Ntiajteb ntuj tsaus nrog nthwv cua txias, kuv tseem ua sab ntsej hnov koj lub suab quaj suab ncia
Txoj kev dhau mus lawm tsuas tseg tau ib tug neev, tsaus ntuj nti tseem hnov koj lub suab seev
Txoj kev hlub hauv lub me neej, nws ciaj ua nywj yuj ya mus xeeb tsheej qaum ntuj kab lwg hli
Hauv kev hlub kev nco yog tshua koj ib txhis, nws yog tus sab mob qhia txog kev hlub tsim nuj zoo nqi
Ntuj tag hmo tseem nco koj lub suab nroo-tsis quaj los lub kuamuag poob ntsiag to ntub hauv ncoo
Kuv muab koj maj mam nco hnub ntxiv hnub mus nto xyoo, hauv nruab siab cim tseg tus meej xeeb
Hauv wb lub me neej tsuas tau txoj kev hmov kev tshua ntxiv lub kuamuag ntw qhia rau ntiajteb
Hnub ncaim lub neej cuag ncaim kev deb, tus xyw wb txoj kev hlub tseem nyob tshiab khiv tsis ploj
Kuv tseem nco nco koj li thaum wb pib sib hlub, zoo hmo wb sib tuav tes mus pw lam cua saib hnub qub
Zaum tsis tau tus koj maj muab kuv rub nyob koj xub ntiag, kev sib hnia qhia txog kev nyiam kev txaus siab
Ib zaug tag los thov nwj dua ib zaug thiab, wb lub caij nyoog ua si thiaj dhau ceev npaum li ib ntsias muag
Kev ncawg yug tau kev hmov kev tshua, thaum plam koj lawm-wb kev hlub thiaj yog lub kuamuag tshua.