KHAWV KOOB TSOG TSUAM
Zaj khawv koob daws tsog, yog zaj ua kom tsog txhob los tsuam yus li lawm mas xyov yog ua li cas tab sis zaj uas tsog tab tom los tsuam yus es yus ua kom tsog khiav tawm ntawm yus mas yooj yim. Thaum yus ua yog toog li muaj neeg los tsuam yus es qw los qw tsis nrov, co tes co taw los co tsis tau. Ua pa hauv qhov ntswg kom tob tob, tso pa ntawm qhov ncauj kom ntev ntev, lub siab suav ib ob peb txog kaum, txhob xav txog tus tsog tsuam yus, suav tas suav dua, ces pib nyem tso nyem tso yus ob txhais tes. mab mab muab yus ob txhais taw ob tug ntiv taw xoo co rau saud rau hauv. Thaum yus tsim meej meej lawm tsis txhob ntshai, tsis txhob cem, tsis txhob nto. Tig yus lub cev kom haum qhov yuav rov tsaug zog. Nco ntsoov ua li ntawd thaum twg muaj tsog tsuam. Thaum yus yoog tau tus xeeb ceem no lawm, tsog yuav tsis tsuam yus ntxiv lawm.
Tsog tsuam yog yus li oxygen tsis txaus heev, yus lub hlwb ua hauj lwm tsis zoo lawm, yus lub hlwb muab yus tig mus rau qhov tsis meej pem heev ces yus mloog li yog muaj dab tsi tsuam yus tab sis qhov tseeb tsis muaj dab tsi li. Try seb puas ua hauj lwm nawb.
Khawvkoob Kubnyhiab
AS THIM OS
OS AS THIM
THIM AS OS
Hais peb zaug; tshuab peb zaug nrog qaubncaug rau qhov kub ntawd xwb os.
Thiab thaum tshuab tag no ces muab lub tshuaj txhuam hniav xim xiav uas yog cov Blue or Green Gel ntawd los pleev rau; muab leem kiag rau qhov kub nyhiab ntawd ces nws txias lawm. Koj tshuab ob peb zaug li ntawd thiab muab cov tshuaj no los pleev rau xwb ces koj qhov kub ntawd tsis huam thiab tsis voos lawm os.
Kuv twb siv ntau zaus lawm thiaj paub thiab thiaj coj tuaj qhia rau neb paub thiab os.
Khawvkoob Tswm Ntuav:
Paim txaws kuv tswm ntaws,
Paim txua kuv tswm ntuav,
Paim pem ntuj tuaj kuv tswm kom ruaj,
Paim pem teb tuaj kuv tswm kom tus,
Xab fab puaj meem tswm kom ruaj,
Xwm fab puaj meem tswm kom tus,
Thuab, tswm nkaus rau seb!
Kev siv:
Koj muab peb tug pas xyoob los txiav kom luv li tus ntev tes.
Koj muab rab rauj (Hammer) coj los npuj tog saud tuaj.
Koj muab lub pobzeb los teem tus pas xyoob koj mam npuj.
Thaum koj pib hais zaj khawvkoob ces koj pib npuj tus pas xyoob.
Thaum koj hais tag lwm ib ces koj muab rab riam los txiav/zeeg tus pas
xyoob uas yog tog teem hauv lub pobzeb ntawd tso rau hauv lub tais.
Koj npaj ib lub tais ntim muaj ib qhov dej me me txaus haus peb pas xwb.
Koj muab ib tug pas ua zujzus. Koj ua li ntawd peb zaug tag peb tug pas
ntawd ces zaig tau peb yav rau hauv tais dej.
Koj muab diav los ce rau tus neeg mob haus ces nws qhov ntuav zoo lawm.
KHAWV KOOB TUA QOG
- Xwm Fab Xwm Tuam Kab
- Xab Fab Xwm Tuam Lij
- Xwm Fab Xwm Kub Thawj
- Vam Lis Theev Kaus
- Tuam Lis Chij!
KHAWV KOOB TAV NTSHAV
" Ntshav tu auj!
Kuv hu txog:
Xib Hwb Yaj
Xib Hwb Thoj
Xib Hwb Lauj!
Los Pab Kuv auj!
Kuv hais lus tag xwb mas
Kom ntshav tu!
Kom nqaij nqawm!
Kom tawv loos!
Kom txha cob!
Kom leeg txuas auj!"
KHAWV KOOB DAWS DAB
" Auj! Ntawm no kuv hu txog:
Xib Hwb Thoj,
Xib Hwb Tsab,
Xib Hwb Lis!
Los pab kuv auj!
Hu txog:
Dab Yaj Los Leem Phauj,
Dab Txheev Tom Xyooj Kav,
Dab Txheev Tom Lwj Leem!
Nej nqa ciaj tooj ciaj hlau los tais dab auj!
Dab khiav auj! Khiav deb deb!
Nov tsis yog nej chaw nyob!
Yog nej tseem nyob thiab peb yuav plawm ua nej ceg dam!
Khiav! Kav tsij khiav tsam nej mag sab!
Last edited by koojziagkabzaug on 2nd November 2011, 2:35 pm; edited 1 time in total