HMOOB TSAV NTUJ

Would you like to react to this message? Create an account in a few clicks or log in to continue.

google-site-verification: googlefbfddf59e706b96b.html

Latest topics

» Ib tsoom Phoojywg Nej Nyob Licas lawm
by Liajntsuab 7th October 2019, 9:45 am

» NCIG XYUAS HMOOB NYAB LAJ TEB TSEEM UA LUB NEEJ NYOB TOJ SIAB
by Tub kev deb 3rd October 2019, 7:19 am

» Tshuaj Ntsuab
by PIJPAUJ 27th November 2018, 11:17 am

» NYOB ZOO OS
by cwjmemdub 10th October 2018, 9:37 pm

» TUS KAB MOB CANCER TXOV HMOOB LOS TAU ZE 600 TAWM XYOO & TSEEM YUAV MUAJ NTXIV
by Liajntsuab 13th April 2018, 11:57 am

» ***UA NEEB***
by shung 8th March 2018, 5:49 pm

» Neeb Saub ua rau neeg vwm
by shung 4th February 2018, 2:58 pm

» Xiong Chang
by koobpovtxuj 10th December 2017, 11:00 am

» Koobpovtxuj.
by koobpovtxuj 19th November 2017, 1:34 am

» kuv cov duab.
by koobpovtxuj 18th November 2017, 11:30 am

» KHAWV KOOB
by koobpovtxuj 30th September 2017, 4:29 pm

» tus Tswv Cheem Rog yog leeg twg ?
by koobpovtxuj 13th August 2017, 9:03 pm

» Nco txog Phas Nyas Tub Npis Lis Foom Txiaj Ntsim.
by Admin 1st August 2017, 5:12 pm

Tsev seev PajHuam

Pov Hwm Koj Cov Zaub Mov. Nraug_11

Hmong beauty nature

Pov Hwm Koj Cov Zaub Mov. Dsc08613

Compteur visitor

hnub 18/09/2010 los mus

    Pov Hwm Koj Cov Zaub Mov.

    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    Pov Hwm Koj Cov Zaub Mov. Empty Pov Hwm Koj Cov Zaub Mov.

    Post  koojziagkabzaug 25th May 2013, 7:41 am



    Pov Hwm Koj Cov Zaub Mov

    Pov Hwm Koj Cov Zaub Mov. 112

    Cov zaub mov uas lwj lawm yuav ua rau koj mob. Nov hu ua kev phiv zaub mov, los sis noj tsis haum. Tej thaum tib neeg xav hais tias lawv “ua npaws” los sis “mob plab,” tiam sis yog lawv noj txhaum lawm xwb. Koj pov hwm tau koj cov zaub mov. Yuav tsum yuav cov zaub mov zoo thiab ua tib zoo khaws cia hauv koj lub tsev. Ua li cas cov zaub mov thiaj lwj?
    Yog vim muaj ib co kab; Cov kab lo los rau ntawm cov zaub mov thiab loj hlob tuaj. Koj yeej pom tsis tau cov kab no ntawm cov zaub mov li. Thiab koj yeej hnov tsis tau cov kab no tsw los sis saj tsis tau cov kab no txhua lub sij hawm. Muaj tej yam zaub mov uas cov kab no nyiam tshaj plaws: Mis nyuj thiab lwm yam khoom uas muaj mis nyuj nyob hauv, qe, nqaij, nqaij qaib, nqaij ntses, txiv hmab txiv ntoo thiab zaub. Tej zaub mov uas feem ntau yuav muaj tej kab no nyob hauv uas yuav ua rau koj mob yog: cov kua txiv hmab txiv ntoo uas tsis tau muab hau (xws li kua txiv as paum), kaus taum - qe nyoo thiab tej zaub mov uas xyaw qe nyoo (xws li cov kua nplaum uas ua khob noom cookie thiab cov kua qaub uas nchuav rau hauv zaub xav lav [salad]).

