Home
Nyob zoo kwvtij Hmoob,
Zoo siab ntau xyoo no kuj muaj yam puav tshwmsim los uas tsis xav tias yuav muaj tus sawv tsees los muab tej rooj plaub loj npaum li no los taug qab txog peb Hmoob lub neej kev TSIM TXOM los ntawm Nplogliab tau 40 tawm xyoo no. Xav kom rooj plaub no tsis yog lam sim xwb tiamsis xav kom hais mus kom kawg thiab ti nkaus rau tim Geveva chaw hais plaub loj nyob hauv qab ntuj khwb no.
Yog hais txog peb Hmoob raug tus Nplogliab thiab Nyablaj Liab muab tshuaj lom peb Hmoob tuag tom qab xyoo 1975 xwb mas tuag coob heev li suav tsis txheeb vim tias tus mus nkaum kwj deg, kwj ha, qhov zeb, qhov tsua, hav zoov, hav tsuag thiab ntau qhov chaw. Yog muab hais los ces Hmoob cov tuag rau TSUAJ LOM uas muaj lub npe hu ua YELLOW RAIN los yog LOS NAG DAJ ntawd ntshe yuav yog li ntawm 60 percent ho dua li yog tuag los ntawm Nplogliab thiab Nyablaj Liab tua, tuag tshaib, mob tuag thiab lawm yam yog 40 percent. Xyoo 1976 thaum lub lub 9 hlis ntuj mus txog lub 11 hlis tag xwb peb lub zos nyob rau ntawm qaum Nas Xus hu ua Phus kas Loj ntawd peb twb tsawg tsawg los tseem raug lawv lom tuag li 30 tawm leej nyob rau hauv 3 lub hli uake. Muaj qee yim ces tsuas tshuav 1 leeg lawm xwb. Nyob rau lub sijhawm ntawd mas 1 hnub no tuag txog 1-2 tug diam. Cov laus thiaj li ua dab ua qhua xwb hos tej menyuam yaus ces ciali kauv ntaub coj mus faus lawm xwb. Cov neeg uas raug tshuaj lom tuag no yog tib cov uas mob plab zawv liab tso quav ntshav nkaus xwb ces thaum kawg tawm tsis rooj cia li tag txoj sia. Cov teebmeem uas zoo li kuv tham txog peb lub zos no kuv hnov neeg tuaj tham nyob xovtooj cua mas raug coob heev li.
Nej leejtwg yog tus muaj feem cuam los pib nrog rooj plaub yeej meem hais mus thiab thaum kawg yuav tau hu peb tuaj ua cov QHOV NTSEJ QHOV MUAG POV THAWJ TIM KHAWV los hais kom yeej thiab tau kev ncaj ncees rau peb tsoom Hmoob mas thiaj li yuav tag.
Ua tsaug ntau rau kws hais plaub Herman Franck uas nws muaj lub siab hlub txog peb Hmoob thiab muab rooj plaub los hais.
http://shrdo.com/index.php/suabhmong-news/hmong-news/2957-lao-government-sued-over-hmong-genocide
Zoo siab ntau xyoo no kuj muaj yam puav tshwmsim los uas tsis xav tias yuav muaj tus sawv tsees los muab tej rooj plaub loj npaum li no los taug qab txog peb Hmoob lub neej kev TSIM TXOM los ntawm Nplogliab tau 40 tawm xyoo no. Xav kom rooj plaub no tsis yog lam sim xwb tiamsis xav kom hais mus kom kawg thiab ti nkaus rau tim Geveva chaw hais plaub loj nyob hauv qab ntuj khwb no.
Yog hais txog peb Hmoob raug tus Nplogliab thiab Nyablaj Liab muab tshuaj lom peb Hmoob tuag tom qab xyoo 1975 xwb mas tuag coob heev li suav tsis txheeb vim tias tus mus nkaum kwj deg, kwj ha, qhov zeb, qhov tsua, hav zoov, hav tsuag thiab ntau qhov chaw. Yog muab hais los ces Hmoob cov tuag rau TSUAJ LOM uas muaj lub npe hu ua YELLOW RAIN los yog LOS NAG DAJ ntawd ntshe yuav yog li ntawm 60 percent ho dua li yog tuag los ntawm Nplogliab thiab Nyablaj Liab tua, tuag tshaib, mob tuag thiab lawm yam yog 40 percent. Xyoo 1976 thaum lub lub 9 hlis ntuj mus txog lub 11 hlis tag xwb peb lub zos nyob rau ntawm qaum Nas Xus hu ua Phus kas Loj ntawd peb twb tsawg tsawg los tseem raug lawv lom tuag li 30 tawm leej nyob rau hauv 3 lub hli uake. Muaj qee yim ces tsuas tshuav 1 leeg lawm xwb. Nyob rau lub sijhawm ntawd mas 1 hnub no tuag txog 1-2 tug diam. Cov laus thiaj li ua dab ua qhua xwb hos tej menyuam yaus ces ciali kauv ntaub coj mus faus lawm xwb. Cov neeg uas raug tshuaj lom tuag no yog tib cov uas mob plab zawv liab tso quav ntshav nkaus xwb ces thaum kawg tawm tsis rooj cia li tag txoj sia. Cov teebmeem uas zoo li kuv tham txog peb lub zos no kuv hnov neeg tuaj tham nyob xovtooj cua mas raug coob heev li.
Nej leejtwg yog tus muaj feem cuam los pib nrog rooj plaub yeej meem hais mus thiab thaum kawg yuav tau hu peb tuaj ua cov QHOV NTSEJ QHOV MUAG POV THAWJ TIM KHAWV los hais kom yeej thiab tau kev ncaj ncees rau peb tsoom Hmoob mas thiaj li yuav tag.
Ua tsaug ntau rau kws hais plaub Herman Franck uas nws muaj lub siab hlub txog peb Hmoob thiab muab rooj plaub los hais.
http://shrdo.com/index.php/suabhmong-news/hmong-news/2957-lao-government-sued-over-hmong-genocide
