Kaubkimyaj 18th February 2016, 1:48 pm
Thaib thiab Nplog yeej yog ib tug RAU Hmoob...Thaum Kaubkimyaj tseem nyob Thaib...muaj ib tug colonel Thaib tuaj hauv Thai national security department "kabxuang rakxam khommatkhoom". Nws haistias Nplog lub tebchaws tau poob mus ciaj communism lawm, tabsis Nplog yeej tsis kubsiab vim licas Hmoob ho yuav sawv tawmtsam Nplogliab. Hmoob twb tsis muaj neeg keeb neeg cag yog HERO "banphraburut" tseemceeb hauv keebkwm tebchaws Lostsuas.
Cov lus no ua rau Kaubkimyaj ntshav nce thoob ib ce thiab mloog zoo li lub cev kub cuag txhiabtaws....Kaubkimyaj thiaj teb ntua haistias [Koj paub keebkwm cuav hauv Nplog lawm xwb/Hmoob yeej tuav Nplog lub npe thiaj meejmom ntawm kev twmywj timpheejtxheej "independence of Laos" txij puag thaum Pajcai sawv tawmtsam dawstso kev sause los txog rau phasnyas, Vajpov, Favntaj thiab coob tus nrog rau tsoom peebzeej Hmoob tau muab txojsia mus tam liajia tebchaws. Tomqab lub tebchaws raug Communism nqos, Hmoob tseem yog cov tuav haivneeg Lostsuas lub meejmom thiab liajia tebchaws tsis pub kom plam poob tag rau cov tseemfwv Communist, thiab uake no Hmoob tseem lasthaiv Thaibteb kom dim kev txav-txam nam ciam Thaibteb los ntawm cov tebchaws Communist. Hmoob tsawg heev, tabsis muaj peevxwm theem tau communism txoj kev nam tebchaws txij Nplogteb Thaib thiaj dim. Yog hnub twg Hmoob Cobfab tso tseg khiav tawm tebchaws ces Nplog lub tebchaws yuav raug Communist muab rhuav tshem liaj-ia tebchaws piamsim tag, thiab pejxeem Nplog yuav txomnyem vim tsoomfwv cov tebchaws Communist yuav muab koojluajsim hauv daim-va Nplog thau kheekawv. Thaibteb yuav raug teebmeem kev kubntxhov los ntawm cov tswvyim Communist txog hnub Thaib daim-av ciaj qhev li Nplog...]
Nws kuj ciali mloog Kaubkimyaj lecture thiab ciali teb haistias " Thaibteb muaj kev ncajncees thiaj pab cuam pejxeem Nplog thiab lwm lub tebchaws, tiamsis kuj yog teebmeem nyhav heev rau Thaib ris". Wb tham ntau heev vim Kaubkimyaj yog limxeebfai tshajtxheej sab txawv tebchaws lub sijhawm ntawv...Txawm licas losij, pebhmoob yeej tseem tsis tau txawjntse, tsis tau txawj sib pab sib hlub li tsoomneeg tsheej haiv ces peb yeej yuav raug ris lub npe phem kom txog hnub Hmoob sawv tau los ua tswv tebchaws.