    Tej Zaub Mov Zoo Tom Kiab Khw

    Yuav cov kos poom thiab cov hwj uas zoo tag nrho. Cov kos poom puas hmlos qhov twg? Cov hwj puas tawg pleb qhov twg? Cov hwj puas muaj lub hau uas kaw tsis ntom? Tej zaum cov zaub mov no yuav muaj tej kab uas yuav ua rau koj mob plab. Ua tib zoo xyuas cov qe. Qhib teb qe saib seb cov qe puas tawg. Tsuas yuav cov qe hauv kiab khw uas nyob hauv txee txias xwb thiab muab tso hauv txee txias
    thaum uas koj txog tsev. Cov nqaij nyoo, nqaij qaib, thiab nqaij ntses nyoo yeej muaj cov kua uas si los. Tej zaum cov kua uas si los no yuav muaj tej kab nyob hauv. Ua tib zoo tsis txhob cia cov kua no ntub rau lwm cov zaub mov. Muab cov nqaij nyoo, nqaij qaib, thiab nqaij ntses nyoo ntim rau hauv ib lub hnab yas ua ntej koj muab tso rau hauv koj lub tawb nqa khoom. Yuav tsum khaws cov mis nyuj thiab lwm yam khoom txias thaum kawg. Ua li no cov khoom no thiaj li yuav tsis muaj sij hawm sov tuaj ua ntej koj mus txog tsev; yuav tsum khaws cov nqaij qaib uas twb ua siav lawm es tseem kub kub thiab lwm yam zaub mov kub thaum kawg thiab. Ua li no cov khoom no thiaj li yuav tsis muaj sij hawm txias tuaj ua ntej koj mus txog tsev.

    Pov Hwm Cov Zaub Mov Tom Tsev
    Tom qab kav kiab kav khw tas lawm, mus tsev sai li sai tau. Ces muab cov zaub mov tso rau hauv tub yees los sis lub freezer tam sim ntawd. Yuav tsum muab cov qe tso rau hauv tub yees, tiam sis TSIS TXHOB muab tso rau ntawm lub qhov rooj tub yees. Yuav tsum ua tib zoo ntxuav tes thiab ntxuav chav ua mov noj. Yuav tsum siv li 20 vib na this ntxuav koj txhais tes ua ntej thiab tom qab koj tau kov ib yam zaub mov. Siv dej sov thiab xub npus. Siv dej kub thiab xub npus ntxuav lub log cam ua ntej koj siv txhoov lwm yam. Ntxuav
    txhua tsav txhua yam ua ntej thiab tom qab qhov ntawd tau chwv ib yam zaub mov twg lawm. Kom haj yam pov hwm tau koj, cia li siv cov tshuaj txhuam tsev los ntxuav lub log cam, ib yam tshuaj uas koj siv tau yog thaum koj muab ib me nyuam diav tshuaj ntxhua khaub ncaws kom dawb los tov rau ib thoob dej. Thaum lub log cam qub heev los sis ntxuav nyuaj heev lawm, ces cia li muab pov tseg thiab yuav dua ib lub tshiab. Siv dej ntshiab uas txias ua tib zoo ntxuav cov txiv hmab txiv ntoo thiab cov zaub tshiab ua ntej yuav noj. Tsis txhob siv tshuaj los sis xub npus ntxuav. Siv ib tug nplauv (brush) huv huv txhuam cov txiv hmab txiv ntoo zoo li dib pag thiab dib. Txiav tej qhov chaw uas doog los sis lwj tawm ua ntej koj noj. Cov nqaij nyoo, nqaij qaib nyoo, nqaij ntses nyoo thiab qe nyoo txawj ki cov kab rau hauv chav tsev ua mov noj. Tsis txhob cia cov nqaij nyoo thiab cov kua nqaij nyoo no chwv los sis si rau lwm cov zaub mov. Yog hais tias koj siv tej log cam, yuav tsum tseg ib lub log cam uas siv txhoov cov nqaij, cov nqaij qaib, nqaij ntses, thiab qe nyoo xwb. Koj puas tau siv ib txoj phuam los so cov kua nqaij? Yuav tsum muab txoj phuam ntxhua tso koj mam rov qab
    siv dua. Los sis, siv cov ntawv so tes los so tas ces muab pov tseg xwb. Nqaij, nqaij qaib thiab nqaij ntses txawm hais tias koj thau los kom yaj nab kuab los tseem yuav tsum nyob rau qhov chaw txias txias. Cia cov nqaij no yaj nab kuab rau hauv lub tub yees (Tso rau hauv tub yees kom pib yaj nab kuab li ib los sis ob hnub ua ntej koj yuav siv cov nqaij no.) los sis tso rau hauv lub microwave (Nias lub khawm uas hais tias “defrost” no) . Yog hais tias cov nab kuab yaj tag lawm ces cia li muab ua noj tas sim ntawd.

