Home
Kaubkimyaj wrote:Liajntsuab wrote:Tijlaug Kaubkimyaj,
Koj cov lus saum toj yeej hais yog thiab cover tag lawm. Lub tebchaws Nplog qhov pib vim yog Nplog ua tsis taus txiv li koj hais thiab txoj kev ntshaw Nom sib txeeb ua thaum kawg cov Thawj coj thiaj li raug lwm haivneeg muab txov tuag du lug. Raws li kev soj ntsuam los ntawm tej Pejxeem nyob Lostsuas kuv ntseeg tias 80 percent/feem 100 lawv tsis nyiam txoj cai kev tswjhwm kiag tiamsis tsis muaj ib tug kav hais tau ib los li vim tias ntshai tuag dhau. Niajhnub nimno leejtwg hais taus ces tus ntawd raug Tubsab tua thiab cili ploj ntsejmuag twj ywm li yawg Sombath Somphone thiab ntau tus Hmoob uas nej thiab peb hnov dhau los. Yog tias tsoom Neeg nyob Nplogteb ntshai tuag tsis ua dabtsi li niajhnub no tiag tom ntej no lawv lub neej tseem yuav txomnyem tshaj no mus ntxiv vim tej Nomtswv cia Neeg txawv tebcahws tuaj ua luam txhaum cai thiab lawv muab av thiab ntau yam tseemceeb hauv Lostsuas muag noj ntau lawm zujzus yuav tag tiag tiag tsis ntev tom ntej no.
Thaum lub neej zoo li kuv hais lawm lawv tsis muaj kev nrhiav noj los tom tej hav zoov hav tsuag lawm ces txhua yam kev noj haus tsuas yuav yog los tim kiabkhw lawm xwb. Nej muab xav tias tamsim no tej Pejxeem mus ua zog 1b (1) hnub no tau 30,000-50,000 kip los sis raug li $3-$5, tiamsis ib tug qaib uas tiav nkauj zoo hu plig twb raug li 40,000-50,000 kip lawm. Hos ib kilogram nqaij npua yog 50,000 kip, nqaij nyuj yog 70,000 kip lawm. Ib tug npua zoo tua noj raug li $500 hos ib tug ntsuag nyuj yog li $800-$1,000 hos twm yog raug li $1,400-$1,500 cov ntsuag twm xwb nawb. Nej sim xav seb Tsoom Neeg ua ib hnub zog tsuas txaus los yuav ib tug menyuam qaib twb tsis txaus tua rau tsevneeg noj ib pluag lawm no yuav ua cas ua taus Neeg nyob mas? Kawg tej tub ntxhais mus muab lawv lub cev muag nyuav nyiaj li niajhnub lawv ua lawm xwb tiag.
Kwv Liajntsuab....Nyob zoo rau koj hnub no.
Yus nyob lub tebchaws Nplog dhau los lawm, nws yog daim niamav yug koj thiab kuv ciajsia, nws yog wb tsoom txheebze tseem nyob Nplogteb txoj kev lwjsiab txomnyem. Daimav cawv-cawm yug yus ciaj yeej tsimnuj tiag rau txhua tus koom lub neej yuaj txuab tsavsim thooj dej koom av, thiab txawm yuav mus ciaj haiv neeg twg lawm los tseem hlub tshua/thaum tuag tus ntsujplig tseem yuav ya-rov mus lim thiaj mus tshwmsim thawj tau dua tiamtshiab.
Lubsiab mob, lubhlwb khib nrig nyem txia tau ntshav, tabsis npua yeem noj xua, dev yeem noj quav. Daimav Nplog/haiv neeg Nplog tuag lwjtsus lawm os nawb. Ntawm peb Hmoob ces txawm yog tsav neeg twg kav tebchaws los yeej pauv tsis ntxiv " Yog Hmoob muaj tebchaws xwb thiaj zoo tau xws luag lwm haiv neeg mog".
Zoo siab sibntsib hnub no.
Nyob zoo rau koj ua tij thiab. Aw!!! koj aw!! txhob muab xav ntau xwb os yog muab xav ces yeej xav ua Neeg Voj Neeg Vwm li tiag vim hlub tebchaws thiab yus tsavneeg dhau. Nej yuav tau mus ncig saib lub tebchaws seb nej ho pom dabtsi nawb. Lub neej txheej no txawv lawm ntau heev li os.
Muaj caij nyoog mam li sib tham thiaj li paub meej nawb.
https://youtu.be/UeqGq6Zol5c
