:54 pm; edited 1 time in total