    Pov Hwm Koj Cov Zaub Mov. 211
    Cov nqaij nyoo, nqaij qaib nyoo, nqaij ntses nyoo, thiab qe nyoo ua tau rau koj mob. Yuav tsum ua kom tej no siav siav lawm tso mam li noj. Yog hais tias ua tau no ces, siv ib tug ntsuas los ntsuas saib hov kub thaum ua nqaij qaib thiab lwm yam nqaij. Yog hais tias ua tau no ces siv ib tug ntsuas los ntsuas saib hov kub thaum koj ci cov nqaij tsuav uas muab puab ua ib daim lawm. Yuav tsum ua kom kub li 160. Yog hais tias koj tsis muaj ib tug ntsuas, tsis txhob noj cov nqaij tsuav ntawd yog hais tias cov nqaij tseem liab
    liab. Siv ib rab rawg hno tus ntses uas siav lawm. Cov nqaij yuav tsum phom phom. Yuav tsum ua kom cov qe thiab nkaub qe khov es, tsis txhob ua kua lawm. Yog tias tseg cov zaub mov cia ntau tshaj ob xuab moos, cov kab yuav pib loj hlob tuaj. Yog li ntawd yuav
    tsum muab cov zaub mov uas seem cia rau hauv tub yees los sis lub freezer tom qab koj noj mov tag lawm. Muab cov zaub mov seem tso rau hauv tej lub tais ntiav ntiav kom thiaj li txias sai. Puas yog koj muab cov zaub mov seem cia rau hauv tub yees? Yuav tsum
    muab los noj li ob peb hnub tom qab ntawd, kom cov zaub mov thiaj tsis lwj. Kev Pov Hwm Koj Cov Zaub Mov Tsis paub hais tias yuav ua li cas thiaj li ntsuas tau saib cov zaub mov puas tseem zoo. Txawm hais tias tseem tsw qab, thiab noj qab los tej thaum cov zaub mov twb tsis zoo lawm. yuav tsum ceev faj. Yuav cov zaub mov zoo. Ua tib zoo pov hwm hauv tsev. Yog tias koj xav hais tias cov zaub mov tsis zoo lawm, tsis txhob saj kiag li. Nco qab ntsoov li no: Thaum twg yog hais tias tsis paub, cia li muab pov tseg xwb!

    Koj puas muaj lus noog txog txoj kev pov hwm zaub mov?

    Hu rau 1-888-SAFEFOOD
    (1-888-723-3366).
    Funding provided by
    FDA's Center for Food Safety & Applied Nutrition
    in conjunction with the Minneapolis District Office.
    Text

    Food and Drug Administration
    (FDA)
    Brochure 00-2234 September 2000 (Rev 2004)
    www.fda.gov
    Keep Your Food Safe – Hmong – 10/20/04 (Reviewed 3/06)


    Pov Hwm Koj Cov Zaub Mov. Tumblr_me2k68QILF1qgawlzo1_500

      Current date/time is 28th March 2024, 1:42 pm