Hmoob Mus Nyob Ntau Lub Techaws/Muaj Kev Sib Tawg

Nyob Zoo Kwvtij Hmoob Thoob Qab Ntuj,

Hnub no kuv xav tuaj nrog nej txhua tus tham vim tias kuv muaj kev txhawjxeeb txog peb Tsev Neeg Hmoob tsis hais tus mus nyob rau lub tebchaws twg.

Kuv hnov muaj Hmoob ntau tus nyob ntau lub tebchaws tau SIB THUAM ua pivtxwv li tias cov nyob rau lub tebchaws U.S.A thuam Hmoob Fabkis los yog Hmoob Nplog ho thuam Hmoob U.S.A tias lawv mas PHEM TSHAJ, RUAM TSHAJ etc/lwm yam.

Xav kom peb kwvtij Hmoob sawvdaws totaub tias txoj kev phem ntawd tsis yog lub tebchaws ntawd cob qhiab, vim yog lub tebchaws lawv nyob ntawd coj li, los yog tim lwm yam. Qhov phem ntawd yog los ntawm nws Cajces los yog nws tsevneeg xwb. Qhov yuav sib txawv mas yog kev coj noj thiab kev tswj rau lub tebchaws lawv nyob ntawd thiaj li yuav sib txawv hos dua lintawd ces tsis hais nyob lub tebchaws twg tus neeg yuav phem thiab yuav zoo los nyob ntawm nws kev coj xwb.

Nej nco ntsoov tias peb yog IB TEEV NTSHAV, IB TSEVNEEG YUG LOS KOOM IB LUB TSEV NYOB TXHEEJ PUAG THAUM UB LOS UAS ZOO NKAUS LI TAMSIM NO KOJ TSEVNEEG TABTOM MUAJ ES TSEEM YUAV SIB FAIB CUAB TOM NTEJ NO VIM NYIAS LOJ NYIAS THIAB NYIAS MUAJ NYIAS CUAB NYIAS YIM LAWM. Hos Nej thiab Peb vim yog peb lub tebchaws uas peb sib koom nyob thaum ub tau raug Suav Liab/Nplogliab txeeb thiab poob mus rau luag lawm peb thiaj li tau thojnam tuaj mus nyob sib txawv tebchaws ua Ntsuag Kwv Ntsuag Tij, Ntsuag Viv Ntsuag Ncaus, Ntsuag Niam Ntsuag Txiv thiab Ntsuag Teb Ntsuag Chaw. Peb tseem yog ib tug Hmoob los yog ib Tsevneeg xwb.

Yog li txij hnub no mus lawm tod yog peb muaj kev tsis sib haum xeeb dabtsi los ntawm peb kwvtij Hmoob uas ib leeg nyob ib lub tebchaws no ces thov sawvdaws tsis txhob muab tis npe tias yog COV NYOB LUB TEBCHAWS NO, THIAB LAWV COJ LI NO,COJ LINTAWD, ETC. Tsuas muab tus neeg uas koj muaj teebmeem ntawd lub npe hais xwb, thov tsis txhob TXUAM YUAJ MUS RAU TXHUA TUS UAS NROG NWS NYOB LUB TECHAWS NTAWD. Yog peb tsis xyaum hais lus kom meej thiab zoo tom ntej no ntshe peb mus NYOB 100 LUB TEBCHAWS LOS NTSHE YUAV MUS TSIM 100 YEEBNCUAB ROV TUAJ SIB TUA, SIB TXOV LOS YOG SIB NTXUB os cov me kwvtij Hmoob Poob Techaws.

Muaj lus ua tsaug ntau koj los nyeem thiab thov kom koj tsuas ntsib kev noj nyob zoo tsis tas tsis kawg.

Sau npe Liajntsuab[b]

koojziagkabzaug wrote:

Nyob zoo LiajNtsu,

Yog kawg li nws hais, Peb Hmoob mus nyob thoob ntiaj teb, mus nyob luag ntuj ces peb yuav yoog luag txuj. Peb mus poo luag, tus muaj hmoo kuj kawm txawj kawm ntse, kuj muaj nyiaj muaj txiaj. Tus saub tsis pub ntau nws txoj hmoov kuj zoo, tus saub ho pub tsawg, nws kuj ua neej tuaj qab tsag.
Txoj kev ciav cais mas tsim nyog peb yuav muab tso tseg. Tus yuav phem los zoo tsis tim yog yuav nyob ib lub teb chaws sib txawv, yog los ntawm tsev neeg, tus neeg thiab tus xeeb ceem yug los ua neeg xwb. Peb yuav tsis txhob muab tis rau ib tug los ib pab thiab ib lub teb chaws. Yog peb ua li ntawd mas yuav tsis muaj chaw xaus, tsis muaj chaw rau. Tsuas yog ua caub ua chim rau sawv daws xwb.

Kuv zoo siab tau nyeem koj cov lus thoob tsib nov.

Ua tsaug.

- Nyob zoo os, Tsoom phooj ywg! Hlub hmov tshua suav daws, Thov zam txim....Cuam tshuam lug me ntsis, Txhob xav li cas nawb; Qhov sib thuam....Yog los ntawm kev ntseeg, Nyiag ntseeg; Nyiag iib yam....Nyiag txua, Nyiag ib yam ntawv; Nyiag qhuas.... Nyiag zaj, Nyiag khav; Nyiag qhov....Cov xyaum zoo tsawg, Cov kawm ua phem coob; Cov npav nyiaj ua zog loj....Haub ntxias dag, Lwm tug yuavm kev; cov khav riam phom ua zog heev, Tua pov tseg; Yog tim tej nywj no....Thiaj ua rau yug haiv hmoob tawg ntau pab pawg, Suav daws sim xav; Seb puas yog.