MUAJ NTAU TSHAJ LI 60 TAWM HOM KABMOB NRHIAV TAU LOS NTAWM TEJ TSIAJ QUS NYOB HAUV NPLOGTEB

Kwvtij Hmoob,

Tsab xovxwm no yog tham txog kabmob los ntawm tej tsiaj muaj nyob hauv Nplogteb. Tsab xovxwm ntawm no twb tshwm tau yuav luag muaj ib week los ntawm Vientianetimes lawm. Kuv ntseeg tias nej ib txhia cov paub ntawv Askiv thiab nyiam saib xovxwm nej yuav pom lawm yog li kuv lam coj tuaj tso ntawm no rau cov tsis tau pom xwb. Nws tseemceeb heev rau peb Hmoob vim cov kabmob yog tshwsim los ntawm cov tub tshawb fawb tej kabmob los ntawm tej tsiaj qus nyob hauv Nplogteb uas yog cov tsiaj peb Hmoob nyiam noj thiab mus tua lawv txhua lub caijnyoog.

Cov kabmob hais los lawv mus tso tshav 10,609 los sis muab nqaij me ntsis los sim los ntawm 2,593 hom tsiaj nyob hauv Nplogteb los tshuaj ntsuam txij li thaum lawv hnov muaj tej kabmob los ntawm tej tsiaj uas txawj kis tau tej tibneeg nyob rau xyoo 2010. Cov tsiaj hais los no yog lawv mus muab los ntawm tej kiabkhw nyob hauv Nplogteb li ntawm 93 lub uas nyob rau ntau thaj chaw thiab lawv ntseeg tias yog cov chaw uas tibneeg nyiam mus yos tua thiab tau coj tuaj muag nyob rau tej kiabkhwv neeg kov tau. Txoj kev tshawb tej tsiaj qus thiab kab mob no yog tau txais kev pab los ntawm lub tebchaws Amelika uas yog pab thoob hauv lub qab ntuj no hu ua USAID. Muaj li 39 hom kabmob coronaviruses thiab 25 hom kabmob astroviruses yog nrhiav rau los ntawm Puav, hom kabmob no kuj tsis phomsij luaj twg thiab tiamsis yog leejtwg tau txais lawm yuav ua rau ua pa nyuab, ua npaws, txhaws ntswg thiab mob qa hos yuav siv sijhawm li ntawm 4-5 hnub mam li zoo. Cov tshuaj yuav los kho hom kabmob no kom tus neeg mob noj tshuaj dias taubhau Tiamsis muaj qee hom kuj ua rau neeg mob tag simneej uas raws li lawv paub nyob rau cov tebchaws sab Middle East. Yog xav paub ntau mus nyeem ntawm no
http://www.webmd.com/lung/coronavirus
http://en.wikipedia.org/wiki/Astrovirus

Hos muaj li ntawm 3 hom yog hu ua Herpes thiab Simian yog tshawb tau los ntawm liab thiab cuam los sis hom tsiaj muaj ntsis zoo ib yam li ntawd, hom kabmob no yog kabmob sib kis uas Hmoob hu ua MOB KAS CEES. Xav paub ntau mus nyeem ntxiv nram no.
http://www.herpes.com/
http://en.wikipedia.org/wiki/Simian_foamy_virus

Hom kabmob Coronavirus yog rnhiav tau nyob rau lub khw hauv cov nroog xws Kasxim/Kasy, Vangvieng, Meuag Feung Noos Hais lub xeev Vientiane?Vias Caas. Dhau li lawm cov kabmob hais los lawv kuj tseem nrhiav tau nyob rau cov khw xws li Phoos Xab Vam thiab Nhommalath hauv lub lub nroog Khammuane nyob xeev Saravan.

Tus Dr. uas yog kho mob tej tsiaj hu ua Dr. Zoe Greatores hais tias hom kabmob hais los kuj tsis yog ib hom uas yuav muaj kev phomsij heev rau tibneeg xws li tej hom kabmob zoo li UA NPA NYUAB (SARS) thiab cov Ebola uas tamsim no tshwmsim yob rau sab tebchaws Hnub poob Africa.

Kuv tsis muaj caij ntau yog nej leejtwg xav paub ntau ho mus nyeem ntxiv ntaw no. http://www.vientianetimes.org.la/FreeContent/FreeConten_More.htm

Kawg no yog nej leejtwg tau mus kov tsiaj tag ho tau muaj mob qhov zoo tshaj kom nej mus ntsib tsev Kho mob xwb nws thiaj li yuav pab tau nej vim muaj qee yam nws phomsij heev thiab ua rau tibneeg tag txoj sia raws li keebkwm muaj tseg los lawm.

Nyob zoo sib ntsib dua.

