Kwv Liaj Ntsuab,
Kev niam txiv thiab me nyuam nyuam sib hwm, sib txuas lus yooj yim yuav tsum yog yus ua niam ua txiv nrog tej me nyuam sib tham sib hais lus qheb siab lug thaum nruab ntsha los, lawv thiaj li tsw yus tus ntxhiab, thaum lawv loj hlob lawv thiaj li tswv yus. Yog thaum yau yus coj tias lawv me nyuam yaus tsis muaj qab hau hais lus rau ces tos nco xwb lawv twb tig ko hlau rau yus ua me nyuam yaus nyob lawv chaw thaum lawv hlob kiag lawm.
Kuv ntsia mas tus tub yeej dhuav kawg li lawm, twb tsis hais yuav niaj hnub ua uj iv mus tim ub thiab xa nyiaj mus li, tab kev tej laus nrog tej me tub me nyuam nyob es tsis pab ib qho nyiaj los koob lub vaj lub tsev li twb nyuaj tej me nyuam kawg. Yus niag laus twb tsiv tu, tsiv yug, tsiv ntsia tseem ua uj iv tsis saib tej me nyuam, twb ho tsis muab tej nyiaj txiag me me uas tau los txhawb tej me nyuam thiab. Tsis muab pab tej me nyuam los txawm ho muab khaws cia tau siv mas twb ho zoo, tseem muab xa mus rau mos ab noj dawb haus dos thiab yeej yog kev cai uas tus tub yuav tsum ntsw.
Kuv hais ncaj, cov uas tsis tsa hau ntsia ntiaj teb ua neeg, muab taub hau mus ntsaws poj niam ob ceg ces txawm yuav hais av ua zog koog los yeej tsis mloog li; nws tsuas hais nws zaj lem cees uas luag yuav tsis tau xwb, thaum nws mloog ces yog thaum nws twb pom lawm xwb ces lig lawm, thaum ntawd ces tsis thas pom los tau vim twb liam twb poob tag lawm. Ua li tij laug Xyooj Tsab hais los saud, yus ua niam ua txiv, yus yuav tsum ua tus qauv, ua daim iav coj me nyuam kev rau me nyuam kawm, me nyuam thiaj li pom qab ua me nyuam lub neej. Yus yuav tsum ua qhov chaw sov siab rau me nyuam thiaj yog lub sam xeeb niam thiab txiv. Yog yus yog niam thiab txiv tam lub ntuj, yus ho coj tsis phim yus lub sam xeeb mas yeej tsis hum li hmoob ntsuab hais.
Ib co laus mas tos tsis haum me nyuam li, yus niag laus los pheej yuam kom me nyuam ua tej yam niag ruam tshaj qhov ruam li yus, me nyuam tsis kam, me nyuam yeej ua kom tau qhov yus xav ua tab sis lawv ua raws qhov ntse uas lawv txawj ces tsis txaus siab; tsis hais zoo, tsuas niaj hnub foom lawv phem xwb thiaj tsis haum li. Yus yug me tub me nyuam yog yug los hlub, txawm zoo txawm phem los yus ua niam ua txiv yuav tsum hlub lawv rau ntawd, ib hnub twg lawv siab tawg, lawv yeej yuav rov pom qhov zoo qhov haum xeeb xwb. Yog yus cog tsis tus ces me nyuam tseem hluas siab ceev thiab siab tseem tsis tau tawg ces yeej tsiss haum li xwb.
Kuv xav mas tsis tsim nyog tus yawg no muab nws tus tub tua, vim tus tub twb yog siab loj heev thiaj li ua tsev coj niam coj txiv los nrog nyob. Yog yawg ntxhov siab hwv no los yawg rov txo yawg txoj sia mas zoo dua, vim qhov yawg ua ntawd twb tsis yog ib qho zoo. Tsis tag li ntawd, tus tub hnub nyug 36 xyoo, tab tom ua neej txog tog, tej me tub me nyuam tseem me, tseem tshuav ntau yam yuav ua hauv lub neej. Hos yawg thaub laus ces 84 xyoos twb xam hnub xam hmo yuav nkag tom toj ntxas lawm xwb. Yus tus nrhiav teeb meem, yog tsis sib haum ces yus khiav mus nyob yus, tsis txhob thawj luag nyob, ho ua hnub ua hmo muaj lus rau luag mas tsis yog ib qho zoo. Twb yog tej me nyuam txawj xav heev thiaj tseem coj yus niag laus tsw ntxhiab qias neeg los nrog luag tej niam txiv hluas hluas nyob kom khuam luag tes luag taw, yuav ua dab tsi los tseem yuav xam raws seb yuav ua li cas rau yus kom luag thiab tau tes ua mas yus yuav tsum zoo siab rau yus tej me nyuam txawj xav. Yus twb muaj hmoo tau tej me nyuam txawj hlub yus, yus tseem ho tsis yuav, tus liam twb yog yus los yus tseem yuav nrhiav cai thiab ces kawg tsis zoo xwb.