Me qigtaub 24th August 2015, 6:22 pm
Nyob zoo liajntsuab.
Hais txog tejtub tejntxhais mas yog ib qhov uas peb coob tus tsis hais leej twg los yeej tsis pom qab yuav hais li cas vim tias muaj peb yam ua rau peb tws kev.
1. Yog tsis pub yuav mas vim tus tub los yog tus ntxhais tsheej haj, los yog nkees tsis pub sib yuav.
2. Tsis pub sib yuav vim tej laus muaj plaub muaj ntug ciaj caub nram nrej lawm tsis pub sib yuav.
3. Tsis txum phaj los yog yus tib xeem sib tham.
feem ntau hauv peb tsev neeg Hmoob pheej tsis pub sib yuav yog li no ntau xwb, yog muab xav los txog mas yog ib tug tub los yog ntxhais nyiam ib tug lawm ces cia sib yuav, yog tsis haum nrog niam pog ces kawg cais tsev xwb, txhob muab hais tu tu, feem ntau cov laus mas hais lo lus tu nrho tias yog neb tsis mloog hais ces mus rooj teb twg los mus tsis yuav lawm, tuag los tsis quav ntsej lawm, yog tuag ces muab tis hlua rau ko taw cab mus nram kwj ha xwb. Qhov zoo li no yeej ua rau tej me nyuam uas coj siab twm xeeb cia li tsis paub ua zaj twg ces mus dai tuag li no. qhov teeb meem tiag mas yog cov laus tsis pub yuav ntxov hais thaum ntej yuav pib mas cheem tau, twb cia sib nyiam sib hlub lawm ces cheem los yeej tsis yooj yim, vim txoj kev hlub mas Zoo li muaj zog heev rau ntawm peb tib neeg. li tej laus hais tom kev muaj dab muaj tsov los yog hluas nkauj txib lawm ces mus kiag xwb, yog tej laus txib mas nyuaj tshaj plaws, lub zos tim ub yog yus tus hluas nkauj nyob lawm mas txawm tsov rog thiab dab tso los yeej maub mus li lawm, tej niam txiv ceem tub ntxhais mas thaum zoo li no lawm mas nyuaj zog yuav yog cia tus nws ncawg heev pab thiaj tau lawm xwb, yus ua niam ua txiv hais mas lawv kaw pob ntseg tsis hnov lus li lawm. Peb cov laus tsis pom qhov tej hluas kev sib hlub sib nco ces tsam no thiaj li pom qhov tuag li no tej laus siab thiaj nqig, twbpom ntau zaum lawm los yeej tseem tsis tau tseg thiab cas peb hmoob siab nqaim ua luaj li, kuv xav tias yuav Hmoob zoo dua li yuav lwm haiv neeg no nawb.
Home