Me kwv Liaj Ntsuab,

Wow...! Nws yuav mus nrhiav ntau yam xov xwm tuaj rau peb nyeem ua luaj li...! Hahahah...! cov uas muab vaj tsev tsoo mus nrhiav mos ab npab rau ncooo tsis tib zoo tsam ho kis tau mes los ntsauv qhov ntoo mas ntshe yuav kho siab xwb lauj...Hahahah...! Tam sim no ib cov hmoob nyob tid, mob cov cab nyob hauv nqaij npuas, noj tau los nyob ntawm neeg daim tawv, sib kis raws khaub ncaws tej mas coob kawg kiag li. Mob li kiav lig, khaus heev thiab nyob ntawm tej nkhib teg los tej chaw tais tej...! Tau nkauj mog puag nej cas kis tau zuam thiab mas tssi tau zoo puag li lawm lauj...! Hahahah...!

Nyob zoo Niamtij,

Haha lam mus xawb tom Nplog lub website los xwb os. Yog kawg yeej txaus ntshai thiab os tiamsis tseem tsis txaus ntshai li koj cov uas koj hais ntawd. Kuv mas ntshai kiavlig tas ib simneej os vim li ntawd kuv mus Nplog kuv thiaj li muab lawv cov pam vov pam pua ua pam pua tag nrho tsis tau pam vov li mas. Cov koj hais no tseem heev tshaj lawm thiab ces ntshe ua li koj hais cov Mos Ab tim peb ntshai kov lawm lau!!! Yog leejtwg tham qhia rau koj ho paub tej xovxwm no?

Ua tsaug ntau

......Kwv liaj ntsuab....Ntuj fa teb lam....Muaj pua txhiab li yam...."Kab mob"....Kuv tug kheej....Tsi tau luag ncig ntuj ploog teb li os?....Yog leej twg?....Tsi noj lug....Tsi mloog hais...."Ntsib xau"

Tij laug XiongChang.
Hais txog tej kab mob txaus ntshai li no ces nej tsis txhob txhawj tsuav tsis yog yus xwb ces lawv ua li cas los kav liam lawv xwb mas.Muaj 1 tug kwv tij Hmoob kwm nyob ntawm kuv nyob no mus yuav tau 1 tug niam yau mos ab tso tseg rau tim nplog ces niam yau mos ab hu tuaj tias kom thaub cia li rov mus saib nws kom sai niam mos ab nco thaub heev no ces thaub los nco nws heev thiab thaub thiaj li yaws khaub yaws tsuag mus txog ces mus nrog niam mos ab pw 1 hmos tag kis sawv los cas zoo li yam khoom muaj ntsis nruj thiab zoo li o tsawv lawm.Nws poob siab heev thiaj nug niam mos ab tias ua cas zoo li kuv txawv kawg li ne.Niam mos ab teb tias koj twb hais rau kuv tias ciaj los 2 leeg ciaj ua ke.Tuag los 2 leeg tuag ua ke no nev.Zaum no kuv kis tau mob kuv yuav tuag kho tsis tau lawm kuv thiaj li hu kom koj los es 2 leeg mob ua ke 2 leeg tuag ua ke xwb los mas.Thaum hnov li no ces thaub khiav tsis yeej rov los tsev los txog tsev los kho teb chaws mes kas no los tsis zoo li thiaj li mus kho puag nram mev teb thiaj li kho tau zoo lawm.Hos niag niam mos ab tim nplog ces nws muab nrauj tso tseg ces tsis hnov xov tias zoo los phem ciaj los tuag lawm.

Nyob zoo tijlaug Xyoojtsab,

Ua cas ntsiagto tau ib ntus no tsis pom koj ua tij tuaj tham pem lawm muaj lus txhawj txog koj ua tij thiab nco koj kawg li os. Zoo siab hnub no rov pom koj tuaj tshwm ntawm no thiab los nrog peb tham os nawb. Koj aw!!! lub ntiajteb no kev nkauj nraug loj hlob heev ces kabmob kev nkauj nraug los loj zoo ib yam nkaus li thiab hehehe yog li koj hais lawm leetwg tsis ceevfaj ces kawg ntsib xaus xwb tiag. Koj saib ntawm no me roj tsuag los ntshaw kev sib hlub tag npaum li thiab ne tos neeg ntiajteb no ntshaw ua luaj li os https://www.youtube.com/watch?v=bdfYUWLJBtg tseem muaj lwm yam ntau ntau uas rhiab qhovmuag heev tsis zoo saib ntxiv.


Nyob zoo tijlaug Xeevtwj,

Koj ua tij hais yeej yog lawm thiab os vim tias ua neeg nyob thaum QAUG kev hlub lawm leejtwg hais los tsis tau lawm ces txhais tau hais tias kavliam no xwb. Tiamsis qhov tiag peb yeej hlub lawv txhua tus vim lawv yog yus li phoojywg, txheebze thiab yog tibneeg ib yam li yus.

......Yam nyiam....Yog txawj nyiam....Thiaj txog hom phiaj....Yam ntshaw....Yog txawj ntshaw....Thiaj tsim txiaj....Yam cia siab....Yog txawj cia siab....Thiaj tau npe nom loj....Muaj koob nto hmoo....Ncha hmoo lug....Nyob sawm txhiaj os?....Yog tsi txawj nyiam....Tau dab xyob txhiaj....Tsi txawj ntshaw....Tau dab tshob cuab....Cuab yig peem tseem tas....Liam txwv tas nrho.